TITUS
Sasuliero Poezia
Part No. 7
Previous part

Author: Iv.Konk.  
            ივანე ქონქოზის-ძჱ

            [გალობანი ქრისტეჲს ნათლის ღებისანი და ჰაბო ის-
            მაიტელყოფილისა ქართველისანი:.]

         Ⴍ̃Ⴂ̃ႪႭႡႣ̃ႧႱႠ: ႨႥႠႬႤ ႵႭႬႵႭႦႨႱ
         ႻႨႱႠႬႨ:. ⴆⴖⴍⴣⴀⴢ ⴍⴣⴅⴀⴊⴈ:. Link to nevmir

Strophe: I  
Line: 1     რომელმან იორდანეს
Line: 2        ნათლის ღებითა განმანათლე.
Line: 3        აწცა სოჳლი სიბრძნისაჲ
Line: 4      განმიახლე ჯეროვნად შემამკობელად
Line: 5        გამოჴსნისა კრებასა
Line: 6      და მოწამისა ღირსებით პატივცემასა:.

Strophe: II  
Line: 1     მჴსნელო. ნათლის ღებითა
Line: 2        შენითა წმიდითა გოჳესწავა
Line: 3        შეერთებაჲ წყალთა_გან
Line: 4      სოჳლისაჲ. რომლითაცა აღვსებოჳლმან დღეს.
Line: 5        ყოლად ქებოჳლმან [ჰ]აბო.
Line: 6      სიკოჳდილისა სასოჳმელი შენ თანა შესოჳა:.

Strophe: III  
Line: 1     შეგინებოჳლისა მის
Line: 2        სარწმოჳნოვებისა მოძღოჳართა
Line: 3        სამშჯავროდ მიგცეს. ღირსო.
Line: 4      ვითარცა პავლე ჰრომედ ჰოჳრიათა მათ
Line: 5        და ოჳშჯოჳლომან მძლავრმან
Line: 6        განაჩინა შენ_თჳს სიკოჳდილი საწადელი:. ⴑⴀⴑⴀⴉⴍⴣ-
Line: 7        ⴋⴄⴅⴊⴄⴢ ⴍⴕ̃:. Link to nevmir

         Ⴋ̃Ⴞ̃ႪႤႱႠ:. Ⴂⴀⴊⴍⴁⴀⴢ ⴑⴍⴣⴊⴈⴄⴐⴈ ⴀⴖ̃:. Link to nevmir

Strophe: IV  
Line: 1     რომელი ნისლსა შინა ეჩოჳენა მოსეს
Line: 2        ოჳცნაოჳრად. ღმერთი მაღალი.
Line: 3        გამოჩნდა იორდანეს
Line: 4        და საცნაოჳრ იქმნა ჴმითა
Line: 5        ოხრითა მამისაჲთა.
Page: 40  Line: 6        რომლითა ვიცანთ მხოლოჲ
Line: 7        ძეჲ ღმრთისაჲ თანასწორი მამისაჲ:.

Strophe: V  
Line: 1     შეოჳძლებელ იყო შეოჳხებელისა.
Line: 2        ოჳნივთოჲსა .მის შანთისა.
Line: 3        ღმრთეებისა შეხებაჲ.
Line: 4        ამის_თჳს განჴორციელდა
Line: 5        ძეჲ ღმრთისაჲ. მხოლოდ შობილი.
Line: 6        განბანად ოჳცოდველი.
Line: 7        რომლისა შეიწირა დღეს ჰაბო:.

Strophe: VI  
Line: 1     შეერთებოჳლ იქმენ სოჳლითა. ნეტარო.
Line: 2        შვილთა თანა აღთქოჳმისათა
Line: 3        და ჰრბიოდე განსა მას
Line: 4        ზეცისა ჩინებისასა.
Line: 5        რომლისა თჳსცა გჳრგჳნი
Line: 6        ძლევისაჲ მოგანიჭა
Line: 7        მაღლით მაცხოვარმან. მჴნეო ჰაბო:. Ⴈⴚⴅⴀⴊⴌⴄⴑ ⴁⴍⴣⴌⴄ:. ???

         Ⴂ̃ႬႻႪႨ̃ႱႠ:. Ⴁⴍⴣⴌⴄⴁⴈⴇ ⴊⴋⴍⴁⴈⴄⴐ
         ⴄⴕⴋⴄⴌ ⴋⴤⴑ̃:. Link to nevmir

Strophe: VII  
Line: 1     თავისოჳფალ იყვნეს ცოდვისა_გან
Line: 2        ჴორცნი შენნი. შეერთებოჳლნი
Line: 3        ღმრთეებასა სიწმიდით.
Line: 4        არამედ ნათლის ღებითა
Line: 5        განაგე კაცთაჲ წყალთა_გან
Line: 6        განძარცოჳვაჲ ცოდვისაჲ. მჴსნელო:.

Strophe: VIII  
Line: 1     ჴმითა მამისაჲთა და სოჳლისა
Line: 2        მოსლვითა და იორდანისა
Line: 3        კოჳალად ქცევითა. გქადაგა
Line: 4        წინა მორბედმან ძედ ღმრთისა.
Line: 5        რომლისა მოიწრაფა დღეს
Line: 6        სიკოჳდილითა ნეტარმან ჰაბო:.

Strophe: IX  
Line: 1     ვითარცა მსგავსი მამათ მთავრისაჲ
Line: 2        ქალდეველთა ქოჳეყანისა_გან
Page: 41  Line: 3        გამოსლვითა. და მოწამეჲ
Line: 4        ქრისტეს ვნებათაჲ. ღირსებით
Line: 5        იდიდები მორწმოჳნეთა_გან
Line: 6        შესხმითა. ყოვლად ქებოჳლო:. Ⴂⴀⴋⴍⴘⴙⴌ̃:. Link to nevmir

         Ⴍ̃Ⴍ Ⴋ̃Ⴑ̃ႱႠ: Ⴂⴀⴌⴆⴐ̃ⴞⴅ̃ⴢ ⴑⴀⴈ̃:. Link to nevmir

Strophe: X  
Line: 1     რომელნი ქრისტეჲს თანა
Line: 2        დავეფლენით.
Line: 3        ნათლის ღებითა ვემსგავსენით მას
Line: 4        განზრახვათა_გან
Line: 5        განხრწნადთა განვეშორნეთ
Line: 6        და ესრეთ დავიცვეთა ბეჭედი
Line: 7        ნათლისაჲ. დამჴსნელი სიკოჳდილისაჲ:.

Strophe: XI  
Line: 1     რომელმან შინაგანნი
Line: 2        სახედველნი
Line: 3        საღმრთოჲთა ხილვითა წმიდა ჰყვენი.
Line: 4        წინა მორბედო.
Line: 5        შენ_გან ნათელს ღებოჳლსა
Line: 6        დღეს მოსწრაფედ შეოჳდგა ჰაბო
Line: 7        და მის_თჳს სიკოჳდილი დაითმინა:.

Strophe: XII  
Line: 1     ტრფიალ იქმენ შჯოჳლსა მას
Line: 2        სოჳლიერსა.
Line: 3        რომელმან განგათავისოჳფლა შენ.
Line: 4        საშჯელისა მის_გან
Line: 5        სიკოჳდილისა. და ქრისტეს
Line: 6        ნათლის ღებისა მსგავსებითა.
Line: 7      ჭეშმარიტად შვილ ექმენ აბრაჰამს:. Ⴘ̃ⴌ ⴋ̃ⴑ ⴕⴀⴊⴜⴍⴣⴊⴑⴀ:. Link to nevmir

      Ⴖ̃ႫႨ̃Ⴂ̃ႬႱႠ:. ⴌⴀⴜⴈⴊ ⴙⴄⴋⴃⴀ ⴞⴀⴐ ⴕ̃ⴡ:. Link to nevmir

Strophe: XIII  
Line: 1     სრბაჲ ბოჳნებისა შჯოჳლთაჲ
Line: 2        დასცხრა. რაჟამს შეოჳწე\\რელმან
Line: 3        ღმერთმან ნათლის ღებითა მდინარეთა
Line: 4      მიანიჭა დაფაროჳლთა მწინკოჳლევანებათა
Line: 5        განბანაჲ კაცთაჲ და კოჳალად
Line: 6      ნეტარებაჲ მოგოჳეცა ემბაზისა_გან წმიდისა:.

Page: 42 
Strophe: XIV  
Line: 1     ჴმაჲ სიტყჳსა საღმრთოჲსაჲ.
Line: 2        სინანოჳლისა მქადაგებელი.
Line: 3        ახარებს ღმერთსა განკაცებოჳლსა
Line: 4      აღსროჳლებად ჴსნისა ჩოჳენისა საიდოჳმლოსა.
Line: 5        რომლისა_თჳს მოწამე ჰაბო
Line: 6      მეორედ შობასა მოიგებს სისხლითა თჳსითა:.

Strophe: XV  
Line: 1     გონებაჲ შენი. ღირსო.
Line: 2        ღმრთისა კეთილთა მცნობელ ჰყავ.
Line: 3        და სიტყოჳაჲ შესი ქრისტეს ქადაგ ჰყავ.
Line: 4      და სოჳლისა განწმედითა შეამკვე ხატებაჲ
Line: 5        ღმრთისაჲ. რომლისა_თჳს იხარებ
Line: 6      განშოჳენებოჳლი გჳრგჳნითა დაოჳჭნობელითა:. Ⴀⴖⴄⴑ-
Line: 7        ⴐⴍⴣⴊⴌⴄⴑ ⴘⴄⴌ ⴆ̃ⴀ ⴜ̃:. Link to nevmir

         Ⴖ̃Ⴖ̃ႲႷ̃ႥႱႠ:. ⴚⴍⴃⴅⴈⴑⴀ ⴑⴈⴖⴐⴋⴄⴇⴀ ⴃⴀ̃:. Link to nevmir

Strophe: XVI  
Line: 1     ძემან ღმრთისამან ბოჳნებით
Line: 2        ძმად გჳწოდა ჩოჳენ მადლით. რაჟამს იგი
Line: 3        ბოჳნებაჲ ჩოჳენი მიიღო
Line: 4        და განწმედისა ჩოჳენისა_თჳს
Line: 5      განწმედაჲ თავს იდვა ოჳცოდველმან წინა მორბედისა_გან:.

Strophe: XVII  
Line: 1     ჭეშმარიტად სოფლისა ჴსნისა
Line: 2        დასაბამ არს დღესასწაოჳლი ესე:
Line: 3        მამისა ჴმაჲ და სოჳლისა
Line: 4        მოსლვაჲ განკაცებოჳლსა მას ღმრთად
Line: 5      გოჳაოჳწყებს. რომლისა_თჳს [ჰ]აბო სიკოჳდილსა თავს იდებს:.

Strophe: XVIII  
Line: 1     რომელი იქმენ პირმშო მკოჳდართა
Line: 2        და გზაჲ სიკოჳდილისაჲ წყარო ცხოვრების ჰყავ
Line: 3        მორწმოჳნეთა_თჳს. დღეს შენ_თჳს
Line: 4        მიიღო სასოჳმელი იგი
Line: 5      განმაცხოველებელი მახჳლითა მოწამემან ჰაბო:. Ⴈⴕⴋⴄⴌ ⴑⴀⴋⴉⴣⴃⴐⴄ̃:. Link to nevmir

         Ⴖ̃Ⴞ̃ႰႱႱႠ:. Ⴀⴐⴀⴢ ⴠⴋⴑⴀⴞⴍⴣⴐⴄⴑ ⴃⴀⴁⴀⴃⴄ̃:. Link to nevmir

Strophe: XIX  
Line: 1     ემბაზსა მას გამოჴსნისასა დღეს.
Page: 43  Line: 2        მდინარესა განმაცხოველებელსა
Line: 3        იორდანესა
Line: 4      ოჳსხეოჳლთა განწყობილებაჲ გარემოადგს. რომელნი
Line: 5        ნათელღებოჳლსა შეასხმენ.
Line: 6        საოჳკოჳნეთა მფლობელო ოჳფალო.
Line: 7        კოჳრთხეოჳლ ხარ შენ:.

Strophe: XX  
Line: 1     ნათლის ღებაჲ წყლითა და სოჳლითა
Line: 2        შენ თანა აღასროჳლა მოწამემან
Line: 3        და სასოჳმელიცა
Line: 4      ვნებათა შენთაჲ შესოჳა და გალობით ღაღად ყო.
Line: 5        აღმაღლებოჳლო ღმერთო
Line: 6        მამათა ჩოჳენთაო. ოჳფროჲსად
Line: 7        კოჳრთხეოჳლ ხარ შენ:.

Strophe: XXI  
Line: 1     გონებითა მიიცვალე შენ
Line: 2        ოჳზეშთაესსა ცხოვრებასა წმიდათა
Line: 3        შეერთებასა
Line: 4      და ბოროტთა შეძინებაჲ სიცოფედ შეჰრაცხე
Line: 5        და სთქოჳ. აღმაღ[ლებოჳლო
Line: 6        ღმერთო მამათა ჩვენთაო. ოჳფროჲსად კოჳრთხეოჳლ ხარ შენ]:
Line: 7        ⴑⴈⴒⴗⴍⴣⴀⴇⴀⴂⴀⴌ ⴑⴍⴣ̃:. Link to nevmir

         ႠႩ̃Ⴞ̃ႣႨႧႱႠ:. ⴗⴐⴋⴀⴌⴈ ⴁⴐⴜⴗⴈⴌⴅⴀⴊⴄⴌⴈ ⴑⴀⴤ̃:. Link to nevmir

Strophe: XXII  
Line: 1     საჴოჳმილისა იგი შემწოჳველობაჲ
Line: 2      ღმრთისა სიტყოჳამან შემაცოჳრეველყო ყრმათა_თჳს.
Line: 3        ხოლო დღეს ნათლის ღებითა
Line: 4        წყალთა ბოჳნებასა მისცა
Line: 5      ცოდვათა შემწოჳველობაჲ ნათელ მღებელთა. რომელნი
Line: 6        ჴმობენ. აღმაღ[ლებოჳლო ღმერთო
Line: 7      მამათა ჩოჳენთაო. ოჳფროჲსად კოჳრთხეოჳლ ხარ შენ]:.

Page: 44 
Strophe: XXIII  
Line: 1     ეჰა სახიერებაჲ შემოქმედისაჲ.
Line: 2      რამეთოჳ დაბადებოჳლთა_თჳს ოჳსწრო და გზაჲ
Line: 3        ცხოვრებად მიმყვანებელი
Line: 4        პირველად აღასროჳლა. რაჲთა
Line: 5      რომელნი ნათლის ღებითა განახლდენ. ცხოვრებასა
Line: 6        ზიარ იყვნენ: ამის_თჳს მჴოჳრვალედ
Line: 7      მოიწრაფა მის_თჳს სიკოჳდიდ მოწამემან ჰაბო:.

Strophe: XXIV  
Line: 1     გოჳამი შენი. შრომითა განწმედილი
Line: 2      საღმრთოჲსა ცეცხლისა შეერთებითა. ღირსო.
Line: 3        მარადის ეგზებოდა.
Line: 4        არამედ მოშოჳრნეთა მათ
Line: 5      ცეცხლითა დაწოჳეს. რომელსა პატივ ვსცემთ. მეტყოჳელნი.
Line: 6        ოჳფალსა ოჳგა[ლობდეთ ძლევისა
Line: 7      გალობასა. რამეთოჳ დიდებით დიდებოჳლ არს]:. Ⴀⴐⴑⴄⴁⴀⴢ
Line: 8        ⴎⴈⴐⴅⴄⴊⴈ:. Link to nevmir

         ႠႣ̃ႡႣ̃ႱႠ:. ⴗ̃ⴊⴌⴈ ⴒⴍⴋⴌⴈ ⴕ̃ⴗⴀⴌⴈⴑⴀⴌⴈ:. Link to nevmir

Strophe: XXV  
Line: 1     აღმოცენებით აღმოჰჴედ ძირთა_გან იესესთა სიწმიდით.
Line: 2        ხოლო დღეს იორდანეს
Line: 3      ძლევით შეჰმოჳსრე თავი ვეშაპისაჲ
Line: 4        და აღმოჰჴედ მიერ. ვითარცა
Line: 5      ლომი წერილისაებრ. რომელსა გაჰქოჳს
Line: 6        მთავრობაჲ ნათესავთაჲ.
Line: 7        რომელთა ემსგავსე
Line: 8        განკაცებითა:.

Strophe: XXVI  
Line: 1     ქრისტჱს აღთქოჳმოჳლთა საშოჳებელთა სიკოჳდილი სიხაროჳლით
Line: 2        შეიწყნარე და მიხოჳედ
Line: 3      მის თანა სოჳფევად. ვითარცა ზიარი
Page: 45  Line: 4        ვნებათა მისთაჲ. მოწამეო:
Line: 5      ჭეშმარიტად გოჳაოჳწყებს ღირსებასა
Line: 6        შენსა ნათელი იგი
Line: 7        ზეცისაჲ. პატივად
Line: 8        შენდა მოსროჳლი:.

Strophe: XXVII  
Line: 1     აღგიარებ. ოჳფალო. ოჳძლოჳრებასა ჩემსა. რამეთოჳ
Line: 2        ოჳღირს ვარ შეწყნარებად
Line: 3      შენდა. ღმრთისა სიბრძნეო. არამედ
Line: 4        სიტყჳთა განდევნე წყლოჳლებაჲ
Line: 5      გოჳლისაჲ და მაქებელად მიჩინე დღეს
Line: 6        საოჳფლოსა კრებასა
Line: 7        და მოწამისა [ჰ]აბოჲს
Line: 8        დღესასწაოჳლსა:.

Strophe: XXVIII  
Line: 1     სოჳრვილითა შენითა აღძროჳლ არს გონებაჲ ჩოჳენი
Line: 2        ამის_თჳს შეიწირე
Line: 3      კნინი ესე ძღოჳენი. რომელი მსგავსად
Line: 4        ძალისა ჩოჳენისა მოგჳრთოჳამს:
Line: 5      მოგჳტევე კადნიერებაჲ და გჳთხოვე
Line: 6        დღეს ქრისტეს_გან გამოჴსნაჲ. \\
Line: 7        რომელნი გალობით
Line: 8        ღირსად გადიდებთ:. :.

Page: 46 
Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.