ARMAZI
Kartlis Cxovreba II
Part No. 206

Page of edition: 206  Line of edition: 1    ხოლო მათ ინებეს დავითის. წარვლინება დიდსა ყაენს ბათოსსა და მიერ ყარაყურუმს.

Line of edition: 2    მანგუ ყაენისსა, და ვითარ ცნა რუსუდან წარვლინება ძისა თჳსისა უცხოთა ნათესავთა
Line of edition: 3    შორის და უცნაურთა გზათა, ტკივილითა და უზომოთა მწუხარებითა შეიცვებოდა და
Line of edition: 4    დაუწყუედელთა ცრემლთა მოადინებდა, და მოიჴსენებდა, \ რა-იგი ყო ძმისწულსა თჳსსა
Line of edition: 5    დავითს ზედა: ვითარ ექსორია ჰყო, ეგრეთვე თათართა წარავლინეს ძე მისი, ვითარ
Line of edition: 6    ექსორიად წინაშე ბათოსსა.

Line of edition: 7    ხოლო ვითარ არღარა იყო ღონე, წარვიდა ნარინ დავით, და თანა-წარატანა
Line of edition: 8    მეფემან რუსუდან მცირედ თანაზრდილნი მისნი, ქართლისა ერისთავის სურამელის
Line of edition: 9    გრიგოლის შვილი ბეგაი, გურკლელი მახუჯაგის-ძე, ამირეჯიბი ბეშქენ, და თუალნიცა
Line of edition: 10    ორნი დაუმალნა, ძჳრად საფასონი. და წარვიდეს შემდგომად კუალსა ავაგისსა
Line of edition: 11    და ხლათის სულტნისასა, რამეთუ პირველ იგინი წარავლინეს თათართა, და მიიწივნეს
Line of edition: 12    წინაშე ზემოჴსენებულის ბათოსსა, რომელმან კეთილად იხილნა ნარინ დავით
Line of edition: 13    მეფე, \ და ორისა წლისა ჟამთა თჳს თანა იპყრა და მიერ წარავლინა ჩინ-მაჩინს და
Line of edition: 14    ყარაყურუმს, მანგუ ყაენს წინაშე, რომელი მიიწია რა, კეთილად შეიწყნარა, და ავაგს
Line of edition: 15    შეეყარა, რომელი პირველ მოსულ იყო მუნ, და მის თანა იყოფოდა.

Line of edition: 16    ხოლო თათართა მათ ოთხთა ნოინთა მოეჴსენა ბოროტი ალმუთელთა, რომელი
Line of edition: 17    შეამთხჳეს მომავალთა და აღიმჴედრეს მათ ალმუთსა ზედა, და თანამბრძოლება განაჩინეს
Line of edition: 18    ქართველთა, და წარმოუვლინეს მოციქული მეფესა რუსუდანს, რათა მისცეს


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.