TITUS
Avestan Corpus
Part No. 174
Previous part

Chapter: 6 
Paragraph: 40 
Verse: a    aməṣ̌ā. spəṇtā. aoṣ̌aṇtā.
Verse: b          paiti.aoxta. zaraϑuštrō.
Verse: c             puϑra. kauua. vīštāspa.
Verse: d       sraoṣ̌əmca. aṣ̌īm.
Verse: e       nairīmca.1 saŋhəm. huraoδəm. {~ Y. 57,3 u.a.}
Verse: f       ātarəmca.1 ahurahe. mazdā̊.
Verse: g       barajāimca.2 kauuaēm.3 xvarənō.
Verse: h       paruuō. vasta. šiiaoϑna.
Verse: i          tanūm.4 pərəsā̊ṇte.

Paragraph: 41 
Verse: a    āat̰. ϑβąm. tarasca. xṣ̌apanəm.1 {~ Vd. 18,6}
Verse: b       xratūm. pərəsāt̰.2 aṣ̌auuanəm.
Verse: c    āat̰. ϑβąm. tarasca. xṣ̌apanəm.1
Verse: d       xratə̄uš. aēṣ̌aiiā̊. jagāraiiaṇtəm.
Verse: e    ϑrišcit̰. te. hamahe. aiiąn.3
Verse: f       tanūm. usrāraiiā̊. gauue.
Verse: g          huδā̊ŋhe. vāstriiaṇta.

Paragraph: 42 
Verse: a    aēṣ̌ąm. xviiāt̰. zaraϑuštra.1
Verse: b       daŋ́hištaēṣ̌uua.2 ratuϑβəm.
Verse: c    aēṣ̌ąm. ratuš. zaraϑuštra.
Verse: d       aṣ̌ahe. daēsaiiāt̰.3 paṇtąm.
Verse: e    təm. paṇtąm. haϑraiiən.
Verse: f       haϑra. kaiia. aŋ́hā. vərəϑraγnəm.
Verse: g          yat̰. daēnaiiā̊. mazdaiiasnōiš.
Verse: h    auuaϑa. narō. hauua. uruua.
Verse: i       aṣ̌a. vahišta. usən. frāiiaṇtō.
Verse: j          tarō. pəṣ̌ūm.4 dūraē.srūtəm.5
Verse: k          yim. cinuuatō. amauuaṇtəm.
Verse: l          yim. hupātəm. aṣ̌a.pātəmca.

Paragraph: 43 
Verse: a    āat̰. yat. tūm. bauuąn.
Verse: b       dātā̊. dāmąn. fratarənixma.
Verse: c             zaraϑuštra.
Verse: d       paiti.aoxta. puϑra.1 kauua. vīštāspa.
Verse: e    ϑβąm. tat̰. upazbaiia.
Verse: f       yāt̰. pātaiiasca. nipātaiiāi.
Verse: g          mā̊ŋhəmca. huuarəca. bauuat̰.
Verse: h             yō. haxəδre. hanairiiāi.2 āuuōiia.
Verse: i    aϑra. auua. diδaēm.
Verse: j       uiti. dauuata. dušxvarənā̊. {~ Vd. 19,44 u.a.}
Verse: k          aŋrō. mainiiuš. pouru.mahrkō.

Paragraph: 44 
Verse: a    ąsta. auuaspaiiama.1 vā. dauuōsa.2 vā.
Verse: b       apa. xvaētə̄uš. vā. bauuāt̰. aδāitiiō.xratuš.
Verse: c       pasūm. vā. narəm. vā.3 raēṣ̌aiiāt̰. {~ Vd. 13,34 u.a.}
Verse: d          parahe. iriṣ̌iṇtō. raēṣ̌əm.4 cikaiiat̰.5
Verse: e             sūnahe. raēṣ̌ō. baoδō.varštahe.
Verse: f       ciϑaiia.6 paoirīm. dahməm. iriϑiiāt̰.
Verse: g       paoirīm. dahməm.7 raēṣ̌aiiāt̰.
Verse: h    para. hāi.8 iriṣ̌iṇtąm.9 raēṣ̌ō.
Verse: i       baoδō.varštahe. ciϑaiia.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.