TITUS
Avestan Corpus
Part No. 125
Previous part

Chapter: 9 
Paragraph: 1 
Verse: a    haomanąm. uzdātanąm.
Verse: b    zaoϑranąm. uzdātanąm.
Verse: c       uzdātanąm. uzdāhiiamnanąm.1
Verse: d       vārəϑraγninąm. paiti.biṣ̌inąm.2
Verse: e          aṣ̌ōiš. baēṣ̌aza. hacimnanąm.
Verse: f          cistōiš. baēṣ̌aza. hacimnanąm.
Verse: g          mazdā̊. baēṣ̌aza. hacimnanąm.
Verse: h          zaraϑuštrahe. baēṣ̌aza. hacimnanąm.
Verse: i          3zaraϑuštrōtəmahe. baēṣ̌aza. hacimnanąm.

Paragraph: 2 
Verse: a    auua. baēṣ̌aza. hacimnanąm.
Verse: b       yā. humāiiehe. aṣ̌aonō.
Verse: c       yā. humāiiehe. pairijaϑnō.
Verse: d       yā. daēnaiiā̊. vaŋhuiiā̊. māzdaiiasnōiš.
Verse: e       yā. dahmaiiā̊. vaŋhuiiā̊. āfritōiš.
Verse: f       yā. dahmaiiā̊. vaŋhuiiā̊. anādruxtōiš.1
Verse: g       yā. dahmaiiā̊. vaŋhuiiā̊. anauuauruxtōiš.2

Paragraph: 3 
Verse: a    āuuistaiiaēca. aiβi.vistaiiaēca.1 aiβiš.hutaiiaēca.2
Verse: b       upāštaiiaēca.3 upaŋharštaiiaēca.
Verse: c       hufrāiiaštaiiaēca. huframərətaiiaēca.4
Verse: d          yōi. həṇti. haoma.
Verse: e             sūra. spəṇta. aṣ̌auuana.
Verse: f             aṣ̌aiia. uzdāta.
Verse: g             aṣ̌aiia. uzdāhiiamna.
Verse: h             aṣ̌aiia. aiβi.vaēδaiiamna.5
Verse: i             aṣ̌aiia. aiβi.vaēδaiiaṇta.6
Verse: j             aṣ̌aiia. hunuuana.
Verse: k             aṣ̌aiia. haoš́iiaṇta.

Paragraph: 4 
Verse: a    amauuatō. amāi.1 amauuatō. vərəϑraγnāi.2
Verse: b    amauuaiϑiiā̊. ərəϑiiā̊.3
Verse: c    amauuaiϑiiā̊. aṣ̌ōiš. amauuaiϑiiā̊. cistōiš.
Verse: d    amauuaiϑiiā̊. pauruuatātō. amauuaiϑiiā̊. uparatātō.
Verse: e    amauuat̰biiō. aēibiiō. yazataēibiiō.
Verse: f       yat̰. aməṣ̌aēibiiō. spəṇtaēibiiō.
Verse: g          huxṣ̌aϑraēibiiō. huδābiiō.4
Verse: h          yauuaējibiiō. yauuaēsubiiō.
Verse: i             yōi. vaŋhə̄uš. ā.manaŋhō.5 š́iieiṇti.6
Verse: j             yā̊sca. uiti.

Paragraph: 5 
Verse: a    hauruuatā̊sca. nō. amərətātā̊.1
Verse: b       gə̄ušca. taṣ̌nō.2 gə̄ušca. urunō.2
Verse: c       āϑrasca. aoxtō.nāmanō.
Verse: d       hadiṣ̌asca. aṣ̌iuuatō.3 vāstrauuatō.
Verse: e          xvāϑrauuatō.4 marždikauuatō.5

Paragraph: 6 
Verse: a    1staotaca.
Verse: b       yasnāica. vahmāica.2 frasastaiiaēca.
Verse: c          yat̰. aēṣ̌a. ahurahe. mazdā̊.
Verse: d          yat̰. aēṣ̌a. aməṣ̌anąm. spəṇtanąm.
Verse: e          ratə̄ušca. aṣ̌aonō. bərəzatō.
Verse: f       yasnāica. vahmāica.
Verse: g          yat̰. apanōtəmahe. raϑβō.
Verse: h          yat̰. jaγmūš́iiā̊.3 aṣ̌ōiš.
Verse: i          yat̰. jaγmūš́iiā̊. ratufritōiš.

Paragraph: 7 
Verse: a          yat̰. mąϑrahe. spəṇtahe.
Verse: b          yat̰. daēnaiiā̊. māzdaiiasnōiš.
Verse: c          yat̰. staotanąm. yesniianąm.
Verse: d          yat̰. vīspaēṣ̌ąmca. raϑβąm. vīspanąmca. ratufritinąm.
Verse: e             vīspaiiā̊. sącat̰ca.1 aṣ̌aonō. stōiš.
Verse: f       yasnāica. vahmāica. xṣ̌naoϑrāica. frasastaiiaēca.
Verse: g    sraoṣ̌ō. astū.2
Verse: h       †hiiat̰. paouruuīm. tat̰. ustəməmcīt̰:3 (zōt̰.)

Verse: Q1a    yaϑā. ahū. vairiiō.
Verse: Q1b       yō. ātrauuaxṣ̌ō. frā.mē. mrūtē: (rāspī.)
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū:
Verse: Q1e    yaϑā. ahū. vairiiō.
Verse: Q1d       yō. zaotā. frā.mē. mrūtē: (zōt̰.)
Verse: Q1e    aϑā. ratuš. aṣ̌āt̰cīt̰. haca.
Verse: Q1f       frā. aṣ̌auua. vīδuuā̊. mraotū.


Verse: Q2a    yeŋ́hē. hātąm.   āat̰. yesnē. paitī. vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.†::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.