TITUS
Svan Chrestomathy (I: Upper Bal): Part No. 27
Page of edition: 21Line of edition: 1
ჟი მოშ ღრდახ, ჟი̄შხე̄მი აშხალს ჩუ ხა̈ყვჩახ ი ეჩჟი̄ნ ჩუ ტეხენდახ. ეჯა ეჯ სოფლი
Line of edition: 2
ხოჩა̄მ ზავობს ა̈ნშა̈ნდა. სერ ეჩუნღო ფხეჟენდა მა̈გ ი მიჩა-მიჩა ქორთე ღრდა.
Line of edition: 3
6.ლა̈მზრ ღერთა̈ მაჯო̄ნვა̈რ. ქრისდიანრე ლანწამ ღერთა̈რნქა
Line of edition: 4
ჯვინალდ შვანა̈რს მო̄შ-მო̄შ ღერთა̈რ ხამწმე̄ნახ, ჲერხის ეჩზუმ პა̈ტივს ხა̈ჩო
Line of edition: 5
მდახ ი ხაყვლი̄ნდახ, ერე ღე̄რბათდ ხოშა. შვანა̈რს ჲერხი მა̄რა̄̈ლი წყილჲა̈ნ მა̄
Line of edition: 6
რა̄̈ლ ხოხალდახ. ობა̈შინ ვირჲა̈ჲრე ღერთა̈რი ხამწმნხ.
Line of edition: 7
#ა . აშხვ ღე̄რბათ ვეჩხტა̈რს ხაყლახ ი ეჩას ვებშა̈რს ხემზრდახ ლემზირჟი̄ნ ე̄ჩი ნახა̈ზს ხა̈გნახ. საფტინა̈რს ვირჲა̈ჲა̈რ დიჲა̈რშა̄ლ ლჭრდიგა ზექი ბეჭედს
Line of edition: 8
ხატყა̈ცდახ ლემზირჟი̄ნ. მაშე̄ნე პა̈ტივისგ სოლომნ ხეყა̄̈დხ, ეჯა ლა̈სვ ლა̈კ
Line of edition: 9
რიშ, ლა̈შკდაშიშ, ლითხვჲარა̈შ, ლილგიმა̄ლეშ, ლიჴლვანა̈შ ი ჩი̄მი ხელობა̈ ღე̄რ
Line of edition: 10
ბეთ. ამღა ობა̈შს ხემზირდახ ეჯას.
Line of edition: 11
#ბ. თე̄რლე მემშედა̄̈ლ ხებჟა̄̈ნხ ჲა̈ნლატლი̄შ. ეჩხა̄ვ ზურალა̄̈რ ლადბა̈შთე
Line of edition: 12
ღრდახ, ქ, ა̄ნყახ ფეტვრა̄̈ ჭკტა̈რს. ეჯჲა̈რს ჟი ხა̈მზრდახ ი ხეჴ̄რა̄ლხ თე̄რლე
Line of edition: 13
მასტუ̄ნა̄̈ ლიჟგენის.
Line of edition: 14
#გ. ცხმრი "ტეხიშ " ი ლენჯა̄̈რა "ჴვიდ " ასვარე მა̈ზიგს ხემშედა̄ლხ
Line of edition: 15
ი ეჩხა̄ვ ღრდახ ლადბა̈შდ. ასვარე მა̈ზგუვა̄რა ხეჴ̄რა̄ლხ ეჯჲა̈რს, ერე ქა̈რ ი მა
Line of edition: 16
ზიგ ი ასვარე მა̈კვშა ქ'ა̄თჟაგე̄ნხ.
Line of edition: 17
ლისგვრე̄შ ხა̄დხ შვანა̈რს ი ეჯ ლა̈დღი ლადა̈ღ ჟი ლყა̈ჯ ხა̄დხ თხე̄რა̄̈ლხა̈ნ
Line of edition: 18
მტა̄̈რხა̈ნ, ჯა̄̈ვრხა̈ნ ხოლა ჭა̈ხხა̈ნ. ამ ღე̄რთა̈რს ხემზირდახ აჯაღ შვანა̈რ.
Line of edition: 19
#დ. ლითხვჲა̈რ აფსა̄თს ხებრა̈ჲა̄̈ნ ი მეთხვჲა̈რ მა̄რე აფსა̄თს ხემზირდ" ე̄რე
Line of edition: 20
ე̄რენა̈თხვჲარე ლოჰოდე̄ნს მიჩა ჟრშვ ი წყალობშვ.
Line of edition: 21
აფსა̈თს ი ტეხიშს ღვაჟა̈რ ხემზირდახ ი ჴვიდს _ ზურალა̄̈რ. ჴვიდს აჯაღ ხემთქ
Line of edition: 22
ვა̄̈ნხ ეშხვი გვეშ: ჰ̄ლშიე̄რ ზურალა̄̈რ ლადბა̈შს არდახ, ეჩქას ბოფშა̈რ ეჩელექვა
Line of edition: 23
მე̄ზი ლიცხა̈ნქა კვეტო̄ლ ლ̄ლჰანდილს იკვა̄ნახ. ეჩექა ცხირი ბოგს ხადა̄̈სგდახ ჟიქა̄ნ ჟ, ატო̄მბახ, ეჩქანღო ბოფშა̈რ ჟი ღრდახ ზურალა̄̈რთე, ქა ითიშდახ აშხვ,
Line of edition: 24
შნისგა ლემზრა̈რს ხა̈ყდა̄ნნვახ, თე̄რა̈რს ჩუ ხოჭვე̄ნდახ ი ვეშგდ ლა̈ტხუშ ჩვა̈ჲა̄̈სგდახ,
Line of edition: 25
ბოგო̄ლთეჩუნ ეჩეჩუ ლემზრა̈რს ჟი ხა̈მზრა̄̈ვნახ, ლუტო̄მბა ლიცს ქა
Line of edition: 26
თხირახ ი ბოგო̄ლს ქ, ა̄̈ჲა̄სგდა ლიც. ალა ეჩი̄ ლა̈ნშა̈ნ ლა̈სვ, ერე ლიცს ლაღე̄ზა̄ლჟი̄ნ
Line of edition: 27
უმარჯვ ნომ' ო̄თყერე̄ნს ლექო̄რა̈ლდ.
Line of edition: 28
#ე. სუნდუქ (\\ სუნდუქვ) დეცეშ ძღდ ლჴმა̈შ ღე̄რბეთ ხებჟა̈ნხ
Line of edition: 29
შვანა̈რს.
Line of edition: 30
ამნა̈რ ეჩზუმ ხაყვლუ̄ნიხ, ერე ლახე ჯლა̈ჲ ხაყლე, ეჩქას ჴანა̈რს ი უსხვა̈რს ხოლგენდახ ამის. შომვა̄̈ჲ ჩვა̈ჲსენიხ, ეჩქას ხეჴ̄რა̄̈ლხ, ერე დიდა̈ბი ლეჴედ
Line of edition: 31
სუნდუქვ დეცეშდ მიჩა მეფშვდე მა̈ზიგ ქ, ა̄თქა̄ბვნას მემზირი ქორა̈ მერდა მა̄რა".
Line of edition: 32
სუნდუქვ დეცეში ლალგენა ჴა̈ნს სუნდუქვა̈ჲს ხაჟხენდახ ი ჟი ნა̈ლგა̈ნუნღო, ოდე ჩუ დო იჲსო̄ლდა, ეჩქად ეჩი̄ ლივღვი და̄̈ს ხოშიდდა.
Line of edition: 33
#ვ. ნათხა̄̈რვ. თხე̄რა̄̈ლხა̈ნ ლცხა̈ტ ლადა̈ღს ნათხა̄̈რვს ხაყლახ ი ეჯ ლადა̈ღ
Line of edition: 34
ლემზრარშვ ხე̄ჴრა̄ლხ ჯგრა̄̈გს, ერე "მიჩა ჟეღა̈რ ნომ' ო̄თფი̄შვდე̄ნს მინე ქვინლმგენა̄̈ლთე". თხე̄რა შვანა̈რ ჯგრა̄̈გი ჟეღს ხაყლახ. მლჯგრა̄̈გ მა̄რა მა̄დ
Line of edition: 35
ხოშდნ თხე̄რე̄მი დაგრა, ადო შომვა̄̈ჲ ამკა̈ლიბს ჩუ იჩომდა, ეჩქას ეჩი̄ ქვინლ̄
Line of edition: 36
მგენა̄̈ლს თხე̄რა̄̈ლ აშხვ დე̄მ როქვ ცვირახ.
Line of edition: 37
ჯვინალდ თხერ' ა̄დგა̈რდახ, ეჩქას ეჩი̄ ტუფს ჯო̄დი ხვატჟი̄ნ ჟი ხალჯენდახ,
Line of edition: 38
ჟი ინზო̄რა̄ლხ ეშდ ლეთ მახეღვა̈ჟ. ჩიქე მინე სოფელს ხეჭმენდახ ი ყო̄რჟი̄ნ იღ-
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
