TITUS
Svan Chrestomathy
Part No. 277
Previous part

Text: 271 
Page of edition: 247 
Line of edition: 29 
271. ყანსავ ყიფიანი


Line of edition: 30       ეშხუ დროჲჟი ოხჴი̄და წერეთელს ლა̄შხთე ლეკი ჯარ ლა̄შხე მჷკდად. ლეჟა̄
Line of edition: 31    ლა̄შხისა ხვაჲ ანკიდხ. ყანსავ ყიფია̄ნ აჩად წერეთელიშთე: "ნომა მიხვტე ხალხს,
Line of edition: 32    მა̄ჲ ჯეკვდი საჩქვარდ, ეჩის ლაჯო̄დი, მჷხარ სადილს ჯა̄მნი სი ი ისგვა ჯარს". "გუნ
Line of edition: 33    ეზარ". მე̄რმა ლადეღ ჩვაწჲე სადილდ, ჩვესსგურე მინდორისა. სოფელ ჯო̄დიას
Line of edition: 34    ხა̄რ. სადილ ოხჴიდხ, ლეზობ ი ლეთრე. ყანსავს ხაშგმინ წერეთელდ: "მიჩ ლოქ
Line of edition: 35    ჟაგი ლისყი ხოხალ, ჟაგუ ლოქ ხაშჩუქვრე". "ა̄დუ ლოქ, ჟაგს ლოქ ქა ხაშჩუქვრი,
Line of edition: 36    ფინთიხს ლოქ ჟ'ოსქიმე". ამჟი ყანსავს ლჷმა̄რე ხაყა ლეკარე მეშჲა̄ლ მიჩა
Line of edition: 37    ჯარ. "ერ ლოქ ლახტუ̄ლას მიჯნე̄მ: წჷრნი ღვინელ! ეჩქა ჩომინდ ლითოფ".
Line of edition: 38    ისგდი̄რობ ერ ლას, ჩვედშდჷმა̄ნხ ლეკარ, ეჩქა ლახტუ̄ლე ყანსავდ: "ათხე ოხჴიდდ
Line of edition: 39    წჷრნი ღვინელ!" ეჩქა ლას ლითოფ. ჟ' ანკიდხ ლეკარ, მინე წერეთელი̄. ჲერხი
Line of edition: 40    ჩ' ოთჩადხ. ეხჭამხ ღოშგინ ფადე̄ს, სგ' ე̄თი̄დახ შგედი ლახვისა, ჟანხვიტხ ლეკარ.
Page of edition: 248  Line of edition: 1    მუ̄მბვიდ და̄რ აფიშვდხ. ეჩანღო ლეკარ დეშსა ანჴადხ ლა̄შხთე, დეთა̄ჲ წერეთლარ
Line of edition: 2    მოშსა ანჴადხ ყანსავი მაყალშვ. ყანსავ ეზერ მა̄რე ლჷმა̄რ. სავ ლჷბგარ ხაყე̄ნა,
Line of edition: 3    ჟიბე შვანი̄ ლჷბგარ ხაყე̄ნა. ჩი̄ს ხემწირდა, მაგ მიჩა შიჩუქვა̄ნ არდ.

Line of edition: 4       ჲერხის ლექსი ხოხალხ ყანსავ ყიფია̄ნაშ, უმჩა-უდგარვას ხაყლეხ.


Line of edition: 5 
ლაზარე მუკვბანიანი. ლამფალაში. აკაკი შანიძე. 15.ვიიი.1920



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.