TITUS
Slovo o polku Igoreve (diplomatic ed.)
Part No. 16
Previous part

Chapter: 16   Link to slovigor
Verse: 356     тогда великый Святъславъ
Verse: 357     изрони злато слово
Verse: 358        с слезами смѣшено
Verse: 359           и рече:
Verse: 360     "о моя сыновчя, Игорю и Всеволоде!
Verse: 361     рано еста начала Половецкую землю
Verse: 362        мечи цвѣлити,
Verse: 363        а себѣ славы искати.
Verse: 364     нъ нечестно одолѣсте,
Verse: 365     нечестно бо кровь поганую пролиясте.
Verse: 366     ваю храбрая сердца
Verse: 367        въ жестоцемъ харалузѣ скована,
Verse: 368        а въ буести закалена.
Verse: 369     се ли створисте моей сребреней сѣдинѣ?
Verse: 370     а уже не вижду власти
Verse: 371        сильнаго,
Page of ed.: 51  Verse: 372        и богатаго,
Verse: 373        и многовоя
Verse: 374     брата моего Ярослава,
Verse: 375        съ черниговьскими былями,
Verse: 376        съ Могуты,
Verse: 377        и съ Татраны,
Verse: 378        и съ Шельбиры,
Verse: 379        и съ Топчакы,
Verse: 380        и съ Ревугы,
Verse: 381        и съ Ольберы.
Verse: 382     тии бо бес щитовь съ засапожникы
Verse: 383     кликомъ плъкы побѣждаютъ,
Verse: 384     звонячи въ прадѣднюю славу.
Verse: 385     нъ рекосте: "мыжаимѣся сами:
Verse: 386     преднюю славу сами похитимъ,
Verse: 387     а заднюю си сами подѣлимъ!"
Verse: 388     а чи диво ся, братие, стару помолодити?
Verse: 389     коли соколъ въ мытехъ бываетъ,
Verse: 390     высоко птицъ възбиваетъ:
Verse: 391     не дастъ гнѣзда своего въ обиду.
Verse: 392     нъ се зло -- княже ми непособие:
Next part


This text is part of the TITUS edition of Slovo o polku Igoreve (diplomatic ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.