TITUS
Book: MX 
Mēnōg ī xrad

Data entry by D.N.MacKenzie,
Göttingen 1993;
corrections by Thomas Jügel,
Frankfurt 2007-2008;
TITUS version by Jost Gippert,
Frankfurt a/M, 28.2.1998 / 22.6.1998 / 26.9.1999 / 1.6.2000 / 23.11.2002 / 24.11.2007 / 17.8.2008


[N.B. Chapter lxiii, lines 5-7 are missing in the Pahlavi version of the text and have accordingly been omitted in the present edition.]



Chapter: i 
Sentence: 1    pad nām ud šnāyišn ī wispān-sūd dādār ohrmazd
Sentence: 2    
ud harwisp mēnōg ud gētīg dahišnān yazadān
Sentence: 3    
ud frahangān frahang ī dēn ī māzdēsn,
Sentence: 4    
kē+š ēd ast bun-xān ī dānāgīh frāz-wizīdār.
Sentence: 5    
aziš, pad xwarrah ud kām ī axwān abzōnīgān, āfrāh ī dādār ohrmazd
Sentence: 6    
ud harwisp meh-ōzān yazadān,
Sentence: 7    
ud pad rāyēnišn ud pardazišn ī yazadān-ēzišnīh ō čimīg-warzišnān dānāgān
Sentence: 8    
pādāšnīhā nōg nōg ō-xwēšēnīdārīh ī xrad,
Sentence: 9    
pad stabrīhā nirmad-windišnīh ī dō-axwānīg, ī ō tan ud ruwān bēšazgartom.
Sentence: 10    
čiyōn andar abēzag abdān abd abēgumān ud huhangōšīdag weh dēn ī māzdēsnān pad gōwišn ī dādār ohrmazd ud spitāmān zarduxšt pad was gyāg wizīrēnīd ēstēd
Sentence: 11    
ōy ī wisp-weh dādār ēn dām pad xrad dād,
Sentence: 12    
u+š *wanīgardīh-dāštārīh pad xrad,
Sentence: 13    
ud asazišnīg ud apetyārag pad ān ī hamēw-ud-hamēw-rawišnīh anōšagīh nirmadōmandtom abzār ī xrad rāy abāz ō xwēš kunēd.
Sentence: 14    
ham čim rāy paydāg
Sentence: 15    
dānāg+ēw būd kē+š guft
Sentence: 16    
: agar ēn āšnāg yazadān dēn rāstīh ud dād frārōnīh ud abar dāmān nēkīh-kāmag ud abaxšāyišnīg,
Sentence: 17    
čē rāy frahist mardōmān was-kēš ud was-wurrōyišn ud was-buništ hēnd?
Sentence: 18    
ud frahist ān kēš ud dād ud wurrōyišnīh pad xīr ī yazadān wizendgar ud xūb?
Sentence: 19    
ud ēn+iz handēšīd
Sentence: 20    
: wizīdār būdan pad ēn tis rāy ranǰ abar barišn
Sentence: 21    
ud pad ēn tis āgāh abāyēd būdan
Sentence: 22    
čē pad frazām-kārīh tan ō xākīh gumēzīhēd ud abestām ō ruwān bawēd,
Sentence: 23    
ud harw kas ruwān rāy ranǰ abar barišn
Sentence: 24    
ud az kār ud kirbag āgāh bawišn,
Sentence: 25    
čē ān kirbag ī mardōm anāgāhīhā kunēd kirbag kem
Sentence: 26    
ud ān wināh ī mardōm anāgāhīhā kunēd wināh pad bun ī ōy bawēd.
Sentence: 27    
ud az abestāg paydāg
Sentence: 28    
: kas tis kard kē+š ruwān kard nūn
Sentence: 29    
ud tis kunēd ruwān kunēd az+iz nūn frāz,
Sentence: 31    
čē mēnōg ud gētīg ēdōn homānāg *čiyōn drubuštīh ,
Sentence: 32    
ēk ēwar paydāg be stānēnd ud ēk stadan šāyēd.
Sentence: 33    
pas hambār ān kunišn ī weh, ēwar paydāg stadan šāyēd.
Sentence: 34    
ud ka pad ēd rāyēnišn abar nigerīd
Sentence: 35    
pad xrad-xwāstārīh andar ēn gēhān šahr šahr ud pāygōs pāygōs franaft
Sentence: 36    
ud az was kēš ud wurrōyišn ī awēšān mardōmān ī+šān pad dānāgīh abērtar menīd, pursīd ud wizōst ud abar mad,
Sentence: 37    
ud ka dīd ēk andar did ēdōn hambasān ud hamēmāl hēnd
Sentence: 38    
ēg dānist ēn kēš ud wurrōyišn ud ǰud-ristagīh ī pad ēn gēhān ēk andar did ēdōn hambasānīg hēnd az dahišn ī yazadān sazēd būd,
Sentence: 39    
čē yazadān dēn rāstīh ud dād frārōnīh,
Sentence: 40    
ud pad ēn abēgumān būd harw *kē pad ēn abēzag dēn ēg+išān pad harw tis gumānīgīh
Sentence: 41    
ud pad hamāg čim šēbišn wēnēnd.
Sentence: 42    
pas az ān pad pursīdārīh ud warzīdārīh ī dēn tuxšāgtar būd
Sentence: 43    
ud az dastwarān ī pad ēn dēn dānāgtar ud dēn-āgāhtar būd hēnd pursīd
Sentence: 44    
: pad dārišn ī tan ud bōzišn ī ruwān tis čē weh ud pahlomtar?
Sentence: 45    
u+šān pad paydāgīh ī az dēn guft
Sentence: 46    
: az nēkīh ī ō mardōmān rasēd xrad weh,
Sentence: 47    
čē gētīg pad nērōg ī xrad šāyēd rāyēnīdan
Sentence: 48    
ud mēnōg+iz pad nērōg ī xrad ō xwēš šāyēd kardan,
Sentence: 49    
ud ēn+iz paydāg ohrmazd ēn dām ud dahišn ī andar gētīg pad āsn xrad dād ēstēd
Sentence: 50    
ud gētīg+iz ud mēnōg rāyēnīdārīh pad xrad.
Sentence: 51    
ud ka wuzurg sūdīh ud arzōmandīh ī xrad pad ān ēwēnag dīd andar ohrmazd ī xwadāy ud amahraspandān ud mēnōg ī xrad spāsdārtar būd
Sentence: 52    
ud mēnōg ī xrad pad *panāh grift
Sentence: 53    
ud mēnōg ī xrad rāy namāz ud paristišn wēš kard abārīg amahraspandān,
Sentence: 54    
ud ēn+iz dānist hamāg kār ud kirbag ud kunišn ī frārōn pad nērōg ī xrad ō xwēš šāyēd kardan
Sentence: 55    
ud tuxšāg abāyēd būdan pad hušnūdīh ī mēnōg ī xrad,
Sentence: 56    
ud az ān frāz pad ēzišn ī mēnōg ī xrad kardan tuxšāgtar būd.
Sentence: 57    
pas az ān mēnōg ī xrad menišn ud kāmag ī ān dānāg rāy tan awiš paydāgēnīd
Sentence: 58    
u+š awiš guft
Sentence: 59    
: dōst ī stāyīdār weh az ahlāyīh ī pahlom.
Sentence: 60    
āfrāh xwāh az man, mēnōg ī xrad,
Sentence: 61    
kū+t rāh-nimāy bawam ō hušnūdīh ī yazadān ud wehān ud pad gētīg dārišn ī tan ud pad mēnōg bōxtārīh ī ruwān.

Next part



This text is part of the TITUS edition of Menog-i xrad.

Copyright TITUS Project, Frankfurt a/M, 7.8.2010. No parts of this document may be republished in any form without prior permission by the copyright holder.