ARMAZI
Kartlis Cxovreba II
Part No. 208

Page of edition: 208  Line of edition: 1    და შანშეს ჴელთ უდვეს მამული მისი და ავაგისი; ვარამ გაგელსა ჴელთ უდვეს
Line of edition: 2    ყოველი სომხითი; გრიგოლ სურამელსა ქართლი, და გამრეკელსა თორელსა მსგავსადვე
Line of edition: 3    ეგარსლანისასა საჭაბუკოთა \ შინა, ჴელთ უდვა ჯავახეთი, სამცხე და აღმართ
Line of edition: 4    ვიდრე კარნუ-ქალაქადმდე; ხოლო ცოტნე დადიანსა \ და რაჭის ერისთავსა ყოველი
Line of edition: 5    იმერი სამეფო.

Line of edition: 6    და ესრეთ განაჩინეს თათართა, და განიყვეს საქართველო, და წარვიდეს ბრძოლად
Line of edition: 7    ალმუთს, და ქართველნი თანა-წარიტანეს, რომელნი განიყვეს ორად: ნახევარნი
Line of edition: 8    ერთსა წელსა, და ნახევარნი ერთსა წელსა იყვნიან ალმუთს. რამეთუ შჳდ წელ განგრძელდა
Line of edition: 9    ბრძოლა ალმუთისი, რომელნი არიან კაცის მკლველნი მიპარვითა, რომელთა
Line of edition: 10    მულიდად უწოდიან. და მათ ჰბრძოდეს თათარნი ჩარმაღან, ჩაღატა, იოსურ და
Line of edition: 11    ბიჩუი მოუწყენელად ზაფხულ და ზამთარ. ხოლო ქართველნი განყოფილნი თჳთოეული
Line of edition: 12    მისსა წელიწადსა ხუდის და იყვის ალმუთს, და კუალად წარვიდიან სხუანი
Line of edition: 13    ხუედრსა მისსა, წელიწად ერთ იყვის ალმუთს, და კუალად \ სხუანი ხუედრსა მათსა. და
Line of edition: 14    ესრეთ შჳდისა წლისა ჟამთა განგრძელდა ყოფა და ომი ალმუთს.

Line of edition: 15    დღესა ერთსა წარმოგზავნეს ალმუთელთა მულიდი ჴელოვანი, მივიდა ღამით და
Line of edition: 16    შემოეპარა მცველთა ჩაღატა ნოინისათა, შევიდა კარავსა მისსა, მძინარესა დასდვა დანა
Line of edition: 17    გულსა მისსა და მოკლა იგი, რომელ ვერავინ ცნა. და ვითარ განთენდა, იხილეს
Line of edition: 18    კარვის მცველთა, \ ჩაღატა ნოინი მოკლული იყო, იწყეს ტირილად და ტყეპად და
Line of edition: 19    ვაებად; რომელ იხილეს სპათა ჩაღატა ნოინისთა, მირბიოდეს და იხილეს მათცა,
Line of edition: 20    რომე მომკუდარ იყო ჩაღატა, არა უწყოდეს ვისგან მოკლულ იყო.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.