TITUS
Svan Chrestomathy
Part No. 202
Previous part

Text: 197 
Page of edition: 180 
Line of edition: 1 
197. შვანრეშ მერმე-მერმე მა̈ნკ


Line of edition: 2       1.უშდა ი ნაღვაჟ ზურალ. შვა̈ნისგა ნაღვაჟ ზურალს ჟი
Line of edition: 3    ლინწილნალდ ი უშდა ზურალს ლარდა ქორისგა. იმგვა̈ჲ ლა̈მზჷრ ლი ეჩეჩუ, დემ
Line of edition: 4    ხაგვავიხ. უშდა ზურალს ნა̈ნკ მეგმჷრაისგა ხარ ლარდა ჟი ლიწყლანალდ. ეჩქად ჰარა̈კ
Line of edition: 5    ლეზო̈ბს ეშთექა ხოჴდეხ ი ქახიქა ხოდისგხ ჩუ, სგა დემ ხეთლენიხ, ეჯში. უშდა
Line of edition: 6    ზურალ ლაჴვმია̈შ ნა̈ფდიათეი დეშ ღჷრი. უშდა ზურალა̈შ ნაურწული ეჯზუ
Line of edition: 7    ხაბჟახ შვანა̈რს, ერე შომა̈ჲ მეზგაისგა მადეშიდ ზურალ ა̈რი, ეჩქას მეთხვა̈რ ეჯ
Line of edition: 8    მეზგახენქა ლა̈თვხართე დემ ღჷრი. დეი მეთვა̈რიშ ქამ ლარდოშ ზურალ ქორს
Line of edition: 9    უშდად აჴდენი ი მეთხვა̈რს ნა̈თხვარა ხეკჷრქი, უშდა ზურალს დემ ხამნე ეჩა
Line of edition: 10    ლაღვამჟი ურწყულდ ხაბჯა მუშვნის ნაღვაჟ ზურალ ჟი ლინწილნალდ. ზურალ ვოდე
Line of edition: 11    უშდა ლი, ხოლა ჯვინელ ლერაქვ გრ იქვემ. ალ მა̈ნკ ჟაბეჴევა̈რს ხოშა ბჷგიდ
Line of edition: 12    ხოყდანახ ი ლექვოვიშა̈რს ხოშილ ლჷჲშე ხარხ ი ღჷნერუჟი ალა̈რი გუნ მეკვამდ ხოგხ,
Line of edition: 13    ეჯურ ხოხრამ ხენთხლალხ.

Line of edition: 14       2. უგურგუ̈ნა ზურალცახან ლჷქადობ. შვა̈ნისგა ალ
Line of edition: 15    მა̈ნკ ხამჷნკახ ადა̈იდ: უდურგუ̈ნა ზურალ ი ღვაჟმარე უშხუდ ჩვათქა̈დიხ,
Line of edition: 16    ლაჴვმითე ლიზი̄ ცოდდ ხაბჯახ ი ლა̈მზჷრთეისგაი ი ამიღა ჲესვა̈ჲს ლუშნუ მა̈ნკ ხოგიჭ,
Line of edition: 17    ღჷნერუჟი ამკა̈ლიბს გუნ ხენთხლალ მუშვნი მარე.

Line of edition: 18       3. ქვინი ლიტხე. ქვინი ლიტხე ლი წეს ლჷცთე ნა̈შყედიშ, კოჯს
Line of edition: 19    ნა̈შყედიშ, ბღეთე ნა̈შყედიშ ი კა̈ნდ იშგნა̈გ, ქორს ქამჩუ ნადგარიშ. ქვინი ლიტხე
Line of edition: 20    იჩვმინი ამჟი: ხენჴრენი ჭირისუფა̈ლ ეჯკა̈ლი მარა, ჲესვა̈ჲს ამიშ ლოც ხოხა, ეჯ
Line of edition: 21    ა̈დგითე, იმგვა̈ჲ დაგრობ იროლ. ა̈ჲნეხ მამუ̈ლს, ჩა̈ნგს ი ქუნთეისგა სგა ხეჴდჷნიხ,
Line of edition: 22    ეჩქას მამილ ლიყლეს როქ იბნე ი ამნოშ გუდ როქ ჴედნიხ, ერე ქვინ ამეჩუ ა̈რი.
Line of edition: 23    ეჩქას ლოცა̈შ მჷხალ მარე იბნე ლოცს ი ჭინრიშ ლიშვნეს ი ანღრი ეჯჟი ქორთე.
Line of edition: 24    ქვინ მაყალვა̈რ როქ ლი ი ჩინა̈რ როქ ხაყვლენი ი ხაყვლენ', ეჩქას ღვეშდ როქ
Line of edition: 25    ტეხნი. ალის ეჯნოშ ჴედნიხ გუდ, ერე ჭინირ ლიყლეს ჩუ როქ ქუ̈ცე. ეჩქას
Line of edition: 26    ღვეშტეხნი. ალის ეჯნოშ ჴედნიხ გუდ, ერე ჭინირ ლიყლეს ჩუ როქ ქუ̈ცე. ეჩქას
Line of edition: 27    ღვეშდიდ ხეტხენიხ ი ვოდე ჭინირ ლიყლეს დო იბნე, ხეთხელიხ ი ჟი ითხიხ, ეჩქას
Line of edition: 28    ხოჟო̈ღვხ ქორთე.

Line of edition: 29       4. მეთხვა̈რ მარემ წეს. მეთხვა̈რ მარე ქორხენქა უშდილ ღჷრი
Line of edition: 30    ლეთშვ ი ქ'ესღრი, ეჩქას სგვებინისგა შუკს დას ხეხოლი. ჲერვა̈ჲ ლა̈ხხოლი, ჩუ
Line of edition: 31    ხეპჟენი, ეჯის ქა ფიშვდე, ეჩქას გარ ღჷრი.


Line of edition: 32 
თენგიზ დადეშქელიანი. მაზერი. ა. შანიძე. 7. იხ. 1923 წ.



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.