ARMAZI
Kartlis Cxovreba II
Part No. 188

Page of edition: 188  Line of edition: 1    და ეგრეთვე ჰერნი, \ კახნი, სომხითარ-ქართლელნი, მესხნი, ტაოელნი, თორელ-არტან-კოლაელნი,
Line of edition: 2    - ყოველნი ივლტოდეს ციხეთა და მთათა, ტყეთა და სიმაგრეთა კავკასიანთასა
Line of edition: 3    და მთიულეთს.

Line of edition: 4    და გაგრძელდა ოჴრება და მოსპოლვა ქუეყანისა სიმრავლისათჳს უსჯულოებათა
Line of edition: 5    ჩუენთასა, რამეთუ განრყუნა ყოველმან ასაკმან ქუეყანა, დაღათუ საქართველო, არამედ
Line of edition: 6    სპარსეთი, ბაბილოვანი და საბერძნეთი რამეთუ მიეცემოდეს მწარესა ტყუეობასა და
Line of edition: 7    უწყალოთა სიკუდილთა, რომელ არა იყო წყალობა, სავსე იყვნეს მოკლულთა მიერ
Line of edition: 8    ქალაქნი და სოფელნი, ველნი, ტყენი, მთანი და ჴევნი. თჳნიერ სიმაგრეთა თუღა
Line of edition: 9    სადმე [ვინ] დაშთომილიყო, \ სავსე იყო ტყეპითა, და გოდებითა მიერ შეიცვლებოდეს
Line of edition: 10    ყოველნი მკჳდრნი საქართველოსანი ამერისნი. ხედვიდეს მამა-დედანი შვილთა მოკლულთა,
Line of edition: 11    და შვილნი მამათა და დედათა მკუდართა მდებარეთა, სხუანი ძმათა და
Line of edition: 12    ნათესავთა და დათა თჳსთა იავარად \ წარსხმულთა, ცოლთა და შვილთა მათთა და
Line of edition: 13    ყოველსა სიმდიდრესა მათსა წინაშე მათსა განბნეულსა. და ესეოდენნი ზარნი იქმნეს
Line of edition: 14    თათართანი, რომელ უმრავლესნი ქართველნი ციხეთა და მაგართა ადგილთა დაუტეობდეს
Line of edition: 15    და ივლტოდეს კავკასიად.

Line of edition: 16    ხოლო ამათ ულხინებელთა რა ბოროტთა მოეცვა ქუეყანა, ძლიერნი ერისთავთა
Line of edition: 17    ერისთავნი და ვაზირნი განდგეს ურთიერთას, თავთა მათთა შემწყობელნი, რამეთუ
Line of edition: 18    მეფე რუსუდან ყოვლადვე დამკჳდრდა ლიხთ-იქით და ვერცა ლიხთ-აქეთ გარდამოვიდის და
Line of edition: 19    ვერცა ამიერნი ვაზირნი მის წინაშე მივიდიან უცალოებისა ძლით, გარნა ლტოლვილნი.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.