ARMAZI
Kartlis Cxovreba II
Part No. 197

Page of edition: 197  Line of edition: 1    ბნელეთამდის, და ზღუადმდე დარუბანდისა. და ამან წარავლინა წინაშე მანგუ ყაენისა.

Line of edition: 2    და ვითარ იხილა მოციქული, განიხარა \ და ჩაბალახისა ხილვასა ზედა განკჳრდა.

Line of edition: 3    და ესრეთ მიუმცნო ნოინთა მანგუ ყაენმან: "ვინათგან ქართველნი წყობათა შინა კეთილად
Line of edition: 4    გიხილვან და ტყუილი არა არს მათ შორის, და მინდობა იციან, თქუენ თანა
Line of edition: 5    იპყრენით მტერთა თქუენთა ზედა ბრძოლად. ხოლო სპარსნი მოსწყჳდენით, და მის
Line of edition: 6    ქუეყანისა თავადნი აქა წარმოგზავნენითი".

Line of edition: 7    ესე მოციქული რა მოიწია, ავაგ, რომელი ამირსპასალარობისაგან ათაბაგ იქმნა
Line of edition: 8    მეფის რუსუდანის მიერ, იგი წარავლინა ჩაღატა ნოინ[მან] წინაშე დიდისა ყაენისა
Line of edition: 9    ბათოსა, და ხლათისა სულტანი. წარვიდეს უცნაურსა და ყოვლადვე ქართველთა ნათესავისაგან
Line of edition: 10    უვალსა გზასა. და ვითარ მიიწივნეს წინაშე ბათოსა, რომელი იყო მას
Line of edition: 11    ჟამსა უმთავრესი ყაენთა, და უზეშთაესი, და უაღმატებულესი შუენიერებითა, და მუნ
Line of edition: 12    თანა-წარეყვანა ათაბაგსა ავაგს ივანე ახალციხელის ძე, სახელით, დავით, ეჯიბი ავაგისი,
Line of edition: 13    რომელმან რქუა ავაგს: "ვინათგან უცხოთა ნათესავთა მომართ მოიწიე, და არა
Line of edition: 14    უწყი თუ რა ყოფად არს ჩუენდა, ესრეთ განგაზრახებ, რათა ვიქმნე მე, ვითარცა
Line of edition: 15    პატრონი და მთავარ შენდა, \ და შენ იქმნე მონა; უკეთუ ენებოს მოკუდინება შენი,
Line of edition: 16    მე მოვიკლა და არა შენ, და არღარა ვეჭუ, უკეთუ ბატონი მოიკლას, ყმათაცა დაჴოცად".

Line of edition: 17    და ესრეთ მრავლითა ვედრებითა და იძულებითა დაარწმუნეს ავაგს ამისდა ყოფად.

Line of edition: 18    ვითარ შევიდეს წინაშე ბათოსა, წინა-წაიძღუანა დავით, ვითარცა უმთავრესი, და ესოდენი
Line of edition: 19    სათნოება ქმნა დავით გამწირველმან თავისამან პატრონისთჳს სიკუდილად.

Line of edition: 20    იხილა რა ყაენმან ბათო, განიხარა, და დიდად პატივ-სცა მრავალთა დღეთა. და ვითარ
Line of edition: 21    ცნეს კეთილის-ყოფა ბათოისგან, და უშიშ იქმნეს სიკჳდილისა, ერთსა დღესა შეუწოდა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.