TITUS
Book: PT
Corpus of Pahlavi Texts
On the basis of the edition by
Jamaspji Dastur Minocherji Jamasp-Asana,
Pahlavi Texts,
[reedited with] Transcription [and] Translation
[by] Said Orian,
Tehran 1992
entered by J. Gippert,
Frankfurt, 1997;
corrections and improvements by Carlo Cereti,
Vienna, 1997,
and Thomas Jügel,
Frankfurt, 2007-2008;
TITUS version by Jost Gippert,
Frankfurt a/M, 28.2.1998 / 22.6.1998 / 26.9.1999 / 1.6.2000 / 23.11.2002 / 18.8.2008
Page: 200
Text: Ay.Zar.
[<ayādgār ī zarērān>]
[pad nām ī dādār ohrmazd]
Sentence: _ pad nām ī dādār ohrmazd ud murwāg jahišn ī nēk, tan drustīh ud dagr-zīwišnīh har wehān ud frārōn kunišnān, nām čišt ōy kē rāy nibēsīhēd.
Sentence: 1 ēn ayādgār ī zarērān xwānēnd, pad ān gāh nibēšt ka wištāsp-šāh abāg pusarān ud brādarān, wāspuhragān ud ham harzān ī xwēš ēn dēn ī abēzag ī māzdēsnān az ohrmazd padīrift.
Sentence: 2 ud pas arjāsp <ī> xiyōnān xwadāy azd mad kū wištāsp-šāh abāg pusarān, brādarān ud wāspuhragān ud ham harzān ī xwēš ēn dēn ī abēzag māzdēsnān az ohrmazd padīrift.
Sentence: 3 ēg-išān garān dušxwārīh būd.
Sentence: 4 u-šān wīdrafš ī jādūg ud nām-xwāst ī hazārān abāg dō bēwar spāh ī wizīdag pad bayaspānīh ō ērān-šahr frēstīd.
Sentence: 5 ud pas jāmāsp ī pēšēnīgān sālār zūd andarōn andar šud, u-š ō wištāsp-šāh guft kū az arjāsp ī xiyōnān xwadāy dō Page: 201 frēstag āmad kē andar hamāg šahr ī xiyōnān az awēšān hu-čihr-tar nēst.
Sentence: 6 ēk wīdrafš jādūg ud dudīgar nām-xwāst ī hazārān, abāg dō bēwar spāh ī wizīdag abāg dārēnd ud frawardag pad dast dārēnd ud gōwēnd kū-mān andar ō pēš ī wištāsp-šāh hilēd.
Sentence: 7 wištāsp-šāh guft kū-šān andar ō pēš hilēd.
Sentence: 8 ud andar šud hēnd ud ō wištāsp-šāh namāz burd hēnd ud frawardag bē dād hēnd.
Sentence: 9 ābrāhēm ī dibīrān mahist abar pāy ēstād ud frawardag pad buland xwand {!}.
Sentence: 10 ud abar frawardag ēdōn nibēšt ēstād kū-m ašnūd kū ašmā bayān ēn dēn abēzag ī māzdēsnān az ohrmazd padīrift ud agar nē ān rāy (abāz) dārēd, ka amā garān zyān ud dušxwārīh az-iš šayēd būdan.
Sentence: 11 bē agar ašmā bayān sahēd ēn dēn ī abēzag hilēd, abāg amā ham-kēš bawēd ēg-itān pad xwadāyīh parastēm, ēg-itān dahēm sāl pad sāl was zarr was sēm ud was asp nēk ud was gāh šahryārīh.
Sentence: 12 ud agar ēn dēn bē nē hilēd ud abāg amā ham-kēš nē bawēd ēg-itān abar rasēm, xwēd xwarēm ud hušk sōzēm ud čahār-pāy ud dō-pāy az šahr wardag gīrēm Page: 202 ud u-tān pad bandag ī garān ud dušxwārīh kār framāyēm.
Sentence: 13 pas wištāsp-šāh ka-šān saxwan ašnūd garān dušxwārīh būd.
Sentence: 14 ud pas ān tahmag spāhbed ī nēw zarēr čiyōn-š dīd kū wištāsp-šāh nihīg būd zūd andarōn andar sūd.
Sentence: 15 ta-š ō wištāsp-šāh guft kū agar ašmā bayān sahēd man ēn frawardag passox framāyēm kardan.
Sentence: 16 wištāsp-šāh framān dād kū frawardag passox kun.
Sentence: 17 ud ān tahm spāhbed ī nēw zarēr frawardag passox ōwōn framūd kardan kū az wištāsp-šāh ī ērān dahibed ō arjāsp ī xiyōnān-šāh drōd.
Sentence: 18 pad fradomīh nē amā ēn dēn abēzag hilēm ud abāg ašmā ham-kēš nē bawēm ud amā ēn dēn abēzag az ohrmazd padīrift ud bē nē hilēm ud bē ašmā dudīgar māh anōš xwarēm.
Sentence: 19 anōh pad hutōs ī razūr ud murw ī zarduštān kē nē kōf ī borz ud nē war zofr, bē pad ān dašt ī hāmōn aspān nēw Page: 203 payān wizārišn.
Sentence: 20 ašmā az ānōh āyēd tā amā az ēdar āyēm ud ašmā amā wēnēd, amā ašmā wēnēm.
Sentence: 21 u-tān nimāyēm kū čiyōn zad bawād dēw az dast <ī> yazdān.
Sentence: 22 ābrāhēm ī dibīrān mahist frawardag bē āwišt ud wīdrafš jādūg nām-xwāst ī hazārān frawardag bē padīrift ud ō wištāsp-šāh namāz burd, bē raft hēnd.
Sentence: 23 ud pas wištāsp-šāh ō zarēr ī brād framān dād kū pad garān bašn, kōf ī borz ātaxš framāy kardan.
Sentence: 24 šahr azd kun ud bayaspān azd kun kū bē moγ-mard kē āb ud ātaxš ī wahrām yazēnd ud pahrēzēnd enyā az dah sāl tā haštād sālag ēč mard pad xānag ī xwēš bē ma pāyēd.
Sentence: 25 ēdōn kunēd kū dudīgar māh ō dar ī wištāsp-šāh āyēd ud agar nē ka āyēd <ud> ān dār abāg xwēš tan bē nē āwarēd ānōh pad dār abar framāyēm kardan.
Sentence: 26 pas har mardōm az bayaspān azd mad ō dar ī wištāsp-šāh Page: 204 āmad hēnd pad ham-spāh ud tumbag zad ud nāy pazdēnd ud gāwdumb wāng kunēnd.
Sentence: 27 u-š kārawān ēwarz kunēnd ud pīlbān pad pīl rawēnd ud stōrbān pad stōr rawēnd ud wardēn-dār pad wardēn rawēnd.
Sentence: 28 was ēstēd šif(a)rg (?) ī rōdastahm was kantigr ī purr tigr ud was zrēh ī rōyēn ud was zrēh ī čahār-kard.
Sentence: 29 ud kārawān ī ērān-šahr ēdōn bē ēstēnd, ka wāng bē ō asmān šawēd ud pattān bē ō dušox šawēd.
Sentence: 30 pad rāh kū šawēnd widarg ēdōn bē brīnēnd, abāg āb bē šōbēnd ī tā ē māh āb xwardan nē šāyēd.
Sentence: 31 tā panjāh rōz rōšn nē bawēd murw-iz nišēm nē windād bē ka ō aspān bašn, nēzag-iz tēx ayāb ō kōf ī sar borz nišīnēnd, az gard ud dūd šab ud rōz nē paydāg.
Sentence: 32 pas wištāsp-šāh ō zarēr ī brād framān dād kū wiyān kun tā ērān-iz wiyān kunēnd tā amā-iz bē dānēm kū šab ast ayāb rōz.
Sentence: 33 pas zarēr az wardēn bērōn bē āmad ud wiyān kard ud ērān wiyān kard hēnd ud gard <ud> dūd bē nišast, star ud māh pad asmān paydāg būd.
Sentence: 34 pas zanēnd sē-sad mēx ī āhanēn ī padiš bandēnd sē-sad Page: 205 arwes kē har arwēs-ē sē sad darāγ ī zarrēn padiš āgust ēstēd.
Sentence: 35 pas wištāsp ō kay-gāh nišīnēd ud jāmāsp ī bīdaxš ō pēš xwānēd, gōwēd kū man dānēm kū tō jāmāsp dānāg ud wēnāg <ud> šnāsag hē.
Sentence: 36 ēn-iz dānē kū ka dah rōz wārān āyēd čand srešk ō zamīg ud čand srešk abar srešk āyēd.
Sentence: 37 ud ēn-iz dānē, kū urwarān wiškofēd, kadām ān gul ī rōz wiškofēd ud kadām ān ī šab, kadām ān ī fradāg.
Sentence: 38 ēn-iz dānē kū mētarag (?) kadām ān āb dārēd ud kadām ān nē dārēd.
Sentence: 39 ēn-iz dāne kū fradāg rōz čē bawēd andar ān azdahāg razm ī wištāspān, az pusarān ud brādarān ī man kay-wištāsp-šāh kē zīwēd ud kē mīrēd.
Sentence: 40 gōwēd jāmāsp bīdaxš kū kāč ka man az mādar nē zād hēm ayāb ka zād hēm pad xwēš baxt pad rahīgīh bē murd hēm ayāb murw-ē būd hēm ō drayāb ōbast hēm ayāb ašmā bayān ēn frašn az man nē pursīd hē, bē ka-tān pursīd hē ēg-im nē kāmēm bē ka rāst gōwēm.
Page: 206
Sentence: 41 agar ašmā bayān sahēd dašn ī xwēš grōwān barēd pad xwarrah ī ohrmazd, bē dēn ī māzdēsnān ud gyān <ī> zarēr ī brād sōgand xwarēd kū šamšēr ī pōlāwadēn ud šēd ī tēz ērwār tā ō druwāsp sē bār bē māl kū-t nē zanēm ud nē ōzanēm ud nē (tō-iz) pad dēbahr dārēm tā gōwēd kū čē bawēd andar ān razm ī wištāspān.
Sentence: 42 pas gōwēd wištāsp-šāh kū pad xwarrah ī ohrmazd ud dēn ī māzdēsnān ud gyān <ī> zarēr brād sōgand xwarēm kū-t nē zanēm ud nē ōzanēm ud nē tō-iz pad dēbahr darēm.
Sentence: 43 pas gōwēd jāmāsp bīdaxš kū agar ašmā bayān sahēd ēn wuzurg spāh ērān-šahr az mašk ī pādixšā ē tigr-yāb frāztar framāyēd nišāstan.
Sentence: 44 pas wištāsp-šāh ān wuzurg spāh ērān-šahr az mašk ī abarzēn ī wištāspān ē tigr-yāb frāztar framāyēd nišast<(an)>.
Sentence: 45 pas gōwēd jāmāsp ī bīdaxš kū ōy weh kē az mādar nē zād ayāb ka zād murd ayāb az rahīgīh ō paymān nē Page: 207 mad.
Sentence: 46 fradāg rōz ka pahikōbēnd nēw pad nēw ud warāz pad warāz, was mād abāg puhr (abē-puhr) was (puhr) abē-pid ud was pid abē-puhr ud was brād abē-brād ud was zan šōy-ōmand abē-šōy bawēnd.
Sentence: 47 was āyēnd bārag ērānagān kē wišād, arwand rawēnd andar ān xiyōnān xwadāy xwāhēnd ud nē windēnd.
Sentence: 48 ōy weh kē nē wēnēd ān wīdrafš jādūg ka āyēd ud razm tāzēd ud wināh kunēd ud ōzanēd tahm spāh-bed zarēr ī tō brād, u-š bārag bē barēnd ān syā āhanēn sumb ī zarēr bārag ud ōy nām-xwāst ī hazārān kē āyēd ud razm tāzēd ud wināh kunēd, ōzanēd ān pād-husro ī ardāy māzdēsnān ī tō brād, u-š bārag-iz bē barēnd ān zarrēn grī-kaft, ōy nām-xwāst ī hazārān kē āyēd ud razm tāzēd ud wīnāh kunēd ud ōzanēd ān frašāward ī tō pus ī tal zād pad nēm-wēčag kay-bāg, ud tō-iz az abārīg frazandān dōst-tar.
Sentence: 49 u-t az pus tā brād wīst-ud-sē murd bawēnd.
Sentence: 50 pas wištāsp-šāh ka-š ān saxwan āšnūd az farroxān-gāh ō zamīg ōbast.
Sentence: 51 u-š pad hōy dast kārd ud pad dašn dast šamšēr gīrēd ud Page: 208 tag ō jāmāsp kunēd ud gōwēd ku ma drust awar sahm-spār ī jādūg, čē tō mād jādūg u-t pid drōzan būd.
Sentence: 52 u-t ān guft, nē bawēd, bē ka-m pad xwarrah ī ohrmazd ud dēn ī māzdēsnān ud gyān ī zarēr ī brād sōgand <nē> xward hēm ēg-im pad ēn dō tēx ī šamšēr kārd sar brīd bē zamīg abgand hēm.
Sentence: 53 pas jāmāsp gōwēd kū agar ašmā bayān sahēd az ēn xāk abar āxēzēd ud abāz ō kay-gāh nišīnēd, čē šāyēd būdan ka šāyēd būdan, ka ēn man guft bawād.
Sentence: 54 wištāsp-šāh nē abar āxēzēd ud nē abāz nigerēd.
Sentence: 55 pas ān tahm spāh-bed nēw zarēr kē šawēd gōwēd kū agar ašmā bayān az ēn xāk abar āxēzēd ud abāz ō kay-gāh nišīnēd, čē man fradāg šawēm abāg ān ī xwēš zōr xiyōn pānzdah bēwar ōzanēm.
Sentence: 56 wištāsp-šāh nē āxēzēd nē abāz nigerēd.
Sentence: 57 pas ān pād-husraw ī ardāy māzdesnān kē šawēd ud gōwēd kū agar ašmā bayān sahēd az ēn xāk abar āxēzēd ud abāz ō kay-gāh nišīnēd, čē man fradāg rōz šawēm {!} ud ōzanēm abāg ān ī xwēš zōr xiyōn čahārdah.
Sentence: 58 wištāsp-šāh nē abar āxēzēd ud nē abāz nigerēd.
Page: 209
Sentence: 59 pas ān frašāward ī wištāsp-šāh pus kē šawēd gōwēd kū agar ašmā bayān sahēd az ēn xāk abar āxēzēd ud abāz ō kay-gāh nišīnēd, čē fradāg rōz šawēm ud ōzanēm abāg ān ī xwēš zōr xiyōn sēzdah bēwar.
Sentence: 60 wištāsp-šāh nē āxēzēd ud nē abāz nigerēd.
Sentence: 61 pas ān yal ī nēw spandyād kē šawēd ud gōwēd kū agar ašmā bayān sahēd az ēn xāk <abar> āxēzēd, abāz ō kay-gāh nišīnēd, čē man fradāg rōz šawēm bē xwarrah ī ohrmazd ud dēn ī māzdēsnān ud gyān ašmā bayān sōgand xwarēm kū zīndag xiyōn ēč bē nē hilēm az ān razm.
Sentence: 62 pas wištāsp-šāh abar āxēzēd ud abāz ō kay-gāh nišīnēd ud jāmāsp ī bīdaxš ō pēš xwāhēd ud gōwēd kū, ma bād ēdōn čiyōn tō jāmāsp gōwē čē man diz-ē rōyēn bē framāyēm kardan ud ān diz dar-band ān ī āhanēn bē framāyēm kardan, awēšān pusarān ud brādarān ud wāspuhragān andar ān diz framāyēm kardan ud nišastan, šāyēd kū ō dast dušmenān nē rasēnd.
Sentence: 63 gōwēd jāmāsp bīdaxš kū agar diz-ē rōyēn bē framāyē kardan ōy-šan pusarān ud brādarān, wāspuhragān ī tō rām-šahr kay-wištāsp-šāh andar ān diz bē framāyē Page: 210 nišastan, pas ān and dušmen az šahr abāz dāšt<(an)> kē tuwan.
Sentence: 64 čē ān tahm spāh-bed ī nēw zarēr ī tō brād, kē šawēd <ud> ōzanēd xiyōn pānzdah bēwar, ud ān pād-husro ī ardāy māzdēsnān, kē šawēd ud ōzanēd xiyōn čahārdah bēwar ud ān frašāward ī tō pus kē šawēd ud ōzanēd xiyōn sēzdah bēwar.
Sentence: 65 wištāsp-šāh gōwēd nūn čand āyēnd xiyōn az bunag ud ka ēw-bār āyēnd čand mīrēnd ud čand abāz šawēnd.
Sentence: 66 gōwēd jāmāsp bīdaxš kū sad-ud-sīh-ud-ēk bēwar xiyōn az bunag bē āyēnd, ka ēw-bār āyēnd ēč zīndag abāz bē nē šawēnd bē ān ī ēk arjāsp ī xiyōnan xwadāy.
Sentence: 67 ōy-iz yal spandyāl girēd, aziš dast-ē ud pāy-ē ud gōš-ē brīnēd, aziš čašm-ē pad ātaxš dazēd, u-š pad brīd<(ag)> dumb xar-ē abāz ō šahr ī xwēš frēstēd ud gōwēd kū šaw ud gōw kū čē dīd az dast ī man yal spandyād.
Sentence: 68 ud pas gōwēd kay-wištāsp-šāh kū agar hamāg pus ud brād ud wāspuhragān ī man kay-wištāsp-šāh ud ān-iz ī hutōs ī-m xwah ud zan, kē az pus tā duxt sīh aziš zād ēstēd ud hamāg murd bawēnd ēg-im ēn abēzag dēn ī māzdēsn<ān> čiyōn-am az ohrmazd padīrift bē nē hilēm.
Sentence: 69 pas wištāsp-šāh ō kōf sar nišīnēd zōr abāg būd dawāzdah dawāzdah bēwar, arjāsp ī xiyōnān xwadāy ō kōf sar Page: 211 nišīnēd u-š zōr būd dawāzdah bēwar bēwar.
Sentence: 70 ud ān tahm spāh-bed ī nēw zarēr kārezār ōwōn nēw kunēd čiyōn ka ādur yazd andar ō nayestān ōftēd u-š wād-iz ayār bawēd, ka šamšēr frāz zanēd dah ud ka abāz wēzēd dah-ē xiyōn ōzanēd, ka gušnag, tišnag bawēd xōn <ī> xiyōn wēnēd šād bawēd.
Sentence: 71 ud pas arjāsp ī xiyōnān xwadāg az kōf sar nigāh kunēd ud gōwēd kū az ašmā xiyōnān kē ast kē šawēd abāg zarēr kōxšēd u-š kušēd ān ī tahm spāh-bed ī nēw zarēr, tā zarr-stūn ī man duxt, pad zanīh awiš dahēm kē andar hamāg šahr <ī> xiyōnān zan-ē az ōy hu-čihr tar nēst.
Sentence: 72 u-š hamāg šahr ī xiyōnān bīdaxš kunēm čē agar tā šab zīndag zarēr, ēg nē dagr-zamān bawēd ka az amā xiyōnān ēč zīndag abāz bē nē pāyēd.
Sentence: 73 pas ān wīdrafš ī jādūg abar ō pāy ēstēd gōwēd kū man rāy asp zēn sāzēd tā man šawēm.
Sentence: 74 ud asp zēn sāzēnd u-š wīdrafš ī jādūg abar nišīnēd ud stānēd ān fraš ī afsūdag, ī dēwān andar dušox pad xēšm ud zahr distag, pad āb ī bazag kard ēstād ud frāz ō dast stānēd ud andar razm dwārēd wēnēd kū zarēr kārezar Page: 212 čiyōn nēw kunēd frāz ō pēš nē ayārēd šudan.
Sentence: 75 u-š az nihān, az pas frāz dwārēd, šawēd ud zarēr rāy azēr ī kamar band ud azabar ī kustīg pad pušt bē zanēd ud pad dil bē widārēd ud bē ō zamīg abganēd ud pas bē nišīnēd ān parrišn ī kamānān ud wāng ī nēw mardān.
Sentence: 76 pas wištāsp-šāh az kōf sar nigāh kunēd ud gōwēd ku az pad ēd dārēm kū-mān ōzad zarēr ī ērān spāh-bed čē nūn nē āyēd parrišn ī kamānān ud wāng <ī> nēw mardān.
Sentence: 77 bē az ašmā ērān kē ast kē šawēd ud zarērān kēn xwāhēd tā ka-š ān humāg ī man duxt pad zanīh awiš dahēm kē andar hamag šahr ī ērān zan az ōy hu-čihrtar nēst.
Sentence: 78 u-š mān ud kadag ī zarēr, spāh-bedīh ī ērān awiš dahēm.
Sentence: 79 ēč ēr ud āzād passox nē dād bē ān pus zarērān, kōdak <ī> haft sālag hōmānāg frāz ō pāy ēstād ud gōwēd kū man rāy asp zēn sāzēd tā man šawēm ud razm <ī> ērān wēnēm, wāspuhr ī wištāspān wēnēm ud ān tahm spāh-bēd ī nēw zarēr ī man pidar, agar zīndag ayāb murdag čiyōn ast pēš ašmā bayān gōwēm.
Page: 213
Sentence: 80 pas wištāsp-šāh gōwēd kū tō ma šaw čē tō aburnāy hē ud razmān pahrēz nē dānē, u-t angust pad tigr nē ōst ēstēd.
Sentence: 81 ma xiyōn<ān> rasēnd ud tō ōzanēnd čē-šān zarēr-iz ōzad, pas xiyōn<ān> dō nām barēnd kū-mān ōzad zarēr ī ērān spāh-bed, u-mān zad bastwar ī-š pus.
Sentence: 82 pas bastwar pad nihān ō ōy āxwarr-sālār gōwēd kū wištāsp<-šā> framān dād kū ān asp ka zarēr kōdak būd (abar nišast) bē ō bastwar dahēd.
Sentence: 83 ōy ī āxwarr-sālār asp zēn framāyēd kardan ud bastwar abar nišīnēd ud asp frāz hilēd ud dušmēn ōzanēd tā ō ān gyāg rasēd kū murdag <ī> nēw pidar wēnēd.
Sentence: 84 ud nē dagr-zamān pāyēd, gōwēd kū: alā dārūg, gyān ōžand-it kē amwašt, alā warāz padrān ī tō kē amwašt, alā sēn-murwag bārag-it {!} kē amwašt.
Sentence: 85 ka-t hamē ēdōn kāmist kū-t abāg xiyōnān kārezār kunē, nūn ōzad abgand hē andar amā razm čiyōn a-gāh a-ganj mardōm.
Sentence: 86 u-t ēn xwahl wars ud rēš wādān wišuft ēstēd, u-t abēzag tan, aspān xwast pad pāy, u-t xāk ō grīw nišast, bē nūn čiyōn kunēm čē agar az asp bē nišīnēm ud tō Page: 214 pidar sar andar kanār gīrēm u-t xāk az grīw bē gīrēm ud pas sabukīhā abāz ō asp nišastan nē tuwān.
Sentence: 87 ma xiyōn<ān> rasēnd ud man ōzanēnd čē-šān tō-iz kušt, pas xiyōn<ān> dō nām barēnd kū-mān ōzad zarēr ērān spāh-bed, u-mān ōzad bastwar ī-š pus.
Sentence: 88 pas bastwar asp frāz hilēd ud dušmen zanēd tā ō pēš <ī> wištāsp-šāh rasēd, gōwēd kū man šud hēm u-m razm <ī> ērān drust dīd, ud wāspuhr ī wištāspān.
Sentence: 89 u-m murdag dīd ān tahm spāh-bed ī nēw zarēr ī man pidar, bē agar ašmā bayān sahēd man hilēd tā šawēm ud pidarān kēn xwāhēm.
Sentence: 90 pas gōwēd jāmāsp bīdaxš kū hilēd ēd rahīg čē-š abar baxt ēstēd dušmen ōzanēd.
Sentence: 91 ud pas wištāsp-šāh asp zēn framāyēd kardan.
Sentence: 92 u-š bastwar abar nišīnēd; <wištāsp-šā> az kantigr ī xwēš tigr-ē dahēd u-š āfrīn padiš kunēd gōwēd kū: nūn-it yal az man šawē pērōz awar hāh pad har razm ud pād-razm-ē tō pērōz hāh, pād-rōz nām āwarē, jāwēdān rōzān dušmen murd āwarē.
Page: 215
Sentence: 93 ud nūn bārag ud drafš im spāh ērān kār-om tō framāyē, nām-āwurd ī bawē yad-ō rōz jāwēd.
Sentence: 94 pas bastwar asp frāz hilēd ud dušmen ōzanēd ud kārezār ōwōn nēw kunēd čiyōn zarēr <ī> ērān spāh-bed kard.
Sentence: 95 pas arjāsp <ī> xiyōnān xwadāy az kōf sar nigāh kunēd ud gōwēd kū ān kē ast, ān kayān nēw rahīg kē gurd-wār asp dārēd ud gurd-wār zēn dārēd, kārezār ōwōn nēw kunēd čiyōn zarēr <ī> ērān spāh-bed kard.
Sentence: 96 bē az pad ēd dārēm kū ān tōhmag wištāspān zarērān kēn xwāhēd.
Sentence: 97 bē ašmā xiyōnān kē ast kē šawēd ud abāg ān rahīg kōxšēd ēg-iš ān bēh-stūn ī man duxt, pad zanīh bē dahēm kē andar hamāg šahr ī xiyōnān zan az ōy hu-čihrtar nēst.
Sentence: 98 u-š andar hamāg šahr ī xiyōnān bīdaxš kunēm čē agar tā šab zīndag rahīg, ēg nē dagr-zamān bawēd ka az amā xiyōnān ēč zīndag abāz nē mānēd.
Sentence: 99 pas widrafš jādūg abar ō pāy ēstād u-š guft kū man rāy Page: 216 asp zēn sāzēd tā man šawēm.
Sentence: 100 ud asp āhanēn sumb ī zarēr bārag zēn sāzēnd ud wīdrafš jādūg abar nišīnēd ud stānēd ān fraš ī afsūdag <ī> dēwān andar dušox pad xēšm ud zahr distag, pad āb <ī> bazag kard ēstēd, frāz ō dast stānēd ud andar razm dwārēd, wēnēd kū bastwar kārezār čiyōn nēw kunēd frāz ō pēš nē ayārēd šudan pad nihān az pas frāz šawēd.
Sentence: 101 bastwar nigāh kunēd ud gōwēd kū druwand ī jādūg frāz ō pēš awar čē man dārēm bārag azēr rān bē tāxtan nē dānēm ud man dārēm tigr andar kantigr bē wistan nē dānēm frāz ō pēš awar u-t ēn xwaš gyān abar gīrēm čiyōn-it {!} ān tahm spāh-bed zarēr man pidar kard.
Sentence: 102 ud wīdrafš jādūg wistāx šawēd, frāz ō pēš šawēd ud ān syā āhanēn sumb ī zarēr bārag ka wāng ī bastwar ašnawēd čahār-pāy abar zamīg ēstād nōh-sad-ud-nawad-ud-nōh wāng bē kunēd.
Sentence: 103 ud wīdrafš fraš wēzēd ud bastwar pad dast frāz padīrēd.
Sentence: 104 pas ruwān ī zarēr wāng kunēd kū ēd fraš az dast bē abgan ud az kantigr ī xwēš tigr-ē stān ēd druwand passox kun.
Sentence: 105 ud bastwar fraš az dast bē abganēd ud az kantigr ī Page: 217 xwēš tigr-ē stānēd ud wīdrafš pad dil zanēd pad pušt bē widārēd ud bē ō zamīg abganēd ud drōd ō ruwān dahēd.
Sentence: 106 u-š bē wizīd ān mōg ī spēd ī pad mōrwārīd ud ham zarr zarēr brahmag ud xwad abar bārag ī zarēr nišīnēd ud bārag-iz xwēš pad dast frāz padīrēd ud asp frāz hilēd ud dušmēn ōzanēd tā ō ān gyāg rasēd kū garāmīg-kard <ī> jāmāsp pus drafš ī pērōzān pad dandān dārēd ud pad dō dast kārezār kunēd.
Sentence: 107 garāmīg-kard ud ān wuzurg spāh ka bastwar wēnēd hāmōyēn zarēr rāy brāmēnd ud gōwēnd kū ēdar čim āmad hē ka-t angust pad tigr nē ōst ēstēd ud razmān pahrēz nē dānē.
Sentence: 108 ma xiyōn<ān> rasēnd ud tō ōzanēnd čē-š ān zarēr-iz ōzad pas (xiyōnān) dō nām barēnd kū-mān ōzad zarēr <ērān> spāh-bed u-mān ōzad bastwar ī-š pus.
Sentence: 109 pas bastwar gōwēd kū pad pērōzīh dārē tō garāmīg-kard jāmāsp pus ēd drafš pērōzān čē agar zīndag rasēm ō pēš ī wištāsp-šāh gōwēm kū-t kārezār Page: 218 čiyōn nēw kard.
Sentence: 110 pas bastwar asp frāz hilēd dušmen ōzanēd tā ō ān gyāg rasēd kū yal nēw spandyād (kārezār) kunēd.
Sentence: 111 (spandyād) ka bastwar wēnēd ān wuzurg spāh ī ērān pad bastwar bē hilēd xwad ō kōf sar šawēd ud arjāsp abāg dawāzdah bēwar spāh az kōf sar zanēd ud bē ō dašt abganēd ud spandyād zanišn ō garamīg-kard spōzēd, garāmīg-kard zanēd ud ō bastwar spōzēd.
Sentence: 112 ēg nē dagr-zamān bawēd ka az awēšān xiyōnān ēč zīndag abāz bē nē mānēd bē ān ī ēk arjāsp ī xiyōnān xwadāy.
Sentence: 113 ud ōy-iz yal spandyād gīrēd, aziš dast-ē ud pāy<-ē> ud gōš-ē brīnēd ud aziš čašm-ē pad ātaxš sōzēd, u-š pad brīdag dumb xar-ē abāz <ō> šahr ī xwēš frēstēd.
Sentence: 114 gōwēd kū šaw ud gōw kū-t čē dīd az dast man yal ī spandyād kū xiyōnān čē dānēnd kū čē būd pad rōz frawardīn andar azdahāg razm wištāspān. Page: 219 wištāsp lurāspān ud zarēr bastwar ud spandyād pad ham ēwēn frašāward ī wištāspān ud garāmīg-kard puhr jāmāsp, pād-husraw <ī> pād-yasn kē xwad-burd nām hēnd.
Sentence: 2 harwīn wāspuhragān, gawān, ēraxtārān gāh-ē xwābar bawād, pad wahišt bāmīg pad a-sar rōšnīh <ī> nišēm warzāwandān.
Sentence: 3 harwīn abzōn bawād kū ruwān anōšag bawād kū dēn panāh nibišt hēd. šād, pērōz bawād, šādān-zād puhr šādān darād.
Sentence: 4 farrox ī bawād tā hazārān sālān, yad-ō ī rōz frašgird, ābādān mēhan <ud> mān, harwīn ud xīr abzōn bawād.
Sentence: 5 kū-tān xwad bē rāmēd agar ka xwānēd farrox nibēg pad ō šādīh rustēm mihrābān nām ayādēnēd kē-š pačēn nibištag būd; man dēn bandag mihrābān
Sentence: _ pad nām ud nērōg ud ayārīh ī dādār ohrmazd, jadag ī nēk.
Sentence: 1 šahr<est>ānīhā ī andar zamīg ī ērān-šahr kard ēstēd, jud jud būm, kū kadām sar-xwadāy kard, pad gōkān abar ēn ayādgār nibišt ēstēd.
Sentence: 2 pad kust ī xwarāsān, samarkand šahrestān kāyōs ī kawādān bun fragand, siyāwaxš ī kāyōsān be frazāmēnīd.
Sentence: 3 kay-husraw ī siyāwaxšān ānōh zād, u-š warzāwand ātaxš wahrām ānōh nišāst.
Sentence: 4 pas zardušt dēn āwurd az framān <ī> wištāsp-šā, hazār ud dō-sad fragard pad dēn-dibīrīh, pad taxtagīhā <ī> zarrēn kand ud nibišt ud pad ganj <ī> ān ātaxš nihād.
Sentence: 5 ud pas gizistag skandar sōxt ud andar ō drayāb abgand.
Page: 221
Sentence: 6 sugd ī haft āšyān, u-š haft āšyānīh ēd kū haft āšyān andar bud: ēk ān ī jam ud ēk <ān> ī azdahāg ud ēk ān <ī> frēdōn ud ēk ān ī manūčihr ud ēk ān ī kāyōs ud ēk ān ī kay-husraw ud ēk ān ī luhrāsp ud ēk ān ī wištāsp-šā.
Sentence: 7 pas gizistag frāsiyāg ī tūr har ēk nišēmag ī šāhān uzdēs-zār-ē {!} bašn padiš kard.
Sentence: 8 andar baxl ī bāmīg šahrestān <ī> nawāzag spandyād ī wištāspān kard.
Sentence: 9 u-š warzāwand ātaxš wahrām ānōh nišāst, u-š nēzag ī xwēš ānōh be zad, u-š ō yabbū-xāgān ud sinjēbīk-xāgān ud čōl xāgān ud wuzurg-xān ud gōhram ud tuzāb ud arzāsp ī xiyōnān-šāh paygām frēstīd kū nēzag ī man be nigerēd har kē pad wēzišn ī ēn nēzag nigerēd čē andar ō ērān-šahr dwārēd.
Page: 222
Sentence: 10 šahrestān ī xwārazm narsēh ī yahūdagān kard.
Sentence: 11 šahrestān ī marw-rōd wahrām ī yazdagirdān kard.
Sentence: 12 šahrestān ī marw ud sahrestān <ī> harē gizistag skandar ī hrōmā<yī>g {!} kard.
Sentence: 13 šahrestān <ī> pōšang šāpuhr ī ardašīrān kard, u-š pad pošang puhl-ē wuzurg kard.
Sentence: 14 šahrestān <ī> tūs, tūs ī nōdarān [kard ī] nōh-sad sāl spāh-bed būd. pas az tūs spāh-bedīh ō zarēr ud az zarēr ō bastwar ud az bastwar ō karazm mad.
Sentence: 15 šahrestān ī nēw-šāpuhr, šāpuhr ī ardašīrān kard, pad ān gāh ka-š pāhrēzag {!} <ī> tūr ōzad, u-š pad ham gyāg šahrestān<-ē> framūd kardan.
Sentence: 16 šahrestān ī kāyēn kay-luhrāsp ī wištāsp pid kard.
Sentence: 17 andar gurgān, šahrestān ī dahestān xwānēnd, narsēh ī aškānān kard
Sentence: 18 šahrestān <ī> kūmis <ud> panj burg azdahāg pad šabestān kard, mānišn <ī> pārsīgān ānōh būd pad Page: 223 xwadāyīh, yazdgird ī šāpuhrān kard andar tāzišn ī cōl nērōg<-ē> pāhr ān ālag.
Sentence: 19 šahrestān <ī> panj-husraw: šād-husraw, must-ābād-<husraw> ud wisp-šād-husraw ud hu-bōy-husraw, šād-farrox-husraw, kawādān kay-husraw kard <ud> nām nihād.
Sentence: 20 u-š frasp-ē kē ē sad ud haštād frasang drahnāy ud wīst <ud> panj šāh-ārešn bālā, ē sad ud haštād dar kōšk <ud> dastgird andar framūd kardan.
Sentence: 21 pad kust<ī> xwarwarān, šahrestān ī tīsifōn az framān ī tūs warāzag ī gēwagān kard.
Sentence: 22 šahrestān <ī> nasībīn warāzag <ī> gēwagān kard.
Sentence: 23 šahrestān ī ōrhāy narsēh ī aškānān kard.
Sentence: 24 šahrestān ī bābēl pad xwadāyīh <ī> jam kard, u-š tīr abāxtar ānōh be bast pad mārīg <ī> haft <ud> dwāzdah axtarān ud abāxtarān ud haštom bārag pad jādūgīh ō mihr azērīg be nimūd.
Sentence: 25 šahrestān ī hērat šāpuhr ī ardašīrān kard, u-š mihr-zād ī hērat marz-bān pad war ī tāzīgān be gumārd.
Page: 224
Sentence: 26 šahrestān ī hamadān yazdgird ī šāpuhrān kard, kē-šān yazdgird ī dabr xwānēnd.
Sentence: 27 andar Māy {!} ud kust ī nihāwand ud war <ī> wahrām-āwand šahrestān-ē wahrām ī yazdgirdān kard kē-šān wahrām gōr xwand {!}.
Sentence: 28 wīst-ē šahrestān ī andar padišxwārgar kard ēstēd, čē ēg-iš, az framān ī armāyīl, awēšān kōfyārān kard, kē-šān az azdahāg kōf pad šahryārīh windād ēstād.
Sentence: 29 kōfyār haft hēnd <pad> dumbāwand: wisēmagān ud āhagān ud wispūr ud sōbārān ud musragān ud barōzān ud marinzān.
Sentence: 30 ēn ān būd kē-šān az azdahāg kōf pad šahryārīh windād ēstād.
Sentence: 31 šahrestān mūsel pērōz {ī} šāpuhrān kard.
Sentence: 32 nōh šahrestān andar zamīg gazīrag kard ēstēd, āmitūs, kēsar brādar-zād, kard.
Sentence: 33 wīst čahār šahrestān andar zamīg šām <ud> frīgā ud kufah ud makkah ud madīnag gāh kard ēstēd, ast šāhān šāh, ast kēsar.
Page: 225
Sentence: 34 pad kust nēm-rōz šahrestān ī kābul ardašīr ī spandyādān kard ēstēd.
Sentence: 35 šahrestān raxwat rahām ī gōdarzān kard pad ān gāh ka-š asp warz-bar ī tūr ōzad, u-š yabbū-xāgān az ānōh stō be kard.
Sentence: 36 šahrestān ī bost bastwar <ī> zarērān kard, pad ān gāh ka wištāsp-šāh {!} dēn yaštan pad frazdān būd ud bunag ī wištāsp ud abārīg wāspuhragān andar nišāst.
Sentence: 37 šahrestān ī frāh ud šahrestān zāwalestān rōdstahm ī sīstān-šāh {!} kard
Sentence: 38 šahrestān zarang naxust gizistag frāsiyāg ī tūr kard, u-š warzāwand ātaxš karkōy ānōh nišāst, u-š manuščihr andar ō padišxwārgar kard, u-š spandarmad pad zanīh xwāst ud spandarmad andar ō zamīg gumēxt, šahrestān awērān kard, u-š ātaxš afsārd ud pas kayhusraw siyāwašān šahrestān abāz kard, u-š ātaxš karkōy abāz nišāst ud ardašīr pābagān šahrestān bun pad frazāmēnīd.
Sentence: 39 šahrestān kirmān, pērōzān kirmān-šāh, kard.
Page: 226
Sentence: 40 šahrestān weh-ardašīr pad sē xwadāy kard ud ardašīr bābagān pad frazāmēnīd.
Sentence: 41 šahrestān staxr ardawān ī pārsīgān-šāh kard.
Sentence: 42 šahrestān dārāb-kird dārāy ī dārāyān kard.
Sentence: 43 šahrestān weh-šāpuhr, šāpuhr ī ardāšīrān kard.
Sentence: 44 šahrestān gōr-ardasīr-xwarrah, ardāšīr bābagān kard.
Sentence: 45 šahrestān tawwag, humāy ī čihr-āzādān kard.
Sentence: 46 šahrestān ī ohrmazd ardašīrān <ud> šahrestān ī rām-ohrmazd, ohrmazd nēw šāpuhrān {!} kard.
Sentence: 47 šahrestān šūs ud šūstar, šīšīnduxt, zan ī yazdgird šāpuhrān kard, čiyōn duxt ī rēš-galūdag, yahūdagān-šā, mād-iz ī wahrām ī gōr būd.
Sentence: 48 šahrestān ī wandōy-šāpuhr ud šahrestān ī ērān-kard-šāpuhr, šāpuhr {!} ī ardašīrān kard. u-š palābād nām nihād.
Sentence: 49 šahrestān ī nahr-tīrag pad duš-xwadāyīh ī azdahāg pad šabestān kard ud zēndān ī ērānšahr būd, zēndān aškān nām būd.
Sentence: 50 šahrestān simrān frēdōn ī ādwēnān kard, u-š maswar, simrān-šāh ōzad, u-š zamīg ī simrān abāz xwēšīh {!} Page: 227 ērān šahr āwurd u-š dašt tāzīg pad xwēšīh {!} ud ābādīh be ō baxt-husraw ī tāzīg-šāh dād, paywand dārišn ī xwēš ray.
Sentence: 51 šahrestān {!} ī ārēst šāpuhr ī ardašīrān kard.
Sentence: 52 šahrestān ī asūr ud šahrestān ī weh-ardašīr [ardašīr] ī spandyādān kard. u-š ōšag ī hagar marzbān, gund-gar ud burg-gar pad war ī tāzīgān be gumārd.
Sentence: 53 šahrestān ī gay gizistag aleksandar ī filipān {!} kard, mānīšn ī yahūdān ānōh būd <ī> pad xwadāyīh <ī> yazdgird ī šāpuhrān nīd az xwāhišn ī šīšīnduxt ī-š zan būd.
Sentence: 54 šahrestān ī ērān-āsān-kard-kawād, <kawād> pērōzān {!} kard.
Sentence: 55 šahrestān ī aškar, wahrām ī yazdgirdān kard.
Sentence: 56 šahrestān ī ādurbādagān ērān-gušnasp ī ādurbādagān spāh-bed [kard].
Sentence: 57 šahrestān ī wan, wan ī gulaxšān kard ud pad zanīh ō kay-kawād mad ud drubuštīh arwand-asp <ī> tūr ī brād-rōš ī karb pad jādūgīh kard, pānagīh ī gyān xwēš Page: 228 rāy.
Sentence: 58 pad kust ādurbādagān, šahrestān ī ganzag frāsiyāg tūr kard.
Sentence: 59 šahrestān ī āmōγ, zandīg ī purr-marg kard. zardušt ī spitāmān az ān šahrestān būd.
Sentence: 60 šahrestān ī bagdād abū-gāfar čiyōn-šān abū-dawānīg xwand {!} kard.
Sentence: 1 abdīh ud sahīgīh ī zamīg ī sīstān az abārīg šahrīhā ēd rāy abērtar ud weh.
Sentence: 2 ēk ēn kū rōd ī hēdmand ud war ī frazdān ud zrēh ī kayānsē ud gar usdāštār andar zamīg ī sīstān.
Sentence: 3 zāyīšn ud parwarišn ī hušēdar ud hušēdarmāh <ud> sōšāns ī zarduštān ī spitāmān aziš rīst-āxēz kardan.
Sentence: 4 ēk ēn kū paywand ud tōhmag ī kayān dahibedān, pad ēn kišwar wizand awiš mad.
Sentence: 5 az frazandān ī frēdōn, salm kē kišwar ī hrōm ud tūč kē turkestān pad xwadāyīh dāšt, ērij ērān dahibed būd, u-š<ān> bē ōzad.
Sentence: 6 ud az frazandān <ī> ērij bē kanīg-ē ēnyā kas bē nē mānd.
Sentence: 7 ud pas frēdōn ō war frazdān nīd ud pad nihān dāšt tā <n->ohom paywand ka az ān kanīg pus zād.
Sentence: 8 pas frēdōn ō war ī frazdān šud, u-š az ardwisūr anāhīd Page: 230 <ud> abārīg yazdān kē andar sīstān gāh <ud> mehmānīh abartar, āyaft xwāst pad abāz ārāstan <ī> ērān-šahr ud xwarrah <ī> kayān; āyaft windād abāg manūščihr ud awēšān ērān āfrīn
Sentence: 9 ēk ēn kū wištāsp-šāh dēn pad war ī frazdān kard rawāgīh.
Sentence: 10 fradom pad sīstān ud pas pad abārīg šāhrīhā. pad hampursagīh ī zardušt ud sēn <ī> ahūmstūdān ī bustīg, čiyōn <az> hāwištān ī zardušt fradom pad <ē->; sad hāwištīh ōy būd.
Sentence: 11 dēn <andar> sīstān ō čāštan, rawāg dāštan rāy nask nask pad dūdag <ī> wehān frāz frēstīd
Sentence: 12 was-ē baγān, yasn-iz xwand {!} čiyōn yasn burzmihr, ī zardušt pad wirastagīh ī ān būd <ud> windād
Sentence: 13 ka gizistag alaksandar ī hrōmīg ō ērān-šahr mad, Page: 231 awēšān kē pad brēh ī moγ-mardīh raft, grift, ōzad.
Sentence: 14 mard ud rēdag-ē čand ō sistān frēstād hēnd
Sentence: 15 was-ē būd ī zanān, būd ī aburnāyag-ē, was-ē bāγān yašn ōst warm kard ēstād. pad-iz ān rāh dēn andar sistān abāz gašt ud ārāst ud wirāst nōg nōg. bē pad sīstān enya abārīg gyag ne warm.
Sentence: 16 man kē pad ān gyāg hamāg dēn-ē yazēm, šādīh gōhrīgānīh rāy, hādōxt-ē framāyēnd yaštān. frazaft pad drōd, šādīh, rāmišn, šād ud farrox ud dagr-zīwišn ud pērōz-garud ahlaw kāmag-hanjām bawād kē nibišt kē xwēš ud kē xwānēd. ašəm
Sentence: 1 ērān-winnārd-kawādīg rēdag-ē wāspuhr nām dast ēr-kaš pēš ī šāhān-šāh ēstād.
Sentence: 2 u-š stāyišn ud āfrīn was kard.
Sentence: 3 u-š guft kū šāhān-šāh anōšag ud jāwēdān, haft-kišwar xwadāy ud kāmag hanjām bēd.
Sentence: 4 framāyēd niyōxšīdan! dūdag kē man aziš būd hēm āzādīh wehān niyāgān ī ašmā rāy hamāg nāmīg ud tuwāngar, kām-zīwišn būd hēnd.
Sentence: 5 u-šān xīr pad abāyist ī xwēš ēstād.
Sentence: 6 u-m ōy ī pid pad aburnāyīh bē widard <ud> mād kē<-š> man pus bud hēm, bē man ēnyā anē pus nē būd.
Sentence: 7 u-šān bahrag man, pad stūr ī pid, <pad> pārag ī stabr, xwarišn ī gōnag gōnag ud brahm ī xūb čābuk nēk dāšt hēm.
Sentence: 8 pad hangām ō frahangestān kardan būd hēm, u-m pad frahang kardan saxt awištāft hēm.
Page: 233
Sentence: 9 u-m yašt ud hādōxt ud baγān-yasn ud jud-dēw-dād hērbēdīhā warm, gyāg gyāg zand niyōxšīd<(an)> ēstād.
Sentence: 10 u-m dibīrīh ōwōn kū xūb-nibēg ud raγ-nibēg bārīk-dānišn, kāmak-kār angust ud frazānīg saxwan hēm.
Sentence: 11 u-m aswārīh ud kamān-warīh ōwōn kū pad farrox abāyēd dāštan ān dad kē tar asp sar man andar tuwān widardan
Sentence: 12 u-m nēzagwarīh ōwōn kū pad wadbaxt abāyēd <dāštan> ān aswār kē pad asp ud nēzag ud šamšēr ō ham-rānīh ud ham-nibardīh ī man āyēd ud pad-iz asprēs čawgān anāsūd ud damān afrasāgīhā-iz azēr tang ud pad sar asp afragūdīhā ēdōn zanēm čiyōn rōy-gar-ē kē čakuč payān hamāg abar ē gyāg paydāg.
Sentence: 13 pad čiyōn win ud barbut ud tambūr ud kennār ud har srōd, čegāmag ud pad-iz ī paywāzag-guftan, pā-wāzīg kardan awestād mard hēm.
Sentence: 14 ud pad čē čiš ī stāragān, abāxtarān ēdōn andar šud hēm Page: 234 kū awēšān kē andar ān pēšag hēnd hamāg andar man čiš-ē xwār hēnd.
Sentence: 15 ud pad čatrang ud nēwardaxšīr ud haštpāy kardan az hamahlān frāztar hēm.
Sentence: 16 pad čē zamb dō ēwēnag bastan rāy azēr ī rēšag windād gušnasp nišīnēm.
Sentence: 17 bē nūn dūdag wišuft ud nizār ud tabāh bē būd ud mād-iz pad wahišt šud.
Sentence: 18 ud ka-tān pad yazdān pahlomīh sahēd pad čiš man framāyēd nigerīdan.
Sentence: 19 šāhān-šāh ō rēdag guft kū ka tō rēdag ēdōn xwaš ārzōg hē u-t xōg pad xwarišn xwaš ud brahmag ī xūb ud čabuk andar būd ēstēd,
Sentence: 20 bē gōw kū xwarīšn-ē kadām xwaštar ud pad mizag-tar. gōwēd rēdag kū anōšag haft-kišwar xwadāy, kāmag hanjām, framāyēd šnūdan; xwarišn-ē ān xwaštar ud pad mizag-tar ī andar gušnagīh ud tan-drustīh ud abē-bīmīh xwarēnd.
Sentence: 21 bē ān pad mizag-tar wahīg ī dō māhag kē pad šīr ī mādar ud ān-iz ī gāw parward ēstēd, rūdan, ambarag ka abāg āb-kāmag handūd xwarēnd ayāb sēn ī gāw frabīh pad spēd-bāg xūb poxtan pad šakar ud tabarzad Page: 235 xwardan.
Sentence: 22 šāhān-šāh passandīd u-š pad rāst dāšt.
Sentence: 23 dudīgar framāyēd pursīdan kū murw-ē kadām xwaštar ud pad mizag-tar.
Sentence: 24 gōwēd rēdag kū anōšag bawēd, ēn and murw hamāg xwaš ud nēk.
Sentence: 25 fraš-murw, čor, ud karak, tadar <ud> tīhōg, spēd-dumbag, sūrparrag ud.....(?) ud.....(?) ud čakōk .....(?) ī parwardag ud kulang juwān ud čarz ī tīr-māhīg, kabk-anjīr ud xašēnsār ud murw-ābīg.
Sentence: 26 bē abāg karak ī kadagīg ī juwān kē pad šāhdānag ud kāmag ī jawēn ud rōγn ī zaytān parward ēstēd <ēč murw> tāxt nēst ranjāg kardan pēš pad rōz ī kuštan rūdan pad pāy-ē āgustan ud rōz ī dudīgar pad gardan āgu<-stan pad> sōrābag brišt<(an)>, az ān murw <ī> xwaš ān <ī> pust xwastar ud az pušt ān xwaštar ī ō Page: 236 dumb nazdīktar.
Sentence: 27 šāhān-šāh passandīd u-š pad rāst dāšt.
Sentence: 28 sidīgar framāyēd pursīd<(an)> kū az ān ī pad afsard nihēnd gōšt-ē kadām xwaštar.
Sentence: 29 gōwēd rēdag kū anōšag bawēd, ēn and hamāg gōšt xwaš ud nēk.
Sentence: 30 gāw ud gōr ud gawazn ud warāz ud uštar-kawādak, gawdar ī ēk sālag ud gāw-mēš ud gōr ī kadagīg ud xūg ī kadagīg.
Sentence: 31 bē abāg gōr ī juwān kē pad aspast <ud> jaw parward ēstēd ud pīh dārēd, u-š pad sik ī truš....(?) ud čāšnīg ēwēnīhā dahēnd u-š pušt pad halām nihēnd, afsardī ān weh <us> xwastar.
Sentence: 32 šāhān-šāh passandīd ud pad rāst dāšt.
Sentence: 33 čahārōm framāyēd pursīdan kū xāmīzī kadām tarr-tar.
Sentence: 34 gōwēd (rēdag) kū anōšag bawēd, xāmīzī xargōš tarr-tar ud asprōd hambōy-tar ud nām-war <ud> pad mizag-tar ud dil ī <ta->dar hu-gugārtar.
Sentence: 35 bē abāg āhūg ī mādag ī starwan kē afsard ēstēd ud pīh dārēd ēč xāmīz pahikār nēst.
Sentence: 36 šāhān-šāh passandīd (u-š) pad rāst dāšt.
Page: 237
Sentence: 37 panjōm framāyēd pursīd<(an)> kū rōγn-xwardīg-ē kadām weh ud xwaštar
Sentence: 38 gōwēd rēdag kū anōšag bawēd, ēn and rōγn-xwardīg hamāg xwaš ud nēk.
Sentence: 39 pad hāmīn ān lawzēnag ud gōzēnag ud gōz afrōšag ud čarb afrōšag ud čarb-angust kē az čarz ayāb az ān ī āhūg kunēnd, pad rōγn ī gōz wirēzēnd
Sentence: 40 pad zamestān ān lawzēnag, šiftēnag ud wafrēnag ud tabarzad ud gišnīz āwurd
Sentence: 41 bē abāg parwardag ī az āb ī sēb <ud> bēh ī....(?) kard ēstēd ēč rōγn-xwardīg pahikār nēst.
Sentence: 42 šāhānšāh passandīd ud u-š pad rāst dāšt.
Sentence: 43 šašōm framāyēd pursīd<(an)> kū ambag-ē kadām xwaštar.
Sentence: 44 gōwēd rēdag kū anōšag bawēd, ēn and ambag-ē hamāg xwaš ud nēk.
Sentence: 45 wahār-wādrang ka abāg pōst xwarēnd, bēh ud....(?) ud halīlag ud gōz ī tarr <ud> wādrang ud wahman ī spēd.
Sentence: 46 bē abāg sanjībil ī čīnīg, halīlag ī parwardag ēč ambag Page: 238 pahikār nēst.
Sentence: 47 šāhān-šāh passandīd ud u-š pad rāst dāšt.
Sentence: 48 haftōm framāyēd pursīd<(an)> kū dārēnag-ē kadām xwastar.
Sentence: 49 gōwēd rēdag kū anōšag bawēd ēn and dārēnag hamāg xwaš ud nēk.
Sentence: 50 anārgēl ka abāg šakar xwarēnd, pad hindūg anārgēl xwānēnd ud pad pārsīg gōz ī hindūg xwānēnd.
Sentence: 51 bistag gurgānīg ka pad sōrābag brēzēnd, naxōd ī tarr kē abāg āb-kāmag xwarēnd.
Sentence: 52 xormā ī ērānīg kē pad gōz āgand ēstēd, bistag tarr ud šiftālūg ī armanīg, balūt, šāh-balūt ud šakar ud tabarzad
Sentence: 53 bē hamwār abāg šā-dānag i syā-razurīg kē pad pīh pāzen brišt ēstēd ēč dārēnag pahikār nēst, čē xwaš pad xwardan, hu-bōy pad dahān, hu-gugārd pad aškambag ud pad-iz ān kār frāztar.
Sentence: 54 šāhān-šāh passandīd u-š pad rāst dāšt.
Sentence: 55 (haštōm framāyēd) pursīd<(an)> kū may-ē kadām weh ud xwaštar.
Page: 239
Sentence: 56 gōwēd rēdag kū anōšag bawēd, ēn and may hamāg nēk <ud> xwaš.
Sentence: 57 may kanīg ka nēk wirāyēnd ud may ī harīwag ud may ī marw-rōdīg ud may ī bustīg, bādag ī halwānīg.
Sentence: 58 bē hamwār abāg may ī asūrīg, bādag ī wāzrangīg ēč may pahikār nēst.
Sentence: 59 šāhān-šāh passandīd ud u-š pad rāst dāšt.
Sentence: 60 nōhōm framāyēd pursīdan kū huniyāgar-ē kadām xwaštar ud weh.
Sentence: 61 gōwēd rēdag kū anōšag bawēd, ēn and huniyāgar hamāg xwaš <ud> nēk.
Sentence: 62 čang-sarāy, win-sarāy ud kennār-sarāy, ud....(?) ud....(?) ud tambūr sarāy, barbut-sarāy ud nāy-sarāy ud dumbalag-sarāy....(?) ud dīrak-rasan-wāzīg ud zanjīr-wāzīg ud dār-wāzīg ud mār-wāzīg ud čambar-wāzīg ud tigr-wāzīg ud tās wāzīg ud wandag-wāzīg ud andarwāy-wāzīg....(?)....(?) tambūr ī meh (sarāy), spar-wāzīg, zēn-wāzīg ud gōy-wāzīg ud zīl-wāzīg (?) šamšēr-wāzīg ud dašnag-wāzīg ud warz-wāzīg ud šīšag-wāzīg ud kabīg-wāzīg. ēn and Page: 240 huniyāgar hamāg xwaš ud nēk.
Sentence: 63 bē abāg čang-sarāy ī kanīg {!} ī nēkōg pad šabestān [kanīzag ī čang-sarāy weh] ka-š wāng tēz ud xwaš-āwāz, pad-iz ān kār nēk šayēd <ud> win-sarāy <pad> xwaran ī wuzurg ēč huniyāgar pahikār nēst.
Sentence: 64 šāhān-šāh passandīd u-š pad rāst dāšt.
Sentence: 65 dahōm framāyēd pursīdan kū andar may (fradom ud) dudīgar, sidīgar, ud čahārōm, panjōm ud šašōm ud haftōm čē gōwē.
Sentence: 66 gōwēd rēdag kū anōšag bawēd mardān ī pahlom, andar may, fradom hu-bōy ud dudīgar dārēnag ud sidīgar halīlag ī parwardag, čahārōm xāmīz ud panjōm bazmāwurd, šašōm weh šām, ud haftōm rōγn-handūdag-bē-xuftag
Sentence: 67 šāhānšāh passandīd ud pad rāst dašt.
Sentence: 68 yāzdahōm framāyēd pursīdan kū sprahm-ē kadām hu-bōytar.
Sentence: 69 gōwēd rēdag kū anōšag bawēd mardān ī pahlom, Page: 241 sprahm-ē yāsaman hu-bōytar čē-š bōy ēdōn čiyōn bōy ī xwadāyān mānēd.
Sentence: 70 husraw sprahm bōy ēdōn čiyōn bōy ī šahryārān.
Sentence: 71 gētīg bōy ēdōn čiyōn bōy hu-niyāg.
Sentence: 72 gul bōy ēdōn čiyōn bōy (....).
Sentence: 73 nargis bōy ēdōn čiyōn juwānīh.
Sentence: 74 hērīg suxr (bōy) ēdōn čiyōn bōy ī dōstān.
Sentence: 75 hērīg ī zard bōy ēdōn čiyōn zan ī āzād ka nē rōspīg.
Sentence: 76 kāpūr bōy ēdōn čiyōn dastwarīh.
Sentence: 77 ud saman ī spēd bōy ēdōn čiyōn bōy ī frazandān.
Sentence: 78 ud saman ī zard bōy ēdōn čiyōn bōy ī zan ī āzād ka nē rōspīg.
Sentence: 79 sōsan ī spēd bōy ēdōn čiyōn dōstīh.
Sentence: 80 ud marw ī ardaxšīrān bōy ēdōn čiyōn bōy ī mādar.
Sentence: 81 marw ī spēd bōy ēdōn čiyōn bōy ī pidarān.
Sentence: 82 wanafšag bōy ēdōn čiyōn bōy kanīzagān.
Sentence: 83 šā-esprahm bōy ēdōn čiyōn bōy grāmīgān.
Sentence: 84 mōrd bōy ēdōn čiyōn dahibedān.
Sentence: 85 nīlōpal bōy ēdōn čiyōn bōy tuwāngarīh.
Sentence: 86 ud marzangōš bōy ēdōn čiyōn bōy bizeškīh.
Sentence: 87 spēdag bōy ēdōn čiyōn bōy wēmārān.
Page: 242
Sentence: 88 palangmušk bōy ēdōn čiyōn nēkīh
Sentence: 89 kūpal bōy ēdōn čiyōn husrawīh.
Sentence: 90 nastaran bōy ēdōn čiyōn zan pīr.
Sentence: 91 munj ka nē škōfēd bōy ēdōn čiyōn zan kāmgīh ud ka škōft ēstēd bōy ēdōn čiyōn bōy grāmīgān.
Sentence: 92 sīsīmbar bōy ēdōn čiyōn āzādagīh.
Sentence: 93 bōy ēn hamāg sprahmīhā andar yāsaman čiš-ē xwār, čē bōy ō bōy ī xwadāyān mānēd.
Sentence: 94 šāhān-šāh passandīd ud pad rāst dāšt.
Sentence: 95 dawāzdahōm framāyēd pursīd<(an)> kū zan-ē kadām weh.
Sentence: 96 gōwēd rēdag kū anōšag bawēd, zan-ē ān weh ī pad-menišn, mard dōst, u-š abzōnīh nē, bālāy mayānjīg, u-š war pahn, sar, kūn, gardan hambast u-š pāy kōtāh ud mayān bārīk ud azēr pāy wišādag, angustān dagrand, u-š handām narm ud saxt -āgand ud bēh pistān ud u-š nāxun wafrēn, u-š gōnag anārgōn u-š čašm wādām ēwēn ud lab wassadēn ud brūg tāgdēs, Page: 243 <dandān> spēd, tarr, ud hōšāb ud gēsū syā ud rōšn, drāz ud pad wistarag ī mardān saxwan nē a-šarmīhā gōwēd.
Sentence: 97 šāhān-šāh passandīd ud pad rāst dāšt.
Sentence: 98 šāhān-šāh guft kū tō was mādag kāmag hē.
Sentence: 99 rēdag guft kū anōšag bawēd mardān pahlom kē ān dah hazār kanīzag andar mašk abarzēn ī tō hēnd ēn-šān kāmag ī ēn-šān čiš bowandag, abarīh <ī> rāmistan ī ašmā rāy guft<(an)>.
Sentence: 100 šāhān-šāh passandīd ud pad rāst dāšt.
Sentence: 101 sēzdahōm framāyēd pursīd<(an)> kū bārag-ē kadām weh.
Sentence: 102 gōwēd rēdag kū anōšag bawēd, ēn hamāg bārag nēk, asp ud astar ud uštar tazāg ud stōr ī bayaspānīg.
Sentence: 103 bē hamwār abāg bārag ī gāwistānīg ēč bārag pahikār nest.
Sentence: 104 šāhān-šāh passandīd ud pad xūb dāšt.
Sentence: 105 pas šāhān-šāh ō māh-husraw ī anōš-husraw framūd kū jār-ē pad čiš ī ēn rēdag abar rasēd, dawāzdah hazār drahm ī purr dahēd ud čiš ī ēn rēdag guft har rōz pad Page: 244 uzmāyišn abar rasēd har rōz xwarišn ī ēn rēdag guft kū ārāstag ud wirāstag pēš amā dārēd tā abar rasēm.
Sentence: 106 u-š har rōz čahār dēnār framūd dād<(an)>.
Sentence: 107 pas az ān, māhīgān ēw-čand, rēdag ō dar šāhān-šāh mad ud darbān sālār rāy ō pēš šāhānšāh frēstīd.
Sentence: 108 u-š pad nibištag ōwōn nibišt ēstād kū anōšag bawēd mardān pahlom, az ganj ī dād šāhān-šāh pad padēxīh ī xwarīšn, čābuk, abē-āhōg hēm.
Sentence: 109 ud ka-tān sahēd andar kār ī amā sazāgīhā nigerišn framāyēd kardan, ud ka andar ān handāzišn šāhān-šāh hamāg kard,
Sentence: 110 asūrestān sālār frāz šud ō šāhān-šāh guft kū anōšag bawēd mardān pahlom, āgāh framāyēd būdan kū dō šagr āmad kē asp ramagān az gyāg ī xwēš spōxtag dārēd.
Sentence: 111 agar ašmā abar sahēd ān šagrān az asp ramagān abāz framāyēd dāštan.
Sentence: 112 šāhān-šāh andar zamān rēdag ō pēš xwāst, u-š guft kū hunar šāyendagīh ī tō abāyēd ka ān šagrān rāy zīndag ō amā āwarēd.
Page: 245
Sentence: 113 ud rēdag pad ham zamān šud.
Sentence: 114 andar rāh zan-ē dīd ī was nēkōg.
Sentence: 115 rēdag bē ān zan guft kū agar-it {!} sahēd man rāy hilē tā abāg tō kāmag wizārom {!}.
Sentence: 116 zan ō rēdag guft kū agar ān wināhīhā ī tā im-rōz man kard hēm tō bē padīrē ud ān kirbagīhā ī tō tā im-rōz kard hē bē man abespārē, tō rāy bē hilēm tā abāg man kāmag wizārē.
Sentence: 117 ud rēdag andar-iz zamān pēš ān abāz gašt ud raft ud ān waran bē nē wizārd.
Sentence: 118 ō widār ī šagrān šud ud pad widār šagrān bē nišast ud har dō šagr rāy pad kamand bē grift ud zīndag ō pēš šāhān-šāh āwurd.
Sentence: 119 šāhān-šāh abd sahist, ō rēdag guft kū šaw, šagrān rāy bē ōzan ud rēdag šud ud šagrān rāy bē ōzad.
Sentence: 120 ud pas rēdag pad šahr, wuzurg marzbān framūd kardan.
Sentence: 121 pas az ān āgāhīh ō šāhān-šāh rasīd ka rēdag ō griftan šagr šud, andar rāh zan-ē dīd, bē ān zan šud ud zan rāy {!} čē guft ud ān zan ō rēdag čē passox dād ud rēdag az ānōh frāz raft ud ān waran bē nē wizārd.
Sentence: 122 ud šāhān-šāh ka-š ān saxwan ašnūd guft kū ān rēdag was pad-xrad būd ka ān wināhīhā bē nē padīrift ud ān waran bē nē wizārd, bē hišt.
Sentence: 123 hān! kē ōy tā-š būd ka hamāg ēn kārīhā guft, kard.
Page: 246
Sentence: 124 rēdag gāh ud pāyag wuzurg būd ud az ān frāz pad nazdīk ī xwēš dāšt.
Sentence: 125 anōšag ruwān bawād husraw ī šāhān-šāh ī kawādān ud ān rēdag ī xwaš-ārzōg. ēdōn bawād.
Sentence: 1 xwāstag ī tan drustīh weh.
Sentence: 2 ud frazand ī ahlāyīh {!} weh.
Sentence: 3 ud brād ī husraw weh.
Sentence: 4 pānag ī xwēš-kārīh weh.
Sentence: 5 hambāz ī zan nēk weh.
Sentence: 6 hambār ī kirbag weh.
Sentence: 7 dōst ī ruwān ī xwēš weh <kū> rāyēnīdār ī gāhānīg.
Sentence: 8 pad hamāg kār ud dādestān rāstīh <ud> bowandag-menišnīh weh.
Sentence: 9 pad dō gēhān abē-bīmīh weh.
Sentence: 1 pad dād ud dēn raftan.
Sentence: 2 ud pid ud mād nē āzārdan.
Sentence: 3 hu-sāzagīh abāg brādarān ud dōstān ud xwēšān, nazdīkān Page: 248 ud paywand kardan, daštār ī zan <ī> hu-saxwan būdan.
Sentence: 4 pad xīr ī kirbag tuxšīdār būdan
Sentence: 5 ud har rōz abāg xwēš-tan āmār be kardan kū īm-rōz čē sūd ud čē ziyān čē kirbag ud čē wināh ud čand pad rāh ī frārōn raft hēm ud čand pad rāh ī abārōn, čē ēn gētīg aspinj ī ēk rōzag hōmānag, jāwēdān ānōh abāyēd būdan.
Sentence: 6 ud pad kirbag ud bazag āmār bawēd.
Sentence: 7 čē har kē-š kirbag wēš kū wināh ēg-iš srōš ahlaw {!} dast gīrēd ō wahišt nayēd.
Sentence: 8 ōy kē wināh wēš kū kirbag ēg-iš wīzarš dēw dast gīrēd ō dušox nayēd ka griyēnd nē apoxšāyēnd ud ka wāng kunēnd nē niyōxšēnd.
Sentence: 9 abdom abestān pad tō kunišn ī xwēš.
Sentence: 1 pad dard ast kē xrad nē dārēd.
Sentence: 2 ranjwar ast kē zan nē dārēd.
Page: 249
Sentence: 3 abē-nām ast kē frazand nē dārēd.
Sentence: 4 duš-arz ast kē xwāstag nē dārēd.
Sentence: 5 sust ast kē kas nē dārēd.
Sentence: 6 az ēn hamāg ōy wattar {!} kē ruwān nē dārēd.
Sentence: 1 dānāgīh rāy tāg nēst.
Sentence: 2 arešgīh rāy nām nēst.
Sentence: 3 gētīg rāy pāyišn nēst.
Sentence: 4 juwānīh rāy nāzišn nēst.
Sentence: 5 xwāstag rāy burzišn nēst.
Sentence: 6 zīndagīh rāy rāmišn nēst.
Sentence: 7 zurwān rāy dārūg nēst.
Sentence: 8 margīh rāy čārag nēst.
Sentence: 9 zanān rāy xrad nēst.
Sentence: 10 xwadāy rāy hambāz nēst.
Sentence: 11 ud az ēn hamāg ōy wattar {!} kē be mīrēd, xwadāy az ōy hušnūd nēst.
Page: 250
Sentence: 12 ud har kē xwadāy az ōy hušnūd nēst ōy rāy andar wahišt bāmīg gyāg nēst.
Sentence: 1 pōryōtkēšān ī frodom-dānišnān pad paydāgīh ī az dēn, bē guft ēstēd kū har mardōm ka ō dād ī pānzdah sālag rasēd ēg-iš ēn and čiš bē dānistan abāyēd kū: kē hēm ud kē xwēš hēm ud az kū mad hēm ud abāz ō kū šawēm ud az kadām paywand ud tōhm hēm ud u-m čē xwēškārīh ī gētīg ud čē mizd ī mēnōg ud az mēnōg mad hēm ayāb pad gētīg būd hēm, ohrmazd xwēš hēm ayāb ahreman, yazdān xwēš hēm ayāb dēwān, wehān xwēš hēm ayāb wattarān, mardōm hēm ayāb dēw, rāh čand, u-m dēn kadām, u-m čē sud u-m čē ziyān, u-m kē dōst, u-m kē dušmen, buništag ēk ayāb dō, ud az kē nēkīh ud az kē wadīh ud az kē rōšnīh ud az kē tārīkīh ud az kē hu-bōyīh ud az kē gandagīh ud az kē dādestānīh ud az kē adādestānīh ud az kē apōxšāyišn ud az kē an-āmurzišn.
Page: 252
Sentence: 2 nūn, wizīdār ī čim, dast abar nihād ī ham-ēdōn wurrōyišn mayānjīgīhā pad rāh ī xrad, bē abē-gumānīhā sazēd dānistan kū az mēnōg mad hēm nē pad gētīg būd hēm, āfrīdag hēm nē būdag, ohrmazd {!} xwēš hēm nē ahreman, yazdān xwēš hēm nē dēwan, wehān xwēš hēm nē wattarān, mardōm hēm nē dēw, ohrmazd dām hēm nē ahreman dām, u-m paywand ud tōhm az gayōmard, u-m mād spadarmad u-m pid ohrmazd u-m mardōmīh az mihrē, mihryānē kē fradom paywand ud tōhm az gayōmard būd hēnd.
Sentence: 3 u-m warzišn ī xwēškārīh ud frēzbānīh ēn kū ohrmazd pad astīh {!}, hamāg būdīh, hamāg bawēdīh ud anōšag-xwadāyīh ud a-kanāragīh ud abēzagīh, ahreman pad nēstīh ud menīdan wanē-būdīh ud xwēš-tan pad xwēšīh ī ohrmazd ud amahraspandān dāštan ud az ahreman ud dēwān ud dēw-ēsnīh judāg būdan.
Sentence: 4 pad gētīg fradom pad dēn āstwān būdan, padiš warzīdār ud yaštār ud az-iš a-wardāg būdan, wurrōyišn menišnīhā pad weh dēn ī māzdēsnān dāštan, sūd az ziyān ud winah az kirbag, wehīh az wattarīh ud rōšnīh Page: 253 az tārīkīh ud māzdēsnīh az dēw-ēsnīh bē wizīdan.
Sentence: 5 dudīgar {!}, zan kardan ud paywand ī gētīg rāyēnīdan padiš tuxšāg, aziš a-wardāg būdan.
Sentence: 6 sidīgar zamīg kišwzār kardan, warzīdan.
Sentence: 7 čahārom gōspand dādīha warzīdan.
Sentence: 8 panjom sē ēk ī rōz ud sē ēk ī šab ō hērbedestān šudan ud xrad ī ahlawān pursīdan, sē ēk ī rōz ud sē ēk ī šab warz ud ābādānīh kardan ud sē ēk rōz ud sē ēk ī šab xwardan ud rāmišn ud āsāyišn kardan.
Sentence: 9 ud pad ēn abē-gumān būdan kū: az kirbag sūd ud az wināh ziyān, u-m dōst ohrmazd ud dušmen ahreman ud rāh ī dēn ēk.
Sentence: 10 ēk rāh ī humat ud hūxt ud huwaršt, rōšnīh ud abēzagīh ud a-kanārag<īh> ī dādār ohrmazd ī hamāg būd ud hamāg bawēd.
Sentence: 11 ēk rāh ī dušmat ud duš-hūxt ud dušxwaršt, tārīkīh ud kanāragōmandīh ud harwispanāgīh ud margīh ud wattarīh ī ōy ī druwand gannāg-mēnōg, ī bawēd ī ka Page: 254 nē bawēd andar ēn dām, bawēd ka nē bawēd andar dām ī ohrmazd, ud pad frazām bē abēsīhēd.
Sentence: 12 ud pad-iz ēn abē-gumān būdan kū: buništag dō, ēk dādār ud ēk murnjēnīdār
Sentence: 13 ōy ī dādār, ohrmazd, kē harwisp nēkīh, harwisp rōšnīh.
Sentence: 14 u-š ān ī murnjēnīdār, druwand gannāg-mēnōg ī harwisp wattarīh ud purr-margīh ī druz ī frēftār.
Sentence: 15 ud pad ēn and abē-gumān būdan kū pad jud az sōšans ud ān haft kay, harwīn kas ōšōmand.
Sentence: 16 ud pad kunišn ī gyān, wišuftan ī tan ud āmār ī pad stōš ud būdan ī rist-āxēz ud tan pasēn, widārdan ī čīnwad puhl ud madan sōšāns, kardan ī rist-āxēz ud tan ī pasēn abē-gumān būdan.
Sentence: 17 ud dād ī ērīh ud dēn ī pōryōtkēšīh ud menišn ī frārōnīh<-ā> ud uzwān rāstīhā ud dast hu-warzīhā dāštan.
Sentence: 18 abāg hamāg wehān pad dād <ud> ērīh ēstādan.
Sentence: 19 āštīh ud hamīh pad hamāg kār ud kirbag <dāštan>.
Page: 255
Sentence: 20 abāg hamāg wehān pad dād xūb dēnigīh ēstādan.
Sentence: 21 ē-z kē būd hēnd ud ē-z kē bawēnd ud ē-z kē hēnd, hamāg ham-kirbag ud ham-dādestān būdan.
Sentence: 22 kirbag ī pad dād rāy kard abērtar abar āyēd kū ān ī xwad warzēnd, padiš ahlawtar bawēnd.
Sentence: 23 ud guft kū "weh-dēn ī māzdēsnān padīrift, padiš abē-gumān hēm, nē tan ud nē gyān dōšāram rāy ud nē weh-zīwišnīh ud nē wēš-zīwišnīh ud nē az tan band bē wardišnīh rāy az weh-dēn ī māzdēsnān abāz nē ēstēm, padiš abē-gumān hēm, jud-kēšān nē stāyēm ud nē burzēm, u-šān padiš nē wurrōyēm.
Sentence: 24 čē paydāg kū az menišnān ud gōwišnān ud kunišnān, kunišn āmār.
Sentence: 25 čē ān saxwan an-ast, menišn a-griftār ud kunišn griftārōmand.
Sentence: 26 čē mardōmān pad kunišn gīrēnd, ēn-iz sē rāh andar tan ī mardōmān nihād ēstēd.
Sentence: 27 pad ēn sē rāh sē mēnōg gāh ud sē druz rāh dārēd, pad menišn wahman gāh <ud> xēšm rāh dārēd, pad gōwišn xrad gāh <ud> waran rāh dārēd ud pad kunišn spenāg mēnōg gāh <ud> gannāg mēnōg rāh dārēd {!}.
Sentence: 28 mardōmān pad ēn sē rāh saxt estišn xīr ud xwāstag ud Page: 256 ārzōg ī gētīg rāy, mizd ī mēnōg bē nē hilišn.
Sentence: 29 čē mardōm kē-š ēn sē pās ī-m guft abar tan ī xwēš bē pāyēd, menišn az dus-mat ud gōwišn az duš-hūxt ud kunišn az dušwaršt,
Sentence: 30 ēg spāsdār, būdan pad pāsdarīh ēn kū tuwān kardan kū ruwān ō dušox nē rasēd
Sentence: 31 čē mardōm patačaṇbiiō ka az pušt ī pidar ō aškamb ī mādar šawēd, ēg-iš astwihād mēnōgīhā band-ē andar ō grīw abganēd tā zīndag drahnāy ān band nē pad mēnōg ī weh ud nē pad mēnōg ī wattar az grīw bē kardan nē tuwan
Sentence: 32 bē, pad ān ī xwēš hu-kunišnīh, ān ī ahlaw pas az bē widerišnīh {!} ān band az grīw bē ōftēd ud ān ī druwand pad ān ī ham-band ō dušox nayēd.
Sentence: 33 čē har kē andar gētīg and čand yašt-ē bē kardan, wināh ī andar dast ud pāy bē dānistan abāyēd, bē, kē karr ayāb gung ēnyā <ī> pādixšā bē, ka kunīhēd ? ēn-iz hērdestān bē kardan ud zand bē dānistan.
Sentence: 34 pid ud mād frazand ī xwēš rāy ēn and kār <ud> kirbag pēš az pānzdah sāl bē hammōxtan abāyēd ud ka-š ēn and bē hammōxt, har kār ud kirbag ī frazand kunēd Page: 257 pid ud mād ōh bawēd ud ka-š nē hammōxt, frazand pad masādarīh wināh kunēd, pid ud mād ō bun bawēd.
Sentence: 35 pad kirbag ham-dādestān ud pad wināh jud-dādestān ud pad nēkīh spāsdār ud pad petyārag hunsand ud pad astānag bārestān, pad frēzbānīg kārān tuxšāg bawēd.
Sentence: 36 ud az hamāg wināh pad petīt bawēd ud <az hamāg> wināh ō puhl šawēd, andar hāsar bē ma hilēd.
Sentence: 37 ud waran ud ārzōg ī abārōn pad xrad bē zanēd.
Sentence: 38 āz pad hunsandīh ud xēšm pad srōš ud arešk pad hu-čašmīh ud niyāz pad widwarīh ud anāštīh pad āštīh ud druzīh pad rāstīh bē zanēd.
Sentence: 39 bē dānēd kū gyāg-ē wahišt weh, ud šahr-ē mēnōg huram-tar, ud deh-ē asmān rōšn-tar, <ud> mān rōšn-ē garōdmān <rōšntar> ud warz ī kirbag meh ummēd ī tan ī pasēn kē<-š> widīrišn nēst.
Sentence: 40 wattarān pad tuwān <ud> pādixšāyīh ma burzēd, čē az burzišn ī abārōn, wattarīh ō tan šawēd ud wehīh bē spōzēd.
Sentence: 41 pad frahang xwāstārīh tuxšāg bawēd, čē frahang tōhm ī dānišn, u-š bar xrad ud xrad har-dō-axwānīg rāyēnišn.
Sentence: 42 padīš guft ēstēd kū frahang andar frāxīh payrāyag ud Page: 258 andar škeftīh pānag ud andar astāng dast-gast-gīr ud andar tangīh pēšag.
Sentence: 43 pad kas-iz kas-afsōs mā kunēd čē afsōs-gar mardafsōs-bar zad-xwarrah, nifrīdag bawēnd u-šān frazand i šāyendag ī arteštār kam bēd.
Sentence: 44 har rōz ham-pursagīh rāy frāz ō hanjaman ī wehān šawēd čē ōy hanjaman ī wehān wēš šawēd kirbag ud ahlāyīh wēš baxšēnd.
Sentence: 45 ud har rōz sē bār andar mān ī ātaxšān šawēd ud ātaxš niyāyišn kunēd čē ōy kē andar mān ī ātaxšān wēš šawēd ud ātaxš niyāyišn wēš kunēd ēg-iš xwāstag ud ahlāyīh wēš baxšēnd.
Sentence: 46 az āzārišn ī pid ud mād ud sālār, saxt pahrēzēd kū-tān tandusraw ud ruwān druwand nē bawād.
Sentence: 47 bē dānēd kū az a-mar petyārag <ī> gannāg mēnōg ī druwand kirrēnīd sē ēn garān-tar: bastišn <ī> wēnišn ī čašm ud nē āšnawišn ī gōš ud sidīgar druz ī anāštīh.
Sentence: 48 čē paydāy kū xwaršēd im-čim rāy har rōz sē bār ō mardōm ī gētīg framān dahēd.
Sentence: 49 bāmdād ēn gōwēd kū ohrmazd ō ašmā kē mardōm hēd hamāg gōwēd kū pad kār ud kirbag kardan tuxšāg Page: 259 bawēd tā-tān man ziwišn ī gētīg pad mayān kunēm.
Sentence: 50 nēm-rōz ēn gōwēd kū pad zan xwāstan ud frazand warzīdan ud abārīg xwēškārīh tuxšāg bawēd čē tā tan ī pasēn gannāg mēnōg ud wišūdagān az ēn dām judāg nē bēd.
Sentence: 51 ēbārag-gāh ēn gōwēd kū az wināh ī-tān kard ēstēd pad petīt bēd tā-tān man bē āmurzēm, čē paydāg kū ēdōn čiyōn rōšnīh ī xwaršēd ō zamīg rasēd, u-š gōwišn ō zamīg āyēd.
Sentence: 52 andar axw ī astōmand pad menišn ud gōwišn ud kunišn mihōxt nē menēd ud nē gōwēd ud nē kunēd.
Sentence: 53 pad nērōg ī yazdān ud rāh ī xrad <ud> āfrāh ī dēn zēnāwandīhā abar tuxšēd ud bē nigerēd kū pas-iz ka arz ī kirbag ōwōn wuzurg ud a-kanārag, gannāg mēnōg pad nihuftārīh anāgīh handāxtār ud ohrmazd pad āškārāgēnīdārīh ōwōn kōxšišnīg, ān kadār-iz-ē kē az dēn āgāh ēg pad kār ud kirbag kardan tuxšāg az-iš a-wardāg-tar bawēd.
Page: 260
Sentence: 54 ān ī ēn hazārag sarkē dēn wattarīh a-mar ud māzdēsnīh ōzār, ud dēn a-dādīh frahist, dād ud dēn, uskārišn ī wehān ud frārōn-kunišnān, xwēškārān šudag, ud kardag ī ahreman ud dēwān āškārāg, čiyōn-šān ēn daxšag abāz wirāyišnīh <ī> zamān, besīhēnišn mihrōdrujān ud dēwān-iz bahrān, dēn hamēstārān, rāstārīh ud ummēd weh dahišnān az azdahāgān čand paywastārīh ī kišwarān ī ohrmazd dādestān. ēg har kas pad wahman āštīh mehēnišn, ud pad dēn āfrāh ī xrad pursišn, pad xrad rāh ī ahlāyīh wizōhišn, ud pad rāh ī rādīh ruwān urwāzēnišn, ud pad hu-čašmīh gāh burzišn, ud pad hunar nām xwāhišn, ud pad ēr-menišnīh dōst handōzišn, ud pad bārestānīh ummēd passandišn, pad xēm wehīh handōzišn, ud pad ahlāyīh rāh ī rōšn garōdmān wirāyišn. ānōh az xwēš hu-kunišnīh warzīgīh bar xwarīhēd.
Sentence: 55 tan ī ōšōmand! ruwānwēnud kirbag kun čē ruwān hast nē tan, mēnōg hast nē gētīg.
Sentence: 56 tan rāy āzarm ī ruwān bē ma hilēd ud ma framōšēd.
Page: 261
Sentence: 57 pad āzarm ī kas, frasāwandīg ī xīr ī gētīg, kāmag abar ān čiš ma barēd kē-tān tan ō puhl ud ruwān ō pādifrāh rasēd, bē ō ān čiš barēd, kē-š bar rāmišn ī hamēīg rāmišnīg bawēh.
Sentence: 58 ud hu-kunišnīh, nēk- kunišnīh warzīh, az tuxšišn zāyēd, az dahišn-iz dahišn, az xwāhišn xwāhišn, az ōš ōšīh, az menōg dānišn. dānišn ī ān abzār kē ast, būd ud bēd.
Sentence: 59 padiš dānīhēd nōg-dādārīh, rāyišn ud hammōxtārīh ī čišān, wirāstār<īh> har sazēd kardan, sūd xwāstār<īh> wispān pad har dō axwān rāyēnišnān.
Sentence: 1 gōš andar dārēd pahlomīhā, mardōmān kē hēd māzdēsn ī kišwar, ašnawēd ān ī dānāg gōwišn, ī frārōn handarz ī ohrmazd ud amahraspandān.
Sentence: 2 pad ušahin gāh abar ēstēd ōšōmandān mardōmān dādīhā, dast ud rōy pad gōmēz ī gōspandān šōyēd ud pad āb pāk šōyēd ud dādīhā wistarag ī pāk pōšēd ud pad nērang dēn ī māzdēsnān ēbyānghan bandēd pad menišn ud gōwišn ud kunišn ī frārōn menišnīgīhā ruwān rāy kār ud kirbag kunēd ud ahlāyīh pursīdār bawēd.
Sentence: 3 im rōz ka gētīgān hišt ēstēd <ud> ohrmazd ī xwadāy zīwišn ī gētīg<ī> pad mayān hilēd, pēš az ān ka astwihād abar rasēd ud wāy ī wattar abar ō kirb nišīnēd, ud wišōbišn ī kālbod {!}, ōš ud wīr ud bōy ud gyān ud tan az kālbod judāg kunēd, kālbod ī man rēman ud a-kār kunēd, tā sōšāns ud tan ī pasēn, ōš ud wīr ud bōy ud gyān ud tan ud kālbod ī mardōmān ēk ō Page: 263 dīd nē gumēzēd.
Sentence: 4 pas kālbod ī mardōmān ōwōn homānāg čiyōn draxt-ē ka kārēnd ud rōyēd ud abzāyēd ud waxšēd, škenēnd ud brīnēnd ud wēzēnd ud abar ō ātaxš nihēnd ud ātaxš sōzēd ud gugārēd ud wād ī ardā {!} andar ō gēhān parganēd, pas be ō ōy kē kārēd ayāb dīd ēg-iz nē dānēd kū xwad būd ayāb nē.
Sentence: 5 pas, az mardōmān andar gētīg ōy burzišnīg-tar kē har frādahišnīh, xwāstag be ō kār kirbag handōzēd.
Sentence: 6 abāg xwēš-āwandān, dōstān, jud-dēnān mardōmān mihr ma drōzēd, nāf ud paywand ī xwēs rāy, ān ī abārōn mihrōdrōz ma kārēd pad duš-mat ud duš-hūxt ud dušxwaršt.
Sentence: 7 "yezi. humatəm. *mainiiāt̰. hūxtəm. vāčəm. *mruiiāt̰. huuarštəm. vərəziiāt̰. š́iiaoϑanəm" {= Gj. 163}
Sentence: 8 čē agar humat menēd pad menišn ud hūxt gōwēd pad gōwišn ud huwaršt warzēd pad warzišn, be abespārēd ān ī xwēš ruwān pad pahlom axwān pad humat ud hūxt ud huwaršt.
Page: 264
Sentence: 9 čē spenāg-mēnōg ast menišn humat, gōwišn hūxt ud warzišn huwaršt, dēn gāhānīg abēzag weh dēn ī māzdēsnān, pēšag hu-xēmīh ud rastag ahlāyīh.
Sentence: 10 "yezi. dušmatəm. *mainiiāt̰. dužūxtəm. *vāčəm. *mruiiāt̰. dužuuarštəm. vərəziiāt̰. š́iiaoϑanəm" {= Gj. 164}
Sentence: 11 čē agar dušmat menēd pad menišn, duš-hūxt gōwēd pad gōwišn, dušxwaršt warzēd pad warzišn, be abespārēd ān ī xwēš ruwān pad ān wattom axwān pad dušmat ud duš-hūxt ud dušxwaršt.
Sentence: 12 čē gannāg mēnōg ast mēnišn dušmat, ud gōwišn duš-hūxt, <ud> warzišn dušxwaršt, dēn ī jādūgīh ud pēšag ahlomōγīh ud ristag frēftārīh.
Sentence: 13 wuzurg ummēd ī kirbag rāy wināh ma kunēd.
Sentence: 14 pad juwānīh wistāx ma bawēd, ōšōmandān mardōmān, čē was kasān ī pad aburnāyīh az gētīg be widard hēnd, wany {!} ud apaydāg būd hēnd <kē> tā dagr zamān pattāyist, bē pas-iz frazām widaštan, wany {!} ud apaydāg būdan abāyēd.
Sentence: 15 bē nūn ēn gīrēm <ī> čiš ī frašgirdīg abāyēd <ī> dagr zamān pattāyēd ud nē wišōbēd.
Sentence: 16 tan! hangār kū-m widerēd kār ī gētīg, ān ī grāmīg nāzuk kālbod barēnd pad gyāg frāmōšān, ānōh an-ayād bē Page: 265 nihēnd, rōz pad rōz frāmōš-tar ud an-ayād-tar bawēd, būdān abar pahikārēnd ud drōn nē yazēnd ud man kē ruwān hēm stāyišn-ōmand az tō tan, mustōmand ud garzišnīg bawēm.
Sentence: 17 dārēm handarz-ē az dānāgān, az guft ī pēšēnīgān, ō ašmā be wizārēm pad rāstīh andar gēhān; agar padīrēd bawēd sūd ī dō gēhān.
Sentence: 18 pad gētīg wistāx ma bēd, was ārzōg andar gēhān, čē gētīg pad kas be nē hišt hēnd nē kōšk ud xān ud mān ud šādīhā pad dil čē xandēd ud čē wāzēd gētīgān.
Sentence: 19 čand mardōmān dīd hēm was andar gēhān, čand xwadāyān, spāhbedān dīd hēm, meh sālār abar mardōmān; ud awēšān meh <ud> wēš menīdār be raft hēnd andar gēhān, kū amā meh-tar hēm andar gēhān awēšān abē-rāh šud hēnd ud abāg dard be raft hēnd asāmān.
Sentence: 20 har kē čiyōn ēn dīd, čē rāy ka wastār andar gēhān, ka nē dārēd gētīg pad spinj, ud tan pad āsān, ud kirbag pad kardan dārēd ka fradāg ānōh abāyēd šudan bē dādwar rāst. Page: 266 šād ud dagr zīwišn ud farrox ud ahlaw ud pērōz-gar ud kāmag-hanjām.
Sentence: 1 ēdōn gōwēnd kū anōšag ruwān husraw ī kawādān andar ēd ka purr-gāh būd pēš az ān ka gyān az tan judāg bawēd pad handarz ō gēhānīgān guft kū čiyōn ka ēn gyān az tan ī man judāg bēd ēn taxt ī man abar dārēd ud pad aspānūr barēd ud pad aspānūr be nihēd ud pad sar ī gēhānīgān wāng kunēd kū mardōmān! az wināh kardan be pahrēzēd ud pad kirbag-warzišnīh tuxšāg bawēd ud xīr gētīg pad xwār dārēd kū ēn ān tan ast kē yad fradāg bē ēn tan būd ēn mardōm pad sē gām nazdīk-tar būd. pad har gāh ud zamān ahlāyīh {!} ud xīr ī getīg be abzūd, ī im rōz bahr ī rēmanīh rāy har kē dast abar nihēd {!} ēg-iš pad baršnūm be abāyēd šustan ayāb pad yazišn ī yazdān, ō ham-pursagīh ī wehān nē hilēnd ud yad fradāg škōh ī xwadāyīh rāy dast ō kās nē dād ī im rōz bahr ī rēmanīh rāy kas dast abar nē nihēd.
Sentence: 2 mardōmān gēhān! drōd-ōmand bawēd, <ud> rawēd, rāyēnišn pad mēnišn ī rāst ud kār-warzīgarīh {!?}. pad kār gēhānīgān tuxšāg, zēnāwand bawēd.
Page: 268
Sentence: 3 ēwēn ud paymān pad kār dārēd ud pad kār ud dādestān rād ud rāst ud rāstān hamīgān bēd.
Sentence: 4 handarz guftār, ō gyān handarz niyōxšīdar <bawēd>, pad handāzag ō kār ud paymān kunēd.
Sentence: 5 pad bahr ī xwēš hunsand bēd ud bahr ī anē kas ma apparēd.
Sentence: 6 pad dahišn ī driyōšān spōz ud wastārīh ma kunēd, be nigerēd kū čiyōn appār bawēd xwadāyīh, xwāstag be šawēd xir ī stabr ud dōšāram ud dušxwārīh ud driyōšīh be widerēd.
Sentence: 7 ēdar zīndagīh andak, ānōh rāh dūr ud hamēmāl ī škeft ud dādwar rāst, kirbag pad abām nē windēnd, drōd ud pārag kār nē kunēd ud tan ud ruwān rāy nē padīrēd bē ka was kirbag kard ēstēd, enyā {!} frāz {!} ō činwad puhl widārdan nē tuwān. ānōh dādwar ī rāst čiyōn mihr ud rasn.
Sentence: 8 wehān bāš tā garōdmānīg bawēh.
Sentence: 9 afsōs ma kun tā xwarrahōmand bawēh {!}, čē nēkīh ud juttarīh pad har gāh ud pad har kas šāyēd būdan.
Sentence: 10 gētīg pad aspinj dār ud tān pad āsān, nēkīh pad kardan Page: 269 dār, bazag pad ranj spōz <ud> mēnōg pad xwēš kunišn<dār>.
Sentence: 11 ēn-iz guft ēstēd kū har kas be abāyēd dānistan {!} kū az kū be mad hēm ud čē-m ēdar hēm, u-m abāz ō kū abāyēd šudan, u-m čē aziš xwāhēnd.
Sentence: 12 ī man ēn dānēm kū az pēš ī ohrmazd xwadāy be mad hēm ud stōwēnīdan ī druz rāy ēdar hēm ud abāz ō pēš ī ohrmazd xwadāy abāyēd šudan, u-m ahlāyīh aziš xwāhēnd. ud xwēškārīh ī dānāgān, hammōzišn xrad, ēk wirāyišn {!} xēm.
Sentence: 13 anōšag ruwān bawād husraw ī šāhān šāh kawādān kē-š ēn handarz kard u-š ēn framān dād. ēdōn bawād.
Sentence: 1 ēn paydāg {!} kū ādurbād rāy frazand tanīg-zād nē būd ud az ān pas abestān ō yazdān kard, dagr nē mad kū ādurbād rāy frazand-ē būd ēg drust xēmīh ī zardušt ī spitāmān rāy zardušt nām nihād ud guft kū āxēz pus ī man! tā frahang abar hammōzēm.
Sentence: 2 pus ī man! kirbag handēš bāš nē wināh handēš, čē mardōm tā jāwēdān zamān nē zīndag, čē čiš ān ī mēnōg abāyišnīg-tar.
Sentence: 3 ān uzīdag frāmōš kun ud ān nē mad ēstēd rāy tēmār bēš ma bar.
Sentence: 4 pad xwadāy ud sālār mard wastār ud wistāx ma bāš.
Sentence: 5 har čē pad tō nē nēk, tō-iz pad any {!} kas ma kun.
Sentence: 6 andar xwadāyān ud dōstān ēkānag bāš.
Sentence: 7 xwēš-tan pad bowandagīh ō kas ma abespār.
Sentence: 8 har kē abāg tō pad xēšm ud kēn rawēd ēg-iš {!} aziš dūr bāš.
Page: 271
Sentence: 9 bāstān ud har gāh ummēd ō yazdān dār ud dōst ān gīr ī pad tō sūd-ōmand-tar hād.
Sentence: 10 pad čiš <ī> yazdān ud amahraspandān tuxšāg ud gyān-abespār bāš.
Sentence: 11 rāz ō zanān ma bar
Sentence: 12 har čē āšnawīh niyōš, halag ma gōw.
Sentence: 13 zan ud frazand ī xwēš-tan jud az frahang be ma hil kū-t tēmār ud bēš ī garān abar nē rasād, tā nē bawēh {!} pašēmān.
Sentence: 14 abē-gāh ma xand
Sentence: 15 spaxr ud wiyufsišn pad paymān gīr.
Sentence: 16 pad ēč kas afsōs ma kun.
Sentence: 17 abāg duš-āgāh mard ham-rāz ma bāš
Sentence: 18 abāg xēšmēn mard ham-rāh ma bāš.
Sentence: 19 abāg halag mard ham-uskārišn ma bāš.
Sentence: 20 abāg was xwāstag mard ham-xwarišn ma bāš.
Sentence: 21 abāg mastōg mard ham-xwarišn ma bāš.
Sentence: 22 az wad-gōhr mard ud wad-tōhm mard abām ma stān ud ma dah čē waxš garān abāyēd dādan ud har gāh pad dar <ī> tō ēstēd ud hamēšag paygāmbar pad dar ī tō Page: 272 dārēd {!} u-t {!} ziyān aziš bawēd.
Sentence: 23 duš-čašm mard pad ayārīh ma gīr.
Sentence: 24 bē areškēn {!} mard xwāstag ma nimāy.
Sentence: 25 andar pādixšāyān wizīr ī pad drō ma āwāš.
Sentence: 26 az spazg ud druz mard saxwan ma āšnaw.
Sentence: 27 pad pādifrāh ō mardōmān kardan waranīg ma bāš.
Sentence: 28 andar xwaran paykār ma kun.
Sentence: 29 mardōm ma zan.
Sentence: 30 gāh rāy ma kōxš.
Sentence: 31 abāg āzād-čihrag kār-āgāh ud zirak, hu-xēm mard hampursagīh kun ud dōst bāš.
Sentence: 32 pad nibard abēr tars <tā> bār ī garān abar tō nē bawēd.
Sentence: 33 az kēnwar mard ī pādixšā dūr bāš.
Sentence: 34 abāg dibīr mard hamēmāl ma bāš.
Sentence: 35 abāg mard <ī> halag gōwišn rāz ī xwad ma kun.
Sentence: 36 pēš-gāh mard dānāg grāmīg dār, aziš {!} saxwan purs, aziš āšnaw.
Sentence: 37 kas-iz rāy drō ma gōw.
Sentence: 38 kē rāy šarm nēst, aziš xwāstag ma gīr.
Page: 273
Sentence: 39 čašmāgāh pad čiš-iz čiš graw ma nih.
Sentence: 40 nē pad rāst ud nē pad drō sōgand ma xwar
Sentence: 41 ka kadag kāmīh kardan nazdist uzēnag pad mayān kun.
Sentence: 42 xwēš-tan rāy zan xwad xwāh.
Sentence: 43 agar xwāstag bawēd naxust āb ud raz ud zamīg wēš xrīn, čē agar bar nē dahēd ēg-iš bun pad mayān bawēd.
Sentence: 44 čand tuwān hād mardōmān pad saxwan ma āzār.
Sentence: 45 ma raw abar kēn ud ziyān ī mardōmān.
Sentence: 46 pad xwāstag čand tuwān hād rādīh kun.
Sentence: 47 abar ēč kas frēftārīh ma kun kē tō-iz abēr dard-ōmand nē bawēh {!}.
Sentence: 48 pēšōbāy mard gramīg u-š meh dār ud saxwan aziš padīr.
Sentence: 49 bē jud az xwēšāwandān ud dōstān čiš-iz abām ma gīr.
Sentence: 50 šarmgēn zan dōst bāš ud pad zanīh ō zīrak ud dānāg mard dah, čē zīrak ud dānāg mard ōwōn homānāg čiyōn zamīg ī nēk kē tōhm andar abgand ēstēd xwār-bār ī gōnag gōnag aziš āyēd.
Sentence: 51 āškārag gōwišn bāš.
Page: 274
Sentence: 52 pad jud az handēšišn saxwan be ma gōw.
Sentence: 53 bē pad ēwēn enyā {!} abām ma dah.
Sentence: 54 zan ī frazānag ud šarmgēn dōst bāš u-š pad zanīh xwāh
Sentence: 55 hu-xēm ud drust ud kārāgāh mard agar kūč škōh hād pas-iz pad dāmādīh gīr, ēg-iš xwāstag az yazdān rasēd.
Sentence: 56 pad masātōr mard afsōs ma kun, čē to-iz abēr masātōr bawēh {!}.
Sentence: 57 anāmurzīd mard abarmān pad zēndān ma kun, wizīdag<ud> wuzurg mardōm ud ošyār mard abar band<-īgān> zēndābān kun.
Sentence: 58 agar pus-ē hād pad aburnāyīh ō dibīrestān dah, čē čašm rōšn dibīrīh ast.
Sentence: 59 saxwan tēz pad nigerišn gōw, čē saxwan ast guftan weh ud ast pādan ud ān padān weh az ān ī guftan.
Sentence: 60 rāst gōwišn mard paygāmbar kun.
Sentence: 61 zadag mard ma dār abar awestwār, ud wābarīgān mard {!} čiyōn-it {!} ēwēn hād uzēnag padiš kun.
Sentence: 62 saxwan čarb gōw.
Sentence: 63 gōwišn čarb dār.
Sentence: 64 mēnišn frāraōn dār.
Page: 275
Sentence: 65 xwēš-tan ma stāy tā frārōn kunišn bawēh {!}.
Sentence: 66 andar xwadāyān ud pādixšāyān an-āmurzīd nē bāš.
Sentence: 67 az dād meh ud weh mard saxwan purs.
Sentence: 68 az duzd mard čiš-iz ma stān, ud ma dah ud awēšān stō kun.
Sentence: 69 bīm ī dušox rāy pādifrāh pad nigērišn kun.
Sentence: 70 pad har kas har čiš wastār ud wistāx ma bāš.
Sentence: 71 hu-framān bāš kū hu-bahr bawēh {!}.
Sentence: 72 abē-wināh bāš kū abē-bīm bawēh {!}.
Sentence: 73 spāsdār bāš kū pad nēkīh arzānīg bawēh {!}.
Sentence: 74 ēkānag bāš kū wābarīgān bawēh {!}.
Sentence: 75 rāst gōwišn bāš kū awestwār bawēh {!}.
Sentence: 76 ēr-tan bāš kū was dōst bawēh {!}.
Sentence: 77 was dōst bāš kū husraw bawēh {!}.
Sentence: 78 husraw bāš kū hū-zīwišn bawēh {!}.
Sentence: 79 hu-bahr <ud> dēn dōst bāš kū ahlaw bawēh {!}.
Sentence: 80 ruwān pursīdār bāš kū wahištīg bawēh {!}.
Sentence: 81 dādār bāš kū garōdmānīg bawēh {!}.
Sentence: 82 zan ī kasān ma frēb čē pad ruwān wināh garān bawēd.
Sentence: 83 xwurdag ud abē-šnōhr mardōm ma dār čē-t spās nē dārēd {!}.
Page: 276
Sentence: 84 xēšm ud kēn rāy ruwān xwēš tabāh ma kun.
Sentence: 85 ka-t pad kardan ud guftan niyāz čarbīhā namāz bar, čē az namāz burdan pušt be nē škenēd ud az čarb pursīdan dahān gandag nē šawēd.
Sentence: 86 fradom saxwan pad duščihr ma gōw.
Sentence: 87 ka pad hanjaman nišīnīh nazdīk ī mardōm ī dušāgāh ma nišīn kū dušāgāh paydāg nē bawēh {!}.
Sentence: 88 pad hanjaman sūr har gyāg kū nišīnēh {!} pad gyāg ī azabar ma nišēh {!} kū-t az ān gyāg nē āhanjēnd ō gyāg ī frōd-tar nišānēnd.
Sentence: 89 pad xwāstag ud xīr ī gētīg wistāx ma bāš čē xwāstag ud xīr ī gētīg ōwōn homānāg čiyōn murw-ē kē az ēn draxt ō ān draxt nišīnēd ud pad ēč draxt nē pāyēd.
Sentence: 90 andar pid ud mād ī xwēš tarsāgāh ud niyōxšīdār ud framān burdār bāš čē mard tā pid ud mād zīndag ōwōn {!} homānāg čiyōn šagr {!?} ka andar wēšag az kas-iz kas nē tarsēd ud ōy kē pid ud mād nēst ōwōn homānāg čiyōn zan ī wēwag kē čiš-iz u-š be stānēnd u-š čiš kardan nē tuwān ud har kas pad xwār dārēd.
Sentence: 91 duxt ī xwēš ō zīrak ud dānāg mard dah čē zīrak ud Page: 277 dānāg mard ōwōn homānāg čiyōn zamīg ī nēk kē tōhm padiš abganēnd u-š was jōrdā andar āyēd.
Sentence: 92 agar xwāhēh {!} kū az kas dušnām nē ašnawēh {!} ō kas dušnām ma dah.
Sentence: 93 tund <ud> halag gōwišn ma bāš čē tund ud halag gōwišn mardōm ōwōn homānāg čiyōn ātaxš ka andar wēšagestān ōftēd ud ham murw, māhīg sōzēd ud ham xrafstar sōzēd.
Sentence: 94 abāg ān mard kē-š pid ud mād aziš āzurd, ud nē hušnūd ham kār ma bāš kū-t dād pad dawāl nē dārād, u-t abāg kas dōstīh ud dōšāram nē bawēd.
Sentence: 95 šarm ud nang ī wad rāy ruwān ī xwēš ō dušox ma abespār.
Sentence: 96 saxwan ī dō ēwēnag ma gōw.
Sentence: 97 pad hanjaman gyāg kū nišīnēh {!} nazdīk ī drōzan ma nišīn čē tō-iz abēr dard-ōmand nē bawēh {!}.
Sentence: 98 asān-pāy bāš kū rōšn čašm bawēh {!}.
Sentence: 99 šab āxēz bāš kū kār rawāg bawēh {!}.
Sentence: 100 dušmen ī kahwan dōst ī nōg ma gīr čē dušmen ī kahwan ōwōn homānāg čiyōn mār syā {!} kē sad sālag kēn Page: 278 nē frāmōšēd.
Sentence: 101 dōst kahwan dōst ī nōg gīr čē dōst kahwan ōwōn homānāg čiyōn may kahwan ka har čand kahwan-tar pad xwarišn ī šahryārān wēš weh ud sazāg-tar šāyēd.
Sentence: 102 yazdān āfrīn kun ud dil pad rāmišn dār kū-t az yazdān abzāyišn ī pad nēkīh windēh {!}.
Sentence: 103 dahibed mard rāy nifrīn ma kun, čē pad šahr pāsbān hēnd ud nēkīh ō gēhānīgān handāzēnd.
Sentence: 104 ud tō rāy gōwēm pus ī man kē jahišnayār pad mardōmān čiš ī xrad weh čē agar pargast xwāstag be šawēd ayāb čahārpāy be mīrēd, xrad be mānēd.
Sentence: 105 pad āstawānīh ī dēn abar tuxš čē hunsandīh mahist dānāgīh ud čē wuzurg-tom ummēd ī mēnōg.
Sentence: 106 har gāh ruwān ī xwēš andar ayād dār.
Sentence: 107 nām ī xwēš rāy xwēškārīh ī xwēš be ma hil.
Sentence: 108 dast az duzdīh ud pāy az a-xwēškārīh raftan ud menišn az waran abārōn abaz dār čē kē kirbag kunēd pādāšn windēd ud kē wināh kunēd pādifrāh barēd.
Sentence: 109 har kē hamēmālān rāy čāh kanēd xwad andar ōfted.
Page: 279
Sentence: 110 nēk mard āsāyēd ud wad mard bēš <ud> andōh ī garān barēd.
Sentence: 111 zan juwān pad zanīh gīr.
Sentence: 112 may paymān xwar, čē kē may a-paymān xwarēd was ēwēnag wināh aziš rawēd.
Sentence: 113 ka was afsōn mār tō weh dānēh {!}, dast zūd zūd ō mār ma nih kū tō be nē gazād ud abar gyāg mīrēh {!}.
Sentence: 114 agar was āšnāg āb tō weh dānēh {!} zūd zūd ō āb ī stahmag ma šaw kū āb tō bē nē barād ud pad gyāg mīrēh {!}.
Sentence: 115 pad ēč ēwēnag mihr-drōzīh ma kun kū-t xwarrah pasēn awiš nē rasād.
Sentence: 116 xwāstag kasān ma appar ud ma dār ud pad ān ī xwēš ma āmēz če ān ī xwēš wany {!} ud a-paydāg bawēd čē kē xwāstag ī nē xwēš āfrīd dārēd ud pad ān ī xwēš....
Sentence: 117 ... šād nē bawēd čē mardōm ōwōn homānāg {!} čiyōn xīk ī purr az wād ka wād aziš be šawēd čiš-iz ānōh be nē mānēd.
Sentence: 118 mardōm ōwōn homānāg čiyōn šīr xwārag kē xōg andar Page: 280 gīrēd padiš abar ēstēd.
Sentence: 119 ohrmazd rōz may xwar ud huram bāš.
Sentence: 120 wahman rōz wistarag jāmag ī nōg paymōz.
Sentence: 121 ardwahišt rōz ō mān ī ātaxšān šaw.
Sentence: 122 šahrēwar rōz šād bāš.
Sentence: 123 spandarmad rōz warz ī zamīg kun.
Sentence: 124 hordād rōz jōy kan.
Sentence: 125 amurdād roz dār ud draxt nišān.
Sentence: 126 day pad ādur rōz sar šōy ud mōy ud nāxun wirāy.
Sentence: 127 ādur rōz pad rāh šaw ud nān ma paz čē wināh ī garān bawēd.
Sentence: 128 ābān rōz az āb pāhrēz kun ud āb ma āzār.
Sentence: 129 xōr rōz kōdak ō dibīrēstān kun tā dibīr ud frazānag bawēd.
Sentence: 130 māh rōz may xwar ud abāg dōstān wiyufsišn kun ud az māh ī xwadāy āyaft xwāh.
Sentence: 131 tīr rōz kōdak ō tigr wistan ud nibard ud aswārīh hammōxtan frēst.
Page: 281
Sentence: 132 gōš rōz parwarišn gōš-urwan kun ud gāw ō warz hammōz.
Sentence: 133 day pad mihr rōz sar šōy ud mōy ud nāxun wirāy ud angūr az razān abaz ō karxōš abgan tā weh be bawēd.
Sentence: 134 mihr rōz agar-it {!} az kas must-ē abar mad ēstēd, pēš mihr ēst az mihr dādwarīh xwāh ud garzišn kun.
Sentence: 135 srōš rōz bōxtārīh ī ruwān ī xwēš rāy az srōšahlāy āyaft xwāh.
Sentence: 136 rašn rōz rōzgār sabuk ud har kār ī kāmī kardan andar frārōnīh kun.
Sentence: 137 frawardīn rōz sōgand ma xwar ud ān rōz yazišn frawahr <ī> ahlawān kun tā hušnūd-tar be bawēnd.
Sentence: 138 wahrām rōz bun ī xān ud mān abgan tā zūd pad frazām rasēd ud ō razm ud kārezār šaw tā pad pērōzīh abāz āyēh {!}.
Sentence: 139 rām rōz zan xwāh ud kār ud rāmišn kun ud pēš dādwarān šaw tā pad pērōzīh ud bōxtagīh āyēh {!}.
Sentence: 140 wād rōz drang kun ud kār nōg ma paywand.
Sentence: 141 day pad dēn rōz har kār kāmīh kardan kun, ud zan ō xānag āwar ud mōy ud nāxun wirāy ud jāmag pōš.
Page: 282
Sentence: 142 dēn rōz xrafstar ōzan.
Sentence: 143 ard rōz har čiš ī nōg xrīn ud andar xānag bar.
Sentence: 144 aštād rōz asp, gāw <ud> stōr ō gušn hil tā pad drustīh abāz āyēd.
Sentence: 145 asmān rōz pad rāh dūr šaw kū pad drastīh āyēh {!}.
Sentence: 146 zāmyād rōz dārūg ma xwar.
Sentence: 147 māraspand rōz jāmag abzāy ud dōz ud pōš ud zan pad zanīh gīr kū frazand ī tēz-niger ī nēk zāyēd.
Sentence: 148 anērān rōz mōy <ud> nāxun wirāy ud zan pad zanīh gīr kū frazand ī nāmčištīg zāyēd.
Sentence: 149 čē nēkīh rasēd ma abēr šād bāš ka anāgīh rasēd ma abēr pad bēš bāš čē kē nēkīh ī zamān anāgīh ud anāgīh ī zaman nekīh ud ēč abrāz nēst kē šēb nē az pēš ud ēč šēb nēst kē abrāz nē az pas.
Sentence: 150 pad xwarišn xwardan waranīg ma bāš {!}.
Sentence: 151 ud az har xwarišn be ma xwar ud zūd zūd ō sūr ud xwaran ī wuzurgān ma šaw kū-t stō nē bawēh {!}.
Sentence: 152 čē čahār čiš pad tan ī mardōmān ēn wattar dušāgāh abāg xwēštan kunēd, ēk pādyāwandīh nimūdan, ēk škōh ī abar-menišn kē abāg hangad mard nibard barēd, ēk Page: 283 masātōr ī rahīg xēm kē zan ī aburnāy pad zanīh gīrēd, ēk juwān mard kē zan ī pīr pad zanīh gīrēd.
Sentence: 153 mardōm dōstīh az bōwandag menišnīh ud hu-xēmīh az xūb ēwāzīh be šāyēd dānistan.
Sentence: 154 ud tō rāy gōwēm pus ī man kē jahišn-ayār<īh> pad mardōmān čiš ī xrad weh. anōšag ruwān bawād ādurbād ī māraspandān kē-š ēn handarz kard, u-š ēn framān dād. ēdōn bawād.
Sentence: 1 ... menišn awiš, akōman, andar {indar?}, sāwul, nāghēd {*nānghīs?}, tariz.
Sentence: 2 kirbag parwardār ast ruwān, čiyōn pid ud mād abar frazand, kirbag darak wišādan ō wahišt ī bāmīg, kirbag hōmānāg ast ō garōdmān, mān ī ohrmazd kē meh ud weh ud nēk-tar, har gāh az abestāg gugāyīh, pad hādōxt paydāg az ān gyāg:
Sentence: 3 "žanō. bərəzō. nərə. bərəzō. garaiiō. bərəzō. mānō. stārō. mā̊ŋhō. huuarō. anaγra. raočā̊ ::" {= FrBy!}
Sentence: 4 zānūg-bālāy, mard-bālāy, gar-bālāy abr-pāyag, stārag-pāyag, māh-pāyag, xwaršēd-pāyag ān ī a-sar rōšn<īh> ī xwa-dād.
Sentence: 5 paydāg kū ēn and gāh nēk, gyāg ī ahlawān rāy, pad kirbag bast ēstēd ud pad kirbag ō xwēš šāyēd kardan, hāmōyēn mardōmān pad kirbag ō rasišn ī ohrmazd ud amahraspandān šāyēd madan ud pad tan ī <pasēn pad> Page: 285 hanjaman ī isadwāstarān {?} kē kirbag kard ēstēd mizd <ud> pādāšn dahēnd ud wināh rāy pādifrāh nimāyēnd.
Sentence: 6 wēhīh kunēd čē wehīh weh. ašəm. ahlāyīh weh.
Sentence: _ wehzād farrox pērōz ī rāst guftār ī frazānag saxwan <guft> kū-m uzmūd hēd: xrad weh. mēnōg <ud> kunišn ī gētīg har čiš-ē pad xrad baxt ēstēd. ōy purr xrad hamēšag<pad> āsān, ōy ī duš-xrad hamēšag pad ranj. dō hēnd ī-šān az xwēškunišn āsān. ēk ān ī wizīdār ud ēk ān ī wad-xrad. ān ī wizīdār az xrad ī-š ast, ān ī wad-xrad az ōš ī-š pad tan nēst. dō hēnd dānāg ī wizīdār ī abzārōmand: dastwar, ī xrad dastwar, ka nē xwāstag; dēn abzārōmand ka nē abar-tan. dō hēnd wēmār ī wiyābān: <ēk> kē pad xwēš-tan mustgar ud stambag....
Sentence: 1 ... tuxšāg bawēd ud kirbag handōzēd ud az xwēšārīh be nē wardēd, wīdwar bawēd pad baxt.
Sentence: 2 pad xwēštan wistāx nē bawēd, ud pad nihangtom wināh, a-hunsand ud pad abardom abzār nē drāyēnēd.
Sentence: 3 pad abzār <ī> kas kār nē kunēd.
Page: 287
Sentence: 5 pad sūd tuxšāg <ud> wizīdār, ud pad baxt wistāx hūkāmag
Sentence: 6 čē-m uzmūd: har wad az dām hamāg burdan az xrad; frāxīh ud frayādišn az xrad.
Sentence: 7 čē mard ō wuzurg abrāzxrad nayēd ud az škeft-tom... (?) xrad bōzēnēd.
Sentence: 8 xrad dāštār pānāg ī jān xradbōxtārud frayādāgīhītan.
Sentence: 9 andar tuwānīgīh xrad weh pad-iz kam-xīrīh xrad pānag-tar {!}.
Sentence: 10 ēdar pad ayārīh xrad weh ānōh pad pušt xrad pānag-tar {!}.
Sentence: 11 ........................ abzār pad xrad pādyāwandtar.
Sentence: 12 nām payrāyag az xrad
Sentence: 13-14 rādīh pad xrad frayādišnīgtar,
Sentence: 15 dūdag-abrōzišnīh abzār pad xrad wihēd.
Sentence: 16 dēn ēwarīh tāšt-tar <xrad> rāy, dānišn xrad rāy stāyīdag tar.
Page: 288
Sentence: 17 paymān paydāgtar xrad <rāy>, dānišn xrad rāy kārīgtar.
Sentence: 18 čē har kē-š xrad ast hunar-iz ast; čē har kē-š xrad ast xwāstag-iz ast; čē har <kē> kār nēk bun pad xrad wihēd.
Sentence: 19 čē har kē andar āwām ka sad sāl zīwist, bē pas-iz āmad rāh ō puhl.
Sentence: 20 hangār kū dūdag tuwānīg, bē ka az tō appār bawēd tō čē sūd? az rāγ <ud> ram handōxtan was hanbārag, šōy zan ī xwēš rāy...
Sentence: 21 čē dānāg pad bun kār dānēd, duš-āgāh pad sar wēnēd.
Sentence: 22 čē ka tan wišuft ud kālbod škast, gyān-iz az tan frāmōš be šud, kirrōg-kār az kār āxist ud kalbod abē-bar be mānd, kirrōg šud, az kalbod kard<(an)> ranjwar šud.
Sentence: 23 kē <ān> zamān hanjuxt, čašm ān xwamn gīrēd ī nē āxēzēd; dil ān dard āyēd ī nē čandēd, dast ān škast ī nē rōyēd; ud pāy ān škast <ī> nē rawēd.
Sentence: 24 stōr mad, jud bār nē šawēd; baxt mad spōxtan nē šāyēd.
Page: 289
Sentence: 25 nūn tan pad gāhūg ud nasā pad daxmagistān ēstēd.
Sentence: 26 ēn kū dūdag ō did dūdag gumēzēd.
Sentence: 27 xīr ud framān ō xwadāy did šawēd, zan šōy pad menišn ē gīrēd ud xwāstag-iz xwāstagdār āyēd.
Sentence: 28 gyān ēwtāg ud tan tanīhā, nasā pad gyāg ī xwēš, sag ud way pad hamēmālīh nišīnēd.
Sentence: 29 ham meh ud ham keh ud ham xwadāy ud ham bandag driyōš mardōm ud āzād {!} mardōm frōdtar-iz mard pad ōy mān āyēd.
Sentence: 30 az framān āzād mardān brīnēnd ud wizīr ī abēr bē andar ō mēnōg widārēnd čiyōn ān pus-ē kē az pidar wardag kunēnd.
Sentence: 31 frāz ō widarag ī dō rāh sar ānayēnd, čīnwad puhl <ī> buland; har čē tan warzīd ēstēd, ruwān wēnēd.
Sentence: 1 kirbag kardan rāy ranj abar xwēštan padīriftan.
Sentence: 2 andar har gāh ud zamān frārōn<īh> pad menišn dāštan.
Sentence: 3 ud sūd gētīg rāy mizd mēnōg be nē hištan.
Sentence: 4 čiš ī gētīg xwār ud ān ī mēnōg grāmīg dāštan.
Sentence: 5 ān sūd nē pad sūd abāyēd dāštan kē pas az ān zyān ī was bawēd.
Sentence: 6 ud ān rāmišn nē pad rāmišn abāyēd dāštan kē pas az ān andōh fragān bawēd.
Sentence: 7 ān xwašīh nē pad xwašīh abāyēd dāštan kē pas az ān taxlīh ī garān bawēd.
Sentence: 8 ud ān xwāstag nē pad xwāstag abāyēd dāštan kē ō tan ud ruwān nē rasēd.
Sentence: 9 ān dōst nē pad dōst abāyēd dāštan kē andar saxtīh ō frayād nē rasēd.
Sentence: 10 ud ān frazand nē pad frazand abāyēd dāštan kē framān ī pid ud mād nē barēd.
Sentence: 11 ud ān zan nē pad zan abāyēd dāštan kē framān burdār ī šōy nē bawēd, ud sūd ud zyān ud andōh ud rāmišn ī šōy ham-čiyōn ān ī xwēš-tan nē dārēd, abāg šōy ham-sūd ud ham-zyān nē bawēd čē ōy az har dušmen wattar. frazaft.
Sentence: _ rādīh kardan, rāst guftan, zan kardan ud paywand ī gētīg rāyēnīdan ud yašt kardan ud pad dēn āstawān būdan ud xwēdōdah kardan ud ātaxš wahrām nišāstan ud gāhānbār kardan, awērān ābādān kardan ud gōš urwan warzīdan ud wehān arzānīgān rāy čiš dādan <weh>.
Sentence: 1 pursīd kū xrad čē ud dāštār ī xrad čē.
Sentence: 2 u-š guft kū mard ī dānāg abāg xēm, hunar, wehīh ud wābar, husrawīh ud awēstwārīh.
Sentence: 3 ud xēm andar mad, u-š gyāg be kard.
Sentence: 4 hunar andar mad u-š gyāg pāk be kard.
Sentence: 5 wehīh andar mad u-š be gāh ārāst.
Sentence: 6 husrawīh andar mad u-š gyāg hu-bōy be kard.
Sentence: 7 awestwār<īh> andar mad pad gāh be nišast.
Sentence: 8 ud wābar andar mad ud rāst<īh>, awestwār<īh> be padīrift.
Sentence: 9 pursīd kū kištan ī xrad čē.
Sentence: 10 u-š guft kū kištan ī xrad hammōxtārīh ud āb ī ān niyōxšidārīh ud bār ān ī wizīdārīh ud gyāg <ī> ān wahišt ī rōšn ī hamāg xwārīh. anōšag ruwān bād ādur-farrōbag ī farrox-zādān kē-š ēn saxwanīhā guft.
Sentence: 1 gōwēnd kū baxt-āfrīd guft kū ēč mardōm {!} nēst az man tuwāngar-tar jud az ōy kē az man hunsand-tar.
Sentence: 2 ēn-iz guft: agar hamāg mardōm ī gētīg ō ham rasēnd ēg-iz man tuwāngar kardan nē tuwān čē ka pad ēk dast gīrēm ud pad dudīgar dast dahēm ranj pad man mānēd.
Sentence: 3 ādurbād ī zarduštān rāy paydāg kū sad panjāh sāl zīndagīh būd ud az ān nawad sāl mowbēdān mowbedīh kard būd guft kū ō tuwāngarīh ud driyōšīh ud pādixšāyīh mad hēm, andar tuwāngarīh rād ud wizīdār dahišn ud andar driyōšīh tuxšāg ud paymānīg ud andar pādixšāyīh ēr-men {*ērmān?}, āzādwār būd hēm.
Sentence: 4 kardan āštīh <weh ud> nē kardan jang.
Sentence: 5 griftan ummēd weh <ud> be hištan kēn.
Sentence: 6 padīriftan rāmišn weh ud abāz dāštan xēšm.
Sentence: 7 xwardan xēšm (?) weh ud nē sōgand.
Page: 294
Sentence: 8 dādan bahr xwāstag weh ud nē gugāyīh pad drō.
Sentence: 9 pursīdār mard abē-rāh nē bawēd {!} ud niyōxšīdar mard duš-āgāh nē bawēd ud ham-pursag mard frēftār nē-bawēd.
Sentence: 10 pad ān mad ēstēd hunsand <bawēd>, bēš<-ōmand> nē bawēd.
Sentence: 11 kē yazdān ōy rāy ayār <nēst> ōy az hamāg wad-baxt
Sentence: 1 ēn-iz gōwēnd kū čiš gētīg pad wīst-panj bahr nihād ēstēd. panj pad baxt, panj pad kunišn, panj pad xōg ud panj pad gōhr ud panj pad abarmānd.
Sentence: 2 zīndagīh, zan ud frazand ud xwadāyīh ud xwāstag pad baxt.
Sentence: 3 āsrōnīh ud artēštārīh ud wāstaryōšīh ud kirbag ud bazag pad kunišn.
Sentence: 4 ō zanān šudan ud kār wizārdan, xwardan, raftan, xuftan pad xōg.
Sentence: 5 mihr ud āzarm ud rādīh ud rāstīh ud ēr-menišnīh pad gōhr.
Sentence: 6 tan-bahr ud ōš ud wīr ud nērōg pad abarmānd.
Sentence: _ ēn ayādgārīhā nibištag būd ēstād pad māh wahman ī andar sāl sē-sad wīst ud {!} čahār, rōz dēn pad ādur, dagr zīwād, dēn-panāh ī ēdar-pāy az bahr ī dagr zīwād šāh-zād ī šādān farrox ōhrmazd rāy kē-šān ruwān anōšag bawād, andar brūz (?) būd pad ātaxš kadag.
Sentence: _ ēn ayādgār andar rōz xwaršēd māh šahrewar kadēm {kadīm} wihēzagīg sāl ī šaš-sad nawad ēk andar šahr tānag pad gazīrag zrēh man dēn bandag mihr-ābān kay-husraw mihr-ābān hērbed nibišt. tā sad ud panjāh {!} sāl kār framāyēd kē-š yazdān kōxšišnīg-iz dahišn nēk ud xīr pad abāyist, kāmag ī frārōn rawāg bawād. gētīg ēdōn čiyōn tan kāmag andar frārōnīh ud mēnōg ēdōn čiyōn ruwān kāmag andar ahlāyīh.
Sentence: _ māh spandarmad ud rōz spandarmad ud rōz spandarmad ud māh spandarmad ud spandarmad māh, spandarmad rōz, bast hēm zahr, wiš ud zafar ī hamāg xrafstarān pad nām ud nērōg ī nēw frēdōn, ayārīh ī wanand star ī ohrmazd dād wābarīgān rawāg bād, ēdōn bawād.
Sentence: _ jadag ī nēk bawād ān ī weh pad tan ruwān ud xwāstag. ēdōn bawād.
Sentence: 1 man wuzurg-mihr ī bōxtagān, dēwān-bed šabestān šahr ī ōstīgān husrawag, darīg-bed, ēn ayādgār pad ayārīh <ud> nērōg ī yazdān ud abārīg har mēnōg, weh āmōg<īh> {hammōg<īh>}, {ī} az framān-dād husrawag {husraw} šāhān šāh, frahang weh būdan šāyistan awēšān kē pad padīriftārīh ī az abargarān hu-brēhēnišnīhā ud arzānīgīhā abar brēhēnīd ēstād rāy kard ud pad ganj ī šāhīgān nihād.
Sentence: 2 čiyōn xīr ī gētīg hamāg sazišnīgīh ud wišōbišnīgīh ud wardišnīgīh ōy-iz kē yazdān pāyēd, u-š dahišn padiš dahēd tuxšišn-iz {ī} a-ranjīhā awiš frayādēd, stabr xīr handōzēd ud ō mahist kār ud pādixšāyīh rasēd abardomīhā gīrēd ud wuzurgdom nām xwāhēd ud nāmīgīhādom kār abrōzišnīh mān ud mēhan kunēd, u-š drāz zīndagīh <ud> abzāyišn ī frazand ud paywand, Page: 300 {ī} wizurd-ummēdīh {!} <ud> nēk-jahišnīhā pad kār ud pad dādestān ud sūd ī mardōmān ud pāyišn ī nām, {ī} ud kār pādixšāyīh ud abārīg-iz hamāg farroxīh andar gētīg ēk ō did gugāy ud ham-dādestān.
Sentence: 3 pad ōstīgānīh ān ī and čiš dūr menīdārdom ud ka dagrdom, andar drahnāy ī sad sāl tan ō {ī} frazām ud pādixšāyīh ō nēstīh ud andar drahnāy čahār-sad sāl dūdag ō wišōbišn, nām ō frāmōšīh ud an-ayādīh ud mān ud mēhan ō awērānīh ud ālūdagīh ud nāf <ud> paywand ō frōd-tarīh ud a-bāšīh ud tuxšišn ō abē-barīh ud ranj ud bahr ō tuhīgīh ud padixšāyīh ō āwām xwadāyān, xīr ō ōy mānēd kē zamān-farroxīh andar ān ēd brēhēnīd ēstēd ud čiš frašgirdīh pattāyēd ud nē wišōbēd ēwāz ahlāyīh <ī> nām frašgirdīg ud kunišn ī frārōn pad ēč kas appurdan nē tuwān.
Sentence: 4 nūn man čiyōn-am kāmag tuxšišn ī pad ahlāyīh {!} warzīdan ud pahrēz az wināh kardan, ēdōn bē ān andar jast ēstēd az kunišn framāyišn ī āwām xwadāyān ud duš-pādixšāyīh padiš a-čārag hēm enyā {!} az wināh Page: 301 nakkīrišnīg pad kām čand-am dānišn pahrēxt ēstēd, pad hastīh <ī> yazdān ud nēstīh ī dēwān ud dēn ud ruwān ud wahišt ud dušox ud āmār ī stōš ud rist-āxēz ud tan ī pasēn abē-gumān hēm, u-m ahlāyīh ud xwārīh az tan ud gyān ruwān {!} ud har nēkīh ī gētīg ud mēnōg kāmag-tar, u-m nām-iz gētīg rāy wāzag-ē čand abar ēn ayādgār nibišt kū:
Sentence: 5 mardōm kadār farrox-tar.
Sentence: 6 ān ī a-wināh-tar.
Sentence: 7 kē a-wināh-tar.
Sentence: 8 ān kē pad dād ī yazdān rāst-tar ēstēd ud az dād ī dēwān wēš pahrēzēd.
Sentence: 9 kadār dād ī yazdān ud kadār dād ī dēwān.
Sentence: 10 dād ī yazdān wehīh ud dād ī dēwān wattarīh.
Sentence: 11 čē wehīh ud čē wattarīh.
Sentence: 12 wehīh humat ud hūxt ud huwaršt ud wattarīh dušmat ud duš-hūxt ud dušxwaršt.
Sentence: 13 čē humat ud hūxt ud huwaršt {!} ud čē dušmat ud duš-hūxt ud dušxwaršt.
Page: 302
Sentence: 14 humat paymān menišnīh ud hūxt rāstīh <ud> huwaršt rādīh
Sentence: 15 dušmat, freh-būd menišnīh ud duš-hūxt drōzanīh ud dušxwaršt penīh
Sentence: 16 čē paymān menišnīh, čē rādīh ud čē rāstīh, čē freh-būd menišnīh, čē penīh, čē drōzanīh.
Sentence: 17 paymān menišnīh ēd kē frasāwandīh ī xīr ī gētīg wēnēd, kāmag abar ān čiš barēd kē rāy tan ō puhl ud ruwān ō dušox nē rasēd.
Sentence: 18 rādīh ēd kē bahr <ī> tan az tan, bahr ī ruwān az ruwān abāz nē gīrēd.
Sentence: 19 rāstīh ēd kē ō ruwān ī xwēš rāst ud a-frēftāragīhā rawēd.
Sentence: 20 freh-būd menišnīh ēd kē gētīg pad mehmānīh ud mēnōg pad must-gar dārēd ud kāmag abar ān čiš barēd kē frazām wišōbišn ī tan, puhl ud pādifrāh ī ruwān aziš bēd.
Sentence: 21 penīh ēd kē-š bahr ī tan az tan <ud> bahr ī ruwān az ruwān abāz dārēd.
Sentence: 22 drōzanīh ēd kē tan pad kāmag, ruwān pad frēb dārēd.
Page: 303
Sentence: 23 pad wehīh kē bōwandag-tar.
Sentence: 24 ān ī dānāg-tar.
Sentence: 25 ud kē dānāg-tar.
Sentence: 26 ān kē frazām ī tan dānēd, hamēmal ruwān šnāsēd, xwēš-tan az hamēmāl ī ruwān pādan ud abē-bīm dāštan abēr-tar dānēd.
Sentence: 27 čē frazām ī tan, kadām ān hamēmāl dānāgān padiš abēr-tar tuwān šnāxtan.
Sentence: 28 frazām ī tan, wišōbišn kirb, ud hamēmāl ī ruwān, ēn and druz ī gannāg mēnōg pad frēftan <ud> wiyābān kandan ī mardōmān rāy pad hamēstārīh ī pad mardōmān frāz dād.
Sentence: 29 kadār ud čand ān druz.
Sentence: 30 āz ud niyāz ud xēšm ud arešk ud nang ud waran ud kēn ud būšāsp ud druz ahlomōgīh ud spazgīh.
Sentence: 31 az ēn and druz kadār stahmag-tar.
Sentence: 32 āz a-hunsand-tar <ud> a-čārag-tar.
Sentence: 33 niyāz bēšēnīdār-tar ud bēšōmand-tar.
Sentence: 34 ud xēšm duš-pādixšā-tar ud an-espās-tar.
Sentence: 35 arešk anāg-kāmag-tar ud wad-ummēd-tar.
Sentence: 36 ud nang kōxšīdār-tar.
Sentence: 37 ud waran xwad-dōšag-tar ud wišuftār-tar.
Page: 304
Sentence: 38 ud kēn sahmgēn-tar ud anabaxšāyišnīg-tar.
Sentence: 39 būšāsp ajgahān-tar ud frāmōšēn-tar.
Sentence: 40 ud druz ī ahlomōγīh nihuftār-tar ud frēftār-tar.
Sentence: 41 ud spazg an-espās-tar.
Sentence: 42 ēn-iz paydāg kū gannāg mēnōg pad dāmān ī ohrmazd čiš-ē-iz ēn garān-tar kard ka-š kirbag mizd ud wināh pādifrāh pad menišn ī mardōmān pad frazām kār be nihuft.
Sentence: 43 dādār ohrmazd pad abāz dāštan ī ān and druz ayārīh ī mardōm rāy čand čiš ī nīgāhdār ī mēnōg dād: āsnxrad ud gōšōsrūd xrad ud xēm ud ummēd ud hunsandīh ud dēn ud ham-pursagīh dānāg.
Sentence: 44 xwēš-kārīh ī ēn ēk ēk mēnōg čē.
Sentence: 45 xwēš-kārīh ī āsnxrad tan az bīm kunišnīh wināh nigerišnīg ud ranj abē-barīh pādan ud frasāwandīh ī xīr gētīg, frazām tan pad daxšag dāštan ud az xīr fraš-girdīgīh ī xwēš nē kāstan ud pad ān wadgarīh ī xwēš nē abzūdan.
Sentence: 46 xwēš-kārīh ī gōšōsrūd xrad pand ud ristag ī frārōn be šnāxtan ud padiš ēstādan, čiš ī pēš be widerīd be Page: 305 nigērīdan ud ān ī pas aziš āgāh būdan, čiš ī būdan nē šāyēd nē wurrōyistan ud kār ī frazāmēnīdan nē šāyēd andar nē griftan.
Sentence: 47 xwēš-kārīh ī xēm, tan az xōg ī wad ud ārzōg <ud> waran pādan ud padiš kardan, xēm ud xōg ī nēk wirāstan ud pad daxšag dāštan.
Sentence: 48 xwēš-kārīh ī ummēd bahr ī kunišn ō tan paywastan, tan ō ranj ud kār ī frārōn rāyēnīdan.
Sentence: 49 xwēš-kārīh ī hunsandīh tan az freh-būd xwāhišnīh pādan ud ranj az a-hunsandīh ud bīm az freh-būdīh pad daxšag dāštan ud ān čiš ī rāy abdom abestān awiš bawēd pad čiš-iz čiš rāy nē dādan, čiš ī uzīd ēstēd rāy ud ak ī ān ī juttar kardan nē šāyēd rāy ranj ud bēš nē burdan.
Sentence: 50 xwēš-kārīh ī dēn, tan az wināh puhl ud kirbag mizd āgāhēnīdan ud pand ud ristag ī yazdān az ān ī dewān judāg dāštan.
Sentence: 51 xwēš-kārīh ī ham-pursagīh ī dānāg, tan az waran ud xwad-dōšagīh pādan, ēdōn rāyēnīdan kū pad anāgīh ī šāyēd madan kunišn ī xwēš āhōg nē bawēd.
Sentence: 52 az ēn and mēnōg pad tan ī mardōmān, kē ōzōmand-tar.
Page: 306
Sentence: 53 xrad wēnāg-tar ud menišn ayābag-tar ud ōš dāštār-tar.
Sentence: 54 ud xēm hu-škōh-tar ud xōg wirāstār-tar.
Sentence: 55 ud hunsandīh awestwār-tar.
Sentence: 56 ud ummēd bārestān-tar, axw abēzag-tar ud bōy āgāh-tar ud frawahr ranjwar-tar.
Sentence: 57 pad mardōmān hunar čē weh.
Sentence: 58 dānāgīh ud xrad.
Sentence: 59 ēd kadār weh.
Sentence: 60 ān kē tan abē-bīmīhā-tar ud a-wināh-tar ud a-ranjagīhā-tar dānēd rāyēnīdan.
Sentence: 61 pad mardōmān xrad weh ayāb jahišn.
Sentence: 62 xrad šnāxtārīh ī kār ud jahišn passandišn ī kār.
Sentence: 63 gōhr kadār weh.
Sentence: 64 ēr-menišnīh ud čarb-ēwāzīh.
Sentence: 65 xōg čē weh.
Sentence: 66 weh-axwīh ud āštīh-xwāhīh.
Sentence: 67 dād čē weh.
Sentence: 68 wehīh.
Sentence: 69 kāmag kadār frārōn-tar.
Sentence: 70 a-wināhīh.
Sentence: 71 kirbag kadār weh.
Page: 307
Sentence: 72 hunsand xīrīh.
Sentence: 73 kardār čē weh.
Sentence: 74 dēn-ōšmārišnīh.
Sentence: 75 frahang kadār weh.
Sentence: 76 ān kē āwām padiš rāyēnīdan ud ruwān padiš bōxtan abēr-tar dānēd.
Sentence: 77 āzarm kadār <weh>.
Sentence: 78 weh-dōstīh ud hu-škōhīh.
Sentence: 79 nām čē meh.
Sentence: 80 xwēš-kārīh.
Sentence: 81 hamēmāl kadām stambag-tar.
Sentence: 82 kunišn wad.
Sentence: 83 pad mardōmān frahang weh ayāb gōhr xrad.
Sentence: 84 abzāyišn ī tan az frahang ud xēm mehmānīh pad gōhr xrad winārišn ī tan ud xēm pānag ī tan ud gyān.
Sentence: 85 xēm ud xōg ud xrad ud abārig-iz hamāg hunar andar tan ī mardōmān čiyōn kam-petyārag-tar ud abē-zyān-tar.
Page: 308
Sentence: 86 xrad ka-š <tar->menīdārīh nēst.
Sentence: 87 ud hunar ka-š tar-menišnīh nēst.
Sentence: 88 wīrōmandīh ka-š ahlomōγīh nēst.
Sentence: 89 weh-dōstīh ka-š kēnwarīh nēst.
Sentence: 90 hunsandīh ka-š xwurdag nigerišnīh nēst.
Sentence: 91 weh-xēmīh ka-š penīh nēst.
Sentence: 92 nēk husāzagīh ka-š wišōftārīh nēst.
Sentence: 93 rāstīh ka-š duš-barišnīh nēst.
Sentence: 94 ummēd ka-š ajgahānīh nēst.
Sentence: 95 rādīh ka-š wanīgārīh nēst.
Sentence: 96 hu-škōhīh ka-š a-hunsandīh nēst.
Sentence: 97 tan-pānagīh ka-š bēšōmandīh nēst.
Sentence: 98 ēr-menišnīh ka-š frēftārīh nēst.
Sentence: 99 tarsāgāhīh ka-š wastārīh nēst.
Sentence: 100 weh-dōstīh ka-š jahīg-kārīh nēst.
Sentence: 101 ēkānagīh ka-š abāzīh nēst.
Sentence: 102 xwēš-kārīh ka-š sustīh nēst.
Sentence: 103 tuxšāgīh ka-š areškēnīh nēst.
Page: 309
Sentence: 104 dānāgīh ka-š pačībāyīh nēst.
Sentence: 105 čiš ī ō mardōmān rasēd pad baxt bawēd ayāb pad kunišn.
Sentence: 106 baxt ud kunišn āgenēn ōwōn homānāg hēnd čiyōn tan ud gyān.
Sentence: 107 čē tan jud az gyān kālbōd ast ī a-kār ud gyān jud az tan wād-ē ast ī agriftār ud ka āgenēn gumēxt ēstēd ōzōmand ud wuzurg sūdōmand.
Sentence: 108 čē baxt ud čē kunišn.
Sentence: 109 baxt-iz čim, <ud> kunišn wihānag čiš ī ō mardōmān rasēd.
Sentence: 110 xīr ī gētīg ō čē homānāg.
Sentence: 111 ō čiš ī pad būšāsp wēnēnd ka nēk ka-iz wad ud ka az būšāsp be bawēnd čiš-iz čiš ānōh nēst.
Sentence: 112 andar gētīg kē burzišnīg-tar.
Sentence: 113 dahibed ī amāwand ud pērōzgar ī kirbag-kām.
Sentence: 114 ud kē mustōmand-tar.
Sentence: 115 škōh ī duš-padēx ī druwand.
Page: 310
Sentence: 116 kē duš-farrag-tar
Sentence: 117 dēn-āgāh ī druwand.
Sentence: 118 kē abē-niyāz-tar.
Sentence: 119 ān ī hunsand-tar.
Sentence: 120 kē hunsand-xīr-tar.
Sentence: 121 ān ī hu-škōh-tar.
Sentence: 122 kē hu-škōh-tar.
Sentence: 123 ān kē awēnišn ī mardōmān wattar sahēd kū niyāzōmandīh.
Sentence: 124 kē ummēdwār-tar.
Sentence: 125 tuxšāg-mard ī jahišn-ayār.
Sentence: 126 čē tuxšāgīh ud čē jahišn-ayārīh.
Sentence: 127 tuxšāgīh ān kē pēšag ī frārōnīh kunēd ud kār-iz ī pāymār bawēd a-winahīhā ud a-ranjagīhā padiš tuxšēd.
Sentence: 128 jahišn-ayārīh nām ī nēk <ud> hu-frazāmīh kār.
Sentence: 129 kē pādixšāy-tar.
Sentence: 130 spihr ī gēhān-baxtār.
Sentence: 131 kē rāst-tar.
Sentence: 132 zamān ī brīn.
Sentence: 133 kē abd-tar.
Sentence: 134 ān kē<-š> zamān abēr-tar mad ēstēd.
Sentence: 135 kē wizīdār-tar.
Page: 311
Sentence: 136 dānāg ī was uzmāyišn.
Sentence: 137 kē pad rāmišn-tar.
Sentence: 138 ān kē az bīm ud astānag garān bōxtēd.
Sentence: 139 kē passandišnīg-tar.
Sentence: 140 ān kē waran azēr ī nang ud xēšm azēr burd<-ār>-īh ud arešk azēr husrawīh ud āz azēr hunsandīh ud zanišn azēr dādestān abēr-tar darēd.
Sentence: 141 kē husraw-tar.
Sentence: 142 ān kē nēkīh pad mardōmān kardan pad dād-tar dārēd.
Sentence: 143 kē nāmīg-tar.
Sentence: 144 ān ī šāyendag-tar ud abarwēz-tar.
Sentence: 145 kē abarwēz-tar.
Sentence: 146 ān kē<-š> jahišn pad kār ud dādestān nēk-tar.
Sentence: 147 kē šnāyēnīdār-tar.
Sentence: 148 frazand ī šāyendag ud nārīg ī šōy-kām.
Sentence: 149 kē bārestān-tar.
Sentence: 150 niyāzōmand ī a-čārag ud anāz kē an-espāsān rāy tuxšišn pad sūdōmandīhā <kunēd>, kē ummēd ī Page: 312 wuzurg rāy tuxšēd
Sentence: 151 kē a-hunsand-tar.
Sentence: 152 kēnwar ī āzārdag ī tuwānīg.
Sentence: 153 kē bēštār -tar.
Sentence: 154 šōy sahmgēn ī duš-barišn, frazand rōz-ward
Sentence: 155 kē sahmgēn -tar.
Sentence: 156 pādixšāy ī nāzuk ī zadār.
Sentence: 157 kē bēšōmand-tar.
Sentence: 158 šāyendag ka ō a-šāyendagīh rasēd ud pādyāwand ka ō a-pādyāwandīh rasēd, ummēdwār ka ō an-ummēdīh rasēd ud xwad-dōšag ka ō frazām ī kār mad bawēd.
Sentence: 159 kē dardōmand-tar.
Sentence: 160 tuwānīg ī nēst-frazand ud dānāg šāyendag kē <-š> frazand ī a-šāyendag rōz-ward bawēd.
Sentence: 161 kē xastōmand-tar.
Sentence: 162 šāyendag ka-š a-šāyendag padiš abarwēz, dānāg ka-š duš-āgāh padiš abar framādār, weh ka-š wad padiš Page: 313 padixšāy.
Sentence: 163 kē abaxšāyišnīg-tar.
Sentence: 164 awištāftag ī an-ummēd ī a-wināh.
Sentence: 165 ke pašēmān-tar.
Sentence: 166 xwad-dōšag ka ō frazām ī kār mad, ruwān-šnās ī druwand waranīg ī afsārd ud anāz-kē {?} an-espāsān rāy tuxšišn ī pad sūdomandīhā kunēd.
Sentence: 167 kē āwēnišnīg-tar.
Sentence: 168 ān kē andar ōy kē nēkīh aziš windēd an-espās bawēd.
Sentence: 169 kē dusraw-tar.
Sentence: 170 ān kē anāgīh pad mardōmān kardan pad dād-tar dārēd.
Sentence: 171 mardōmān andar gētīg čē abāyišnīg-tar sahēd.
Sentence: 172 ōy kē tan-drust kāmag-hanjāmīh, ud ka tan wēmār bawēd drustīh ī tan ud ka tan an-ummēdīh bawēd bōxtagīh ī ruwān.
Sentence: 173 mardōmān ō čē kāmag-tar hēnd.
Sentence: 174 ō kāmag-xwāhīh ud abē-niyāzīh.
Sentence: 175 čē kāmag-xwāhīh ud abē-niyāzīh.
Sentence: 176 kāmag-xwāhīh har čē ārzōg abar bawēd ayāftan, ud abē-niyāzīh ān ī andar abāyēd <dāštan>.
Page: 314
Sentence: 177 mardōm ō čē tišnag-tar hēnd.
Page: 315
Sentence: 178 ōy kē ummēd ī nēk awiš dārēnd.
Sentence: 179 mardōmān andar gētīg az čē wēš abāyēd handēšīdan.
Sentence: 180 az āwām ī wad ud kunišn ī abārōn ud dōst ī frēftār ud pādixšā <ī> druwand an-āmurzīd.
Sentence: 181 ud pad čē wistāx-tar abāyēd būdan.
Sentence: 182 pad āwām ī nēk ud kunišn ī frārōn ud dōst ī a-frēftār ud ham-dēn <ud> sālār ī abaxšāyišnīg ud dādestānīh.
Sentence: 183 āwām kadār weh.
Sentence: 184 ān kē čērīh ud pādixšāyīh ī wattarān kam awiš mad ēstēd.
Sentence: 185 dēn kadār weh.
Sentence: 186 ān kē yazdīh ī yazdān, dēwīh ī dēwān, kirbag mizd, wināh puhl aziš paydāg-tar ud rāh ud ristag {ī} frārōn-tar, kirbag pad dād-tar jast ēstēd.
Sentence: 187 xwadāy ud sālār kadām weh.
Sentence: 188 ān ī mardōm dōst-tar ud āwām wizīdār-tar, u-šān nēkīh pad mardōmān kardan pad dād-tar.
Sentence: 189 ud dōst kadām weh.
Page: 316
Sentence: 190 ān ī mad-frayād-tar <ud> andar škaftīh ayār-tar.
Sentence: 191 dōst kē wēš.
Sentence: 192 ōy ī ēr-menišn-tar ud bārestān-tar ud čarb-āwāz-tar.
Sentence: 193 dušmen kē wēš.
Sentence: 194 abar-menišnān ud abar-tanān ud xwurdag-nigerišnān ud društ-āwāzān.
Sentence: 195 dōst ī frašgirdīg kadār.
Sentence: 196 kunišn ī frārōn.
Sentence: 197 dušmēn frašgirdīg kadār.
Sentence: 198 kunišn ī wad.
Sentence: 199 čē ān ī frašgirdīg pattāyēd ud nē wišōbēd.
Sentence: 200 hambār ī kirbag.
Sentence: 201 čē nēk-tar.
Sentence: 202 hamīh ī abāg wehān.
Sentence: 203 čē sūdōmand-tar.
Sentence: 204 nišastan abāg dānāgan.
Sentence: 205 čē ōstīgān-tar.
Sentence: 206 uzwān ī rāst-gōwišnān.
Sentence: 207 čē xwaš-tar.
Sentence: 208 abē-bīmīh.
Page: 317
Sentence: 209 ud čē abē-bīmīhā-tar.
Sentence: 210 āwām ī nēk ud xwēškārīh.
Sentence: 211 čē farruxīhā-tar.
Sentence: 212 abē-wināhīh ud hu-frazāmīh.
Sentence: 213 ud čē āsānīhā-tar.
Sentence: 214 abē-wināhīh <ud> hunsand-xīrīh.
Sentence: 215 čē arzōmand-tar.
Sentence: 216 dōšāram abāg dānāg<ān> ud wehān.
Sentence: 217 čē rōšn-tar.
Sentence: 218 kunišn ī dānāgān.
Sentence: 219 ud čē frāx-tar.
Sentence: 220 dast ī rādān.
Sentence: 221 ud čē tang-tar.
Sentence: 222 dast ī penān.
Sentence: 223 ud čē wābarīgān-tar.
Sentence: 224 ēwēn ī yazdān
Sentence: 225 ud čē čimīgīhā-tar.
Sentence: 226 pādāšn ī kirbakkarān
Sentence: 227 ud čē abē-čimīhā-tar.
Page: 318
Sentence: 228 pādāšn ī bazakkarān
Sentence: 229 ud čē paymānīgīhā-tar.
Sentence: 230 kāmag hunsand-xīrān.
Sentence: 231 čē hu-bōy-tar.
Sentence: 232 husrawīh.
Sentence: 233 ud čē garāmīg-tar.
Sentence: 234 padīrišn ī az xwadāyān ud sālārān ud nāzišn ī az hamahlān ud dōstān.
Sentence: 235 čē wattar.
Sentence: 236 čašm ī āzwarān.
Sentence: 237 ud čē abē-bar-tar.
Sentence: 238 dahišn ī ō an-espāsān ud paywandišn ī abāg wattarān.
Sentence: 239 čē tuhīg-tar.
Sentence: 240 dast ī penān.
Sentence: 241 čē ranjagīhā-tar.
Sentence: 242 paristišn ī pādixšāyān duš-wīr.
Sentence: 243 ud čē tēz-tar.
Sentence: 244 menišn ī waranīgān.
Sentence: 245 čē duš-xwār-tar.
Sentence: 246 būdan ī abāg wattarān.
Sentence: 247 čē nāzuk-tar.
Sentence: 248 menišn pādixšāyān.
Page: 319
Sentence: 249 čē bīmgēn-tar.
Sentence: 250 āzārišn ī pādixšāyān an-āmurzīd.
Sentence: 251 čē škaft-tar
Sentence: 252 dānāg ī wad jahišn.
Sentence: 253 čē abd-tar.
Sentence: 254 duš-āgāh ī hu-jahišn.
Sentence: 255 čē garān-tar.
Sentence: 256 menišn ī mihr-drōzan.
Sentence: 257 čē astānagōmand-tar.
Sentence: 258 hamīh abāg wattarān ud duš-āgāhān. čiš ī pad mardōmān frārōn.
Sentence: 259 čē wattar.
Sentence: 260 an-āstawānīh ud wiyābān-menišnīh.
Sentence: 261 čē čarb-tar.
Sentence: 262 rādīh ī wehān
Sentence: 263 čē ān ī azabar har čiš.
Sentence: 264 wizīr ī yazdān. Page: 320 anōšag ruwān bawād wuzurg-mihr ī bōxtagān ud awēšān kayān ud yalān ud wīrān kē gyān abespārīh ī dēn ī māzdēsnān kard hēnd. gāh pad a-sar rōšn bawād. ēdōn bawād. ēdōn-tar bawād.
Sentence: 1 pursīd ahlaw zarduxšt az ohrmazd kū čē rāy mardōmān māh frawardīn rōz ī hordād az abārīg rōzīhā pad meh ud weh ud grāmīg-tar dārēnd.
Sentence: 2 ohrmazd passox dād kū spitāmān zarduxšt māh ī frawardīn rōz ī hordād gyān ī gēhānīgān dād hēm.
Sentence: 3 māh ī frawardīn rōz ī hordād ēr-iz anēr-iz bun paydāg būd.
Sentence: 4 māh frawardīn rōz ī hordād gayōmard andar gēhān ō paydāgīh āmad.
Sentence: 5 māh frawardīn rōz ī hordād gayōmard arzūr be ōzad
Sentence: 6 māh frawardīn rōz ī hordād mihrīh ud mihriyānīh az zamīg frāz rust.
Sentence: 7 māh frawardīn rōz ī hordād hōšang ī pēš-dād andar gēhān ō paydāgīh mad.
Sentence: 8 māh frawardīn rōz ī hordād tahmurip ahreman ī druwand pad bārag kard sīh sāl.
Sentence: 9 māh frawardīn rōz ī hordād jam gēhān abē-marg kard, abē-zarmān kard.
Sentence: 10 māh frawardīn rōz ī hordād jam paymānag az dušox bē {āwurd ud andar gēhān ō paydāgīh mad}.
Page: 322
Sentence: 11 māh frawardīn rōz ī hordād jam astōdānīhā kand, ō mardōmān framūd kandan ka-šān framūdag ī jam dīd rōz pad nōg-rōz kard ud nōg-rōz nām nihād.
Sentence: 12 māh frawardīn rōz ī hordād frēdōn baxšišn ī gēhān kard.
Sentence: 13 hrōm ō salm dād ud turkestān ō tūz dād, ērān-šahr ō ēriz {ērez / ērej} dād.
Sentence: 14 ud sē duxtar bōxt-husraw tazīgān-šāh be xwāst ud pad zanīh bē pusarān dād.
Sentence: 15 salm ud tūz andar pidar a-burd-framān šud hēnd ud ēriz {ērez / ērej} ī brād ī xwēš rāy be ōzad hēnd.
Sentence: 16 māh frawardīn rōz ī hordād manūščihr abar kēn ī ēriz bērōn mad ud salm ud tūz rāy pad kēn ī ēriz be ōzad.
Sentence: 17 māh frawardīn rōz ī hordād sām ī nirīmānān {narīmānān} sanāwēzag dēw rāy be ōzad.
Sentence: 18 māh frawardīn rōz ī hordād sām ī nirīmānān azdahāg rāy be ōzad.
Sentence: 19 māh frawardīn rōz ī hordād gayōmart {gayōmard} arzūr ahreman hunušak be ōzad.
Sentence: 20 māh frawardīn rōz ī hordād kay-husraw siyāwaxšān frāsiyāg ī tūr pad kēn ī pid ī xwēš be ōzad.
Page: 323
Sentence: 21 māh frawardīn rōz ī hordād kay-husraw siyāwaxšān pad škōh ō garōdmān šud.
Sentence: 22 māh frawardīn rōz ī hordād manūščihr ud ēreš šēbāg-tigr zamīg az frāsiyāg ī tūr abāz stad.
Sentence: 23 māh frawardīn rōz ī hordād kay-husraw siyāwaxšān padixšāyīh ō lurāsp abespurd, xwad pad pērōzgarīh ō garōdmān šud.
Sentence: 24 māh frawardīn rōz ī hordād zarduxšt ī spitāmān ō wēnišn ud ham-pursagīh ohrmazd ī xwadāy rasīd.
Sentence: 25 māh frawardīn rōz ī hordād zarduxšt ī spitāmān dēn ī māzdēsnān az ohrmazd ī xwadāy be padīrift.
Sentence: 26 māh frawardīn rōz ī hordād kay-wištāsp-šāh dēn az zarduxšt be padīrift.
Sentence: 27 māh frawardīn rōz ī hordād haštdah čiš pad haštdah sāl ō husraw ohrmazdān rasēd.
Sentence: 28 māh frawardīn rōz ī hordād wahrām ī warzāwand az hindūgān ō paydāgīh āyēd.
Sentence: 29 māh frawardīn rōz ī hordād pēšyōtan ī wištāspān az gang-diz {kang-diz} ō ērān-šahr āyēd ud dēn ī māzdēsnān rawāg kunēd.
Page: 324
Sentence: 30 māh frawardīn rōz ī hordād hušēdar ī zarduxštān ō wēnišn ud ham-pursagīh ī ohrmazd xwadāy rasēd ud dēn ī māzdēsnān az ohrmazd xwadāy pad ēw-bār be čāšēd ud warm {!} be kunēd ud xwaršēd rāy pad mayān asmān abar nēm-rōz dah rōz šabān abāz gīrēd ud mardōmān rāy pad dēn ī māzdēsnān abē-gumān be kunēd ud hazārag ī hušēdarān bun bawēd ud ān ī zarduxštān pad sar bawēd.
Sentence: 31 māh frawardīn rōz ī hordād sām ī nirīmānān azdahāg rāy be ōzanēd ud xwad pad haft kišwar <pad> xwadāyīh be nišīnēd, čand kay-husraw pad dīdār āyēd ud sām pādixšāyīh ō kay-husraw abespārēd.
Sentence: 32 panjāh ud haft sāl kay-husraw haft kišwar xwadāy bawēd ud sōšāns mowbed ī mowbēdān bawēd.
Sentence: 33 ud pas ān ka wištāsp-šāh rāy kālbodōmand kunēd, kay-husraw padixšāyīh ō wištāsp-šāh abespārēd ud sōšans mowbedān mowbedīh ō zarduxšt pid ī xwēš abespārēd.
Sentence: 34 māh frawardīn rōz ī hordād ohrmazd ī xwadāy rist-āxēz ud tan pasēn kunēd, gēhān a-marg ud a-zarmān ud a-bēš ud a-petyārag be bawēd.
Page: 325
Sentence: 35 ahreman abāg dēwān ud druzān ud hunušagān ud sāstārān ud karbān a-kār be bawēnd, āz dēw, dēwān ud druzān rāy hamāg be xwarēd ud srōš ahlaw āz dēw rāy a-kār be kunēd.
Sentence: 36 ohrmazd ī xwadāy ahreman rāy be zanēd ud stard ud a-kār be kunēd.
Sentence: 37 kē nē pas az ān gannāg mēnōg ud nē az ān ī ōy dām ud dahišn abar zamīg pādixšā nē bawēnd.
Sentence: 38 ahreman pad ān ham sūrāg ka andar dwārist ānōh nayēnd ud sar be brīnēnd ud dušox pad haft ayōxšust be hambārēnd.
Sentence: 39 ēn zamīg abāz ō star-pāyag šawēd ud garōdmān az ān gyāg ka ast abāz ō star-pāyag āyēd ud hamāg gyāg garōdmān be bawēd.
Sentence: 40 mardōm a-marg ud a-zarmān be bawēnd ka pas az ān xwarišn nē abāyēd.
Sentence: 41 ud ka gōšt xward ēstēd pad dād ī čehel sālag abar hangēzēnd ud ka gōšt nē xward ēstēd pad dād ī pānzdah sālag ul hangēzēnd.
Sentence: 42 u-šān az ān gyāg ul hangēzēnd kū-šān gyān {!} az tan be šud.
Page: 326
Sentence: 43 har mard kē zan nēst spandarmad zan dahēd ud har zan kē šōy nēst ohrmazd šōy dahēd.
Sentence: 44 andar panjāh <ud> {!} haft sālag awēšān rāy frazand zāyišnīh bawēd.
Sentence: 45 ān mard rāy kē hagriz zan nē kard ud ān zan rāy kē hagriz šōy nē kard pas az ān wēš hagriz frazand zāyišnīh nē bawēd.
Sentence: 46 mard ud zan ēk abāg did āsāyēnd bē-šān frazand zāyišnīh nē bawēd.
Sentence: 47 ud pad hamāg gāh sagr ud padēx be bawēnd ud čiš-iz xwarišn ārzōg nē bawēd ud gēhān abēzag be bawēd ud mardōm a-petyārag tā hamāg ud hamāg rawišnīh ahōš be bawēnd.
Sentence: _ frazaft pad drōd ud šādīh ud rāmišn, šād ud ahlaw ud farrox ud dagr-zīwišn ud pērōzgar ud kāmag-rawāg ud kāmag-hanjām bawād kē nibišt ud kē xwēš ud kē xwānād ud kē kār framāyēd. ēdōn bawād. ēdōn-tar bawād .
Sentence: 1 draxt-ē rust ēst tar ō šahr āsūrīg
Sentence: 2 bun-aš hušk ēst sar-aš ēst tarr
Sentence: 3 warg-aš nay hušk ēst bar-aš mānēd angūr
Sentence: 4 sīrēn bār āwarēd mardōmān wasnāδ
Sentence: 5 ān-um draxt {!} ī buland buz ō ham-nibardīd
Sentence: 6 kū: az až tō abardar hēm pad was gōnag xīr
Sentence: 7 u-m pad xwanirah zamīg draxt-ē nēstham-tan
Sentence: 8 čē šāh až man xwarēd ka nōg āwarēm bār
Sentence: 9 magōgān taxt hēm frasp hēm wādbānān
Sentence: 10 gyāg-rōb až man karēnd kē wirāžēnd mēhan ud mān
Sentence: 11 yawāz až man karēnd kē kōbēnd jaw ud brinj
Sentence: 12 damēnag až man karēnd adurān waznād
Sentence: 13 mōg hēm warzīgarān nālēn hēm brahn<-ag> pāδā
Sentence: 14 rasan až man karēnd kē tō pāδ bandēnd
Sentence: 15 čob až man karēnd kē tō grīw māžēnd
Page: 328
Sentence: 16 mēx až man karēd kē tō sar-kūnag wēžēnd
Sentence: 17 ēzm hem ādurān kē tō sēj brēžēnd
Sentence: 18 tābistān sāyag hēm pad sar šahrδārān
Sentence: 19 šīr hēm warzīgarān angubēn āzād-mardān
Sentence: 20 tabangōg až man karēnd dārūg-dān wasnāδ
Sentence: 21 šahr ō šahr barēnd bižišk ō bižišk
Sentence: 22 āšyān hēm murwīžagān sāyag kārdāgān
Sentence: 23 astag bē abganēm pad nōg būm rōδēd
Sentence: 24 ka hirzēnd mardōmag kū-m bē nē wināsēnd
Sentence: 25 bašn-um ēst zargōn yad ō rōz yāwēd
Sentence: 26 ān-iž mardōmag kē-š nēst may ud nān
Sentence: 27 až man bār xwarēnd yad amburd awištēnd
Sentence: 28 ka-š ān wāxt būd draxt āsūrīg
Sentence: 29 buz im passux karēd: dagr-um frāž ašnawēd
Page: 329
Sentence: 30 kū tō-iž ō man rānēh tō-iž ō man nibardēh
Sentence: 31 ka ēd až man kirdagān šanīd
Sentence: 32 buwēd, nang ō halag saxwan-it {!} padkārēd
Sentence: 33 burz hē dēw, ī buland bašn-it {!} mānēd dēwān-dēw
Sentence: 34 kē pad sar šēd yam pad haw farrux āwām
Sentence: 35 ud rōž, ī dēwān bandag būd hēnd mardōmān {!}
Sentence: 36 draxt-ē hušk-iž dārū draxt<-ē> sar-aš būd zargōn
Sentence: 37 tō až ēd kirdagān sar-it {!} ēst zargōn
Sentence: 38 bē bār burdan sažēd dānāg až duš-āgāh
Sentence: 39 yad ō ka barēm bār až tō buland abē-sūd
Sentence: 40 agar-it {!} passux-ē karēm nang-um buwēd garān
Sentence: 41 wāžēnd im pad afsān parsīg mardōm
Sentence: 42 kū wāy<-ōmand> hē ud wad xrad. abē-sūd draxtān
Sentence: 43 yad tō bār āwarēh mardōmān wasnāδ
Sentence: 44 gušn-it {!} abar hirzēnd pad ēwēnag čē gāwān
Page: 330
Sentence: 45 xwad gumanīg ahēm kū rōspīg zādag hē
Sentence: 46 ašnaw dēw ī buland ī-t az pahikārēm {!}:
Sentence: 47 ka dādār baγ-waržāwind bāmīg xwābar ohrmazd
Sentence: 48 abēžag dēn ī māzdēnān {!} čē čāšt, xwābar ohrmazd
Sentence: 49 yud až man kē buz hēm yaštan nē šahēd kēč
Sentence: 50 čē jīw až man karēnd andar yazišn ī yazδān
Sentence: 51 gōš-urwan, yazd harwīn čahār-paδān
Sentence: 52 haw-iž hōm ī tagīg nērōg až man ēst
Sentence: 53 haw-iž bār-jāmag če pad pušt dārēnd
Sentence: 54 yud až man kē buz hēm kardan nē šahēd
Sentence: 55 kamar až man karēnd aznāyēnd pad murwarīd
Sentence: 56 mōžag hēm saxtag āzādan wasnāδ
Sentence: 57 angustbān ī husrawagān šāh <ud> hamharzān
Sentence: 58 mašk-um karēnd āb-dān pad dašt <ud> wiyābān
Page: 331
Sentence: 59 pad garm rōz ud rabih sard āb až man ēst
Sentence: 60 maškīžag až man karēnd kē sūr abar wirāžēnd
Sentence: 61 stabr sūr ī wuzurg až man sēj wirāžēnd
Sentence: 62 maškīžag až man karēnd wasnāδ šahrδārān
Sentence: 63 kē xwadāyān ud dahibēdān <kū> sar ud rēš wirāžēnd
Sentence: 64 pad škōh <ud> āzarm andar kanār<-um> dārēnd
Sentence: 65 nāmag až man karēnd frawardag dēwān
Sentence: 66 daftar ud pādixšīr abar man nibēsēnd
Sentence: 67 zih až man karēnd kē bandēnd <abar dron>
Sentence: 68 warak <až man> karēnd waxšīg buz-pašmēn
Sentence: 69 kē āzādān ud wuzurgān abar doš dārēnd
Sentence: 70 škanj až man karēnd kē bandēnd zēnān
Sentence: 71 kē rōdistahm ud spandayād abar bē nišīnēnd
Sentence: 72 kē pad <haw> mih pīl <ud> zand-pīl dārēnd
Sentence: 73 bawum zunnār kē pad was kārizār andar kār dārēnd
Page: 332
Sentence: 74 hambun nē wišāyēd až band zēnān
Sentence: 75 pīlkahn ud kaškanjīr ān-um xīrān ēwēn
Sentence: 76 yud až man kē buz hēm kardan nē šahēd
Sentence: 77 hambān až man karēnd wāzārgānān wasnāδ
Sentence: 78 ke nān ud pist ud {!} panīr, harwīn rōγn-xwardīg
Sentence: 79 kāpūr ud mušk ī syā ud xaz ī tuxārīg
Sentence: 80 was jāmag šāhwār padmōžan kanīgān
Sentence: 81 pad hambān āwarēnd frāž ō šahr čē ēran
Sentence: 82 kustīg až man karēnd ān-um spēδ pašm
Sentence: 83 haw taškanag šāhwār padmōžan wuzurgān
Sentence: 84 ān-um zanān <ud> kanīg<(an)> pad war<ud> grīw stāyēnd
Sentence: 85 ēw-um ham-sardag až amā paywand {!}
Sentence: 86 tan hu-bōδ bōdād čiyōn gul ī gētīg
Sentence: 87 sru-ē dah widest abāz ō pušt dārēm
Page: 333
Sentence: 88 kōf ō kōf šawēm wuzurg kišwar būm
Sentence: 89 až kust ī hindūgān tar ō war-kaš zrēh
Sentence: 90 yud sardag mardōmag kē mānēnd tar haw būm
Sentence: 91 widestīg ud war-čašm kē čašm pad war ēst
Sentence: 92 sar-šān sag mān<-ēd> brūg-aš<ān>mān<-ēd>mardōm {!??}
Sentence: 93 kē dār warg-ē xwarēnd až buz šīr dōšēnd
Sentence: 94 haw-iž mardōmag zīwišn až man ēst
Sentence: 95 pēš-pārag až man karēnd anōšag-xwar-mān
Sentence: 96 kē xwarēd šahrδār kōf-δār ud āzād
Sentence: 97 ēw-um bēd abardar až tō δraxt āsūrīg
Sentence: 98 ud <až> man šīr, panīr bēd afrōšag ud māst
Sentence: 99 dūγ-um kašk karēnd wasnaδ šāhīgānān
Sentence: 100 māzdēsnān pādyāb pad man pušt dārēnd
Sentence: 101 čang ud win ud kinnār haw barbut ud tambūr
Sentence: 102 hamāg zanēnd pad man srāyēnd
Sentence: 103 ēw-um bēd abardar až tō draxt āsūrīg
Page: 334
Sentence: 104 ka buz ō wāžār barēnd ud pad wahāg dārēnd
Sentence: 105 har kē dah drahm nē dārēd frāž ō buz nē āyēd
Sentence: 106 xurmā pad dō pašīz kōdakān xrīnēnd
Sentence: 107 dān <ud> astag tō šawēd frāž ō kōy murdān
Sentence: 108 ēn-um sūd ud nēkīh ēn-um dahišn ud drōd
Sentence: 109 kē až man buz bē rawēd tar im čē pahn būm
Sentence: 110 ēn-um zarrēn saxwan kē man ō tō wāxt
Sentence: 111 čiyōn kē pēš xūg-warāž murwārīd afšānēd
Sentence: 112 ayāb čang zanēd pēš ī uštar ī mast
Sentence: 113 až band abāz karēnd kū pad bun-dahišnīh
Sentence: 114 kōfān čarag šawēm ō hu-bōδ kōfān
Sentence: 115 giyāh tarrag xwarēm <ud> až xānīg sard āb
Sentence: 116 kū gurhagān-mēx tō kust hē ēdar
Sentence: 117 buz pad pērōžīh šud xurmā andar ō stō
Page: 335
Sentence: 118 srōd-um kē srāyīd, kē nibišt xwēš, dagr zīwād, pad har srōdān sar dušmin murd wenād.kē nihād ud kē nibišt haw-iž pad ham-ēwēn pad gētīg tan husraw ud mēnōg bōxtag ruwān. ēdōn bawād.
Sentence: 1 ēdōn gōwēnd kū andar xwadāyīh ī husrawag {husraw} anōšag ruwān az sačidarm ī wuzurg, šahryār ī hindūgān-šā, abar uzmūdan ī xrad ud dānāgīh ī ērānšahrīgān ud sūd-iz ī xwēš nigerīdan rāy, čatrang ēd juxt, šāzdah tāg az uzumburd ud šāzdah tāg az yākand ī suxr kard frēstīd.
Sentence: 2 abāg ān čatrang hazār ud dō-sad uštar bār zarr ud asēm ud gōhr ud morwārīd ud jāmag ud nawad pīl u-š čiš ī mādagīg kard abāg frēstīd ud tatragatwas čiyōn andar hindūgān pad wizēn būd abāg frēstīd.
Sentence: 3 pad frawardag ōwōn nibišt ēstād kū: abāyēd čiyōn ašmā nām pad šāhān-šāhīh pad amā hamāg šāhān-šāh hēd, abāyēd kū dānāgān <ī> ašmā<-iz> az ān ī amā dānāg-tar bawēnd; agar čim ī ēn čatrang wizārēd, ēnyā sāk <ud> bāj frēstēd.
Sentence: 4 šāhān-šāh sē rōz zamān xwāst ud ēč kas nē būd az dānāgān ī ērān-šahr kē čim ī ān čatrang wizārdan šāyēst.
Sentence: 5 sidīgar rōz wuzurg-mihr ī bōxtagān abar ō pāy ēstād.
Sentence: 6 u-š guft kū: anōšag bawēd, man čim ī ēn čatrang tā Page: 337 imrōz az ān čim rāy bē nē wizārd tā ašmā ud har kē pad ērān-šahr hēd bē dānēd kū andar ērān-šahr man mard ī dānag-tar hēm.
Sentence: 7 man čim ī ēn čatrang xwārīhā wizārēm ud sāk <ud> bāj az sačidarm stānēm ud anē-z čiš-ē kunēm ō sačidarm frēstēm ī-š wizārdan nē tuwān, aziš dō bārag sāk man gīrēm ud pad ēn abē-gumān hēd kū ašmā pad šāhān-šāhīh arzānīg hēd ud dānāgān ī amā az ān ī sačidarm dānāg-tar hēnd.
Sentence: 8 šāhān-šāh sē bār guft kū zīwīh wuzurg-mihr, tatragatwas ī amā! u-š dawāzdah-hazār drahm ō wuzurg-mihr framūd dādan.
Sentence: 9 rōz ī dudīgar wuzurg-mihr tatragatwas ō pēš xwāst ud guft kū: sačidarm ēn čatrang pad čim <ī> kārezār homānāg kard.
Sentence: 10 u-š homānāg dō sar-xwadāy kard, šāh ō mādayān, raxw ō hōyag ud dašnag homānāg, frazēn ō artēštārān-sālār homānāg, pīl ō puštībānān-sālār homānāg, ud asb {asp} ō Page: 338 aswārān-sālār homānāg, payādag ō ān ham payādag homānāg pēš-razm.
Sentence: 11 u-š pas tatragatwas čatrang nihād, abāg wuzurg-mihr wāzīd, ud wuzurg-mihr sē dast az tatragatwas burd ud padiš wuzurg rāmišn ō hamāg kišwar mad.
Sentence: 12 pas tatragatwas abar ō pāy ēstād.
Sentence: 13 u-š guft kū: anōšag bawēd, yazd ēn warz ud xwarrah ud amāwandīh ud pērōzgarīh ō ašmā dād, ērān ud anērān xwadāy hēd.
Sentence: 14 čand tā dānāgān ī hindūgān ēn čatrang ēd juxt nihād pad was harg <ud> ranj, <ud> ō ēd gyāg āwurd, ēč kas wizārdan nē tuwān būd.
Sentence: 15 wuzurg-mihr <ī> ašmā az āsnxrad ī xwēš ēdōn xwārīhā ud sabukīhā bē wizārd.
Sentence: 16 u-š ān and xwāstag ō ganj ī šāhān-šāh wisē kard.
Sentence: 17 šāhān-šāh dudīgar rōz wuzurg-mihr ō pēš xwāst.
Sentence: 18 u-š ō wuzurg-mihr guft kū: wuzurg-mihr ī amā, čē ast ān čiš ī-t guft kū kunēm ō sačidarm frēstēm?
Sentence: 19 wuzurg-mihr guft kū: az dahibedān andar ēn hazārag ardaxšīr kardār-tar ud danāg-tar būd ud nēw-ardaxšīr Page: 339 ēd juxt pad nām ī ardaxšīr nihēm.
Sentence: 20 taxtag ī nēw-ardaxšīr ō spandarmad zamīg homānāg kunēm.
Sentence: 21 ud sīh muhrag ō sīh rōz ud šabān homānāg kunēm, pānzdah ī spēd ō rōz homānāg kunēm ud pānzdah <ī> syā ō šab homānāg kunēm.
Sentence: 22 gardānāg ēd juxt ō wardišn ī axtarān ud gardišn ī spihr homānāg kunēm.
Sentence: 23 ēk abar gardānāg-ē ōwōn homānāg kunēm kū ohrmazd ēk ast <ud> har nēkīh ōy dād.
Sentence: 24 dō ēdōn homānāg kunēm čiyōn mēnōg ud gētīg.
Sentence: 25 sē ōwōn homānāg kunēm čiyōn humat ud hūxt ud huwaršt ud menišn ud gōwišn ud kunišn.
Sentence: 26 čahār ōwōn homānāg kunēm čiyōn čahār āmēzišn kē mardōm aziš, aziš čahār sōg gētīg: xwarāsān ud xwarwarān, nēm-rōz ud abāxtar.
Sentence: 27 panj ōwōn homānāg kunēm čiyōn panj rōšnīh čiyōn xwaršēd ud māh ud stārag <ud> ātaxš ud warzag <ī> az asmān āyēd.
Page: 340
Sentence: 28 šaš ōwōn homānāg kunēm čiyōn dādan ī dām pad šaš gāhānbār.
Sentence: 29 nihādag ī nēw-ardaxšīr abar taxtag ēdōn homānāg kunēm čiyōn ohrmazd xwadāy ka-š dām ō gētīg dād.
Sentence: 30 wardišn ud gardišn ī muhrag pad gardānāg-ē ōwōn homānāg čiyōn mardōmān ī andar gētīg band ō mēnōgān paywast ēstēd, pad haft ud dwāzdah hamāg wardēnd <ud> wihēzēnd; ud ka ast ēk ō did zanēnd, ud abar čīnēnd čiyōn mardōmān andar gētīg ēk ō did zanēnd.
Sentence: 31 ud ka pad gardānāg-ē ēd gardišn hamāg abar čīnēnd hangōšīdag ī mardōm kē hamāg az gētīg widarišn bawēnd ud ka did-iz bē nihēnd hangōšīdag {ī} ī mardōmān kē pad rist-āxēz hamāg zīndag abāz bawēnd.
Sentence: 32 šāhān-šāh ka-š ān saxwan āšnūd rāmišnīg būd ud framūd dwāzdah hazār asb <ī> tāzīg az ham mōy, padisār pad zarr <ud> morwārīd ud dwāzdah hazar mard <ī> gušn kē pad wizēn ī az ērān-šahr; dwāzdah hazar zrēh ī haft-kard ud dwāzdah hazar šamšēr pōlāwadēn ī wirāst hindūg, dwāzdah hazār kamar ī haft Page: 341 čašmag ud abārīg har čē andar dwāzdah hazār mard <ud> asb abāyist, har čē aburnāyīhā-tar payrāyēnīdan.
Sentence: 33 wuzurg-mihr <ī> bōxtagān abar awēšān sālār kard ud rōzgār-ē wizīdag pad nēk jahišn ud yazdān ayārīh ō hindūgān frēstīd.
Sentence: 34 sačidarm ī wuzurg šahryār ī hindūgān-šāh ka-šān pad ān ēwēnag dīd az wuzurg-mihr ī bōxtagān čehel rōz zamān xwast.
Sentence: 35 ēč kas nē būd az dānāgān ī hindūgān kē čim <ī> ān nēw-ardaxšīr dānist.
Sentence: 36 wuzurg-mihr did-iz ham-čand ān sāk ud bāj az sačidarm stānd ud pad nēk jahišn <ud> wuzurg abrang abāz ō ērān-šahr āmad.
Sentence: 37 wizārišn <ī> čim ī čatrang ēn kū čē pad nērang, az ān čiyōn dānagān-iz guft ēstēd kū:perōz <ān kē> pad xrad barēd, az ān azdēnēnd xradīg mādagwarīh dānistan.
Sentence: 38 wāzīdan <ī> čatrang ēn kū: nigerišn ud tuxšišn ī pad nigāh dāštan ī abzār ī xwad wēš <az> tuxšišn čiyōn ō burdan šāyistan ī abzār ī ōy did ud pad ummēd ī abzār Page: 342 ī ōy ī dīd burdan šāyistan rāy dast ī wad nē wāzišn ud hamwār abzār ēk-ē pad kār ud abārīg pad pahrēz dārišn ud nigerišn bowandag-menišnīhā ud abārīg ōwōn čiyōn andar ēwēn-nāmag nibišt ēstād.
Sentence: 1 weh-dēn mardōm rāy paydāg kū dastwarān guft ēstēd kū mardōmān har rōz pad ōšbām sē druz pēš āyēd čiyōn nasrušt ud ajahānīh <ud> an-āstawānīh.
Sentence: 2 pad dēn guft ēstēd ka pēš az ān kē xwaršēd ul āyēd dast pad gōmēz gāwān šōyēd pad āb šōyēd, aziš druz ī nasrušt zad bawēd ud pad ruwān ōwōn sūdōmand čiyōn ka-š pad baršnūm šust hē.
Sentence: 3 ud ka ō mān ātaxšān šawēd ud ātaxš niyāyišn kunēd aziš druz ī ajgahānīh zad bawēd.
Sentence: 4 ud ka niyāyišn ī xwaršēd pad nērōg ī yazdān kard aziš druz ī an-āstwānīh ī dēn zadag bawēd.
Sentence: 5 dastwarān guft ēstēd kē sē hēnd andar gētīg kē awēšān rāy rōzīg nē baxt ēstēd, pad stambagīh az gētīg hamāg stānēnd ud xwarēnd, u-šān pad tan ī pasēn āmār ī saxt awiš bawēd.
Sentence: 6 ēk ān drāyān-jōyišn mardōm ud dudīgar ān ī ajgahān ud sidīgar ān duš-čašm.
Sentence: 7 drāyān-jōyišn<īh> ōwōn škeft kū ka ān ī drāyān-jōyišn Page: 344 mardōm hamē xwarēd ud hamē drāyēd hazār dēw pad nērōg ōy ābustan bawēd, bēwar dēw pad nērōg ī ōy be zāyēd ud damišn ī az zafr ud gandagīh ī ōy be ō garōdmān ō pēš ī ohrmazd šawēd ud mizag ī čāšnīg ī ān xwarišn be ō ahreman ud dēwān rasēd {!} ud hordād ud amurdād abar tan ī ōy nifrīn kunēnd kū: tō az hordād ud amurdād wēš drāyān ma jōyīh.
Sentence: 8 dudīgar dastwarān guft ēstēd kū marg-arzān mardōm pad zīndagān xwarišn ēwēn dādan ud ajgahān nē ēwēn dādan.
Sentence: 9 sidīgar duš-čašm mardōm ōwōn škeft kū xwaršēd ud māh rōšnīh kam ud āb tazišn kam ud urwarān waxšišn kam.
Sentence: 10 duš-čašm ān bawēd kē az nēkīh ī kasān dušxwārīh bawēd.
Sentence: 11 sōrag-čašmān rāy ōwōn paydāg kū pad har kas ōh bawēd, weh pad tan ud čiš ī xwēš, wattar pad ān ī kasān.
Sentence: 12 pursīd kū andar xrafstarān gyān kē kard?
Sentence: 13 guft hād ohrmazd, u-š ēd rāy kard čē ahreman tan ī Page: 345 xrafstar dēsīd, hašt-dah paymān ō ohrmazd drāyīd kū gyān andar awēšān kun ayāb enyā pašt nē āwāšēm.
Sentence: 14 ud ohrmazd meh-dādestānīh šāyist kardan ī tan ī pasēn rāy, xrafstar gyān andar kard.
Sentence: 15 hamē ka xrafstar zanēnd guftan abāyēd kū zanēm, ōzanēm wināh wizārišn ud kirbag ī ruwān dōšāram rāy.
Sentence: 16 ka pad ān ēwēnag gōwēd čand <ī> zanišn ud arz ī ān xrafstar wināh ī ān mardōm kard ēstēd az bun be šawēd, čand <ī> zanišn ī ān xrafstar kirbag ō bun bawēd.
Sentence: 17 ud pad čē har kār ud kirbag ī kunēnd ēn guftan abāyēd kū wināh wizārišn ud kirbag ruwān dōšāram rāy hamē kunēm tā kirbag dō ēwēnag bawēd.
Sentence: 18 pursīd kū abar sar <ī> xwarišn freh sar ō zamīg abāyēd mālīdan ayāb nē?
Sentence: 19 guft hād abāyēd, ēd rāy čē mēzd ī wehān pad nērōg yazdān kunēnd tā mardōmān pēš az freh-būd xwarišnīh abar sar <ī> xwaγrišn {? dandān} freh dārēnd ahreman ud dēwān wišūdagān pad garānōmandīh <ō> anāgīh ēstēnd ud ka abar sar <ī> xwaγrišn {? dandān} freh sar ō zamīg nē mālēnd ō Page: 346 zēn-abzār ī ahreman ud dēwān rasēd, ast <kū> dēwān pad ān nērōg drōst tuwān kardan.
Sentence: 20 pursīd kū pad dušox az ān ī ohrmazd kas gumārd ēstēd kē ruwān ī druwandān pādifrāh nimāyēd ayāb nē?
Sentence: 21 guft hād az ān ī ohrmazd andarōn ī dušox kas nē gumārd ēstēd bē wēnišn ī yazdān, tištar ud stōš, wanand ud haftōring.
Sentence: 22 ēn-iz gōwēm kū awēšān wēnišn ōwōn tēz kū ān ī arγand-tom dušox ōwōn wēnēnd čiyōn mard<ān>-ē kē <abāg> čašm abēr wēnāg andar ēwēnag nigerēnd tan ī xwēš wēnēnd, awēšān-iz weh abēr-tar wēnēnd.
Sentence: 23 ud ka nē pānāgīh awēšān rāy hē, ahreman ud wišūdagān hāmōyēn ruwān ī druwandān andar dušox be murnjēn<ī>d hēd.
Sentence: 24 ēn-iz paydāg kū druwand<ān> rāy pad har wināh, puhl ud pādifrāh čand abāyēd burd<(an)>.
Sentence: 25 ud ka niyābag ī ān, puhl ud pādifrāh barēnd agar pad jud az ān, aštar-ē ō ruwān ī awēšān zanēnd ēd pad Page: 347 ham-gyāg rist-āxēz ud tan ī pasēn bawēd.
Sentence: 26 har rōz sē wāng az wahišt ud saxwan ī amahraspandān āšnawēnd kū ma tarsēd čē-tān rist abāz wirāyēm u-šān čand bār pad gētīg saxwan ī ruwān dōstīhā wehān ō ašmā guft ud rāh ī rāst ō ašmā nimūd {!} ud nē padīrift hēd.
Sentence: 27 u-š har rōz sē bār hōm ō gōš gōwēd kū rāmišnīg kunēd ud ma tarsēd čē-tān ōš az ruwān abāz dārēm u-tān ruwān nē ōšōmand čiyōn tan ōšōmand.
Sentence: 28 pursīd kū pad ēn kirbag ud wināh wizārišn xwad xwābarīg kadām?
Sentence: 29 guft hād xrafstar ōzadan ud ātaxš dādīhā pahrēxtan, čē xrafstar hamāg az tan ī ahreman u-š ahreman bēšīd bawēd.
Sentence: 30 ahlaw-dād ka ō wehān dahēnd kirbag kam nē, bē dō ēwēnag kirbag bawēd, ēk bun ī kār, dudīgar ahlaw-dād dahišn, čē ahlaw-dād ō ganj <ī> dādār ohrmazd rasēd.
Sentence: 31 pursīd kū gōšt murdār čē rāy ka nē xwarēnd?
Page: 348
Sentence: 32 guft hād ēd rāy čē dēwān padiš petyāragēnēnd pad zyān ī mardōmān yārēd būdan
Sentence: 33 ka mardōmān be xwarēnd ē petyārag ō tan ī mardōmān rasēd, andar tan ud ruwān ud amahraspandān an-espās ud mihrōdruj ud wināh-kār bawēnd.
Sentence: 34 pursīd kū pad xānag <ī> mardōm ka widērān bawēd andar sē šabag gōšt tāzag čē rāy ka nē xwarēnd ud ka xwarēnd čē juttarīh bawēd?
Sentence: 35 guft hād ēd rāy čē nasrušt ī petyārag {ī} andar {!} ān xānag ka abar ān widaštag ristag rasīd bawēd, har kē az ān xwarišn be xwarēd ān druz ī nasrušt ī petyārag ī ān ī widaštag ō tan ī ōy bē rasēd az ān jādag {!} rāy ōš pēš tar ud margīh saxt-tar tēz-tar andar rasēd ud gyān dādan ōy rāy dušxwār-tar bawēd ud andar gyān kandan anāgīh wēš andar āyēd abar ōy.
Sentence: _ (wahman rōz pad nām) ī meh frēstag imrōz hanjaman uskār-ē pad xrad kardan, ō dar ī šāhīgan šudan ud šāhīgān-iz dānāgān ud framān-burdārān ō handēmānīh hištan ud dōstān-iz dānāgān ō āgenēn pad drōd pursišn šudan, dōšāram ud dānišn warzīdan pad hamāg kār <ud> dādestān xūb. ardwahišt rōz āštīh ud dōšāram warzīdan ud dārūg ud darmān āmēxtan <ud> ham-xwardan ud hanjaman<ud> kār ī ruwānīg ud uskār pad meh dādestānīh handāxtan <ud> kardan ud hašāgirdān gumārdan pad ēgānagīh (ī sālārān pādixšāyān paywastan ud abārīg kār hu-jahišn ud stūdag).
Sentence: 1 abar panj xēm ī āsrōnān ud dah handarz kē hamāg handarz ī dēn abar paywastag.
Sentence: 2 ān panj xēm: fradom a-wināhīh.
Sentence: 3 dudīgar wizēn-kardārīh ī manišnān ud gōwišnān ud kunišnān.
Sentence: 4 sidīgar dastwar-dārīh čiyōn ān ī rad ī dānāg-tar ī rāst-gōwišn-tar dēn-āgāhīhā ō {?} hammōxtēd ud rāstīhā hammōzēd.
Sentence: 5 čahārom yazišn ī yazdān rāst-wāzagīhā, wāzagīhā warm, naskīhā pad nērang yaštan.
Sentence: 6 panjom rōzān šabān šnāyišnīhā andar xwēš-kārīh ēstādan abāg xwēš hamēstār kōxšišn kardan, zīndag drahnāy az āstawānīh ī dēn be nē waštan ud pad xwēš-kārīh tuxšāg būdan.
Sentence: 7 ān ī dah handarz: fradom husrawīh ī xwēš sālār ud hammōzgār ud rad ud pid abāyistan rāy husrawīhā raftan.
Sentence: 8 dudīgar dusrawīh ī awēšān sālārān nē būdan rāy az Page: 351 dusrawīh škeft pahrēz būdan.
Sentence: 9 sidīgar ān ī xwēš hammōzgār pad ān ī drāz-tar čōb nē zadan ud nē bēšīdan rāy čē nē āšnawēd az xwēš hammōzgār {!} padiš nām nē srawēnīdan.
Sentence: 10 čahārom nām paydāgīh az ahlawān nē appurdan rāy čē hammōxt az xwēš hammōzgar rādīh<-ā> abāz ō arzānīgān abēspārdan
Sentence: 11 panjom rawāg-dēnīh rāy kirbakkarān mizd bazakkarān tōzišn pad dād nihādan.
Sentence: 12 šašom ahlāyīh daxšag andar xwēš mān mehmān kardan rāy rāh ī wehān ō xānag wišādag dāštan.
Sentence: 13 haftam druz andar wārom ahōšīh nē waxšēnīdan rāy abāg wehān kēn nē dāštan ud pad a-patītīgīh az wināh nē ēstādan.
Sentence: 14 haštom druz az wārom brīdan rāy kēn az menišn ōgārdan ud az wināh tēz petītīg būdan.
Sentence: 15 nohom pēš-rawišnīh ud pas-rawišnīh ī dēn šnāxtan ud pēš-rawišnīh ī dēn frāz ō pēš dāštan ud kār ud bahr padiš xwāstan ud pas-rawišnīh ka petyārag ō dēn rasēd Page: 352 dēn abāz ō pas ud tan pad magindīh ī dēn dāštan.
Sentence: 16 dahom srōš-yārīh rāy andar xwadāy ud rad ud dastwar <ī> dēnīg hu-niyōxš būdan.
Sentence: 1 nūn nibēsīhēd, pad sazīd nibišt, nāmag-ē ō kas kas xwadāyān, ō pādixšāyān ud mehān ud abarmānīgān hamē pērōzgar, ō kardārān hamāg farroxtar, ō awēšān kē pad har āfrīn arzānīg hēnd: yazdān pānag ud šahr-ayār, ō aziš-kehān anōš-ayād hazār anōš, ō bandagān ud aziš-kehān hazār anōš-ayād, az anōšag-ayād andak frāz dāšt ēstēd. āzarmīg tom, garāmīg-tom, ō pidar ayāb brādarān ayāb frazandān ayāb ō awēšān kē hāwand ī pid ud brād ud frazand hēnd.
Sentence: 2 kē-tān az abzōnīg ganj ī yazdān, dagr-zīwišnīh {ī} drust tanīhā, ābādīh {ī} hangad burzišnīgīhā, farroxīh jāwēdān paywandišnīgīhā ud drōdōmandīh {ī} pattāyišnīgīhā ud rāmišn {ī} a-widērišnīgīhā ud a-kanārag afrīn tēz rasišnīgīhā ud wuzurg nām {ī} dūr brāzišnīgīhā ud pahlom ahlāyīh ruwān bōxtišnīgīhā, abardom {!} burzišn {ī} xwēš Page: 354 abē-gumānīhā, pad ēd farrox tan ud anōšag gyān bowandagīhā bawād. frazaft pad drōd.
Sentence: 3 yazdān ašmā hamwār andar abzōn <ī> wisp burzišn, rāy ud xwarrah ī wisp abrang ud a-sāg ud urwāhm ī wisp frārōnīh, bowandag xrad <ud> kāmag-hanjām dārānd.
Sentence: 4 kē-tān rasād az abargarān burzišn {ī} xwēš-kāmagīhā ud rāy ud nām {ī} nām abrangīhā ud bālistīg zōr {ud} pād yāwandīhā ud čihr ud brēh {ī} bayān hōmānāgīhā ud abrangīg stāyišn {ī} āzād-gōhrīhā, abēzag kardag uspurr-bahragīhā ud wuzurg kardārīh {ī} wehān windišnīhā pad ēd a-winast tan bowandagīhā pad kāmag bawād.
Sentence: 5 wuzurg-ummēd, abaxšāyišngar, wasān kas frayādišnīg, az har juttarīh abēzārēnīdār, dūr ud pad pahrēz dārānd, hamē pērōzgar wahmān ī wahmānān.
Sentence: 6 wuzurg kardār, kišwar rāyēnīdār, frārōnīh warzīdār ud Page: 355 driyōšān ayārīh dādār ud hammis dāmān, ummēdēnīdār, wahmān ī wahmānān.
Sentence: 7 gēhān payrāyag, kišwar abrang ud awestām magind, wahmān ī wahmānān.
Sentence: 8 yazdān zēn ud hunarāwandān zōr ud ērān pušt ud mazdēsnān pānag, wahmān ī wahmānān.
Sentence: 9 hamāg andar abrāz ī har farroxīh abzōn ud wisp burzišnīg ud urwāhm ī har dō axwān kāmag hanjam dārānd.
Sentence: 10 āzādag pad tōhmag ud āfrīn pad hunar ud abēzag pad kunišn ud bowandag pad xrad ud nāmīg pad har wehīh, wahmān ī wahmānān.
Sentence: 11 frāz-tom pad dānāgīh ud stūdag pad čihr ud brāh brāzišnīg andar āwām ud frayādišnīg andar har dō axwān, wahmān ī wahmānān.
Sentence: 12 drust pad gōhr <ud> wirāstag pad xēm, abaxšāyišngar andar pādixšāyīh ud xūb warz andar frārōnīh ud ayār ō har wehān, wahmān ī wahmānān.
Sentence: 13 kē-tān az abargarān, abar baxšāyišnīh, wisp rāy ud xwarrah ud har farroxīh ud burzišn padiš mehmān <ud> Page: 356 pattāyišnīg bād.
Sentence: 14 kē-tān dārānd dagr-pattāyīhā drust tan ud burzāwandīhā ābād xīr ud hangad burzišnīgīhā purr xwarrah ud jawēdān <ud> paywandišnīgīhā ahlayih abzōn, az har juttarīh abēzār bōxtag dārānd.
Sentence: 15 hamāg burzišn abzōnīg, ahlāyīh ud rawāg-kāmag ud mihr-ābād ud frašgirdīg paywand bawēd.
Sentence: 16 hamāg burzišn {ud} abzōnīg, ahlāyīh ud rawāg-kāmag, pad wisp mēnōgīg ud gētīgīg burzišn ud farroxīh ud spurr bahrīhā ud kāmag-hanjāmīh ud az har juttarīh abēzār dārānd.
Sentence: 17 kē-tān abēzag wehīh {ud} frārōnīh abzāyēnīdārīhā passazag andar har dō axwān wisp burzišn ud frāx ābādīh ud hangad ahlāyīh dārānd.
Sentence: 18 nāmag pad bēš-pursišnīh <ud> hunsandīh dādan ī ō mehān ud āzarmīgān.
Sentence: 19 hamē pērōzgar wahmān ī wahmānān, hamē spōzād bēš ud gugānād zarīg <ud> dūr bawād har petyārag, Page: 357 burzišnīg bawēd pad wisp mēnōgīg ud gētīgīg farroxīh.
Sentence: 20 ka-mān āgāhīh ī anōšag ruwān wahmān ī <wahmānān> awiš mad, garān pīm az marg ayāft, bē az ān, amā čār ī gētīgān pad bōxtan ī az marg ud widarag ī xwarišn xwardārān mardōm, nē pad dast ī purr-xwarrahān ud nē pad hunar ī hunarāwandān ud nē <pad> dānāgān ud frazānagān ud nē-iz <pad> stahmagān ud wināh-kārān ud nē-iz <pad> wuzurg-kunišnān ud kirbag-warzīdārān, har kas rasišn ī marg ud rōz ī āmār, widardan ī čīnwad puhl awiš madan payrāst ēstēd.
Sentence: 21 ōy-iz anōšag ruwān hū-kunišn ud wuzurg-nām ud wuzurg-sūd būd ud wahišt-bahr ud garōdmān pādāšn bād.
Sentence: 22 ašmā dagr zīwēd ud drust zīwēd, padīrēd hunsandīh ud wīdwarēnēd menišn ud waxšēnēd xwēš ruwān ud škast ud gugān ud wānīd kunēd gannāg-mēnōg ud dēwān pad padīrišn hunsandīh, šnāyēnēd ruwān ī ōy anōšag ruwān arzānīg passazagīhā pad yazišn<ud> azbāyišn, ayādišn āfrīngān dahmān.
Page: 358
Sentence: 23 u-tān dagr zamānīhā pāyēnd az har ēbgat ud abzāyēnēnd abardom rāmišn ud nēkīh ud hū-abzāyišnīg bawād ēd farrox-tan tā frašgird zamān.
Sentence: 24 u-tān hamē pad abēzārīh ī az har juttarīh ....(?) abardom farruxīh.
Sentence: 25 abāg a-sāg drōd, yazdān abestānīgīhā, wahmān ī wahmānān nibišt.
Sentence: 26 az wahmān bē wahmān drōd ī was.
Sentence: 27 pad waxrān abar bawēd, čē nāmag pad awištāb.
Sentence: 28 namāz ō zardušt ī spītāmān ī ahlaw-frawahr.
Sentence: 29 ō tan āfrīdag, pad zāyišn burzišnīg, pad dahišn abēzag, pad guhr padīriftag, andar yazdān wābarīgān, andar xwadāyān wixšayišn, did andar āwām abāyišnīg, pad čihr brāh ud xwarrah bōwandag, pad menišn rāst <ud> bōxtag, pad gōwišn wuzurg-nām <ud> pērōzgar, ud pad framān xwābar ud pad hū-pādixšāyīh dānāg ud pad rāyēnīdārīh {ud} hū-abaxšāyēndag <ud> a-nang ud pad mardōm dōstīh kišwar ummēd, wihān payrāyag, Page: 359 hamē pērōzgar xwadāyīgān wahmān ī wahmānān.
Sentence: 30 yazdān ašmā hamwār pad hamāg drōd abar baxšišnīh, dagr-zīwišn ud pad farroxīh drust ēstišn ud pad harwisp āfrīn payrāyišnīg, kāmag-hanjām dārānd. dagr-zīwišnīh gyān, drustīh ī tan ud ābādīh ī xīr abāg ramišn ī menišn <ud> kadār-iz-ē nēkīh, burzišn abāg ahlāyīh ī ruwān, hamē pad ašmā pāyišn hamāg abzāyišnīg ēdōn bawād čiyōn farroxīhādom amā xwāstan ī āgāhīh, ārzōgōmand ayārīh ud tan-drustīh ī ašmā ēn nāmag abērtar kard.
Sentence: 31 nūn nibēsēm kū tā rōz ī wahmān ud māh wahmān ka-mān ēn nāmag nibišt, drust. ud drōdōmand ud purr ārzōg būd hēm ud nāmag ī ašmā mad ud dīd, čē nibišt wizīdār dānist ud az drustīh ī ašmā, rāmišnīg ud andar yazdān spāsdār būd hēm.
Sentence: 32 pad nēkīh ud xūbīh āgāh framāyēd būdan ka ēdar nēk <ud> xūb āwām ud zamānag {ī} nēk ast, wehān rāy weh ēstād, wehān rāy nēk pad kāmag ast.
Sentence: 33 kē-tān hamāg tan-drust ud gyān anōšag ud nām burzišnīg, jahišn abrangīg ud xwarrah waxšišnīg, xīr pattāyišnīg ud dēn frašgirdīg, paywand pattāyišnīg ud ruwān garōdmānīg dārānd.
Page: 360
Sentence: 34 ō kē āzād-tom pad gōhr, burzišnīg-tom pad nām ud ōstīgāntom pad frārōnīh ud āšnāg-tom pad wehīh, purr brāzāg-tom pad mihr, nāmīg-tom pad rādīh, kardār-tom pad šnāyēnišn ī yazdān, burd-ranj-tom pad dēn ī māzdēsnān, ayārēnīdār-tom pad kadār-iz-ē xīr ān ī āwāmān ud čiyōnīh ī āfrīn, hamāg bārēstānīg ud xwarrah {ī} wahmān wahmānān.
Sentence: 35 hamēgīh andar tan-drustīh ud tan purr-pāsbānīh ī az bēšīdārān bēš, ast purr-hambārīhā husrawīh padiš arzānīg dārānd.
Sentence: 36 kē-tān az ........(?) ganj ī hamēšag waxš <ud> xūb, {ud} purr bahr ud kāmag-rasišn ud az wisp juttarīh abēzār <ud> bōxtag dārānd.
Sentence: 37 andar bun ī nāmag: u-tān yazdān pad ān ī abrangīg-tom gāh, astišnīg, winārīšnīg ud pattāyišnīg dārānd.
Sentence: 38 hamē pērōzgar, burzišnīgtar pahlōmīhā, wahmān ī wahmānān.
Sentence: 39 yazdān ašmā dagr-zīwišn ud drust ud farroxīhā ud abē-bīm ud pērōzgar ud rawāg framān dārānd.
Sentence: 40 andar bun ī nāmag: u-tān hamēšag farroxīh ud pērōzīh abzāyād, wahmān ī wahmānān, drōd.
Sentence: 41 yazdān hērbed xwadāy pad raēšča. xvarənasča. pad ēstišn Page: 361 ī tanuuō. druuatātəm. andar har dō axwān astišnīg ud pattāyišnīg ud winārišnīg dārānd.
Sentence: 42 andar bun ī nāmag: u-tān yazdān nōg nōg pad bōxtār bawēnd, rāy ud xwarrah ud xwēškārīh, tan-drustīh ud dagr-zīwišnīh ud pad wisp nēkīh windād-kāmag dārānd.
Sentence: 43 hamāg pērōzgar wahmān ī wahmānān, yazdān ašmā hamāgīhā baxšēnd ān ī mih bōzišn, abar-dom burzišn ud a-kanārag rāmišn ud hamē āzād, ahlaw ud pērōzgar dārānd.
Sentence: 44 andar bun nāmag: u-tān hamē drōd ud rāmišn ud ahlāyīh abzāyād, wahmān ī wahmānān frēstīd.
Sentence: 1 andar māh wahman ī sāl šaš-sad <ud> wīst haft pas az sāl ī wīst ī ōy ī yazdgird šāhān šāh šahryārān, nāf ī ōy ī abarwēz husraw šāhān šāh ī ohrmazdān, frāz nazdist rōz ī dēn pad mihr, ka wāzag ī weh pad hanjaman madār būd hēnd, pad pādixšāyīh-zanīh grift mard-ē wahmān nām, wahmān ī wahmānān, pus wahmān, rōstāg wahmān, deh wahmān manēd, kanīzag ēd wahmān nām, wahmān ī wahmānān, pādixšāyīhā duxt ham wahmān deh mānēd.
Sentence: 2 u-š ēdōn mad ēstēd pad sālārīh ī wahmān pid čiyōn ka-š zanīh duxtagānīh pad rāh stūrīh ēkānagīh kas padiš nē mad ēstēd.
Sentence: 3 ēdōn wahmān, pad xwāstan ud dād az wahmān pid hunsandīh ud ham-dādestānīh ī ham wahmān pad ahlaw-dād pādixšāyīhā zanīh grift.
Page: 363
Sentence: 4 ud ham wahmān, wahmān pid ham {!} wahmān rāy pad ahlaw-dād pādixšāyīhā zanīh pad sē gōwišn be ō wahmān dād.
Sentence: 5 ud ham wahmān awiš be padīrift, ēdōn kū: wahmān ēn-iz padīrēm {?} kū zīndag dranāy az zanīh ud ēkānagīh ud framān-burdārīh ud tarsāgāh warzīdārīh andar ham wahmān, az ērīh ud weh-dēnīh be nē wardēm.
Sentence: 6 ud wahmān ēn-iz guft kū: zīndag dranāy pad zanīh grāmīg, pad kadag-bānūgīh awistwār, ud pad xwarišn, wastarag ud xuft ud paymōxt ud šōywarīh sālārīh tuwān-sāmānagīhā ud āwām passazagīhā xūb, pad āzarm {!} dārēm ud frazand aziš zāyēd, pad pādixšāyīhā frazandīh ī xwēš dārēm.
Sentence: 7 ud ka ēd xīr ham-gōnag būd, ham wahmān, ham wahmān rāy pad windišn pādixšāyīhā kard ud pas az kardan ī ēn paymān, ham wahmān ī wahmān ham wahmān ī {!} wahmān rāy weh sahist dōšīd, <ud> sē hazār drahm ī asēmēn ī šahrāwarišn aziš pad gōhrīg ī sē hazār drahm ī asēmēn ī Page: 364 šahrāwarišn weh sahist, mar az hāmōyēn xwāstag ō dārišn ud xwēšīh mad ēstēd, ī pad be dādan pādixšāyīh būd ud ān-iz ī az nūn frāz ō dārišn ud xwēšīh rasēd pad bē dādan pādixšāyīhā hēm pad dō bahr: ēd bahr ō wahmān ī wahmān<ān> dād hēm ud ham wahmān ī wahmānān rāy abar ham mādag pādixšā kard hēm, ēdōn kū: har ka wahmān ayāb kas az wahmān dādag rāy xwāstārīh kunēd abē wihānagīhā awiš abēspārēm ud padiš spōz ud wastārīh nē kunēm.
Sentence: 8 ud ham wahmān ī wahmān ēn mādag mādag pad gōhrīg ī ēn, sē hazār drahm bē passandišnīh padīrift ud padiš ham-dādistān būd.
Sentence: 9 ud ham wahmān ī wahmān pid jādag-gōw awiš mad ēstēd, ham wahmān ī wahmān passandišnīh padīrift pad freh nē pahikārd.
Sentence: 10 ud ham wahmān ī wahmān pad čē ham-dar abārīg čiyōn paymān ī zanīh būd kē xwēškārīh būd, pursīd xwāst ud wizōst ud abar mad hēm.
Page: 365
Sentence: 11 ud ka ham-dādestānīh wahmān ī wahmān guft, wahmān ī wahmān ōwōn ēn dib {?} az guft ud gōwišn ī ham-dādistānīh ī ham wahmān ī wahmān ud ham wahmān ī wahmān, pid wahmān ī wahmān wābarīgānīh rāy pad gugāyīh ī ham wahmān ī wahmān ud wahmān ī wahmān ud wahmān ī wahmān.
Sentence: 1 ēn wāzag ē-čand anōšag-ruwān ādurbād ī māraspandān andar bē widerišnīh ō gētīgān guft ud čāšt kū ayād pad daxšag dārēd ud kār u-š gīrēd: hanbār ma kunēd kū-tān niyāz abar nē rasād, čē hanbār ī kard nē bē ō niyāz kam nē rasēd.
Sentence: 2 hanbār ēwāz ahlāyīh weh, tuxšēd kār ud kirbag čē čiš ī pad hanbār šāyēd dāštan ēwāz ahlāyīh weh.
Sentence: 3 kēn pad menišn ma dārēd kū-tān dušmenān abar nē āxēzēnd
Sentence: 4 ud bē nigerēd kū az dušmen pad kēn zadan čē rēš ud ziyān ud wanē būdagīh abar šāyēd madan ud gugārēd kēn andar wārom ī xwēš, ma zanēd dušmen pad kēn, čē paydāg kū kē ān ī kamist kēn framōšēd ā-š az ān ī mahist bīm bōzēnd pad čēh-widarag.
Sentence: 5 andar pēš-āmārīh ud pas-āmārīh saxwan rāstīhā gōwēd Page: 367 kū pad dādestān bōxtag-tar bawēd.
Sentence: 6 čē paydāg kū mard pad gugahīh {gugāyīh} ī rāst dādan ahlaw bawēd, druwand-iz bawēd ōy kē dārēd nē dahēd.
Sentence: 7 paymān xwarišn bawēd kū dagr-pattāy bawēd.
Sentence: 8 čē paymān xwarišnīh pad tan weh ud paymān gōwišnīh pad ruwān.
Sentence: 9 ud ōy-iz ī andak xwāstag-tom mard ka paymān xēm tuwāngar, handāzag ō ruwān wēš kunēd kū ō aškamb.
Sentence: 10 čē aškomb-hanbār mard frahist mēnōg-wišōb bawēd.
Sentence: 11 zan az paywand ī xwēš kunēd kū-tān paywand dūr-tar rawād.
Sentence: 12 čē frahist wišuftan ud kēn ud ziyān ō dāmān ī ohrmazd mad az ān wēš būd ī ka-šān duxt ī xwēš bē dād, u-šān pus ī xwēš rāyd kasān pad zanīh xwāst ta dūdag bē wināhēd.
Sentence: 13 az pid ī gāwān ud gōspandān xwardan pahrēz saxt kunēd čē-tān ēdar ud ānōh āmār ī saxt abar bawēd.
Sentence: 14 čē mard kē gōšt ī gāw ud gōspand xward ēstēd dast andar wināh dārēd, wināh čē menēd ud gōwēd ud kunēd.
Sentence: 15 ud ka-š ... xward ēstēd ud dast andar wināh dārēd ka Page: 368 pad anē gyāg uštar-ē mard-ē bē ōzanēd ōy ēdōn bawēd čiyōn ka-š pad dast ī xwēš ōzad hēd {!}
Sentence: 16 kārwānīgān-padīr bawēd kū-tān ēdar ud ānōh abēr-tar padīrēnd.
Sentence: 17 čē kē dahēd stānēd aziš waxš-iz; abar pad xwaran ānōh nišīnēd kū-tān ōh nišīnānd ēnyā gāh ī meh ān gyāg mard ī weh nišīnēd.
Sentence: 18 gāh rāy ma kōxšēd čē gāh tuxšāg mard frahist mēnōg wišōb bawēd.
Sentence: 19 pad kirbag ham-dādistān ud pad wināh jud-dādestān ud pad nēkīh spāsdār ud pad petyārag hunsand ud az dušmen dūr ud pad kirbag nē wizand-kār ud pad wadīh ayār ma bawēd.
Sentence: 20 ka škoft-tom čiš rasēd pad yazdān ud dēn gunān ma bawēd.
Sentence: 21 ma abēr šād bawēd ka-tān nēkīh awiš rasēd.
Sentence: 22 ma abēr bēšīd bawēd ka-tān anāgīh awiš abar rasēd.
Sentence: 23 pad petyārag hunsand ud pad astānag bārestān pad zīndagīh wistāx ma bawēd bē pad kunišn ī frārōn wistāx bawēd.
Page: 369
Sentence: 24 čē hu-kunišnān ān ī xwēš kunišn jādag-gōw ud duš-kunišnān ān ī xwēš hamēmāl.
Sentence: 25 čē menišnān ud gōwišnān ud kunišnān, kunišn pahlom-tar.
Sentence: 26 čē man ādurbād ī māraspandān rāy anāgīh nē bawēd im frāz awiš mad kē-š šaš ēwēnag rāmišn aziš padīrift.
Sentence: 27 fradom ēn kū ābādīhā ka-m anāgīh ēn čē az ēn wattar šāyēd būdan.
Sentence: 28 dudīgar ēn kū ka-m anāgīh nē ō ruwān bē ō tan mad čē pad tan weh šāyēd widārdan kū pad ruwān.
Sentence: 29 sedīgar ēn kū-m az anāgīh ī man rāy dāšt-ēstēd ēk widārd.
Sentence: 30 čahārom ēn kū-m ābādīhā mad ēstēd ka man mard-ē ōwōn nēk hēm ī gizistag ahreman ī druwand ud dēwān ēn anāgīh wehīh ī man rāy pad tan ī man kard.
Sentence: 31 panjom ēn kū har kē wadīh ud anāgīh kunēd ō xwad ayāb ō frazandān rasēd ud ān ī ō man mad ō frazandān ī man nē rasēd.
Sentence: 32 šašom ēn kū ahreman ī druwand, dēwān har anāgīh dād pad dāmān {ī} ohrmazd rāy dāšt-ēstēd ān ī ō man mad Page: 370 ganj ī ahreman kāst u-š pad anē-z weh-ē did kardan nē tuwān.
Sentence: 33 ud az duš-čašmīh ud xwad-dōšagīh ud wehān dušmenīh ud xēšmēnīh ud āzwarīh ud spazgīh ud drōz<(an)>īh saxt aziš pahrēzēd kū-tān tan dusraw ud ruwān druwand nē bawād.
Sentence: 34 ma handāzēd wadīh ō wattarān čē wattar ōy, xwad rasēd ō ān ī xwēš kunišn.
Sentence: 35 sazistan ī wattaran rāy az amāwandīh wehīh ayād ud pad daxšag dārēd.
Sentence: 36 kē būd kē ō wattarān paywast kē frazām nē pašēmānīh būd.
Sentence: 37 wehīh kunēd čē wehīh weh, nēk ast wehīh ka wattarān-iz wehīh stāyēnd.
Sentence: 38 ud har čē dānēd kū xūb kunēd, har čē dānēd kū nē xūb ma kunēd.
Sentence: 39 har čē-tān pad xwēš tan nē nēk sahēd abāg anē kas ma kunēd.
Sentence: 40 māndag ō radān garzīdan ud aštar ī srōšīg burdan hamīh vičidāiti kardan pad xwār ma dārēd.
Page: 371
Sentence: 41 ēw kāmag hēd mardōm hēd, ma nigerēd ō har dō kāmag.
Sentence: 42 čē nē bawēnd tan ud ruwān har dō ham-kāmag.
Sentence: 43 čē tan pad tan kāmagīh šāyēd dāštan ud ruwān pad ruwān kāmagīh.
Sentence: 44 pad har gāh kēn rāy wināh nē, bē pad kār ud kirbag kardan tuxšāg-tar bawēd.
Sentence: 45 waran rāy dād frārōn bē ma hilēd.
Sentence: 46 ēšm az kas rāy abē-wināhān az staftīh ma zanēd.
Sentence: 47 kēn rāy mihrōdruj<īh> ma kunēd kū pad kunišn ī xwēš griftār nē bawēd.
Sentence: 48 pad zanān wistāx ma bawēd kū ō šarm ud pašēmānīh nē rasēd.
Sentence: 49 rāz ō zanān ma barēd kū-tān ranj abē-bar nē bawād.
Sentence: 50 duš-xradān framān ma padīrēd kū ō wanē-būdagīh nē rasēd.
Sentence: 51 čē čahār čiš mardōmān (?) rāy ēn wēš pad kār andar abāyēd, xrad ud hunar ud dīdan <ud> dānišn dānistan, tuwāngarīh ud rādīh ud xūb gōwišnīh ud xūb kunišnīh.
Sentence: 52 čē hunar kē-š xrad nē abāg, ōš ast ī pad tan ī mard.
Sentence: 53 dīdan ka-š dānišn abāg nēst, tan pahikar-ē ast nigārdag.
Page: 372
Sentence: 54 tuwān-garīh ka-š rādīh abāg nēst, ganjwar ast ī ahreman.
Sentence: 55 xūb gōwišnīh ka-š hu-kunišnīh abāg nēst ahlomōγīh ast ī āškārag.
Sentence: 56 ahlomōγān daxšag šaš: huxēm-{brāh} {!}, dušxēm-srōg, abēdahišn-srōg ī anāg-kirdār, pad āsān frāx drōzišn ud pad xwad tang-dast <ī> rād hōmānāg ud wad-jahišn ud bārestān dušnām, ud jud-menišn ud jud-gōwišn ud jud-kunišn.
Sentence: 57 saxwan ka-š sūd-ē nāmčištīg u-š abāg nēst bē ān abar huramīh ēnyā ma gōwēd ud ān-iz ī pad huramīh gāh ud āwām bē nigerēd.
Sentence: 58 čē uzwān pānag xrad, ud tan bar frahang ud kirbag pādāšn wahišt, gētīg bar xwardan <ud> dādan.
Sentence: 59 ēd rāy čē har hunar ō xrad ud har xrad ō dānišn ud har dānišn ō uzmāyišn ud har burzišn ō husrawīh ud har kār ō jahišn ud har tuwāngarīh ō xwardan ud dādan ud har rāmišn ō abē-bīmīh niyāz.
Sentence: 60 ma abēr šād bawēd ka-tān nēkīh awiš rasād ud ma abēr bēšīd bawēd ka-tān anāgīh awiš rasēd.
Page: 373
Sentence: 61 čē nēkīh ud anāgīh har dō ō mardōmān šāyēd madan.
Sentence: 62 pad nēkīh ī mad ēstēd andar yazdān spāsdārīh kunēd ud yazdān ud wehān aziš bahr kunēd, pad yazdān bē hilēd čē pādāšn az ān gyāg kū abāyēd madan xwad rasēd.
Sentence: 63 abar zamīg warz ī nēk kunēd čē har kas zīwišn <ud> parwarišn az warz ī spandarmad zamīg.
Sentence: 64 ud āb, ātaxš ud gāw ud gōspand ud sag ud sag-sardagān wināh abar ma kunēd kū-tān rāh ī wahišt ud garōdmān ō bastagīh nē rasēd.
Sentence: 65 pad kirbag kardan kē az dūr, kē az nazdīk frāz rasēd dar wišādag dārēd čē ōy kē pad kirbag kardan dar wišādag nē dārēd ēg-iš dar ī wahišt ud garōdmān u-š bē bandīhēd.
Sentence: 66 pad frahang xwāstārīh tuxšāg bawēd čē frahang andar frāxīh payrāyag ud andar škeftīh pānag ud andar astānag dast-gīr ud andar tangīh pēšag.
Sentence: 67 ud ka-tān bē dānist hē kār u-š gīrēd čē wēš dānistan ud kam wurrōyistan wēš wināh-tar.
Sentence: 68 xrad ī was dānišn ka-š wehīh abāg nēst wīr ō ahlomōγīh ud xrad ō sāstārīh wardēd.
Sentence: 69 pad kas-iz kas afsōs ma kunēd, čē afsōsgar mard afsōs-bar bawēd, zad-xwarrah ud nifrīdag bawēd, u-šān Page: 374 frazand-iz ī šāyēndag ī artēštār kam bawēd.
Sentence: 70 har rōz ham-pursagīh rāy frāz ō hanjaman ī wehān šawēd.
Sentence: 71 čē ōy kē ham-pursagīh rāy frāz ō hanjaman ī wehān wēš šawēd ēg-iš kirbag ud ahlāyīh wēš baxšēnd.
Sentence: 72 har rōz sē bār andar ō mān ī ātaxšān šawēd, ātaxš niyāyišn kunēd.
Sentence: 73 čē ōy kē andar mān ī ātaxšān wēš šawēd <ud> ātaxš niyāyišn wēš kunēd ā-šān xwāstag ud ahlāyīh wēš baxšēnd.
Sentence: 74 tan az drō, bazag ud az zan ī daštān ud rōspīg <ud> pēm-judag dūr dārēd, saxt pahrēzēd kū-tān rēštagīh ī pad tan, wadīh ī pad ruwān awiš nē rasād.
Sentence: 75 hamēšag ēn and wināh ī ō puhl šawēd andar hāsr bē ma hilēd kū-tān abēzag weh-dēn ī māzdēsnān hamēmāl nē bawēd.
Sentence: 76 tan ōšōmand, ruwān wēn <ud> kirbag kun čē ruwān ast nē tan, mēnōg ast nē gētīg.
Sentence: 77 tan rāy āzarm ruwān bē ma hilēd ud framōšēd pad āzarm kas frasāwandīh ī xīr ī gētīg kāmag abar ān čiš ma barēd, kē-tān tan ō puhl ud ruwān ō pādifrāh rasēd.
Sentence: 78 dōšāram kas rāy āzarm ī ruwān bē ma hilēd kū-tān Page: 375 a-kāmagīhā pādifrāh ī garān widārdan nē abāyēd. anōšag ruwān bawād ādurbād ī māraspandān kē-š ēn handarz kard, u-š ēn framān dād.
Sentence: 1 dārūg ī hunsandīh pad čiš-ē čārag nē baxt ēstēd ud ān-iz ī čārag <ud> darmān āsānīh ēn jahēd.
Sentence: 2 dārūg-ē bawēd garam <pad> sang; menišnīg āmēxtan, dānišnīgīhā šnāxtan hunsandīh dāng-ē sang.
Sentence: 3 ud ka ēn nē kunēm, čē kunēm dāng-ē <sang>.
Sentence: 4 az im-rōz tā fradāg weh šāyēd būdan dāng-ē sang.
Sentence: 5 ma agar az ēn wattar šāyēd būdan, dāng-ē sang.
Sentence: 6 pad ēn ī mad ēstād hunsand būdan man āsān-tar dāng-ē sang.
Sentence: 7 ud ka hunsand nē bawēm {!} pad kār nē weh man duš-xwār-tar, dāng-ē sang.
Sentence: 8 ēn dārūgīhā andar hāwan ī škēbāgīh kardan, pad hāwan dastag ī niyāyišnīh kōstan ud pad parnagān wīdwarīh wēxtan ud har rōz abēr bāmdād dō kafčag pad kafčag ī abestān yazdān ō dahān abgandan ud āb-iz ī "šāyēd kardan" az pas xwardan. pas abēgumānīhā hunsand Page: 377 būdan čē pad tan ud ruwān abēr sūdōmand-tar
Sentence: 1 āzādīh az yazdān ud wehān andar har gāh <ud> zamān guftan ud hangārdan sazāgwār, pad nāmčišt andar rōzgār-ē pad ēn ēwēnag.
Sentence: 2 gōš andar dārēd ašmā wēhān ēdar mad ēstēd tā abar-stāyēnīdārīh ī ēn sūr āfrīn az yazdān ud spās-dārīh ī ēn mēzdbān rāy saxwan gōwēm.
Sentence: 3 hamāg zōhr bawēd ohrmazd ī xwadāy kē pad mēnōgān ud gētīgān mahist, kē hamāg ēn dām ud dahišn dād, padiš pānag dāštār būd ēstēd.
Sentence: 4 hamāg zōhr, ēn haft amahraspand ī pad garōdmān hēnd, ohrmazd, wahman ud urdwahišt ud šahrewar ud spandarmad ud hordād ud amurdād.
Sentence: 5 hamāg zōhr ēn haft wahišt kē pad wīrōg bālāy : ēk pad mīharg-pāyag, dō pad star-pāyag, sē pad māh-payag, čahār pad xwaršēd-pāyag, panj pad harburz-pāyag, šaš.... haftum pad rōšn garōdmān ī was rōšnīh ī hu-čihr, Page: 379 brāzagtom ī purr-xwarrah ī purr-nēkīh kē pēš-gāh ī ohrmazd ī xwadāy, xwad pad mēnōgān xwadāyīh kē ēn haft amahraspand arzah, sawah ud fradadafš ud wīdadfš, wōrūbarišt, wōrūjarišt kē pad mayān xwanīrah ī bāmīg <ī> was-hambār ī purr-mardōm ī purr-nēkīh.
Sentence: 6 hamāg zōhr ādur<ī> farrōbāg {farrōbay} ud ādur<ī> gušnasp ud ādur ī burzēnmihr ud abārīg ādurān, ātaxšan ī pad dād-gāh nišāst ēstēnd, čand ahē-tar hamēšag-sōz, hamēšag-yazišn ud hamēšag-zōhr bawēnd.
Sentence: 7 hamāg zōhr mihr ī frāx-gōyōd ud srōš ī tagīg ud rašn ī rāst wahrām ī amāwand ud wāy ī weh ud wēh dēn ī māzdēsnān ud aštād ī frāz-dādār gēhān ud frawahr 1 ahlawān.
Sentence: 8 hamāg zōhr hamāg mēnōg ī meh ud weh kē pad sīh rōzag gāh paydāgēnīd ēstēd.
Sentence: 9 hamāg zōhr šāhān šāh ī mardān pahlom.
Page: 380
Sentence: 10 hamāg zōhr pus, ī wāspuhr ī šāhān farroxtom, ī dāmān pahlomtom andar gēhān abāyišnīgtom.
Sentence: 11 hamāg zōhr wuzurg framādār kē pad wuzurgīh wuzurg ud pad pādixšāyīh pādixšāy ud pad-iz dahišnān meh ud weh.
Sentence: 12 hamāg zōhr xwarāsān spāhbed, hamāg zōhr xwarwarān spāhbed, hamag zōhr nēm-rōz spāhbēd.
Sentence: 13 hamāg zōhr dādwar ī dādwarān.
Sentence: 14 hamāg zōhr moγān handarzbed ud hamāg zōhr hazārbed, hamāg zōhr drōn-yaz.
Sentence: 15 hamāg zōhr meh ud weh kē yazdān pad ēn mēzd arzānīg kard, dahād zūd pad xwadāyīh ērān-šahr ud abrang pad mayan bawād čiyōn pad xwadāyīh ī jam ī šēd ī hu-ramag, rōzgār <ī> farrox wehān xwašīhā rāyēnēd, yazdān ēk-hazār padīrād ud āfrīn pad ham mērag ī mēzdbān kunād.
Sentence: 16 pad nāmčištīg āfrīn kunād kū abāg mardōmān ī xwad tan-drust ud dīr-zīwišn ud xwāstag pad abzōn ēdōn bawād čiyōn az abēstāg paydāg.
Page: 381
Sentence: 17 ka-mān nēk stāyēnd, hāmōyēn gētīg xwaštar ud hamwār āfrīn pad ēn mān kunād kū was bawād pad ēn mān was asp ī raγ ud xwarrah mard ī gušn <ī> šāyendag ī hanjamanīg guftār abāg wihan ayād, was zarr abāg asēm, was jaw abāg gandum, was hambār purr-nēkīh ud huram ud huniyāg, bawēd nēk zamān ud nēk sāl ud nēk māh ud nēk rōz ud nēkīh az ēn mēzdbān rāy was nēktar.
Sentence: 18 spās ī ohrmazd, spās ī amahraspandan ud spās āsrōnān ud spās artēštārān ud spās wāstaryōšān ud spās hu-tuxšān ud spāsātaxšān ī pad gēhān, spās xwangarān ud spās huniyāgarān ud spās {!} darbānān ī pad dar, spās ēn mēzdbān kē ēn rōzgār handāxt ud sāxt, kard ud rāyēnīd nēk-man pih ud stabr-mān sūr ud pahlom-imān ham-rasišnīh ud stāyīšnīg ud menišnīg, gōwišnīg ud kunišnīg spāsdār ī azabar spāsdārīh, anē čiš nēst.
Sentence: 19 bē man saxwan wēš abāyēd guftan pēš ī ašmā wehān kū sagr hēm az xwarišn ud purr hēm az may ud huram hēm az rāmišn. bē ašmā wehān stāyišn ī yazdān ud āfrīn Page: 382 ī wehān bowandag guftan nē šāyēd, ašmā wehān ēdar mad ēstēd har čē wehtar dānēd guft, gōwēd.
Sentence: 20 čē man har čē farroxīhātar {farroxīhtar} čē man ārd ud ...(?) ud may azabar xward ēstēd. xwaš xufsēd ud yazdān pad xwamn wēnēd ud drust āxēzēd ud pad kār ud kirbag kardan tuxšāg bawēd, čē az bun-dahišn tā frazām kārīh, ōy farroxīhtar kē yazdān ōy pad frārōnīh, tuxšāgīh, arzānīg dārēd.
Sentence: 21 āfrīn čiyōn-am guft bē rasād, zamīg pahnāy ud rōd dranāy ud xwaršēd bālāy bē rasād. ēdōn bawād. ēdōntar bawād. frazaft pad drōd, šādīh ud rāmišn har wehān <ud> frārōn kunišnān.
Sentence: 1 kay bawād ka payk-ē āyēd az hindūgān, ka mad ān ī šā-wahrām az dūd<-ag> kayān, ka pil ast hazār, abar sarān sar ast pīlbān, ka ārāstag drafš dārēd pad ēwēn ī husrawagān, pēš laškar barēnd pad spāh-sālārān: mard-ē payk abāyēd kardan zīrak targumān, ka šawēd bē gōwēd pad hindūgān, ka amā čē dīd az dāšt ī tāzīgān, abar ēk grōh dēn nizār kard, ud bē ōzad šāhān-šāh ī amā ud kē ēr awēšān, čiyōn dēwān dēn dārēnd, čiyōn sag xwarēnd nān, bē stad hēnd pādixšāyīh az husrawagān, nē pad hunar, nē pad mardīh, bē pad afsōs ud riyāhrīh bē stad hēnd, gīrēnd pad stahm az mardōmān, zan ud xwāstagīhā ī šīrēn, bāγ <ud> bōyistān, gazīdag abar nihād hēnd, bē baxt hēnd abar sarān, Page: 384 abāg asarīg xwāst hēnd sāg ī garān.
Sentence: 2 bē nigēr ka čand wad abgand ān drōz pad ēn gēhān, nēstwattar az ōy andar gēhān, az amā bē āyēd ān šā-wahrām ī warzāwand az dūdag kayan, bē āwarēm kēn ī tāzīgān, čiyōn rōtastahm āwurd ē-sad kēn ī siyāwaxšān, mazgitīhā frōd hilēm, bē nišānēm ātaxšān, uzdēszārīhā bē kanēm ud pāk kunēm az gehān, tā wanē šawēnd drōz wišūdagān az ēn gēhān.
Sentence: 1 farrox mard az ēn paydāy kē ranj wehīh ud hunar nigerēd, abzār kardan rāy tuxšāg, pad frārōnīh rawēd kirbag pad ārzōg xwāhēd, waran a-kār az menišn abēzār kunēd, waštagīh, tan-kāmagīh az xwēš tan bē abganēd, az kōdak-xēmīh bē pahrēzēd, sūd ud zyān ī xwēš bē dānēd, nām ud hunar<ud> frahang rāy tan bē abespārēd ud bē dānēd kū: az nām čē sūd az ranj wehīh čē payrāyag abzār, čē kunēd stāyišn ī tan passand čē kunēd dānišn ud xrad čē mard pad-iz mayān wehān stāyišn<-īg> nē bawēd.
Sentence: 2 mard pad hunar u-š ranj wehīh pad hunar nigerēnd, pad guft ud uskārd ud wīr ud xrad, pas ranj wehīh wēš menēd az a-xwēškārīh, nām ul stānēd frāz ō wuzurgīh, arzōmandīh pad xrad xēm šawišn.
Sentence: 3 čē abēzag mard wizīdār <az> ēn paydāg kē dōst handōzēd ud xrad xwāhēd tā stāyīdag-tar bawēd, tā-z ān ī xwēškār ud husraw kē frārōn zād az āhōg pas šād Page: 386 dil ud šād menišn, pas čarb nihādag, kē abāg har kas dānēd rāftan, u-š brād bawēd ud hamtāg, u-š dōst bēd ham-brād ud ham-tan; mard <ī> baxt az abargarān ayār<īh>xwad hunar xwāstan bē tuxšēd ēd rōšn wēnābdāg kē nām ud abrang bēd ī dūdag.
Sentence: 4 az halagīh ud abē-sūdīh nē hunar abzāyēd, nē dōst handōzēd ud nē xrad xwāhēd.
Sentence: 5 čē tar bawēd mard ī nēst abzār mayān wehān xwār.
Sentence: 6 ud zīrk dānāg mard ēdōn nēk bawēd ud stūdag, ēdōn weh stāyēnd pad hamāg gyāg, ēdōn weh burzēnd pad hamāg kišwar čiyōn ān draxt-ē ī raz barōmand, kē tāg nē hušk ud sāyag hamēšag bār ī šīrēn paydāg, har gāh sūd ud bar, har gāh stūdag burzīdag.
Sentence: 7 ān ī dušāgāh ī wiyābān ēg-iz ān draxt nē hōmānāg, čē ān draxt hōmānāg kē tāg nē tarr, raz bar nē āwarēd, a-sūd aziš kunēd fradom čē waxšišn bawēd mān mēhan stūn ī parwārān ud frasp ī nēk.
Sentence: 8 ān grift ī xwēš-uskār kē girftag wēštar kū hunar, čiyōn ān gōr ī ēstāg andar dašt kē dām nē dīd kē kard ēstēd, Page: 387 andar ān warragīh pāy-ē bē kunēd.
Sentence: 9 nē-š dīd šagr ī šnāzag ī mast kē kōf franāfēd ud dad gīrēd mayān razūrān, zōr uzmāyēd pad xwēš mān, stard bahr pad xwēš nērōg šād ud huram.
Sentence: 10 u-š hunar pas paydāg ka šagr frōd āyēd az kōf ud dar, gōr ka wēnēd šagr ī wēšag ēwāz ham bun ānōh nē pattāyēd.
Sentence: 11 wizārišn ān ī tā xrad pad tan ī mard bē āmēzēd ud rawāg bawēd gyān abespār dušmen pad xwēš tan-iz afsārēnēd, čē sālārīh padiš hu-čašm-tar kas, u-š kār pad dast pušt pāng u-š gētīg pad kāmag ud mēnōg-iz paydāg kū bē rasēd.
Sentence: 12 ān ī duš-āgāh ī wiyābān kē xwēš-tan rāy zūr drāyēnēd, u-š āhōg pad xwēš wattar čē az a-xwēš-kārīh duš-nām az drāyīdan nang ī wattar-zīwišnīh xwēš-tan xwad kunēd ōbastag, ud dusraw ud duš-čašm bē bawēd pad Page: 388 xwēš abāyist bawēnd ēraxtag.
Sentence: 13 ka ranj wattar mard andar stadag kū-tān az ranj wattarīh kardan čē sūd bān ō dar bastan.
Sentence: 14 jār.............(?) ud zan ī kasān .............(?) ayāb-tān pad hunar bē abzāyēd ayāb-tān pēš xūb-tar bē bawēd ayāb-tān passand ī pad ruwān, ayāb-tān hangārd ī pad .............(?)
Sentence: 15 hangār kū: spōzēd kar-ē pad abē-sūdīh nām ī wad bē abdom; frazām ī saxwan bē šnās kū-mān abē-sūdīh bar čē bawēd, u-tān abdom rāh ō xrad ud xēm, u-tān a-čāragīhā rāh ō pēš wardē čihr az abē-sūdīh dil ud tan, ēn ārzōg ī stambag menišn abāz ō xwēš-kārīh āwarēd ud čašm ul kunēd ud šahr wēnēd ud mardōm wēnēd pad xēm xrad, kū-šān čē passand bawēd az xēm ud čē bar bawēd az a-xwēš- kārīh abzār, čē kūnēd dānišn ud xrad.
Sentence: 16 čē was raft hēm andar āwām, was-am wizīd kustag kustag, was-am wizōst az dēn mānsar, was-am az nibēg ud nāmag grift hēm, dastwar wizārdār kard hēm, ham-pursagīh stāyīdag dīd dānāg ī xrad āpād, nē-z wizīdār dīd a-čārag nē husraw andar .............(?) ud nē Page: 389 pad niyāz mard ī pad xrad.
Sentence: 17 u-m hanjaman dīd wuzurgān pad guft, uskār ud wīr xrad, u-m dēn dastwarān pursīd kū xwāstag weh ayāb xēm xrad
Sentence: 18 u-šān pad hamāg čāštag guft kū: nām dārišnīh ī zōr ī xrad, čē xwāstag ud ganj a-mar xēm pahrēzēd ud xrad dārēd.
Sentence: 19 pad mard hangadīh ī xrad weh handōxt-ē pēšag arzōmand-tar, čē xwāstag xēm ī ham-uskār xrad ..........(?)
Sentence: 20 mardōm-iz ī kōr <ud> wiyābān, kē pad bun ī kār stard widard aziš, har gāh pad frahang wistāx pad pēš stūdag har rōz kamar bē afrāzēnd ud abrang zanēnd andar bun .............(?) dārēnd mōzag tang ī paštag ud saxtag sahīg kamar nigerēnd, ud sēnag stabr mānēnd kū-mān nēst kas handāzag.
Sentence: 21 kōr pašēmān ān rōz bawēnd ī ka pad dād ī xwēš azērtar šawēnd, kē xwāstag xward, ī pidar kard ud handōxt ī dūdagān yāft, .....(?) būd šud: kē .....(?) ī .....(?) nigerēnd....(?) a-nām kē tāg .....(?) ī kē andar mān ud Page: 390 mēhan nigerēnd čiš čiš dīd, ī gard andar xumb ī hušk ī tuhīg wēnēnd kē andar bun mānīg......(?) ī škastag ka frāz ō nišast ud hanjaman rasēd u-šān........(?) ud škastag az widardīh ī xwēš......(?) nēst abzārīh ī pēšag, abzār pad dēnār nē wihēd nē pad waxš ud nē pad.......(?)
Sentence: 22 har kē ēn nāmag xwānēd nigerēd har čē sūdīhā-tar kunēd har kē ranj wattarīh wēš, pad frazām ōy pašēmān-tar bawēd.
Sentence: (1) frazāmēnīd ēn nibēg pad hindūgān pad šahr tānag {tāna/thāna} pad ātaxš-xānag andar rōz frawardīn ud māh ādur wihēzag abar sāl šaš-sad nawad ēk. man dēn bandag hērbed zād mihrābān ī kay-husraw ī mihrābān ī spandyād mīhrābān ī marzbān ī bahrām nibišt. har kē xwānād ud hammōzād, u-š kār aziš gīrād, u-š pačēn aziš kunād, man kē nibištār hēm pad nēkīh arzānīg dārād ud pas az widardan pad petītīg arzānīg dārād, u-š pad gētīg tan husraw, u-š pad mēnōg ruwān ahlaw bawād. ēdōn bawād. ēdōn-tar bawād. farrox bawād.
Sentence: (2) nē-š čiš grift kē-š nē ruwān grift, ud az nūn frāz nē čiš gīrēd kē nē ruwān gīrēd.
Sentence: (3) pad hādōxt gyāg-ē paydāg kū ohrmazd ō zarduxšt guft kū: "aēuuō. paṇtå. yō. aṣ̌ahē. vispe. aniiaēšąm. apaṇtąm." {= Y. 72,11b} ēk ast rāh ī ahlāyīh, harwisp awēšān a-rāhīh.
Sentence: (4) rōz day pad mihr māh tīr ēn kurrāsag az bahr čāhil Page: 392 nibišt hēm, har kē dārēd, har kē xwānēd, ōy rāy niyāgān, ōy rāy wahišt bahr arzānīg dārēd.
Sentence: (5) rōz nām<-ag> nibēsēm.
Sentence: (6) māh day rōz frawardīn {!} sagan čāhil.
Sentence: (7) māh day rōz frawardīn {!} čāhil wahman.
Sentence: (8) ādur māh frawardīn {!} rōz wahman bahrām.
Sentence: (9) ādur māh frawardīn {!} rōz bahrām ādur čāhil.
Sentence: (10) māh tīr rōz anagrān dahrag (?) čāhil.
Sentence: (11) māh day rōz ādur mālən sangan.
Sentence: (12) māh spandarmad rōz spandarmad, rōz ī spandarmad māh spandarmad, rōz spandarmad māh spandarmad rōz, bast hē zahr ī was ud zōr ud zofr hamāg xrafstarān pad nām ud nērōg ī tag frēdōn <ud> ayārīh <ī> wanand star, ohrmazd dād wābarīgān rawāg bawād. ēdōn bawād. aṣ̌əm {!} Page: 393 baēṣ̌az bawād. xrafstar zadan xwandan {!}.
Copyright TITUS Project,
Frankfurt a/M, 10.12.2008.
No parts of this document may be republished in any form
without prior permission by the copyright holder.