TITUS
Avestan Corpus
Part No. 172
Previous part

Chapter: 4 
Paragraph: 24 
Verse: a    āat̰. aoxta. zaraϑuštrō.
Verse: b          puϑra. kauua. vīštāspa.
Verse: c       nizbaiiaiša.1 ϑβā. ahurō. mazdā̊. {~ Vd. 19,13}
Verse: d          paouru.xvarənaŋha. ahura. mazda.
Verse: e             ϑβāṣ̌ahe. xvaδātahe.
Verse: f             zruuānahe. akaranahe.
Verse: g             vaiiaoš. uparō.kairiiehe.
Verse: h       nizbaiiaiša.1
Verse: i          vātō. taxmō. mazdaδātō.2

Paragraph: 25 
Verse: a    baγō.baxtō. paiti.mruiiā̊.
Verse: b       yaϑa. vā. yat̰. daϑat̰. āiiapta.
Verse: c    tūm. ahe. bərətiiāt̰.1
Verse: d       drujō. vanāne. taxmō. spəṇtō.δātāi.1
Verse: e          paouru.spaxštīm. t̰biṣ̌aiiaṇtąm. {~ V. 57,26 u.a.}
Verse: f          paiti.jaitīm.2 dušmainiiauuanąm.
Verse: g          haϑrāniuuāitīm. hamərəϑanąm.
Verse: h             auruuaϑanąm. t̰biṣ̌iiaṇtąm.3

Paragraph: 26 
Verse: a    aētat̰. uxδəm. vacō. framruiiā̊.
Verse: b       paouruuō. vasta. šaota.1 tanūm.
Verse: c    uzuuarəziiāt̰. puϑra. kauua. vīštāspa.
Verse: d       taxməm. həṇtəm. raϑaēštārəm.2
Verse: e       yazūm. puϑrəm. ahurahe.
Verse: f             ϑβā. paiti. ātarō.
Verse: g          3daēum. kauuaṇdəm. {~ Vd. 19,41}
Verse: h             baŋhəm. vībaŋhəm.4
Verse: i             drujaskanąm. hąm.pataiti.5
Verse: j          druuatąm. daēuuaiiasnanąm.
Verse: k          mərəzi.jītīm. maṣ̌iiānąm.

Paragraph: 27 
Verse: a       paϑąm. zruuō.dātanąm.2 {~ Vd. 19,29}
Verse: b          upā. ϑβaiieiti.3
Verse: c             yasca. druuaite.4 yasca. aṣ̌aone.5
Verse: d       6baoδəm. auuaϑa. fratərəsəṇti. {~ Vd. 19,33}
Verse: e          yaϑa. maēṣ̌i.7 vəhrkauuaiti.
Verse: f             vəhrkat.8 haca. fratərəsaiti.9

Paragraph: 28 
Verse: a    garō. spəṇtahe. nəmāne.
Verse: b       yat̰. srīrəm. karštu.1 vīspō.paϑa.1 {~ Vyt. 4,33}
Verse: c    uzbāraiiat̰.2 haṇdāta.
Verse: d       staotanąm. yesniianąm.
Verse: e    vacō. uxδəm. zī. vā. bauuāt̰.
Verse: f       hā. vā. nōit̰. nā.
Verse: g          paiϑiiā̊ṇte.3 šē. zaraϑuštra.
Verse: h       nāca. kainica. hanāca.4 {~ Vd. 15,14l}
Verse: i          baoδō. hiiāt̰.
Verse: j    paiti.aoxta. zaraϑuštra.
Verse: k          puϑra.5 kauua. vīštāspa.

Paragraph: 29 
Verse: a    iziieiti.1 zī. spitama. zaraϑuštra.
Verse: b       pasca. upa.stūitīm.
Verse: c          auuat̰. asō. haṇdāitīm.
Verse: d          yaϑa. aspa. aγrišiiā.2
Verse: e             aparat̰. haca. uruuaēsāt̰.3
Verse: f             fratarəm.4 uruuaēsəm.3 nāšəmca. {~ Yt. 13,58b}
Verse: g                γanānā̊. druja. paouruuainīšca.5

Paragraph: 30 
Verse: a    uziieiti.1 zī. zauuauuat̰.2
Verse: b    iziiatica.3 mazdiiascit̰.4 vohu.
Verse: c       yaϑana. aŋ́he. aiiąn. narasca. nāiriiasca.5
Verse: d       nāca. jōišca.6 miždahe.
Verse: e          afrəraiti. gərəβiieiti.
Verse: f             yō.7 gərəβiiaite.8
Verse: g             yō. nō. aēṣ̌ąm. aŋhunąm.
Verse: h                   hātąm. nidārō.9 aŋhat̰.
Verse: i                naēδaca. vaŋ́he.8 paiti.
Verse: j                   ušta. vaŋ́hō. buuat̰.10
Verse: k                      saoṣ̌iiąs. dīš. vərəϑraja.

Paragraph: 31 
Verse: a    āat̰. ahmāi. he. daδāt̰. bauuat̰.1
Verse: b       yō. haxaδre. hanaire.2 apō. {~ Vyt. 2,10}
Verse: c          nōit̰. maēsmana. gə̄uš. zasta.3
Verse: d    āat̰. tūm. puϑrō. bərəϑiiāt̰. buuat̰.4
Verse: e       yō. asti. snaoδō.manā̊.5
Verse: f       yō. nōit̰. aϑa. snaoδō.vacā̊.
Verse: g       yō. nōit̰. aϑa.6 snaoδō.šaoϑnā̊.7
Verse: h          sraota. me. mərəždāta. me.8

Paragraph: 32 
Verse: a    jimama. te. daēsaiiama.1 te.
Verse: b          zaraϑuštra.
Verse: c       vaēm. yōi. aməṣ̌ā. spəṇta.
Verse: d          aheca. aŋhə̄uš.2
Verse: e             darəγāi. haosrauuaŋ́hāi.
Verse: f          manahiieheca. aŋhə̄uš.2
Verse: g             darəγāi. hauuaŋ́hāi.
Verse: h                urune. asti. vahištəm.

Paragraph: 33 
Verse: a    nī. uštatāite.1 nī. vahištāi. aŋuhe.2
Verse: b       nī. ahurahe. mazdā̊. garō. nəmānāi.
Verse: c          yat̰. srīrəm. karšti.3 vīspō.paēsō.3 {~ Vyt. 4,28}
Verse: d             yaϑa. āat̰. aŋhaot̰. baoδō.baxtica.4
Verse: e             yaϑa. māuuaiia. yat̰. ahurāi. mazdāi.
Verse: f                srīrā. pərəsō. disiiatu.
Verse: g             yaϑa. māuuaiia. yat̰. ahurāi. mazdāi.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.