TITUS
Denkard Book 6
Part No. 27
Previous part

Chapter: 23  
Paragraph: a     u-šān ēn-iz a'ōn dāšt ku andar dēn 5 čiš ī pahlom, ēn-iz ēdōn.

Paragraph: b     rāstīh ud rādīh ud hunarāwandīh ud tuxšāgīh ud ǰādag-gōwīh.

Paragraph: c     rāstīh ēd pahlom ke andar dām ī ohrmazd ān kunēd ī awe ke pad-iš kunēd a'ōn sūdōmand-tar ka-š pad-ēš kunēd.

Paragraph: d     rādīh ēd pahlom ke dāšn ō kas kunēd ke az aw ke pad-iš kunēd pad gētīg čiš-iz pādāšn ne ēmēd ku-š aweš rasēd, u-š ēn-iz andar nēst ku awe ke pad-iš kunēd wēšīgān pad spās ud āzādīh dārēd.

Paragraph: e     hunarāwandīh ēd pahlom ke abāg druz ī mēnōg kōšēd, *kadām-ǰān-iz druz, nāmčišt ēn 5 druz andar ō tan ne hilēd:

Paragraph: f     āz ud arešk ud waran ud xešm ud [Page of ed.: 12]  nang.

Paragraph: g     tuxšāgīh ēd pahlom ke kār ī abar ēstēd pad kardan a'ōn kard ēstēd ku harw gāh pad tan ī xwēš abē-gumān ku agar pad ham zamān be mīrēd ēg čiš čiš-iz ǰuttar ne abāyēd kardan ku ān ī-š kard ēstēd.

Paragraph: h     ǰādag-gōwīh ēd pahlom ke awe kas rāy saxwan gōwēd ī a-gōwand, u-š must ud gilag ī xwēš guftan ne tuwān, ān kas ēwāz ī ruwān ī xwēš ud ān ī driyōš weh kas mardom ī gētīg ud ēn 6 amahraspand rāy gōwēd.

Next part


This text is part of the TITUS edition of Denkard Book 6.

Copyright TITUS Project, Frankfurt a/M, 4.1.2021. No parts of this document may be republished in any form without prior permission by the copyright holder.