TITUS
Avestan Corpus
Part No. 187
Previous part

Chapter: 2 
Paragraph: 1  {= Y. 27,12}
Verse: a    frauuarāne. mazdaiiasnō. zaraϑuštriš. vīdaēuuō. ahura.t̰kaēṣ̌ō. (gāh. či. bə̄t̰.)
Verse: b       hāuuanə̄e. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: e          yasnāica. vahmāica. xṣ̌naoϑrāica. frasastaiiaēca::
Verse: f       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: g          yasnāica. vahmāica. xṣ̌naoϑrāica. frasastaiiaēca.::::

Verse: h       ϑraētaonahe.1 āϑβiiānō.2 aṣ̌aonō. frauuaṣ̌ə̄e.
Verse: i          xṣ̌naoϑra. yasnāica. vahmāica. xṣ̌naoϑrāica. frasastaiiaēca::

Verse: Q1a    yaϑā. ahū. vairiiō.
Verse: Q1b       zaotā. frā. mē. mrūtē::
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.::


Paragraph: 2 
Verse: a    ϑraētaonəm.1 āϑβiiānəm.2 aṣ̌auuanəm. aṣ̌ahe. ratūm. yazamaide.
Verse: b       gaδβa.3 kurō.4 kurō. tarəβani.
Verse: c       karapanō.5 raϑβiiasnąm.6 buxtā. mahe.7


Paragraph: 3  {= Y. 27,13}
Verse: Q1a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1c    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: a    yasnəmca. vahməmca. aojasca. zauuarəca. āfrīnāmi.
Verse: b       ϑraētaonahe. āϑβiiānō. frauuaṣ̌ə̄e.̊

{= Y. 27,14}
Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::

{~ Y. 72,9 / 68,11}
Verse: Q3a    ahmāi. raēšca.1 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.