TITUS
Novum Testamentum graece
Part No. 61
Previous part

Chapter: 17 
Verse: 1    Εἶπεν δὲ πρὸς τοὺς μαϑητὰς αὐτοῦ, ᾽Ανένδεκτόν ἐστιν τοῦ τὰ σκάνδαλα μὴ ἐλϑεῖν, πλὴν οὐαὶ δι' οὗ ἔρχεται·
Verse: 2    λυσιτελεῖ αὐτῷ εἰ λίϑος μυλικὸς περίκειται περὶ τὸν τράχηλον αὐτοῦ καὶ ἔρριπται εἰς τὴν ϑάλασσαν ἢ ἵνα σκανδαλίσῃ τῶν μικρῶν τούτων ἕνα.
Verse: 3    προσέχετε ἑαυτοῖς. ἐὰν ἁμάρτῃ ὁ ἀδελϕός σου ἐπιτίμησον αὐτῷ, καὶ ἐὰν μετανοήσῃ ἄϕες αὐτῷ·
Verse: 4    καὶ ἐὰν ἑπτάκις τῆς ἡμέρας ἁμαρτήσῃ εἰς σὲ καὶ ἑπτάκις ἐπιστρέψῃ πρὸς σὲ λέγων, Μετανοῶ, ἀϕήσεις αὐτῷ.
Verse: 5    Καὶ εἶπαν οἱ ἀπόστολοι τῷ κυρίῳ, Πρόσϑες ἡμῖν πίστιν.
Verse: 6    εἶπεν δὲ ὁ κύριος, Εἰ ἔχετε πίστιν ὡς κόκκον σινάπεως, ἐλέγετε ἂν τῇ συκαμίνῳ [ταύτῃ], ᾽Εκριζώϑητι καὶ ϕυτεύϑητι ἐν τῇ ϑαλάσσῃ· καὶ ὑπήκουσεν ἂν ὑμῖν.
Verse: 7    Τίς δὲ ἐξ ὑμῶν δοῦλον ἔχων ἀροτριῶντα ἢ ποιμαίνοντα, ὃς εἰσελϑόντι ἐκ τοῦ ἀγροῦ ἐρεῖ αὐτῷ, Εὐϑέως παρελϑὼν ἀνάπεσε,
Verse: 8    ἀλλ' οὐχὶ ἐρεῖ αὐτῷ, ῾Ετοίμασον τί δειπνήσω, καὶ περιζωσάμενος διακόνει μοι ἕως ϕάγω καὶ πίω, καὶ μετὰ ταῦτα ϕάγεσαι καὶ πίεσαι σύ;
Verse: 9    μὴ ἔχει χάριν τῷ δούλῳ ὅτι ἐποίησεν τὰ διαταχϑέντα;
Verse: 10    οὕτως καὶ ὑμεῖς, ὅταν ποιήσητε πάντα τὰ διαταχϑέντα ὑμῖν, λέγετε ὅτι Δοῦλοι ἀχρεῖοί ἐσμεν, ὃ ὠϕείλομεν ποιῆσαι πεποιήκαμεν.
Verse: 11    Καὶ ἐγένετο ἐν τῷ πορεύεσϑαι εἰς ᾽Ιερουσαλὴμ καὶ αὐτὸς διήρχετο διὰ μέσον Σαμαρείας καὶ Γαλιλαίας.
Verse: 12    καὶ εἰσερχομένου αὐτοῦ εἴς τινα κώμην ἀπήντησαν [αὐτῷ] δέκα λεπροὶ ἄνδρες, οἳ ἔστησαν πόρρωϑεν,
Verse: 13    καὶ αὐτοὶ ἦραν ϕωνὴν λέγοντες, ᾽Ιησοῦ ἐπιστάτα, ἐλέησον ἡμᾶς.
Verse: 14    καὶ ἰδὼν εἶπεν αὐτοῖς, Πορευϑέντες ἐπιδείξατε ἑαυτοὺς τοῖς ἱερεῦσιν. καὶ ἐγένετο ἐν τῷ ὑπάγειν αὐτοὺς ἐκαϑαρίσϑησαν.
Verse: 15    εἷς δὲ ἐξ αὐτῶν, ἰδὼν ὅτι ἰάϑη, ὑπέστρεψεν μετὰ ϕωνῆς μεγάλης δοξάζων τὸν ϑεόν,
Verse: 16    καὶ ἔπεσεν ἐπὶ πρόσωπον παρὰ τοὺς πόδας αὐτοῦ εὐχαριστῶν αὐτῷ· καὶ αὐτὸς ἦν Σαμαρίτης.
Verse: 17    ἀποκριϑεὶς δὲ ὁ ᾽Ιησοῦς εἶπεν, Οὐχὶ οἱ δέκα ἐκαϑαρίσϑησαν; οἱ δὲ ἐννέα ποῦ;
Verse: 18    οὐχ εὑρέϑησαν ὑποστρέψαντες δοῦναι δόξαν τῷ ϑεῷ εἰ μὴ ὁ ἀλλογενὴς οὗτος;
Verse: 19    καὶ εἶπεν αὐτῷ, ᾽Αναστὰς πορεύου· ἡ πίστις σου σέσωκέν σε.
Verse: 20    ᾽Επερωτηϑεὶς δὲ ὑπὸ τῶν Φαρισαίων πότε ἔρχεται ἡ βασιλεία τοῦ ϑεοῦ ἀπεκρίϑη αὐτοῖς καὶ εἶπεν, Οὐκ ἔρχεται ἡ βασιλεία τοῦ ϑεοῦ μετὰ παρατηρήσεως,
Verse: 21    οὐδὲ ἐροῦσιν, ᾽Ιδοὺ ὧδε· ἤ, ᾽Εκεῖ· ἰδοὺ γὰρ ἡ βασιλεία τοῦ ϑεοῦ ἐντὸς ὑμῶν ἐστιν.
Verse: 22    Εἶπεν δὲ πρὸς τοὺς μαϑητάς, ᾽Ελεύσονται ἡμέραι ὅτε ἐπιϑυμήσετε μίαν τῶν ἡμερῶν τοῦ υἱοῦ τοῦ ἀνϑρώπου ἰδεῖν καὶ οὐκ ὄψεσϑε.
Verse: 23    καὶ ἐροῦσιν ὑμῖν, ᾽Ιδοὺ ἐκεῖ· [ἤ,] ᾽Ιδοὺ ὧδε· μὴ ἀπέλϑητε μηδὲ διώξητε.
Verse: 24    ὥσπερ γὰρ ἡ ἀστραπὴ ἀστράπτουσα ἐκ τῆς ὑπὸ τὸν οὐρανὸν εἰς τὴν ὑπ' οὐρανὸν λάμπει, οὕτως ἔσται ὁ υἱὸς τοῦ ἀνϑρώπου [ἐν τῇ ἡμέρᾳ αὐτοῦ].
Verse: 25    πρῶτον δὲ δεῖ αὐτὸν πολλὰ παϑεῖν καὶ ἀποδοκιμασϑῆναι ἀπὸ τῆς γενεᾶς ταύτης.
Verse: 26    καὶ καϑὼς ἐγένετο ἐν ταῖς ἡμέραις Νῶε, οὕτως ἔσται καὶ ἐν ταῖς ἡμέραις τοῦ υἱοῦ τοῦ ἀνϑρώπου·
Verse: 27    ἤσϑιον, ἔπινον, ἐγάμουν, ἐγαμίζοντο, ἄχρι ἧς ἡμέρας εἰσῆλϑεν Νῶε εἰς τὴν κιβωτόν, καὶ ἦλϑεν ὁ κατακλυσμὸς καὶ ἀπώλεσεν πάντας.
Verse: 28    ὁμοίως καϑὼς ἐγένετο ἐν ταῖς ἡμέραις Λώτ· ἤσϑιον, ἔπινον, ἠγόραζον, ἐπώλουν, ἐϕύτευον, ᾠκοδόμουν·
Verse: 29    ᾗ δὲ ἡμέρᾳ ἐξῆλϑεν Λὼτ ἀπὸ Σοδόμων, ἔβρεξεν πῦρ καὶ ϑεῖον ἀπ' οὐρανοῦ καὶ ἀπώλεσεν πάντας.
Verse: 30    κατὰ τὰ αὐτὰ ἔσται ᾗ ἡμέρᾳ ὁ υἱὸς τοῦ ἀνϑρώπου ἀποκαλύπτεται.
Verse: 31    ἐν ἐκείνῃ τῇ ἡμέρᾳ ὃς ἔσται ἐπὶ τοῦ δώματος καὶ τὰ σκεύη αὐτοῦ ἐν τῇ οἰκίᾳ, μὴ καταβάτω ἆραι αὐτά, καὶ ὁ ἐν ἀγρῷ ὁμοίως μὴ ἐπιστρεψάτω εἰς τὰ ὀπίσω.
Verse: 32    μνημονεύετε τῆς γυναικὸς Λώτ.
Verse: 33    ὃς ἐὰν ζητήσῃ τὴν ψυχὴν αὐτοῦ περιποιήσασϑαι ἀπολέσει αὐτήν, ὃς δ' ἂν ἀπολέσῃ ζῳογονήσει αὐτήν.
Verse: 34    λέγω ὑμῖν, ταύτῃ τῇ νυκτὶ ἔσονται δύο ἐπὶ κλίνης μιᾶς, ὁ εἷς παραλημϕϑήσεται καὶ ὁ ἕτερος ἀϕεϑήσεται·
Verse: 35    ἔσονται δύο ἀλήϑουσαι ἐπὶ τὸ αὐτό, ἡ μία παραλημϕϑήσεται ἡ δὲ ἑτέρα ἀϕεϑήσεται.
Verse: 37    καὶ ἀποκριϑέντες λέγουσιν αὐτῷ, Ποῦ, κύριε; ὁ δὲ εἶπεν αὐτοῖς, ῞Οπου τὸ σῶμα, ἐκεῖ καὶ οἱ ἀετοὶ ἐπισυναχϑήσονται.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.