TITUS
Svan Prose Texts IV (Lashkh)
Part No. 18
Previous part

Text: 18 
Page of edition: 21 
Line of edition: 21 
XVIII. ღოლჲა̄ქარ


Line of edition: 22       ლეჯშა̄ლი̄შ ი შალო̄რა̄ჲა̄ქ მატყი გუ̄ნღა ირდვნახ ღოლჲა̄ქარს
Line of edition: 23    ჲეშდთექა ეში̄ მეზგე̄მი შელდჟი. ლუფხვისა ღოლჲა̄ქარს ქა̄ბრიესდახ
Line of edition: 24    ი ჲერხი ათხე̄ჲ ქა̄ბრიეს ლელდეღდ ი ნალდღუ̄რს ხა̄ვდიხ მჷლდეღს.
Line of edition: 25    ჲერხი მჷლდეღს თელდ სოფლი ღოლჲა̄ქარ ხაბრია ლუფხვისა ლელდეღდ
Line of edition: 26    ი მუჟღორ ქა იტხეხ მინე პატრონუ ი ლუნთისა ნე̄შკაჟი ხუღვახ
Line of edition: 27    მჷსყე ლაღვლჲა̄ქი̄რ ი ეჩეჟი ხა̄მნეხ ჭემს. აშ ხვაჲ ჭემს ამანჭკვრავიხ
Line of edition: 28    ლუნთისა ღოლჲა̄ქარ. ლჷდგარუ̄ პატრონუს ხოშა ხაწჷხხ
Line of edition: 29    ლაძჲად ღოლჲა̄ქარ ვორაყვიჟჟი ი ტაბგი ნაჯგრუნდ საკურთხობჟი.
Line of edition: 30    ზურაჲ ღოლჲა̄ქ ქა ჴჷდე ჟინაღს, ვო̄ბაშინ ჲერუს, ი ჩა̄ს ჟი ირდა̄ლიხ.
Line of edition: 31    ღოლჲა̄ქა ლჷჯას ლეზობდ და̄რ იჴმარი გუშგვემჷყ ი დე თაშს ე̄რ
Page of edition: 22  Line of edition: 1    ასყი ღოლჲა̄ქა ლჷჯე̄მიშს. ზურაჲ ღოლჲა̄ქარცახან თვით გიცარ ჩი
Line of edition: 2    მეზგას ხორიხ.

Line of edition: 3       ლუფხვისა ხვაჲდინ ჩუ̄ჲ აბრა̄ლიხ ღოლჲა̄ქარს, მარა ფათრეკიან
Line of edition: 4    მე̄ვარ ლიხ ღოლჲა̄ქარ, პერპე̄ლი ლეგლირდე ხეზგუნიხ ი
Line of edition: 5    ვო̄ბშინ ჟი კედნიხ.

Line of edition: 6       ღოლჲა̄ქარს აფშვდა̄ლიხ მუჟღორ ი ჲეს-ჲეს -- ლუფხვისა̄ჲ, მარა
Line of edition: 7    ჟინღარე მატყ მაჩე̄ნე ხაბჟახ: ხოჩა მე̄ნშგვე შალ ლოქ ხეფსი.
Line of edition: 8    მატყსი̄ ჩვაშყვდიხ, ჩვაწეწავიხ ი ლაფთი̄რჟი აფთიხ ი ეშ იშხვნიხ
Line of edition: 9    ლელუნთა ლელთად. ღოლჲა̄ქრე ჯოგარ (\ ჯოგარ ღოლჲა̄ქრეშ) დე
Line of edition: 10    ეჩქად ი დე ათხე და̄ს ე̄ს ხაყე̄ნა. ღოლჲა̄ქრე მჷქაფ დაჴლარე ჯოგ-ა
Line of edition: 11    ხაზნე̄ნახ ი ათხე̄ჲ ამჟი ხაზნახ. ფათრეკიან ერ ლი ღოლჲა̄ქ ი
Line of edition: 12    ლუნთისა ლეგ ლეშხვნი ხოშა მუსობჟი, ამღა მა̄ ხაყახ ღოლჲა̄ქრე
Line of edition: 13    ჯოგარ. მუსს დეშ აჭბი ღოლჲა̄ქ. დაჴჷლ ხოჩულ მე̄ზ-მეჩედ ლი ლუნთისა
Line of edition: 14    ი ამღა ირდვნეხ დაჴლა ჯოგარს ი მა̄დე ღოლჲა̄ქაშს. დაჴლარს
Line of edition: 15    სგობინ ხოჟღვა̄ნეხ ი ღოშგინ ღოლჲა̄ქარს ხაჭმინეხ ი ამჟი ხელდეღხ,
Line of edition: 16    ოდო შდა̄შვდ ღოლჲა̄ქარგარ სურუ ფეთიან ლიხ ი ლეგ ლელდეღ
Line of edition: 17    ლიხ ი ლეგ ლეზელა̄ლვნე ლალდღიარ იგიართე ი ლახვართე.

Line of edition: 18       ღოლჲა̄ქრე ტუფარს ჲერს ლუნთისა ლათნაღ ლეჩფჷლდ იჴმარიხ,
Line of edition: 19    ჲერს კე̄შარდ ასყა̄ლიხ ი ჲერს ლაყვრე̄ლჟი ნარშუნდ. აშ ლათნაღდ
Line of edition: 20    ღოლჲა̄ქა ჴემრა̄ლე ჩაფლარ ლიხ მაჩე̄ნე. ამგვარ მაჲ ბჷგი
Line of edition: 21    კვარემ ლე̄სეს, ჟი დე̄მ იკვრემიხ ხოჩა̄მდ ლუნხუნა̄ლე წერექვშვ ი
Line of edition: 22    ლუფხვშა̄ლ იყდა̄ნი ჭიშხარს ტებდიდ ი იმღა ლი, ერე ლუნთისა
Line of edition: 23    მოთნაღ ღოლჲა̄ქა ჴემრა̄ლე ჩაფლარს იშხბა̄ლი ჩიგარ.

Line of edition: 24       დაჴლა ჴემრა̄ლე ჩაფლარი̄ ხოჩა ლიხ ლათნაღდ ი ჩინ მაჩე̄ნე --
Line of edition: 25    ნათხვიარე̄ლეშ. თანაღ აგის კე̄შდი̄ ნათხვიარე̄მი კე̄შ ხოჩა (სერთხი̄
Line of edition: 26    კვიცრა̄შ) ი ამღა ხე ჯა̄ვჲელხ კე̄შარდ კვიცრა̄ ტუფვარს ი დეშდვეშსი̄
Line of edition: 27    ხვა̄ჲდინ.


მთვარისა გულბანი. სასაში. მ. ქალდანი. 25. IX. 1971



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.