TITUS
Slovo o polku Igoreve (diplomatic ed.)
Part No. 24
Previous part

Chapter: 24   Link to slovigor
Verse: 510     на седьмомъ вѣцѣ Трояни
Verse: 511     връже Всеславъ жребий
Verse: 512        о дѣвицю себѣ любу.
Verse: 513     тъй клюками подпръ ся о кони
Verse: 514     и скочи къ граду Кыеву
Verse: 515     и дотчеся стружиемъ
Verse: 516        злата стола киевьскаго.
Verse: 517     скочи отъ нихъ лютымъ звѣремъ
Verse: 518        въ плъночи изъ Бѣлаграда,
Verse: 519        обѣсися синѣ мьглѣ;
Verse: 520     утрѣ же вознзи стрикусы, --
Verse: 521     отвори врата Новуграду,
Verse: 522     разшибе славу Ярославу,
Verse: 523     скочи влъкомъ
Verse: 524        до Немиги съ Дудутокъ.

Verse: 525     на Немизѣ снопы стелють головами,
Verse: 526     молотятъ чепи харалужными,
Verse: 527     на тоцѣ животъ кладутъ,
Verse: 528     вѣютъ душу отъ тѣла.
Verse: 529     Немизѣ кровави брезѣ
Verse: 530        не бологомъ бяхуть посѣяни,
Verse: 531        посѣяни костьми рускихъ сыновъ.

Page of ed.: 56 
Verse: 532     Всеславъ князь людемъ судяше,
Verse: 533     княземъ грады рядяше,
Verse: 534     а самъ въ ночь влъкомъ рыскаше:
Verse: 535     изъ Кыева дорискаше до куръ Тмутороканя,
Verse: 536     великому Хръсови влъкомъ путь прерыскаше.
Verse: 537     тому въ Полотьскѣ позвониша заутренюю рано
Verse: 538        у святыя Софеи въ колоколы,
Verse: 539     а онъ въ Кыевѣ звонь слыша.
Verse: 540     аще и вѣща душа въ дръзѣ тѣлѣ
Verse: 541     нъ часто бѣды страдаше.
Verse: 542     тому вѣщей Боянъ
Verse: 543        и пръвое припѣвку, смысленый, рече:
Verse: 544           "ни хытру,
Verse: 545           ни горазду,
Verse: 546           ни птицю горазду
Verse: 547           суда божиа не минути."

Next part


This text is part of the TITUS edition of Slovo o polku Igoreve (diplomatic ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.