TITUS
Minor Nomocanon
Part No. 190
Previous part

Paragraph: 190     გუესმა, თუ ქუეყანასა მას სომხეთისასა თჳნიორ შესამოსლისა ხუცესნი აღასრულებენ წირვასა თჳსითავე შესამოსლითა და ესე დიდი წვალებაჲ არს სხუათავე თანა ცთომათა. და აწ ჩუენ ვამცნებთ, უკუეთუ ვინმე იკადროს მართლმადიდებელმან მღდელმან ანუ დიაკონმან თჳნიერ შესამოსლისა ჟამისწირვაჲ, განიკანონოს და დაეყენოს ჟამისწირვისაგან, ვიდრემდის მოიგოს წესიერებაჲ. და ებისკოპოსმან პირველადვე იხილოს მისი სტიქარი, უღელი და ზეწარი და ეგრეთ ჴელნი დასხნეს, რამეთუ მთავარნიცა ამის სოფლისანი პირველად იხილვენ საჭურველსა და ეგრეთ მჴედრად განაწესებენ, რამეთუ უჭურველი მჴედარი შეურაცხ არს მტერთაცა და მოყუარეთა. Note: 1  *

Note: n.1     გუესმა ... მოყუარეთა _ ABD. ^

Next part


This text is part of the TITUS edition of Minor Nomocanon.

Copyright TITUS Project, Frankfurt a/M, 1.1.2003. No parts of this document may be republished in any form without prior permission by the copyright holder.