TITUS
Svan Chrestomathy
Part No. 116
Previous part

Text: 111 
Page of edition: 94 
Line of edition: 7 
111. ტიტი ი გუა


Line of edition: 8       ტიტი ი გუა წა̈მ ლახვბა ლჷმა̈̄რხ. ტიტი ხოშა მაგვრე̄მა ღალ ლჷმა̈̄რ ი გუახოშა
Line of edition: 9    ლჷმხა̈ლ ი ხოლე̄მი ჰარა̈კ. გუა გუნ ხასხათა̄ლ', ე̄რე ტიტი იმვა̄ლეჟი̄ნ ქ'ო̄თღი̄რე̄ნს
Line of edition: 10    დაგარშვ ი ერქჷდა̈̄ში ნამხუბი მიჩ ესსედე̄ნს, მარე ტიტ'ე̄ში̄ ჩუ ლჷმა̈რდ
Line of edition: 11    ი ლა̈ლზიგა̄ლისგა სურუ ხოჩა ლჷმა̈̄რ ქორს ი ცხეკს. მა̈̄ნკვი ქორ ხახვიე̄ნახ მინე
Line of edition: 12    ხოშა̄მ. ეჩჷნქ' ა̄ჯაღ ჟი̄ბი ლა̈ლზიგ' ო̄თგახ ი სარაგ ჰა̈ზვისგა ლოხვზვაბნახ, სგვებინჩუ̄ნ
Line of edition: 13    ხოჩა ლა̄რე ლეჭა̈̄ხი ხაღვე̄ნახ ი გუნ ხოჩა ლიზგე ხა̄რახ. აშხუნღვ' ე̄სნა̈რ
Line of edition: 14    ლაჴვა̈მი ჩუ ადგეხ. გუვ' ე̄ში̄ ხესხათა̄ლ ტიტი̄ დაგრას იმვა̄ლეჟი̄ნ. აშხვ ლადა̈ღ
Line of edition: 15    ესნა̈რ ელმჷყთ' ა̄ჩა̈დხ ზაქვთე, ჟ'ანსყეხ ხოშა ლაგვრა̈ნ (\\სვეთ) ი ხაკუჩ, ერე
Line of edition: 16    ქ'ა̄ნკვა̈რიხ ელმჷყა̈რჩუ̄ნ. გუად ხა̈̄ქვ ესნა̈რ მუხვბა ტიტის: "ჯ'ე̄სერ ჩუქვა̄ნუ
Line of edition: 17    ლოხო̄გა̈ნ სვეთს ი იგჭა̄ვ, ჯ'ე̄სერ ჟიქა̄ნჩუ ხომურჯვინვნი ი ხოჩა̄მდ ადკვა̄ნეხ ესერ
Line of edition: 18    ეჩქანღო". ტიტი ღალ ესნა̈რ გუდ დეშ აჴა̈დ გუვა̈̄ მახალს ი ჩუქვა̄ნჟი̄ნ ლოხო̄
Line of edition: 19    გა̈ნ სვეთს. ოხჯვირ' ე̄სნა̈რ გუად სგა სვეთს ი ქა̈ნგურნე. გუვ' ა̈̄ნღლ' ე̄სნარ, ერე
Line of edition: 20    "ტიტი სვეთს ესერ ა̈თნა̈ხი, ჩვა̈დდაგრი". მარე ტიტიშიშდ გიმს ხა̈ჲხა, სვეთ ჟიქა̄ნქა
Line of edition: 21    ქ'ა̄თქადა ი მა̄მ გვეშ ხა̈ყრა. ეჯღა ხაყლეხ ათხე ამჲა̈რს "ტიტი გურანს".
Line of edition: 22    აშხუნღ'ი ჟი მჷრე̄ს ახჟანდა ტიტის ი ქ'ა̄ხეთენა გუას. ჟიბე ლა̈ზგა ტიტის
Line of edition: 23    ათხვიე̄ნა ი ჩუბეშ -- გუას. ალა გუას ათლო̄ნა. ჴედნ' ე̄სნა̈რ ლა̈̄თშვ ი ყა̈̄რჩუ̄ნი
Line of edition: 24    ქორთე̄'სგა ლიგვრე̄ჭის ხობნე ტიტის. ტიტის ესნა̈რ მასა̈რდ ხაყლუ̄ნი. ეჩქას გუას
Line of edition: 25    ხო̄ქვა: "მიჩა ქორს ესერ და̈̄ვ ხა̈მთქვა, ქა̄ვ ესერ ლოხვცა̈̄დ ქორ". ტიტის შიშდ
Line of edition: 26    ქა ლოხვცა̄და. ი ჩვა̈მჴედ ჩუბე ქორთე, ათხე რაჟდენ ა̈რი, ამხა̄ვ. ტიტი̄ ნა̈თსა̈ვ ტიტიშე̄რა
Line of edition: 27    ლიხ, ერვეშდიუსგვა მეზგე ლიხ. გუვა̈̄ ნა̈თსა̈ვ გუვა̈̄ლშე̄რა ლიხ ი ეშდარა
Line of edition: 28    მეზგე იზგეხ.


Line of edition: 29 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.