TITUS
Svan Prose Texts IV (Lashkh)
Part No. 16
Previous part

Text: 16 
Page of edition: 20 
Line of edition: 1 
III. ცხოველები და ფრინველები

Line of edition: 2 
XVI. მანგერი ასვ ი დასვ


Line of edition: 3       ჴანს, ფურს ი იშგენ მანგერს ხვაჲ ასვ ი დასვ ხა̄რ. ალჲარ ლიხ:
Line of edition: 4    თხუმ, ტან, ფოყ, ლესგ, ლესგი ქიპ, ბარჯ, სხაპ, კი̄ნჩხ, ჭიშხ, თხუმი
Line of edition: 5    აყარ, თე, თე̄მი კოკ, თე̄მი კილვარ, ლეფხვნა, ლეფხვნა̄ სტვი̄რალ,
Line of edition: 6    მაჴვშდაგ (მაჴვშდაგა̄რ), სკელ, სათბილ, ნინ, განთხ, ფლოქვ, ლაგო̄ჯა,
Line of edition: 7    ნუნვარ, ჯორაჲ, აყბა, შდიქ, მუჭ, შტიმ (შტიმრა̄ლ), ფოყა
Line of edition: 8    თხუმ, ჴად, ჩუჩ, ჩილეღვ (\ ჯურჯან), ლუს, ტუფ (\
Line of edition: 9    გვე̄რე), ფათვ, აკვედ, შიყ, ფოლ, სგა̄შურა, გულჩონჩხ,
Line of edition: 10    ყვიჟე, გუ, პერშვდა, ნა̄ნღველ, შუმორ, გაგადაჲ, ლენგვლა̄ შდიქ,
Line of edition: 11    ფაშ, მუხვრიაშ, მაჭიკ, წიკა̄ნტ, მაკურძან, მუჭოდ, ღვესე, ქონ,
Line of edition: 12    ლაგზელა̄რ, ჭემა, ბირკვან, გესიმფორ, წაი, ჴადრა, სუკ, თხუმრა, ქაშბეკ,
Line of edition: 13    ძარღვ, ლაფუ̄ლა, ლეღვი ჯინჯრიკ, კათარ, ჯიჯვ, ყიყრჷ̄ნჯ,
Line of edition: 14    ფურსკვ, ნაქ, ქაჩაჩ, ლაირ (მუწხვის გარ ხა̄რ), საღჷრჭელ, ქუთთარ,
Line of edition: 15    შიყე ჯორაჲ, ბაჯვ, კჷხ, ლადრე̄ცი, ლანტყვი, ფუშ, ტიკ, ლჷჴ,
Line of edition: 16    აკვედი რიკ, ფოჩლიკ, ლუსი კვილფხ.

Line of edition: 17       ჲერხი ჴანარს ფუყვშა̄ლ ხოჴდენიხ ი ეჩის ძვალ ხა̄ჲშხა. ჴანს
Line of edition: 18    ი ფურს ერ შდიქარ ხოქვთან, ეჩის კეკელაჲს ხაყლეხ. საღჷრჭელ
Line of edition: 19    ხეყრენი შდიქარჟი ი ნუნვარჟი ჴანს, ფურს ი ჩა̄ჟს. ხოლა
Line of edition: 20    ლარდა̄ჲსა კუმაშს ჭიშხჟი მჷკი̄რო̄ლ ხეყრენიხ. ამშა ჟაგარ ლი ბა̄გი̄რ;
Line of edition: 21    ფოლარისა ხოცვენიხ. ხამი ძაგვიშ ლი. ფურალს ჩილეღვქა
Line of edition: 22    ლეგლირდე წყლისა ხეყრენიხ. ლუსვარქა ზისხ ოხრზიხ. ფურს ხვა̄ჲხანს
Line of edition: 23    ჩვაშშვე ი ეჩა ლჷჯას მა̄მ ხაყა. ფუშ ხოჴდენიხ ჩა̄ჟარს.

Line of edition: 24       ხამი ასვს ი დასვს ჲერხის იშგენ ჟახე̄ლ ხაჟხახ. ალჲარ ლიხ:
Line of edition: 25    ფლოქვ, წირღვ, კელვერ, ფელიკ, შიყრა, ქილ, ნიჩვ, ქუნჩაფ, კეპილ,
Line of edition: 26    ნეცინ წიკა̄ნტ, მენგრე წიკა̄ნტ, ძაგვ, ქენჩერ, ყელშერ, ლა̄ჲფე̄ლ,
Line of edition: 27    კუ̄ნტუ, ლაშტმუ̄ლდ, ნინო̄რა, ტყლიპ, ზისხო̄რა, ბადიაჲ,
Line of edition: 28    მუხვრიაშ (მენკე̄რა̄ლ, მეკერტანა̄ლ), მაკურზან (\ მაკურძან), პოხილ.

Page of edition: 21 
Line of edition: 1       ხამარს ხპზნახ ლიკეშკეშა̄ლ, ხაზნახ ლიღუ̄ლი. კჷხ ხოხალ ხამი
Line of edition: 2    ლეღვს. ლაგაფდ მაჩე̄ნე ლი ბარჯ, ლაფშგე̄ლ.

Line of edition: 3       ვილიში ჩა̄ჟი ასვ ი დასვ ლი: აბტკ, ფაფალ, ჩა̄ჟი
Line of edition: 4    ყიმბრიელაჲ, ჩონჩორიკ, გუგუფ, ჩარბა̄ლ, ძუა, დაღ, თალა̄ფელ,
Line of edition: 5    წურბელაჲ, განძახ, გჷრძნეულ.


არდევან ონიანი. სასაში. მ. ქალდანი. 5. IX. 1958



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.