TITUS
Text Collection: Avesta-PT 
The Middle Persian Translation of the Avesta
Book: Y 
Yasna, Vispered

electronically prepared by Prods Oktor Skjærvø,
Harvard, 22.2.2000;
TITUS version by Jost Gippert,
Frankfurt a/M, 3.1.2021



Chapter: 0  Link to avesta Link to yasna
Yasna 0


Paragraph: 4  cf. Pat. 1.1   Link to avesta Link to yasna
Verse: a    frāz stāyišn humat ud hūxt ud huwaršt pad menišn ud gōwišn ud kunišn
Verse: b    bē gīrišnīh daham harwisp humat ud hūxt ud huwaršt kū kirbag kunam
Verse: c    bē hilišnīh daham harwisp dušmat ud dušhūxt ud dušhuwaršt kū wināh nē kunam

Paragraph: 5  cf. Pat. 1.2.   Link to avesta Link to yasna
Verse: a    frāz ō ašmāh rādēnam kē amahrspand-ēd yazišn āšnāg ud niyāyišn *ōstuwar-ēd
Verse: b    frāz pad menišn ud frāz pad gōwišn ud frāz pad kunišn
Verse: c    ud frāz pad axw menišnīg ud frāz pad tan ud ān-iz ī xwēš ǰān kū tan pad
Verse: d    xwēšīh ī ašmāh dāram
Verse: e    pad xwēšīh ī ašmāh dāštan ēd kū agar-am tan ruwān rāy bē abāyēd dād bē daham

Paragraph: 6  Link to avesta Link to yasna
Verse: a    stāyēm ahlāyih
Verse: b    ahlāyīh ābādīh ī pahlom ast
Verse: c    nēk ast ahlāyīh ud nēk ōy kē ahlāyīhēnīdār ān ī pahlom ahlāyīh

Paragraph: 7  Link to avesta Link to yasna
Verse: a    franāmam mahistīh ī Zarduxšt kū andarg ī wattarān gōwam ī ǰud-dēw kū-š dēw
Verse: b    abāg nēst Ohrmazd-dādestān kū-š dādestān ān ī Ohrmazd
Verse: c    Hāwan ī ahlaw ī ahlāyīh rad
Verse: d       pad yazišn ud niyāyišn šnāyēnīdārīh ud frāz āfrīgānīh
Verse: e    Sawang ud Wis-iz ī ahlaw ī ahlāyīh rad
Verse: f       pad yazišn ud niyāyišn ud šnāyēnīdārīh ud frāz āfrīgānīh
Verse: g    rad ī rōz ud asnīy āwām māhīgān ud gāhānbār ud sāl
Verse: h       pad yazišn ud niyāyišn ud šnāyēnīdārīh ud frāz āfrīgānīh

Paragraph: 8  Link to avesta Link to yasna
Verse: a    Ohrmazd ī rāyōmand ī xwarrahōmand
Verse: b    ud amahrspandān
Verse: c    Mihr ī *frāxgawyōd
Verse: d    ud rāmišn-iz xwālom

Paragraph: 9  Link to avesta Link to yasna
Verse: a    xwaršēd ī amarg ī rāyōmand ī arwand-asp kū-š asp nēk; ast kē ēdōn gōwēd ay
Verse: b    asp ī nēk bē dahēd
Verse: c    ud Way ī abarkār tarwēnīdārtom az anyān dāmān
Verse: d    ēdōn tō Way-ē kē tō ast kū spēnāg mēnōy xwēš hē
Verse: e    ristag ī frazānag ī Ohrmazd-dād ī ahlaw ud dēn ī weh ī mahistān

Paragraph: 10  Link to avesta Link to yasna
Verse: a    mānsar-spand ī ahlaw kāmag-axw
Verse: b    ud dād ī ǰud-dēw ud dād ī Zarduxšt
Verse: c    dagr abar-rawišnīh mēnōy ud spand ī dēn ī weh mahistān
Verse: d    rawāgīhišnīh ī mānsar-spand
Verse: e    ud āsn-xrad ī Ohrmazd-dād gōšōsrūd xrad ī Ohrmazd-dād

Paragraph: 11  Link to avesta Link to yasna
Verse: a    ātaxš ī Ohrmazd pus
Verse: b    tō ātaxš ī Ohrmazd puskē pad ēn yazišn hē
Verse: c       abāg harwispīn ātaxšān
Verse: d    gar ī Ušdāštār ī Ohrmazd-dādī ahlāyīh xwārīh

Paragraph: 12  Link to avesta Link to yasna
Verse: a    ud harwispīn yazdān ī ahlawān ī mēnōyān ud gētīyān
Verse: b    ahlawān frawahr ī čērān ī abarwēzān
Verse: c       ī pōryōtkēšān frawahr
Verse: d       nabānazdištān frawahr šnāyēnam
Verse: e       pad yazišn ud niyāyišn ud šnāyēnīdārīh ud frāz āfrīgānīh

Paragraph: 13  Link to avesta Link to yasna
Verse: a    čiyōn axw kāmag čiyōn Ohrmazd kāmag zōd frāz ō man gōw
Verse: b    čiyōn axw kāmag čiyōn Ohrmazd kāmag kē zōd hē frāz ō man gōw
Verse: c    ēdōn radīhā ēdōn dastwarīhā az ahlāyīh čēgām-iz-ēw frāz ahlawān āgāhīhā
Verse: d    gōwam kū dānišnīggōwam kū hamāg kār ud kirbag ast dastwarīhā kardan čiyōn
Verse: e    Ohrmazd abāyēd

Paragraph: 14  Link to avesta Link to yasna
Verse: a    ahlayīh ābādīh pahlom ast ...
Verse: b    3 guftan
Verse: c    šnāyēnišn Ohrmazd tardahišnīh Ganāg Mēnōy
Verse: d    čiyōn āškārag warzīdārān xwāhišn kē-šān kāmag frāztom kū-šān abāyist wēš kū
Verse: e    kardan ā-šān dahēd ō man-iz dahēd
Verse: f    ahlayīh ābādīh pahlom ast ...
Verse: g    3 guftan

Paragraph: 15  Link to avesta Link to yasna
Verse: a    čiyōn axw kāmag čiyōn Ohrmazd kāmag ēdōn radīhā ēdōn frārōnīhā az ahlāyīh
Verse: b    kār ud kirbag čēgām-iz-ēw kār ud kirbag ēdōn frārōnīhā kardan čiyōn Ohrmazd
Verse: c    kāmag
Verse: d    ī-š Wahman dahišn kū ān mizd ud pādāšn ī Wahman dahēd ā-iz ō ōy dahēd
Verse: e    kē andar axwān kunišn ī Ohrmazd kū ān kunēd ī Ohrmazd abāyēd;
Verse: f       ast kē ēdōn gōwēd ay ī-š pad Wahman dahišn kū ān mizd ud pādāšn ī
Verse: g    pad Wahman bē dahēnd ā-iz ōy ōh dahēnd;
Verse: h       ay Ādurbād ī Zarduxštān guft kū az ān ī Wahman dahišn ka andar
Verse: i    axwān kunišngar andar dānēnd
Verse: j    xwadāyīh-iš ō Ohrmazd kū-š xwadāyīh ī ēdōn pad sūd ī Ohrmazd dāšt bawēd
Verse: k    kē ō driyōšān dahēd wasān kū-šān ǰādagōwīh kunēnd



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.