TITUS
Svan Chrestomathy
Part No. 132
Previous part

Text: 127 
Page of edition: 103 
Line of edition: 14 
127. ქრისდე̄ თა̈̄სვდებ


Line of edition: 15       ქრისდე̄ თა̈̄სვდებ ლუსკო̄რე ლჷმა̈̄რლი აშხვ ხოჩა̄მ მა̄რე̄მიშ. ალ გვეშ ამჟი̄ნ
Line of edition: 16    ლჷმა̈̄რ: ქრისდე ღე̄რბათ ესწჷხე̄ნა მალე გვეშ, მა̈̄ჲ დო ი̄რო̄ლ, ამი̄შ და̈̄ს მა ხოხალ,
Line of edition: 17    მარე ლჷმა̈̄რ ძღჷდ გვეშ ი უშხვა̄რ ნე̄სგა ლი̄მბვა̈̄ლ ახჩჷ̄დახ ქრისდე ღე̄რბათ ი ალ
Line of edition: 18    მა̄რა. ქრისდე ღე̄რბათ ხო̄ქვა: "მიჩ ესერ ხაწჷხ ალ გვეშ ესერ ჟი̄ვ ოხვსყე ი ეჩქ
Line of edition: 19    ანღვ'ე̄სერ მა̈̄ჲ ხეკვდენი, ეჯ ჟჷრს ქა ლაჰვედნე". "მა̈ჲ ესერ ხაწჷხ ეჯკა̈ლიბ?" "მაჲ
Line of edition: 20    ესერ ი ეშხვი გვეშ ლი: თხვიმ ესერ იმხა̈ნ ხა̄რ მა̄რა? ამი̄შ ესერ მა̄მგვეშ ხომჴერა
Line of edition: 21    ი ამი̄ ლალთა̈რს ესერ ერვა̈̄ჲ ქა ლახთვე̄ნი, ეჩი̄ ა̈რთგვილ ესერ ი მაშედ ჯა ი̄რა".
Line of edition: 22    ეჩქას ალ მა̄რე̄მ ხა̈̄ქვ ესნა̈რ: "ჲაღვ ე̄სერ მიჩა თა̈̄სდვებ (\\ თა̈სდვებ) ქა̄ვ ლახვე̄მ
Line of edition: 23    ი ეჩქას ესერ ჯა ქა ლახთვე̄ნი, ამსვა̄ლდს თხვიმ იმხა̈ნ ხალჯა". ანჴა̈დ ესნა̈რ ქრისდე
Line of edition: 24    ღე̄რბეთ ი თა̈̄სდვებ ლახვე̄მ: "ალ გვეშს ესერ ე̄ ქა ხოჴსნე, მა̈̄ჲ ჟჷრ ხეკვდენი,
Line of edition: 25    ეჯ ჟჷრს ლახვედნე". ეჩქას ალ მა̄რ' ა̄თხა̄რა: "ჲაღვ' ე̄სერ ლჷჲარჟი̄ნ მა̄მ ხოხალ,
Line of edition: 26    მა̄რა თხვიმ იმე დო ხალჯა ი ლჷდგარუნღვ' ე̄სერ იმ ა̈ნმეჴრი?" ამეჩუ̄ნ ქრისდე ღე̄ რბათ
Line of edition: 27    ხო̄ქვა: "ალ' ე̄სერ მიჩი ჩუ ხახლე̄ნა ი მა̈ჲ ჟჷრ ესერ ხაყრის?" "მაჲ ესერ
Line of edition: 28    ი მინე თა̈̄სვდებ უდგარა̈ვ ლა̈სვ. მიჩა ი მიჩა ჟახ'ე̄სერ უდგარა̄ვ ლა̈სვ ი ქრისდია̈ნ
Line of edition: 29    მა̄რა მინე თა̈̄სდვებ ლაჰრა̈კდუ ხუღვა̄ნ". ამი̄ თანახმას ქრისდე ღე̄რბათ ქ'ა̄ხჴედა
Line of edition: 30    ი ამჟი̄ნ უშხვა̄რდ ოხვსყახ ალ მა̄რა ი ქრისდე ღე̄რბათ. ეჩქას უშხვა̈რდ ლოჰოდახ
Line of edition: 31    შიჲა̈რ ქრისდეს ი ალ მა̄რა ი ჩვალმჷკთე̄ლიხ. ეჩქანღო ლი ლჷწსე ქრისდე̄-თა̈̄სვდებ.


Line of edition: 32 
მესტია



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.