TITUS
Svan Chrestomathy
Part No. 107
Previous part

Text: 102 
Page of edition: 88 
Line of edition: 25 
102. ჯგჷრა̈̄გ


Line of edition: 26       ჯგჷრა̈̄გს დიდა̈ბუ ათჴედა, ხვა̈ჲ წყილჲა̈ნ! ეჯა ჯვინალდ მა̈̄ნკვი მა̄რე ლჷმა̈̄რ
Line of edition: 27    ი ამსვა̄ლდა̈შდ მა̈̄ჲ მავინ ჩუ ლჷმა̈̄რე̄ლი: და̈̄ვ, ჴეც, ურწყულ ი ამკალიბვა̈რ -- ჩი
Line of edition: 28    ლუმხვიტვინ ი ხოლა̄მ გარ ხა̈ჩვმინა, მარე ღვეშგმა̄ვ ნალჴამშოშ დეშ ლჷმგიჭვინ
Line of edition: 29    თხუმ ი ობა̈შინ ამსვა̄ლდსი ხოლა̄მ ხა̈ჩვმინა: ალა ღერთა̄ლს ოთსა̈სტკახ ი ხოქვახ:
Line of edition: 30    "ალ მა̄რ' ე̄სერ ოხვგონვეხუ ესამა ი მინეცახა̈ნ მერდადუ ანსყეხ".
Line of edition: 31    ანჴა̈დ ესნა̈რ აშხვ ლადა̈ღ ქრისდე ფუსდ ი თა̄რინგზელ, მა̄რა̈̄ლდ ანსყეხ თხვიმ
Line of edition: 32    ი ჩვანსგვეჯდახ გიმთეჩუ. აშხვ ცხეკისგა სგა ლახხვი̄დხ ჯგჷრა̈̄გს ი ხა̈̄ქვხ: ჟი̄ვ ესერ
Line of edition: 33    ა̈ნშვემ მინეცახა̈ნ. ამნე̄მ, ა ჯგჷრა̈̄გდ, ესნარ ჟ'ა̈ნშვემ. ალჲა̈რდ, ა ქრისდედ ი თა̄რინგზელდ,
Line of edition: 34    ჟ'ა̈ნკიდხ ხა̈რჯ ი ლახჷრჯა̄ლჟი̄ნ ჩვადუ̄ჟნეხ. ჯგჷრა̈̄გს ლავჟაისგა ქ'ო̄ხკვიდხ
Line of edition: 35    სგა̄შვი̄რ ი ჯიჰრა̈̄ ნამქაჩვჟი̄ნ ჩვესდეხ. ჟ'ადჲეხ ჯგჷრა̈̄გ დეცთეჟი̄ნ ი მინეცახა̈ნ
Line of edition: 36    მერდად ანსყეხ. აშხვ ლადა̈ღ ესნა̈რ ჩვა̈ნჴერნეხ ალჲა̈რდ ჯგჷრა̈̄გ ი ცხეკისგა
Line of edition: 37    ქ'ა̄ნწვე̄ნეხ მიჩა სგა̄შვი̄რ. ალ სგა̄შვი̄რ ეჩჟი̄ნ ლჷჴმა̈შ ი გვა̈მი ჩუ ლჷმა̈რ, ერე
Line of edition: 38    ჯიჰრა̈̄ ნამქაჩვ ძირთეჩუ̄ნ ესვჴი̄ჩა. ჯგჷრა̈̄გს ხოლა ქვინ ლახჴანა ი ლახჭვედნა: "მა̈ჲ
Line of edition: 39    ესერ ლ' ა̄ლა̄: ამჩუ̄ნ ხოლა ქვინ ესერ მირ ჴან?" "ალ' ე̄სერ მიჩა სგა̄შრი ქვინ ლი,
Line of edition: 40    მინს ესერ ქ'ო̄ხკიდახ მიჩეშდ სგა̄შვი̄რ ი ალ ნამქაჩვჟი̄ნ ესერ ესვდახ". ჯგჷრა̈̄გს
Line of edition: 41    ესნარ გუნ ათჷმბაჟჷნ ალა.
Page of edition: 89  Line of edition: 1    ეჩქანღო სერ ღერთა̈ლს ჩ'ოთცვი̄რახ დიდა̈ბი ლეჴედ ჯგჷრა̈̄გ ამსვა̄ლდა̈ მაშედდ.
Line of edition: 2    ეჩქანღო ლი ამბა̈დ მეცვრე, ერე ლახე ქრისდია̈ნ მა̄რე ჯგჷრა̈̄გს ხეჴჷრა̈̄ლ
Line of edition: 3    ლიმშედა̈̄ლს, ეჩქა ეჯა ჩუ როქვ ხაშიდ ამსვა̄ლდს ი მიჩა მეწე̄ნა̈̄ლ როქვ ლი.


Line of edition: 4 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.