TITUS
Avestan Corpus
Part No. 173
Previous part

Chapter: 5 
Paragraph: 34 
Verse: a    baxṣ̌ā̊ṇti. raēšca. xvarənasca. {~ Vyt. 7,46}
Verse: b       fraiiąhaϑaβδca.1
Verse: c       auruuat̰.aspāca. usasca.
Verse: d    ahmāi. puϑrąš.2 daδāiti. usaiti.
Verse: e    jamiiāt̰. tūm. puϑrō. kauua. vīštāspa.
Verse: f    paiti.aoxta. zaraϑuštra.
Verse: g       daēnaiiā̊sca. māzdaiiasnōiš.
Verse: h          yaϑa. yat̰. te. frauuaocāma.
Verse: i    bauuat̰. yō. haxaδrāi. hanaire.3 {~ Vyt. 2,10 u. 4,30}

Paragraph: 35 
Verse: a    bāδa. te. framruiiā̊. tarasca. {~ Vd. 3,29d}
Verse: b       ā̊ŋhāδō.1 sarascaṇtīš.2
Verse: c    xvarəϑā̊. bairiieiṇte.3 te.
Verse: d       aēibiiō. bairiieiṇte.3
Verse: e          aēṣ̌ąm.4 dim. frāiiō.vohunąm.5
Verse: f    naēδa. ϑβąm. ham.paϑiieiti.
Verse: g       drujō. spaiti.6
Verse: h    aϑra. xṣ̌aϑrāt̰. xṣ̌aiiamna. xṣ̌ōiϑra.
Verse: i    mā. ϑβā. daēna. māzdaiiasniš.7
Verse: j       aspahe. sparōit̰.

Paragraph: 36 
Verse: a    sparmaini. te. zī. hṇm.šištō.1
Verse: b       vīspahe. aŋhə̄uš. astuuatō.
Verse: c    bāδa. iδa. hištəṇtā̊.
Verse: d       tūm. brātrauuaitīš.
Verse: e    bāδa. iδa. aniiehe.2 {~ Vd. 3,29}
Verse: f       duuarə. sraiianō.3
Verse: g       xvarəṇtīš. pərəsmanaēṣ̌uca.4
Verse: h    bāδa. ϑβąm. tarasca.
Verse: i       ā̊ŋhāδō.5 saocaiiaṇta.
Verse: j          āiti. nirāzaiiaṇti.6
Verse: k          rāta. vaŋ́he. mazdaδāte. aṣ̌aone.7

Paragraph: 37 
Verse: a    hāmō.nāfō.1 raēuuatąmca.
Verse: b       paiti.aoxta. zaraϑuštra.
Verse: c          puϑra. kauua. vīštāspa.
Verse: d             daēnaiiā̊sca. māzdaiiasnōiš.
Verse: e       puϑrō. ahmāi. vərəϑraγnāi.
Verse: f          druuatąm. nāfīm. t̰baēṣ̌ō.
Verse: g    mā. ϑβā. aŋra.2 mainiiauuō.
Verse: h       maništiš.3 āstāraita.
Verse: i          yaϑa. yat̰. varənaŋhąm.4 vahišta.
Verse: j             5saocaiiaca. kərənuuō.
Verse: k             baosaiiāca. vaxəδrā̊sca.6
Verse: l             varō.jinō. uruuarō.strąmca.7
Verse: m                kərənuuō.

Paragraph: 38 
Verse: a    ahmāi. ātarš. āfrīnāt̰. {~ Vd. 18,26j}
Verse: b    ahmāi. baoiδi.1 vījasāt̰.
Verse: c       xṣ̌nūtō. at̰bištō. haγδaŋhəm.
Verse: d    upa. ϑβā. haxṣ̌ōit̰. gə̄uš. vąϑβa.2 {~ Vd. 18,27}
Verse: e    upa.barat̰. āiiaptəm. baxtaca. niuuaxtaca.3
Verse: f    ϑβąm. tat̰. upa.zbaiiata.
Verse: g       satauuaēsa. ārōima.
Verse: h       xvarənaŋhe.4 aŋ́he. astuuaiti.5
Verse: i       xvarənazdā̊. xvafrīrā̊.
Verse: j    apaitiš.xvarəϑā̊. bauuāni. te. mazda.

Paragraph: 39 
Verse: a    hauuąm. adasta.1 upa.staoiti.
Verse: b       aēṣ̌ąm. vacąm. aməm. vərəϑraγnəm.
Verse: c       dasuuarə.2 baēṣ̌azəm. {~ Vr. 20,1f u.a.}
Verse: d       fradaϑəm. varədaϑəm. vaxṣ̌aϑəm.
Verse: e    āmruiie. nimruiie. hąmbara.3
Verse: f       haϑra. ana. gāϑβiia. vaca. {= Ny. 4,8e}


Verse: g    garō. nəmāne. ahurō.4   mazdā̊. jasat̰. paoiriiō. {= Y. 51,15b / Ny. 4,8f}


Verse: h       ϑβąm. tat̰. upa.zbaiiata.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.