TITUS
Avestan Corpus
Part No. 140
Previous part

Chapter: 24 
Paragraph: 0 
Verse: a    †ahurəm. mazdąm. aṣ̌auuanəm. aṣ̌ahe. ratūm. yazamaide:
Verse: b    zaraϑuštrəm. aṣ̌auuanəm. aṣ̌ahe. ratūm. yazamaide:
Verse: c    zaraϑuštrahe. aṣ̌aonō. frauuaṣ̌īm. yazamaide:
Verse: d    aməṣ̌ə̄. spəṇtə̄. aṣ̌aonąm. yazamaide:
Verse: e    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: f       astuuatō. manahiiāca:
Verse: g    apanōtəməm. raϑβąm. yazamaide.
Verse: h       yaētuštəməm. yazatanąm. haŋhanuštəməm. aṣ̌ahe. raϑβąm.
Verse: i    aiβinasąstəməm. jaγmūštəmąm. aṣ̌aonō. aṣ̌ahe. raϑβō. ratufritīm. yazamaide:

Verse: j    airiiamanəm. iṣ̌īm.1 aṣ̌auuanəm. aṣ̌ahe. ratūm. yazamaide.

Verse: k       mat̰.afsmanəm.2 mat̰.vacastaštīm.
Verse: l       mat̰.āzaiṇtīm. mat̰.pərəsūm.2 mat̰.paiti.pərəsūm.2
Verse: m       mat̰. vaγžibiiāca. pat̰biiasca.2
Verse: n       huframərətəm.3 framarəmnəm.2
Verse: o       hufrāiiaštəm. frāiiaēziiaṇtəm.4
Verse: p          xvahmi. dąm. xvahmi. ciϑre.
Verse: q          xvahmi. zaoṣ̌e. xvahmi. xṣ̌aϑre.
Verse: r          xvahmi. ratauuō. xvahmi. āiiaptəm.
Verse: s             yat̰. ahurahe. mazdā̊.
Verse: t          fraorət̰. fraxṣ̌ne.5 auui. manō.
Verse: u             zrazdātōit̰. aŋhuiiat̰. haca.:

{= Y. 16,1}
Verse: Q1a    ātrəmca. iδa. ahurahe. mazdā̊. puϑrəm. yazamaide:
Verse: Q1b    ātarš.ciϑrə̄sca. yazatə̄. yazamaide:
Verse: Q1c    ātarš.ciϑrə̄sca. raṣ̌nušca. yazamaide:
Verse: Q1d    aṣ̌āunąmca. frauuaṣ̌aiiō. yazamaide:
Verse: Q1e    sraoṣ̌əmca. yim. vərəϑrājanəm. yazamaide:
Verse: Q1f    narəmca. yim. aṣ̌auuanəm. yazamaide:
Verse: Q1g    vīspąmca. yąm. aṣ̌aonō. stīm. yazamaide.

{= Y. 16,2}
Verse: Q2a    zaraϑuštrahe. spitāmahe. iδa. aṣ̌aonō. aṣ̌īmca. frauuaṣ̌īmca. yazamaide:
Verse: Q2c    vīspaēca. iδa. aṣ̌aonō. aṣ̌īmca. frauuaṣ̌īmca. yazamaide:
Verse: Q2d    vīspā̊. frauuaṣ̌aiiō. aṣ̌āunąm. yazamaide:
Verse: Q2e    ādax́iiunąmca. aṣ̌aonąm. frauuaṣ̌aiiō. yazamaide:
Verse: Q2g    uzdāx́iiunąmca. aṣ̌aonąm. frauuaṣ̌aiiō. yazamaide:
Verse: Q2h    narąmca. aṣ̌aonąm. frauuaṣ̌aiiō. yazamaide:
Verse: Q2i    nāirinąmca. aṣ̌aoninąm. frauuaṣ̌aiiō. yazamaide.

{= Y. 16,3}
Verse: Q3a    yaēṣ̌ąm. nō. ahurō. mazdā̊. aṣ̌auua.
Verse: Q3b       yesne. paiti. vaŋhō. vaēδa.
Verse: Q3j    aēṣ̌ąm. zaraϑuštrō. aŋhuca. ratušca:
Verse: Q3c    ṣ̌ōiϑriia. apasca. zəmasca. uruuarā̊sca. yazamaide.: (du. bār.)

{= Y. 16,1}
Verse: Q4a    ātrəmca. iδa. ahurahe. mazdā̊. puϑrəm. yazamaide:
Verse: Q4b    ātarš.ciϑrə̄sca. yazatə̄. yazamaide:
Verse: Q4c    ātarš.ciϑrə̄sca. raṣ̌nušca. yazamaide:
Verse: Q4d    aṣ̌āunąmca. frauuaṣ̌aiiō. yazamaide:
Verse: Q4e    sraoṣ̌əmca. yim. vərəϑrājanəm. yazamaide:
Verse: Q4f    narəmca. yim. aṣ̌auuanəm. yazamaide:
Verse: Q4g    vīspąmca. yąm. aṣ̌aonō. stīm. yazamaide.

{= Y. 16,2}
Verse: Q5a    zaraϑuštrahe. spitāmahe. iδa. aṣ̌aonō. aṣ̌īmca. frauuaṣ̌īmca. yazamaide:
Verse: Q5c    vīspaēca. iδa. aṣ̌aonō. aṣ̌īmca. frauuaṣ̌īmca. yazamaide:
Verse: Q5d    vīspā̊. frauuaṣ̌aiiō. aṣ̌āunąm. yazamaide:
Verse: Q5e    ādax́iiunąmca. aṣ̌aonąm. frauuaṣ̌aiiō. yazamaide:
Verse: Q5g    uzdāx́iiunąmca. aṣ̌aonąm. frauuaṣ̌aiiō. yazamaide:
Verse: Q5h    narąmca. aṣ̌aonąm. frauuaṣ̌aiiō. yazamaide:
Verse: Q5i    nāirinąmca. aṣ̌aoninąm. frauuaṣ̌aiiō. yazamaide.

{= Y. 16,3}
Verse: Q6a    yaēṣ̌ąm. nō. ahurō. mazdā̊. aṣ̌auua.
Verse: Q6b       yesne. paiti. vaŋhō. vaēδa.
Verse: Q6j    aēṣ̌ąm. zaraϑuštrō. aŋhuca. ratušca:
Verse: Q6c    ṣ̌ōiϑriia. apasca. zəmasca. uruuarā̊sca. yazamaide.:

Paragraph: 1 
Verse: a    auuat̰. miždəm.1 yazamaide:
Verse: b    auuat̰. dasuuarə.2 yazamaide:
Verse: c    auuat̰. baēṣ̌azəm. yazamaide:
Verse: d    auuat̰. fradaϑəm. yazamaide:
Verse: e    auuat̰. varədaϑəm. yazamaide:
Verse: f    auuat̰. vərəϑraγnəm. yazamaide.
Verse: g       yat̰. asti. aṇtarə.3 ahune. airiiamana.
Verse: h          framərəiti.4
Verse: i             humatanąmca. +hūxtanąmca. huuarštanąmca.
Verse: j          paitištātə̄e.
Verse: k             dušmatanąmca. dužūxtanąmca. dužuuarštanąmca.
Verse: l          uzuuarəzāi. māuuōiia.
Verse: m             miϑō.matanąmca. miϑōxtanąmca.5 miϑōuuarštanąmca. (čihār. bār.)

Paragraph: 1_R1 
Verse: a    auuat̰. miždəm. yazamaide:
Verse: b    auuat̰. dasuuarə. yazamaide:
Verse: c    auuat̰. baēṣ̌azəm. yazamaide:
Verse: d    auuat̰. fradaϑəm. yazamaide:
Verse: e    auuat̰. varədaϑəm. yazamaide:
Verse: f    auuat̰. vərəϑraγnəm. yazamaide.
Verse: g       yat̰. asti. aṇtarə. ahune. airiiamana.
Verse: h          framərəiti.
Verse: i             humatanąmca. +hūxtanąmca. huuarštanąmca.
Verse: j          paitištātə̄e.
Verse: k             dušmatanąmca. dužūxtanąmca. dužuuarštanąmca.
Verse: l          uzuuarəzāi. māuuōiia.
Verse: m             miϑō.matanąmca. miϑōxtanąmca. miϑōuuarštanąmca.

Paragraph: 1_R2 
Verse: a    auuat̰. miždəm. yazamaide:
Verse: b    auuat̰. dasuuarə. yazamaide:
Verse: c    auuat̰. baēṣ̌azəm. yazamaide:
Verse: d    auuat̰. fradaϑəm. yazamaide:
Verse: e    auuat̰. varədaϑəm. yazamaide:
Verse: f    auuat̰. vərəϑraγnəm. yazamaide.
Verse: g       yat̰. asti. aṇtarə. ahune. airiiamana.
Verse: h          framərəiti.
Verse: i             humatanąmca. +hūxtanąmca. huuarštanąmca.
Verse: j          paitištātə̄e.
Verse: k             dušmatanąmca. dužūxtanąmca. dužuuarštanąmca.
Verse: l          uzuuarəzāi. māuuōiia.
Verse: m             miϑō.matanąmca. miϑōxtanąmca. miϑōuuarštanąmca.

Paragraph: 1_R3 
Verse: a    auuat̰. miždəm. yazamaide:
Verse: b    auuat̰. dasuuarə. yazamaide:
Verse: c    auuat̰. baēṣ̌azəm. yazamaide:
Verse: d    auuat̰. fradaϑəm. yazamaide:
Verse: e    auuat̰. varədaϑəm. yazamaide:
Verse: f    auuat̰. vərəϑraγnəm. yazamaide.
Verse: g       yat̰. asti. aṇtarə. ahune. airiiamana.
Verse: h          framərəiti.
Verse: i             humatanąmca. +hūxtanąmca. huuarštanąmca.
Verse: j          paitištātə̄e.
Verse: k             dušmatanąmca. dužūxtanąmca. dužuuarštanąmca.
Verse: l          uzuuarəzāi. māuuōiia.
Verse: m             miϑō.matanąmca. miϑōxtanąmca. miϑōuuarštanąmca.


Paragraph: 2 
Verse: a    airiiamanō. iš́iiehe.1 haṇdātā. yazamaide:
Verse: b    airiiamanō. iš́iiehe. yazamaide.
Verse: c       2hāitišca. afsmanāca. {~ Vr. 14,4}
Verse: d       vacasca. vacastaštīmca.
Verse: e       frasraoϑrəmca. framarəϑrəmca.
Verse: f       fragāϑrəmca. frāiiaštīmca:

{~ Vr. 7,5}
Verse: Q1g    ϑβąm. ātrəm. ahurahe. mazdā̊. puϑrəm. aṣ̌auuanəm. aṣ̌ahe. ratūm. yazamaide:
Verse: Q1h       haδa.zaoϑrəm. haδa.aiβiiā̊ŋhanəm.
Verse: Q1i    imat̰. barəsma. aṣ̌aiia. frastarətəm. aṣ̌auuanəm. aṣ̌ahe. ratūm. yazamaide:
Verse: Q1j    apąm. naptārəm. yazamaide:
Verse: Q1k    nairīm. saŋhəm. yazamaide::
Verse: Q1l    taxməm. dāmōiš. upamanəm. yazatəm. yazamaide::
Verse: Q1m    iristanąm. uruuąnō. yazamaide::
Verse: Q1n       yā̊. aṣ̌aonąm. frauuaṣ̌aiiō.

Verse: Q2o    ratūm. bərəzaṇtəm. yazamaide::
Verse: Q2p       yim. ahurəm. mazdąm.
Verse: Q2q          yō. aṣ̌ahe. apanōtəmō.
Verse: Q2r          yō. aṣ̌ahe. jaγmūštəmō::
Verse: Q2s    vīspa. srauuā̊. zaraϑuštri. yazamaide::
Verse: Q2t    vīspaca. huuaršta. š́iiaoϑna. yazamaide.
Verse: Q2u       varštaca. varəš́iiamnaca.::


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.†::


Paragraph: 3 
Verse: a    1staomi. aṣ̌əm.:

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si. bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::


Verse: Q2a    nāismī.2 daēuuō.:

{= Y. 12,1}
Verse: Q2b    frauuarānē. mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: Q2c       staotā. aməṣ̌anąm. spəṇtanąm.
Verse: Q2d       yaštā. aməṣ̌anąm. spəṇtanąm::
Verse: Q2e    ahurāi. mazdāi. vaŋhauuē. vohumaitē. vīspā. vohū. cinahmī.
Verse: Q2f       aṣ̌āunē. raēuuaitē. xvarənaŋuhaitē.
Verse: Q2g          yā. zī. cīcā. vahištā.
Verse: Q2h       yeŋ́hē. gāuš.
Verse: Q2i       yeŋ́hē. aṣ̌əm.
Verse: Q2j       yeŋ́hē. raocā̊.
Verse: Q2k       yeŋ́hē. raocə̄bīš. rōiϑβən. xvāϑrā.::

Verse: Q3a    aēuuō. paṇtā̊. yō. aṣ̌ahe.
Verse: Q3b       vīspe. aniiaēṣ̌ąm. apaṇtąm.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.