TITUS
Svan Chrestomathy
Part No. 43
Previous part

Text: 41 
Page of edition: 41 
Line of edition: 38 
41. ლიჯლა̈ჲე̄ლ


Line of edition: 39       ლიჯლა̈ჲე̄ლ ობა̈შ ნუკვიშ ლი ი მა̈გ ლაღვროვა̄ლ ლიხ, მარე ხოშა̄მ ლაღა̈ლს
Line of edition: 40    როგვა̈ ითქარშვ იჯლა̈ჲე̄ლხ მეჯლა̈ჲე̄ლა. მეჯლა̈ჲე̄ლ ხოშა ლაღა̈ლ ზურა̄ლ ლი.
Page of edition: 42  Line of edition: 1    ღვეჟმა̄რე ძვირდ გარ იჯლა̈ჲე̄ლ. ეჯა̄ჲ ლა̈თხვჲარჟი̄ნა̈შდ ლახ ა̈ნთვე̄ნი ცხირშვ ი
Line of edition: 2    პინტშვ ლიჯლა̈ჲე̄ლს, ადო ეჩურ ღვეჟმა̄რა შგვირ ხაბჟა ლიჯლა̈ჲე̄ლ (\\ ლიჯლაე̄ლ).

Line of edition: 3       როგვა̈ ითქარშვ ლიჯლა̈ჲე̄ლ ამჟი̄ნ ლი: მეჯლა̈ჲე̄ლ ქა იშჷლდა̈ნი ო̄შთხვეშდიაშხვ
Line of edition: 4    როგვა̈ ითქს, ეჯას ჩვაჰრე ზუჰე̄რა̈̄ ლანკვრიჟი̄ნ. სგა იყვბე აშხვ ა̈დგილთე̄სგა.
Line of edition: 5    ერხის ტოტისგა იყდა̈̄ნი, ტვეტს პილა̈რთე̄სგ'ა̈ჲე̄სგი ი ხაყლე როგვა̈ ითქა̈რს: "ჯგჷრა̈̄გ
Line of edition: 6    ჯჷლიშ მა̈ლდია̈ნ, მა̈დილ ჯე̄რა! ალ ი ალ გვეშ ჩვე̄მმა ისკეთო̄ლდე̄დს, ღო ისგვი
Line of edition: 7    ლუნჯვა̈რ ახაკვრ მა̈ლდია̈ნ, იშგენ ნო̄სამა გვეშ ოხჩჷშა!" ეჩქანღო ქა̄ფხჟჷ̄რე
Line of edition: 8    სამდ თხუმქა, ღო ნე̄სგაქა ი ეჩქანღო ჰოკერქა ი ხოსგდი ქა ნაჴა̈დვ ჯჷლჲა̈რს. მჷჯლა̈ჲს
Line of edition: 9    ლახე ლა̈ხჭვედნი, ჟი როქ ხათერ ლუნჯვა̈რს, ტე̄ვას, კუმში კვა̈დს, საკა̈ცხს,
Line of edition: 10    დაგრას, ჰა̈ყბას, ლიდურვა̈ნის ი ხოლა̄მ ი ხოჩა̄მ.

Line of edition: 11       მჷჯლა̈ჲ ჲერვა̈̄ჲ ლი', ჩი̄ საბრალდ ხა̄რ ქორისგა.

Line of edition: 12       ნაქსევშვ ლიჯლა̈ჲე̄ლ ამჟი̄ნ ლი: ქა იკმუ̄ნეხ ჯო̄დი პინტს ი ჩვა̈ნშა̈ნიხ. ეჩანღო
Line of edition: 13    ჟ'აპურჭა̈ნჲე̄ლეხ, სგ'ა̈̄ჲე̄სგიხ უშკვმუყვ ი ხაფსტუნეხ: "ჯგჷრა̈̄გ ჯჷლიშ მა̈ლდია̈ნ!
Line of edition: 14    ალ ი ალ გვეშ ჩვე̄ ნემურჯო̄ლდე̄დს, ღო ნაქსევს ლახცხა̈მვინ ი ლა̈ჯიშს ლახკვიდინ! "
Line of edition: 15    ეჩქანღო ქა̄დ იკმუ̄ნეხ პინტს ი ნა̈კვიდ ლი ჰა ნაცხა̈მ პინტი ნაჯვდი ლჷნშანთე̄სგა,
Line of edition: 16    ეჩნუშ ესერ ხეჰვდიხ ლალთა̈რჲა̈ ლა̈ნშა̈ნ. ეჩი̄შ მა̈მ ხოხახ, ე ქა ლაბჷდჟი̄ნ
Line of edition: 17    პინტ ქა იჯოდუნი.

Line of edition: 18       ცხირშვ ლიჯლა̈ნჲე̄ლი ამჟი̄ნ ლი: მეჯლა̈ჲე̄ლ ქ'ა̄ჭა̄რვე სამ მუგუ პინტს, ეჩქანღო
Line of edition: 19    ისგდ ჟ'აკვშდენი ჩი̄. ალჲა̈რს სამ ა̈გიქა სგა ხაჭვენი ცხირს ი ნა̈შყვს ჩვა̈ნგჭე,
Line of edition: 20    ეჩქანღო უშკვთე̄სგ'ა̈̄ჲე̄სგი ი სგა ხოდე̄სგი ჯჷლა̈ჲს მა̈̄ჲ ხეჭკჷ̄რ'ე̄ჯას, ეჩქანღო
Line of edition: 21    ქა ხაფშგჷ̄რე ი ერხი პინტა̈̄რ ლახე ქა ხეფშგჷ̄რიხ, ეჯა ხოჩა ხოხახ.


Line of edition: 22 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.