TITUS
Sasuliero Poezia
Part No. 9
Previous part

Text: 5  

            თთოჳესა. დეკემბერსა: კ̂გ :......
         .....ამასვე დღესა: წინა დდესასწაოჳლობაჲ: შობისა-
         _თჳს: ოჳფლისა. ჩოჳენისა: იესოჳ ქრისტჱსა: და
         ჴსენებაჲ: იოსეფ: მართლისაჲ: რომელი იწოდა მა-
         მად ოჳფლისა:......


         ..... ႭჃႢႠႪႭႡႣႨႧႱႠ:. იამბიკონნი: იო-
         ვანჱ: მტბევარ ეპისჴოპოსისა: თქოჳმოჳლნი:
         ქრისტჱ დიდებოჳლ ყავ სოჳლი მათი:.


            ⴑⴀⴖⴋⴐⴇⴍⴋⴀⴌ ⴌⴈⴑⴊⴋ̃ⴌ:. Link to nevmir

Strophe: I  
Line: 1     იხარებდით ყოველი დაბადებოჳლი.
Line: 2        რამეთოჳ ღმერთი გამოჩნდა დღეს ჴორცითა.
Line: 3        და ბეთლემს შინა შობილი. ქოჳაბსა შინა
Line: 4        შეხოჳეოჳლი. აცხოვნებს ადამეანთა
Line: 5        და გამოოჳბრწყინვებს ნათელსს საღმრთოსა:.

Strophe: II  
Line: 1     ეჰა დიდებოჳლი განსაკჳრვებელი
Line: 2        ახლისა ამის შეერთებისაჲ ჩოჳენდა.
Line: 3        რამეთოჳ. რომელი იგი ოჳხილავ არს.
Line: 4        სროჳლიად შეიმოსს კაცებასა ჩოჳენსა
Line: 5        და ჰგიეს ოჳქცეველად ღმრთეებასავე თჳსსა:.

Strophe: III  
Line: 1     ვითარ შვა ქალწოჳლმან ვისწავოთ და ვითარ
Line: 2        ცეცხლი საღმრთოჲ წიაღითა იტჳრთა დღეს
Line: 3        და არაჲ შეიწოჳვა. \\ ვითარ მაყოჳალი.
Line: 4        რომელი გამოჰსახვიდა საიდოჳმლოდ
Line: 5        შობასა შენსა. ქრისტჱ. ღმრთისა სიტყოჳაო:

Page: 56 
Strophe: IV  
Line: 1     ბეთლემო. იხარებდ. რამეთოჳ ხჱ იგი
Line: 2        ცხორებისაჲ შენ შორის აღმოსცენდა დღეს
Line: 3        და განმიღებს ოჳრჩებით დაჴშოჳლსა პირველ
Line: 4        სამოთხესა და კოჳალად მაგებს ჩოჳენ მოჳნვე.
Line: 5        რომელიცა ჩჩჳლ იქმნა მოწყალებით:.

Strophe: V  
Line: 1     განსცხრებოდეთ ყოველი დაბადებოჳლი.
Line: 2        ღმერთი ოჳფალი გამოგჳჩნდა.
Line: 3        რომელიცა გაბრიელ პირველ გოჳაოჳწყა
Line: 4        და ვარსკოჳლავმან გამოოჳცხადა მოგოჳთა.
Line: 5        ხოლო დღესა მწყემსთა იხილეს და თავყოჳანის სცეს

Strophe: VI  
Line: 1     ეჰა საიდოჳმლოჲ სიბრძნისა საღმრთოჲსაჲ.
Line: 2        რამეთოჳ ბეთლემი სამოთხეჲ იქმნა დღეს
Line: 3        და ქოჳაბი ცათა მყოჳფისა დამტევნელ.
Line: 4        ბაგაჲ საყდარ მისა და სახოჳეველნი
Line: 5        სამოსელ. რომელ დაჰბადა პირველ ნათელი:.

Strophe: VII  
Line: 1     ღმერთი გამოჩნდა ჴორცითა და მამისა
Line: 2        საყდართა არაჲ დააკლდა. დაღაცათოჳ
Line: 3        განკაცნა. არაჲ შეიცვალა ერთობაჲ
Line: 4        ბოჳნებათაჲ. არცა საოჳცარ ყო განკაცებაჲ.
Line: 5        არამედ კაც არს და ღმერთ გამოოჳკოჳლეველ:.

Strophe: VIII  
Line: 1     შენ. ღმრთისა დამტევნელო გამოოჳთქოჳმელად.
Line: 2        კიბეო. რომელსა ზედა გარდამოჴდა
Line: 3        ღმერთი და ხატი მონისაჲ მიიღო დღეს
Line: 4        და ზეცად აღმიყვანნა შენ მიერ. ქალწოჳლო.
Line: 5        ამისთჳსცა სარწმოჳნოვებით გადიდებთ:. ⴑⴛⴀⴊⴍ
Line: 6        ⴜ̃ⴍ ⴃⴄ̃:. Link to nevmir


Page: 57 
         Ⴋ̃Ⴞ̃ႪႤႱႠ {!}:. Ⴂ̃ⴊ̃ⴁ̃ⴢ ⴑ̃ⴊⴈⴄⴐⴈ ⴀⴖ̃:. Link to nevmir

Strophe: IX  
Line: 1     ეჰა მიოჳწდომელსა საიდოჳმლოსა.
Line: 2        რამეთოჳ დაოჳტევნელი ბოჳნებაჲ
Line: 3        ღმრთეებისაჲ ჴორცითა დატევნოჳლ იქმნა
Line: 4        და ღმერთი შეოჳწერელი ქალწოჳლისა_გან იშვა
Line: 5        და ჰგიეს მხოლოჲ ორითა ბოჳნებითა:.

Strophe: X  
Line: 1     სახოჳევლითა შეიხჳა. რომელიცა
Line: 2        ბოჳნებით შეოჳხებელ არს. და პიროჳტყოჳთა
Line: 3        ბაგასა დაიდვა სიტყოჳაჲ ღმრთისაჲ დღეს. რაჲთა
Line: 4        ზიარ მყვნეს ზეცისა განწყობილთა თანა
Line: 5        ჩოჳენ მგალობლად სამებისა წმიდისა:.

Strophe: XI  
Line: 1     ვითარ ოჳკოჳე გონებამან კაცობრივმან
Line: 2        მიოჳთხრას გამოოჳთქოჳმელი განგებოჳლებაჲ
Line: 3        შენი. ქრისტჱ. მამისა სიბრძნეო.
Line: 4        რამეთოჳ ბოჳნებით ღმერთ ხარ და ჴსნისა_თჳს
Line: 5        კაცთაჲსა მიიღე ბოჳნებაჲ კაცობრივი:.

Strophe: XII  
Line: 1     საიდოჳმლოჲ საშინელი. რომელიცა
Line: 2        იყო დაფაროჳლ ძალთა_გან ზეცისა
Line: 3        ოჳჴორცოთა. მრავალ სახჱ სიბრძნეჲ ღმრთისაჲ.
Line: 4        განცხადნა დღეს კაცთა შორის. ჴორცთა შინა.
Line: 5        ღმრთეებაჲ. რომლითა მოვიღეთ ჩოჳენ გამოჴსნაჲ

Strophe: XIII  
Line: 1     დიდებაჲ პირველ მზისა შობილსა ძესა
Line: 2        და ჩჩჳლად ხილოჳლსა ჩოჳენ_თჳს. რომელმან
Line: 3        დაცემოჳლი ხატი თჳსი აღადგინა
Line: 4        ბაგასა დადებითა დღეს და სოჳფევად
Line: 5        მის თანა ადიდა იგი სასოჳფეველსა:.

Page: 58 
Strophe: XIV  
Line: 1     ღმრთეებასა სამებისასა ერთობით
Line: 2        ქერობინთა თანა შიშით ქებასა
Line: 3        შევსწირვიდეთ. წმიდა არს მამაჲ. წმიდა არს ძჱ.
Line: 4        წმიდა არს სოჳლი წმიდაჲ. განოჳეოფელად
Line: 5        ღმერთი. რომელი სოჳფევს ოჳკოჳნისამდე:. Ⴈⴚⴅⴀⴊⴌⴄⴑ
Line: 6        ⴁⴍⴣ:. ???

         Ⴂ̃ႬႻႪႨ̃ႱႠ:. Ⴊⴍⴚⴅⴀⴋⴀⴌ ⴀⴌⴀ:. Link to nevmir

Strophe: XV  
Line: 1     იხარებდით ცანი ქოჳეყანისათა თანა.
Line: 2        რამეთოჳ დამბადებელი იხილვა დღეს
Line: 3        ქოჳაბსა შინა შეხოჳეოჳლი სახოჳევლითა.
Line: 4        რაჲთა შეცოდებათა ჩოჳენთა საკრველნი
Line: 5        განჰჴსნნეს წყალობით და წარმიძღოჳეს ჩოჳენ ზეცად:.

Strophe: XVI  
Line: 1     მხიაროჳლ იყავ. ქოჳეყანაო. რამეთოჳ
Line: 2        ცამან ანგელოზნი წარმოადგინნა დღეს
Line: 3        ხარებად შენდა მშჳდობაჲ. მოსროჳლი მაღლით.
Line: 4        და დიდებაჲ ზეცისათაჲ კაცთა შორის.
Line: 5        აღმოფხოჳრად წყევაჲ და დანერგვად კოჳრთხევაჲ:.

Strophe: XVII  
Line: 1     ოჳცხო არს სახეჲ შობისაჲ და საშინელ
Line: 2        სიმდიდრეჲ შენისა სახიერებისაჲ.
Line: 3        რამეთოჳ. რომელი ღმერთ ხარ ბოჳნებითა.
Line: 4        იქმენ კაც ნეფსით და შეიმოსე ხატი.
Line: 5        რომელ დაჰბადე და აცხოვნე. მოწყალნჱ.

Strophe: XVIII  
Line: 1     დიდებოჳლებაჲ შობისა შენისაჲ დღეს
Line: 2        ვინ შეოჳძლოს მითხრობად. ყოვლად ქებოჳლო.
Line: 3        რამეთოჳ ოჳთესლოდ მოჳცლად იღე და ჰშევ
Line: 4        ძეჲ ოჳხილავისა მამისაჲ. რომელმან
Line: 5        აღჴოცა წყევაჲ პირველისა დედისაჲ:.

Page: 59 
Strophe: XIX  
Line: 1     განგადიდა შენ ოჳფალმან. რომელიცა
Line: 2        დაემკჳდრა საშოსა შენსა. ოჳსძლოო.
Line: 3        და სიგლახაკჱ ჩოჳენი აღავსო მდიდრად
Line: 4        და ჴელმწიფებაჲ მოგოჳცა ჩოჳენ. ყოველთავე
Line: 5        ჴორციელთა. შვილ ღმრთისა ყოფად მოწყალებით:.

Strophe: XX  
Line: 1     ეჰა მოჳცელი. რომელსა აქოჳს სიმაღლეჲ
Line: 2        და სივრცეჲ ყოვლად ოჳზეშთაესი ცათაჲ.
Line: 3        რომლისა_გან ადამეან იქმნა ღმერთი
Line: 4        და აღმიყვანნა ჩოჴენ მამისა თჳსისა
Line: 5        და განაღმრთო კაცებაჲ. რომელ მიიღო:.

Strophe: XXI  
Line: 1     იხარებდ ბერწი ეგე. რომელი არა შობდ.
Line: 2        და აღყოჳავილდი ოჳდაბნო ქმნოჳლი ეგე.
Line: 3        რამეთოჳ ღმერთი გამოჩნდა ჴორცითა დღეს.
Line: 4        რომელმანცა აღგავსო ნაშობითა
Line: 5        და შვილთა თანა სიხაროჳლით ადიდებდ:.

Strophe: XXII  
Line: 1     შენ. ღროჳბელსა ღმრთის დამტევნელსა. გიგალობთ.
Line: 2        რომელსა ზედა ოჳფალი გარდამოჴდა
Line: 3        საშოდ შენდა. ყოლად ოჳბიწოო სძალო.
Line: 4        და განმაახლნა ჩოჳენ პირველსავე სახესა
Line: 5        ოჳხრწნელსა მოწყალებით. ვითარცა ღმერთ არს:. ⴋⴍⴅⴄ̃:. Link to nevmir

         Ⴍ̃Ⴍ ႫႤႱ̃Ⴀ:. Ⴘⴄⴌ ⴋ̃ⴔ̃ⴍ ⴋⴄ̃:. Link to nevmir

Strophe: XXIII  
Line: 1     საშინელი სმენაჲ მოსლვისა შენისაჲ
Line: 2        ესმა რაჲ წინაჲსწარმეტყოჳელსა. შეძრწოჳნდა.
Line: 3        ქრისტჱ. ხოლო საქმენი რაჲ განიცადნა. \\
Line: 4        განკჳრვებით ჴმა ყო. ჴსნად ცხებოჳლთა შენთა
Line: 5        მოხოჳედ სიმდაბლით. ძალსა შენსა დიდებაჲ:.

Strophe: XXIV  
Line: 1     ოჳჟამოჲ იგი. ბოჳნებით დასაბამსა
Page: 60  Line: 2        მიიღებს დღეს ჴორცითა. დაგლახაკნების
Line: 3        და წარმიძღჳს ჩოჳენ ზეცად. რაჲთა შევეყვნეთ
Line: 4        ღმრთეებასა მისსა და ჴმა ვყოთ. დიდებაჲ
Line: 5        ძალსა შენსა. მჴსნელო სოჳლთა ჩოჳენთაო:.

Strophe: XXV  
Line: 1     ოჳჴორცოჲ იგი ჴორციელ იქმნების დღეს
Line: 2        და დაებადების ოჳსხეოჳლოჲ ჩოჳენ_თჳს
Line: 3        და სავსჱ დაცალიერდების. რაჲთა ჩოჳენ
Line: 4        აღმავსნეს. და სახოჳევლითა შეიხოჳევის.
Line: 5        რაჲთა დაჰჴსნნეს ცოდვათა ჩოჳენთა პატიჟნი:.

Strophe: XXVI  
Line: 1     წესნი ოჳჴორცოთანი შენ გიგალობდეს
Line: 2        ქოჳაბსა შინა შობილსა. ქრისტჱ. და მწყემსნი
Line: 3        მოგოჳთა თანა შენ თავყოჳანის გცემდეს. მჴსნელი
Line: 4        და ყოველი დაბადებოჳლი გადიდებს.
Line: 5        რომელი მოხოჳედ ძიებად წარწყმედოჳლთა:.

Strophe: XXVII  
Line: 1     იშევ დღეს გამოოჳთქოჳმელად შემოქმედი
Line: 2        და განჰჴსნენ საკრველნი პირველ ქმნოჳლისანი
Line: 3        და ბაგასა დადებითა განმწმიდენ ჩოჳენ.
Line: 4        პიროჳტყოჳ ქმნოჳლნი ცოდვისა_გან. მაცხოვარო.
Line: 5        და გიღაღადებთ. ძალსა შენსა დიდებაჲ:.

Strophe: XXVIII  
Line: 1     განკჳრდეს დაბადებოჳლნი და შეძრწოჳნდეს.
Line: 2        რაჟამს გიხილეს ბაგასა შინა ღმერთი.
Line: 3        ვითარცა ჩჩჳლი. სახოჳევლითა მწოლარჱ.
Line: 4        და ანგელოზნი გარემოჲს დგეს. ვითარცა
Line: 5        მყოჳფესა ზარ განჴდილნი გადიდებდეს:.

Strophe: XXIX  
Line: 1     მოგოჳთა მათ დაოჳკჳრდა მწყემსთა თანა დღეს
Line: 2        შობაჲ შენი ქალწოჳლისა_გან და შიშით
Line: 3        თავყოჳანის ცემაჲ ერთად შენდა შეწირეს.
Page: 61  Line: 4        და წარმართთა გიცნეს შენ. ღმერთი. ვითარცა
Line: 5        ყრმაჲ ჴორცითა მოსროჳლი ჩოჳენ_თჳს:.

Strophe: XXX  
Line: 1     რომელი ოჳხილავ არს. ბოჳნებით ღმერთი.
Line: 2        ოჳქორწინებელო ქალწოჳლო. შენ მიერ
Line: 3        იხილვა დღეს ჴორცითა. ვითარცა კაცი.
Line: 4        და განაღმრთო სროჳლიად ბოჳნებაჲ კაცთაჲ
Line: 5        და მოსავთა თჳსთა შემწედ გიწოდა შენ:. ⴋⴇⴈⴇ ⴑⴀⴋⴞ̃:. Link to nevmir

         Ⴖ̃ႫႨ̃Ⴂ̃ႬႱႠ:. ⴋ̃ⴅⴄⴃⴈⴇ ⴃⴖⴄⴑ ⴘ̃:. Link to nevmir

Strophe: XXXI  
Line: 1     აღმომიბრწყინვე მე. ოჳფალო. ნათელი
Line: 2        ბრძანებათა შენთა წმიდათაჲ. რამეთოჳ
Line: 3        შენდამი. ქრისტჱ. სოჳლი ჩემი აღიმსთობს
Line: 4        და გიგალობს შენ. რამეთოჳ შენ ხარ ღმერთი:
Line: 5        მშჳდობაჲ შენი მომეც ჩოჳენ. მოწყალე:.

Strophe: XXXII  
Line: 1     პირველ საოჳკოჳნეთა სიტყოჳაჲ განკაცნა
Line: 2        და დაემკჳდრა ჩოჳენ თანა დღეს. ვითარცა
Line: 3        კაცი. რომელი მამისა თანა ღმერთ არს.
Line: 4        ვითარცა თქოჳა იოვანე. და საშოსა
Line: 5        შინა ქალწოჳლისასა განმაახლნა ჩოჳენ.

Strophe: XXXIII  
Line: 1     დაოჳკჳრდა ყოველსა დაბადებოჳლსა.
Line: 2        რაჟამს გიხილეს შენ. ქრისტჱ. ქალწოჳლისა_გან
Line: 3        ტჳრთოჳლი დღეს ჴორცითა. ვითარცა ჩჩჳლი
Line: 4        სახოჳევლითა შეხოჳეოჳლი და მწოლარეჲ
Line: 5        ბაგასა. რომელიცა ზის მარჯოჳლ მამისა:.

Strophe: XXXIV  
Line: 1     ანგელოზნი გალობენ დღეს სიხაროჳლით.
Line: 2        მწყემსნი იღჳძებდით და მოგოჳთა შეწირეთ
Line: 3        ძღოჳენი. ოქროჲ. გოჳნდროჳკი და მოჳრი მისა.
Page: 62  Line: 4        რომელი იგი დაგლახაკნა ნეფსით თჳსით
Line: 5        და მიზიარნა ჩოჳენ ღმრთეებასა თჳსსა:.

Strophe: XXXV  
Line: 1     იხარებდით ჩჩჳლნი დაკლოჳლნი ქრისტჱს_თჳს.
Line: 2        რომელი ჩჩჳლ იქმნა ჩოჳენ_თჳს. და ახარეთ
Line: 3        რაქელს გოდებისა წილ გალობაჲ საღმრთოჲ
Line: 4        შვილთა მაგათ ბეთლემისათა. რომელნი
Line: 5        აწ იხარებთ სასოჳფეველსა მარადის:.

Strophe: XXXVI  
Line: 1     ქოჳეყანაჲ ვიდრემე მეწამოჳლ იქმნა დღეს
Line: 2        სისხლითა მით ჩჩჳლთაჲთა. ხოლო წარმართთა
Line: 3        ეკლესიაჲ აღივსო სოჳლნელებითა
Line: 4        საიდოჳმლოდ და. ვითარცა ანთრაკნი
Line: 5        პატიოსანნი. შეწირნა დღეს ქრისტესსა:.

Strophe: XXXVII  
Line: 1     ვითარცა ბჭესა დაჴშოჳლსა და მაყოჳალსა
Line: 2        შეოჳწოჳველსა და მთასა ლოდის მშობელსა.
Line: 3        რომელი იქმნა თავ საკიდოჳრთა. გევედრებით
Line: 4        შენ. ოჳხრწნელსა დედოფალსა და ქალწოჳლსა.
Line: 5        მითხოვე მის_გან შენდობაჲ. რომელი ჰშევ:. ⴜ̃ⴇⴀ
Line: 6        ⴍⴣⴜ̃:. Link to nevmir

         Ⴖ̃Ⴖ̃ႲႷ̃ႱႠ:. Ⴘⴄⴌ ⴕ̃ⴄ ⴖ̃ⴍ ⴙ̃:. Link to nevmir

Strophe: XXXVIII  
Line: 1     სროჳლიად შეიმოსე ბოჳნებაჲ ჩემი
Line: 2        განხრწნილი დღეს. მაცხოვარ. და მე. სროჳლიად
Line: 3        შემოსილმან. განმაახლე მოწყალებით
Line: 4        პირველსავე მას დიდებასა ოჳხრწნელსა.
Line: 5        რომელი პირველ წარვწყმიდე ოჳრჩებით:.

Strophe: XXXIX  
Line: 1     ვარსკოჳლავი აღმოჰბრწყინდი იაკობის_გან.
Line: 2        ქრისტჱ. წერილისაებრ. და გიხილეს რაჲ
Line: 3        მოგოჳთა აღმოსავალით. მოვიდეს ძღოჳნითა
Page: 63  Line: 4        თავყოჳანის ცემად. ვითარცა მეოჳფისა.
Line: 5        რომელსა თავყოჳანის გცემს ცაჲ და ქოჳეყანაჲ:.

Strophe: XL  
Line: 1     დღეს ძემან შენმან ადამს აღმოოჳწოდა.
Line: 2        ქალწოჳლო ოჳბიწოო. ხრწნილებისა_გან.
Line: 3        და განათავისოჳფლა შობითა შენ_გან
Line: 4        ოჳხრწნელად და კოჳალად აგო მოჳნვე
Line: 5        სამოთხედ ნაშობითოჳრთ. ვითარცა ღმერთ არს:.

Strophe: XLI  
Line: 1     დასცხრა წყევაჲ პირველი შენ მიერ. ღირსო
Line: 2        დედაო ოჳბიწოო. და კოჳრთხევითა
Line: 3        სოჳლიერითა აღივსო დღეს ქოჳეყანაჲ.
Line: 4        რაჟამს მოვიღეთ საშოჲთ შენით ნათელი
Line: 5        და შობილსა მას მეოჳფესა ვადიდებთ:.

Strophe: XLII  
Line: 1     ევაჲსი განქარდა დღეს წყევისა იგი
Line: 2        დაშჯილებაჲ შენ მიერ. ყოვლად წმიდაო.
Line: 3        და კოჳრთხევით გჳრგჳნოსან ყვნა ყოველნი
Line: 4        ნაშობნი მისნი მეოჳფემან. რომელი
Line: 5        იშვა შენ_გან და დაგიცვა ქალწოჳლადვე:. ⴅ̃ⴀ ⴋⴤⴄⴚⴈⴑⴀ:. Link to nevmir

         Ⴉ̃ႧႾ̃ႰႱႱႠ:. ⴋⴛⴊⴀⴅⴐⴋ̃ⴌ ⴋⴈⴋ̃:. Link to nevmir

Strophe: XLIII  
Line: 1     შენ. ბეთლემ. სახლო იოჳდაჲსო. იხარებდ.
Line: 2        რამეთოჳ შენ_გან იშვა დიდი მთავარი.
Line: 3        ვითარცა თქოჳა პირველ წინაჲსწარმეტყოჳელმან. \\
Line: 4        რომელმან დამწყსო ერი თჳსი წყალობით.
Line: 5        რომელსა ოჳღაღადებთ. კოჳრთხეოჳლ ხარ შენ:.

Strophe: XLIV  
Line: 1     ოჳხილავი სიტყოჳაჲ ღმრთისაჲ შეიხჳა.
Line: 2        ვითარცა ჩჩჳლი. რაჲთა ცოდვითა კროჳლნი
Line: 3        განჰჴსნნეს და ოჳხრწნელებად აღმოოჳწოდოს
Page: 64  Line: 4        ხატსა თჳსსა. დაფლოჳლსა ვნებათა შინა.
Line: 5        და აცხოვნოს ცხოველმან ოჳკოჳნისამდე:.

Strophe: XLV  
Line: 1     განეღო დღეს ბეთლემს სამოთხეჲ. მოვედით.
Line: 2        გემოჲ ვიხილოთ ხისა მის ცნობადისაჲ.
Line: 3        რომელ არს ქრისტჱ. საღმრთოჲ იგი ყოჳავილი.
Line: 4        რომლისაგანცა სიტკბოვებაჲ იწნიხა
Line: 5        საიდოჳმლოჲ. განმწმედელი სოჳლთა ჩოჳენთაჲ:.

Strophe: XLVI  
Line: 1     მოვედით დღეს. მორწმოჳნენო. და ვიხილოთ
Line: 2        ქოჳაბი. რომელი გოჳაოჳწყებს სახესა მას
Line: 3        ეკლესიისასა. და ბაგაჲ ოჳცხოსა
Line: 4        მას ემბაზსა. განმწმედელსა წარმართთასა.
Line: 5        რომელნი სახედ პიროჳტყოჳთა იყვნეს პირველ:.

Strophe: XLVII  
Line: 1     წჳმაჲ საწმისად გარდამოსროჳლი პირველ
Line: 2        რაჟამს იხილა გედეონ. გოჳაოჳწყა ჩოჳენ
Line: 3        შობისა შენისა საიდოჳმლოჲ. სძალო.
Line: 4        რომელსა დავით მთად პოხილად გიწოდა.
Line: 5        რომელსა შინა დაიმკჳდრა ქრისტემან:. ⴋⴍⴐⴜⴋⴍⴣ̃:. 381?

         ႠႩ̃Ⴞ̃ႱႠ:. ⴑⴀⴋⴑⴀⴞⴄⴍⴁⴀⴢ:. Link to nevmir

Strophe: XLVIII  
Line: 1     ქადაგებოჳლი ესაიაჲს_გან პირველ
Line: 2        დღეს იშვა ქალწოჳლისა_გან. რომელმანცა
Line: 3        მწრაფლ წარმოტყოჳენა და მყის წარმოიღო
Line: 4        ნატყოჳენავი და მოგოჳთა მათ მოოჳწოდა
Line: 5        ძღოჳნითა თავყოჳანის ცემად. ვითარცა ღმერთ არს:

Strophe: XLIX  
Line: 1     ანგელოზთა დაოჳკჳრდა საიდოჳმლოჲ
Line: 2        შობისა შენისაჲ და იტყოდეს.
Line: 3        ვითარ ცათა დაოჳტევნელი ღმერთი ყრმად
Page: 65  Line: 4        იხილვების ქოჳაბსა შინა მწოლარჱ.
Line: 5        რომელი ოჳხილავ არს ქერიაბინთა_გან:.

Strophe: L  
Line: 1     დაოჳსაბამოჲ დასაბამიერ იქმნა
Line: 2        ოჳხრწნელისა_გან დედისა დღეს ჴორცითა:
Line: 3        ჴმობენ ანგელოზნი. მწყემსნი იხარებდით.
Line: 4        მოგოჳთა შეწირეს ძღოჳენი მისა. რომელი
Line: 5        ნეფსით ჩჩჳლ იქმნა ჩოჳენ_თჳს და მაცხოვნნა ჩოჳენ:.

Strophe: LI  
Line: 1     წყოჳდიადი იგი ბნელისაჲ დაჰჴსენ. ქრისტჱ.
Line: 2        შობითა შენითა და ნათელი საღმრთოჲ
Line: 3        სოფელსა მოეც. ამის_თჳს გაკოჳრთხევია შენ.
Line: 4        მჴსნელსა. მამისა თანა სოჳლით წმიდითოჳრთ.
Line: 5        და ოჳფროჲსად აღგამაღლებთ ოჳკოჳნისამდე:.

Strophe: LII  
Line: 1     მიმსგავსებოჳლი სამოთხისაჲ ბეთლემი
Line: 2        ედემსა განაღებს და გზა გოჳექმნების ჩოჳენ
Line: 3        შესლვად მას შინა. რაჲთა არა მახჳლი
Line: 4        იქცევისაჲ მომსრვიდეს. არამედ მწრაფლ
Line: 5        ქერობინი მოტყინარე შემიწყნარებდეს:.

Strophe: LIII  
Line: 1     მოვედით ჩემდა. ჴმობს ქრისტე მოწყალებით.
Line: 2        და ტაკოჳკთა_გან ჩემთა გემოჲ იხილეთ.
Line: 3        რამეთოჳ ცხოვრებისა წყაროჲ დავჰნერგე.
Line: 4        ჴორცნი. რომელ მივიხოჳენ ქალწოჳლისა_გან.
Line: 5        რაჲთა ვაცხოვნნე მომწყდარნი ცოდვისა_გან:. ⴋⴍⴂⴍⴣ̃:. Link to nevmir

         Ⴀ̃Ⴁ̃ႧႱႠ:. Ⴂ̃ⴞ̃ⴌ ⴘ̃ⴌ ⴜ̃ⴍ ⴃⴄ̃:. Link to nevmir

Strophe: LIV  
Line: 1     ყო შენ თანა დღეს. ქალწოჳლო. დიდებოჳლი
Line: 2        ძლიერი. რომელიცა წმიდა არს მარადის.
Line: 3        და წყალობით მომხედა ჩოჳენ საშოჲთ შენით.
Page: 66  Line: 4        ამის_თჳს გნატრით დაოჳცხრომელითა ჴმითა.
Line: 5        ვითარცა სთქოჳ. და ერთობით გადიდებთ:.

Strophe: LV  
Line: 1     სოჳლი წმიდაჲ მოვიდა შენდა. ქალწოჳლო.
Line: 2        და ძალი მაღლით გფარვიდა შენ. ოჳსძლოო.
Line: 3        საყდრად სიწმიდისად განგმზადა და დედად
Line: 4        ოჳხრწნელებისად ჩოჳენ ყოველთა გჳჩინა.
Line: 5        ამის_თჳს ღმრთის მშობელად აღგიარებთ შენ:.

Strophe: LVI  
Line: 1     შენ თანა დაემკჳდრა სიტყოჳაჲ. რომელი
Line: 2        მამისა თანა მყოფ არს. იშვა ყოვლითოჳრთ
Line: 3        ჭეშმარიტებით. ღმერთი და კაცი სროჳლი.
Line: 4        და წარმიძღოჳა ჩოჳენ სამოთხედ შენ მიერ. ღმრთის
Line: 5        მშობელო. ამის_თჳს ყოველნი გნატრით შენ:.

Strophe: LVII  
Line: 1     მამისა_გან შობილი პირველ ოჳდედოდ.
Line: 2        დღეს იშვა შენ_გან. ქალწოჳლო. სოჳლისა_გან
Line: 3        წმიდისა ქრისტჱ. და განაღმრთო ბოჳნებაჲ
Line: 4        ადამეანთაჲ და წაროჳდგინა მამასა
Line: 5        თჳსსა. გამოჩნდა რაჲ ჴორცითა ჩოჳენ_თჳს:.

Strophe: LVIII  
Line: 1     მაღალთა ზე მამისა თანა მჯდომარეჲ
Line: 2        დამდაბლდა ხატად მიწისა ნათესავთა.
Line: 3        შეწირა მამისა კაცებაჲ. რომელ
Line: 4        ჩოჳენ_გან მიიღო. დასოჳა იგი საყდართა
Line: 5        მარჯოჳენით სიმდიდრესა. ვითარცა ღმერთ არს.

Strophe: LIX  
Line: 1     ძირისა_გან იესესა აღმოსცენდა
Line: 2        ყოჳავილი ქრისტჱ ქალწოჳლისა_გან ბეთლემს.
Line: 3        ქალაქსა დავითისსა. და აღმიყვანნა
Page: 67  Line: 4        ქოჳეყანით ზეცისა იეროჳსალჱმსა
Line: 5        სოჳფევად წმიდათა თანა. ვითარცა ღმერთ არს:.

Strophe: LX  
Line: 1     რომელნი პირველ ვარსკოჳლავსა ჰმსახოჳრებდეს.
Line: 2        ისწავეს დღეს შობილი ვარსკოჳლავისა_გან.
Line: 3        ღმრთისა სიტყოჳაჲ ჴორცითა. და თავყოჳანის სცეს
Line: 4        და შეწირეს მისა ძღოჳენი სამყოჳფოჲ.
Line: 5        რომელსა ადიდებენ ზეცისა ძალნი:.

Strophe: LXI  
Line: 1     ჴმაჲ გოდებისაჲ რაქელისი ისმოდა.
Line: 2        ვითარცა თქოჳა პირველად იერემია
Line: 3        წინაჲსწარმეტყოჳელმან ბეთლემისა ყრმათა_თჳს.
Line: 4        რომელნი მოსრნა ჰეროდე. და ჰოჳრიასტანი
Line: 5        იხარებს შობასა მჴსნელისასა:.

Strophe: LXII  
Line: 1     აღმოსავალით მაღლით ვიხილეთ ქრისტჱ
Line: 2        ბრწყინვალჱ მსხდომარეთა ბნელსა შინა დღეს.
Line: 3        და აჩრდილთა სიკოჳდილისათა მზეჲ იგი
Line: 4        სიმართლისაჲ. და განგოჳანათლნა წყალობით.
Line: 5        გამოჩნდა რაჲ ჴორცითა ქალწოჳლისა_გან:. Ⴘ̃ⴌ ⴑⴀⴋⴄⴁⴀⴍ
Line: 6        Ⴖ̃ⴇⴄⴄⴁⴐ:. Link to nevmir

Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.