TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 46

Text: 34

Line of edition: 35

34. ბოფშრე ლა̈შდრა̄ლა̈რ

Line of edition: 36       შვანისგაჲ ხოხახ ბოფშა̈რს ლიშდრა̄ლ, იმჟი̄ნ იშგნა^̄̈გი ბოფშა̈რს:

Line of edition: 37       1. მირმიქე̄ლა. ბოფშა̈რ ჟი ინზო̄რა^̄̈ლხ, ეშდღეთ მურგვალდ ჩუ იგნიხ
Line of edition: 38    ი ტოტა̈რს უშხვა̄რ ბარჯა̈რქა ხადე̄სგიხ. მე̄რმე ეშდ ჟი ხეკა^̄̈რჩხიხ ალჲა̈რს ი ბარჯა̈რჟი
Line of edition: 39    ჟი ხეგნიხ. ალჲა̈რი ტოტა̈რს უშხვა̄რ ბარჯა̈რჟი ხადე̄სგიხ, ერე ჩუ ნომა ანშყეხ.
Line of edition: 40    ეჩქანღო ჩუბეშა̈რ ლისიპს იბნეხ ი იღრა^̄̈ლხ: "ქე̄ილა̄, ქე̄ილა̄, ჟ' აჲ ლაჯსიპვ-
Page of edition: 36 Line of edition: 1    ნი, ჩუ̄ჲ ლაჯკვა̄ნე , ო̄რი მრმიქე̄ლა! " ალჲა̈რს ჟიბეშა̈რ ხოცა^̄̈დიხ: "ქე̄ილა̄, ქე̄ილა̄,
Line of edition: 2    დეშ ლანსიპვნიდ, დეშ ლანკვა̄ნედ, ო̄რი მირმიქე̄ლა! " ამჟი̄ნ იშდრა^̄̈ლხ ეზა̈რ ხა̈ნს.
Line of edition: 3    ეჩქანღო ჩუბეშა̈რ ქა ხოქდენიხ, ჟიბეშა̈რ ჩუ შ̄დნიხ ი ხვა̈ჲ ლი̄ცვ ხეფსი.

Line of edition: 4       2. ლილთო̄ბა̈ლ. ბოფშარ, ოშვა^̄̈ჲ დო ი̄რახ, ჩუ იყვლუ̄რა^̄̈ლხ ჲარვდ,
Line of edition: 5    ხნსგა _ აშხვთე ი ხნსგა _ მე̄რმათე. ალჲა̈რს ჩი ც̄ჴემდა̈რ ხუღვეხ ი ჩუ სგურხ აშხვ
Line of edition: 6    ა̈გის. ზუგვი ძირისგა ნიშა̈ნ ხო̄გხ ი ეჩხა̄ვ ცჴემდა̈რს ხა̈ფშვდეხ თვითო̄ლაჟი̄ნ ხერასშვ.
Line of edition: 7    ქა ლესრე ერვა^̄̈ჲ ლი, ეჯას ქა მსრე ჟი ლესგვრე ხა̄რ ბარჯა̈რჟი̄ნ ი ქა ლეი
Line of edition: 8    სუმინ.

Line of edition: 9       3. ლიშნეგალ. ბოფშა̈რ ჩუ ყველნიხ ჲარვდ. ეშხუ მიჯვრა ხუღვეხ ი
Line of edition: 10    ამის თვითო̄ლაჟი̄ნ ხა̈ფშვდეხ ნიშა̈ნს. ქა ლესრა ჟი ლესგვრე ხა̄რ ბარჯა̈რჟი̄ნ ქა
Line of edition: 11    მსრე.

Line of edition: 12       4. ცხირი ლიჭი̄რხი. ბოფშა̈რ აშხვ ა̈დგილჟი̄ნ ლა̄რაისგა ჯო̄დი ცხირს
Line of edition: 13    ჩუ ხოსვემხ ეჩჟი̄ნ ჩუბა̄ვ, ერე თხვიმილდ ვედნილდ გარ ხოწვა ჟი. ეჩქანღო მინ
Line of edition: 14    ქახიქა ისგვრიხ, გაჩა̈რ ხუღვეხ ი იბნეხ ლიშდრა^̄̈ლს.

Line of edition: 15       გა̈ჩა̈ ლიკვა̄ნეს ობა̈შ შვიმიშ ხაკუჩ ლეჩვმად. აშხვ შვიმს ჩუ იჩომ ბეფშვ, ეჩქას
Line of edition: 16    მე̄რმა იბნე ი ამჟი̄ნ, ოდე დო იჩვე̄რი. ეჩქანღო მე̄რმე იბნე ი ეჯა იშდრა^̄̈ლ ჩუ
Line of edition: 17    ლიჩო̄რა̄ლა^̄̈ლვ.

Line of edition: 18       გა̈ჩ ლი ლეკვა̄ნე ჩიქა ტაფ შივშ, ეჩქანღო თვითო̄ლაჟი̄ნ ფხულა̈რ ლიხ ლეხრესი
Line of edition: 19    ი ეჩჟი̄ნ, ღო თხუმურულ, ეჩქანღო კუპური, ღო პილშვ ლიკვა̄ნე, ეჩქანღო
Line of edition: 20    შდქშვ ლიკვა̄ნე, ნებგვაჩუ̄ნ ლითხპი̄ნე ი ეჩჟი̄ნ ლიკვა̄ნე. ამის ჩი̄ ქ'ა̄სრულეხ,
Line of edition: 21    ეჩქას სერ ეშ ხათგნეხ ტოტშვ გა̈ჩს ი ლიჩო̄რა̄ლა^̄̈ლვ ხათგნე. ეჩქანღო ცერი
Line of edition: 22    ნაზიმს ჟი იზმი ცხირთე̄სგა. ეჩქანღო მე̄რმე იბნე ი ეჯაჲ ამჟი იჩომ, ღო მე̄სმეჲ ი
Line of edition: 23    ოშვა^̄̈ჲდ ი̄რიხ, მა̈გ ქა იხრესჲელხ. ჲერვა^̄̈ჲ მა^̄̈ნკვი სგა̄დჰე̄სგი, ეჯას მა̄მ ხა̄რ ლეჭი̄რხი
Line of edition: 24    ცხირ, ჲერვა^̄̈ჲ ღვეშგემეპილდ სედნი ი სგა დოშ ადჰე̄სგი, ეჩის ხა̄რ შდქარშვ ლეჴფე
Line of edition: 25    ცხირ, მარე სურუ გარჯ ხოჴდენი, ცხირ ჩუ̄ბა̄რ ხოსვა ი შდქარშვ ლეგ ლეგდური
Line of edition: 26    ხა̄რ.

Line of edition: 27       5. ლიჩხტა^̄̈ლ. ჲორი ბეფშვ ჟი ინზო̄რეხ ჩხტა̈რს, ჩუ ილთობა^̄̈ლხ ი
Line of edition: 28    ჲესვა^̄̈ჲ ხუნკვიდ ხეხო̄ლა, ეჯა იბნე ლიჩხტა^̄̈ლს.

Line of edition: 29       შიყვილთე̄სგა სგა იჰრე ჩხტა̈რს ი ჟ'აკვა̄ნე ჟიბა̄ვ. ეჩქანღო შის ქა̄მენ ხოხლინე.
Line of edition: 30    ეჩეჟი̄ნ ჩუ მა^̄̈ სედნიხ ჩხტა̈რ, ეჯჲა̈რს ჟი იშლდა̈ნიხ. ლახე ტველ ი ტველ
Line of edition: 31    ლიხ, ეჩქას მა̄მ გვეშ ხეხო̄ლიხ. ლახე ყად ხეჩდა, ეჯა ეჩი̄შ ლი. ამჟი̄ნ იხრესჲე̄ლხ.
Line of edition: 32    ჟი ხეფშენიხ, ეჩქას ნანზო̄რ ჩხტა̈რს ქა იშლდა̈ნიხ, ესვა^̄̈ჲ ხოფშირა ხუღვე, ჲედ
Line of edition: 33    მა̈ზუმვა̈ჲ ქა ხოსა̈რ, ეჩზუმ ტიკ ხო̄ზ მე̄რმა.
Line of edition: 34    მა̈ზუმვა̈ჲ ქა ხოსა̈რ, ეჩზუმ ტიკ ხო̄ზ მე̄რმა.

Line of edition: 35       6. ლიყანსგურა^̄̈ლ. დი̄ნა̈ლ ი ჭყინტა̈რ ჩუ ყველნიხ ჲარვდ ი ჩუ ილთობა^̄̈ლხ.
Line of edition: 36    ეჩქანღო ყა^̄̈რს აკვა̄ნეხ. ყა^̄̈რ ლ̄ტა̄ბე ლი ეჯკა̈ლიბდ ერე აშხვხა̈ნ ში̄მი
Line of edition: 37    ლაგვდირ ხა̄რ. ყა^̄̈რს ნე̄სგაჲსგა აშხვ ფოყხა̈ნ ჯვა̈რ ხა̄გ. ალას ქუთ ხაჟხა. მე̄რმა
Line of edition: 38    ფოყხა̈ნ მა̄მგვეშ ხა̄გ ი ამის კვახ ხაჟხა.

Line of edition: 39       ეშხუ ნაღა̈ლ "ქუთს" ილკვჰე ი მე̄რმე ნაღა̈ლ _ "კვახს". ყა^̄̈რს ეშხუ ლა̈სპუნუშ
Line of edition: 40    ჟ'აკვა̄ნე. ეშხუ ნაღა^̄̈ლ ტუ̄ლი: "ქუთა̈ ლა̈მზრ ქუთ ჩვემნ ჟიბა̄ვ, ქუთ,
Line of edition: 41    ქუთ, ქუთ! "

Line of edition: 42       მე̄რმე ნაღა^̄̈ლ ტუ̄ლი: "კვახა ლა̈მზ̄რ', ათხე კვახობ ლი ი კვახ ხა̈ყრ ჟიბა̄ვ.
Line of edition: 43    კვახ, კვახ, კვახ! "

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.