TITUS
Svan Chrestomathy
Part No. 86
Previous part

Text: 81 
Page of edition: 71 
Line of edition: 28 
81. ბჷღა̈̄ მურყვამ ჰა̈დი̄შ


Line of edition: 29       ჰა̈დი̄შ სოფელ ნე̄სგაისგა ლჷგ ეშხვი ჰა̈დვირ მურყვამ. ამის ჰა̈დი̄შა̈რ ბჷღა̈̄
Line of edition: 30    მურყვამს ხაყლეხ. ალ მურყვამს სგა ლაზ ყო̄რ ჩუქვა̄ნჩუ̄ნ მჷმშხა დუღვრა̈ჲა̈რ
Line of edition: 31    ხაჭიმხ. ჰა̈დი̄შთე̄სგა მა̈̄ნკვი̄ მე̄ზის ხასკვრელ ი ხამბა̈ჟ: "იმღ'ე̄სერ ი̄რი ამჟი̄ნ. ჯერ ა̈ბს
Line of edition: 32    ესერ მა̄მ ხაჯეშ". ჯერბა̈ ბა̈ჩ ლახე ხენხი ჭვა̈დს ლა̈გმა̄ლი̄ნ, ეჯა გვიანდქა წჷრნი
Line of edition: 33    დუღვრა̈ჲს იჭმინე ჩუბა̄ვ.

Line of edition: 34       ჰა̈დი̄შა̈რ ამი̄ ბედჟი̄ნ ამის ა̄მბვიხ ა: ჯვინალდ ჰა̈დი̄შ ლეჟა̈̄ნ ოლ ერ ლი ათხე,
Line of edition: 35    ამეჟი̄ნ სოფელ ლჷმზიგ. ამის წვირმი ხაჟხე̄ნა, მარე ალ სოფელს თაშა̈რ ოთგახ
Line of edition: 36    ლათოფდ, ეჩქას ღე̄რბეთ ჟ'ალხირნე̄ლი, ოლ ოხძგვიბა ი ალ სოფელ ჩ' ოთნახა
Line of edition: 37    ოლს ივალა̈დღიშდ. ალ წვირმიხა̈ნქა შუკვ ელმა̈̄ზ შვა̈ნთე ი ჯვინალდ ამექა ხა̄რახ
Line of edition: 38    ლაზ-ლაჩა̈დ სა̈ვჲა̈რს ი შვანა̈რს. ლა̈ჲმახვა̄ლჟი̄ნ ი̄რო̄ლ ჰა აშ, წვირმის ი ჰა̈დი̄შს
Line of edition: 39    ეშხუ მახვში ხარდე̄ნახ ი ამის ბჷღა ხაჟხე̄ნა.
Page of edition: 72  Line of edition: 1    აშხვ ზავ ესნა̈რ სა̈ვჲა̈რ ოხვშგა̈ბხ წვირმის ი ჰადი̄შს. წვირმა̈რდ ჰადი̄შთ'ა̈̄დქა̈̄ბხ
Line of edition: 2    ესნა̈რ. ჰა̈დი̄ში ჟ'ა̈ნნა̈ზო̄რა̈̄ნ ი ლახორ აჩვმინხ ი ლა̈ხჭვედდახ მინე მახვში
Line of edition: 3    ბჷღას: "იმჟ' ესერ ხეჩვე̄ნი მინე გვეშ?" სა̈ვჲა̈რს სგა უჰა ხა̄რახ ჰა̈დი̄შთე̄სგა. ბჷღად
Line of edition: 4    ხა̈̄ქვ ესნა̈რ: "მინ, მახეღვაჟა̈რ, სოფლი ფე̄დჲასუ ა̈თპა̈ჟხ. ბეფშვ ი ზურა̄ლ
Line of edition: 5    ესერ ქა̄ვ ადქა̄ბვნეხ. ჯ' ესერ მურყავმთეჟი̄ნ ადრი, მიჩა ხეხვ ესერ სგა ლა̈ხჴერნი
Line of edition: 6    მიჩა მჷლჩად თვეფ ლაკვა̄ნჟი̄ნ. სა̈ვჲარე მათხვმი მიჩ ესერ ჩუ ხოთრა. თვეთნე
Line of edition: 7    ხაზრა̈რ ესერ ხო̄გ ოსა̈რჟი̄ნ. ეჩის ესერ ჯა მურყვამხა̈ნჩუ̄ნ ჩვადდაგრი. ეჩქას ეჯას
Line of edition: 8    აფხნეგა̈რ ესერ ჟ'ა̈ხჟვემი, ამჩიქქ' ე̄სერ მინ ჩი̄ხა̄ნ სგა̈ვ ა̈ხჭვა̄დხ ი ჟი̄ვ ანხვიტხ სა̈ვჲა̈რ.
Line of edition: 9    სემი ღეთ ესერ ჩუ̄ვ აცვირხ ლჷჲა̈რ ი ეჯჲა̈რ მიჩ ჟი̄ვ ოთჴიდხ მურყვამთეჟი̄ნ".
Line of edition: 10    ალჲარდ ჩ' ოთჯჷრვეხ. ბჷღა მურყვამთეჟი̄ნ აჩა̈დ. ხეხვ ჩვადშგურა̄ნე, ერე
Line of edition: 11    "მიჩნე̄მ ესერ თვეფ ქ'ო̄თმეწვნას, ეჩქას ესერ ჯა ბარჯა̈რსუ ლოხვგუდირდა. თვეფ
Line of edition: 12    ესერ ღვეშგმა̄ვ ხა̈ძგრინე, ეჩქას ესერ ჩუ დო̄საიმე ა̈დკა̈̄ფს". ამჩიქქა სა̈ვჲა̈რი ანჴა̈დხ
Line of edition: 13    სოფელთე̄'სგა ი ლიმბჟა̈̄ლ ლა̈ჲბინეხ. ბჷღად თვეფ ახფიშვდ მინე ხოშა̄მ ი
Line of edition: 14    ჩვადგა̈რ. ათხე ჰა̈დი̄შა̄რ ი წვირმა̈რ სგა̈̄ხჭვა̄დხ სა̈ვჲა̈რს ი მა̈გ ჟ'ანხვიტხ სამ მა̄რ
Line of edition: 15    ა̄ნქა. ალჲა̈რ ბჷღას ჟ'ოთჴიდხ, ბჷღად ალჲა̈რ ხანჯარშვ ჩუ როქვ ა̈ძიჰხ მურყვმა̈
Line of edition: 16    ყო̄რჟი̄ნ ი ეჯჲარე ზისხ როქვ ლი ათხე ბჷღა̈̄ მურყვამს ერ დუღვრა̈ჲა̈რდ ახჭიმ ჩუ.


Line of edition: 17 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.