TITUS
Svan Prose Texts IV (Lashkh)
Part No. 19
Previous part

Text: 19 
Page of edition: 22 
Line of edition: 28 
XIX. ღოლჲა̄ქ


Line of edition: 29       ღოლჲა̄ქრ (\ ღულჲა̄ქ) გუშგვე სოფელისა ხვაჲს ხაყა. მახვ ლჷთენ
Line of edition: 30    ღულჲა̄ქს ჟინაღ ხა̄ჲშხა. ეჩუნღო ვო̄შთხვ-ვოხუშდ თოჲ ერ
Line of edition: 31    ლეხე̄რი ი ლიკვჩხჲელს ერ ედბინნე, ეჩქა ეჯიშ ხა̄ჲშხა მეწხერდ.
Line of edition: 32    ღულჲა̄ქს ძღჷდ გამოყენება ხუვა: ეჩე ლეღვს, მატყს ტუფს ი
Line of edition: 33    მუჭვარს -- ჩი̄ს იჴმარიხ. ღოლჲა̄ქარს ჲერხის მუჭვარ ჩუ ხა̄რხ,
Line of edition: 34    ჲერხის -- დე̄სა. ზურაჲ ღოლჲა̄ქხ ხოშა ნაღალდ დე̄სა ხა̄რ მუჭვარ,
Page of edition: 23  Line of edition: 1    გიცარს ძღჷდ ლჷწრიხე მუჭვარ ხა̄რ. ღოლჲა̄ქს ლუნთისა ანნიხ ჭემშვ,
Line of edition: 2    ჩუ ხო̄ბხ ბაგჟი. ლუნთისა ღულჲა̄ქს მატყსგა̄ნენ ხოჴდენი თვეთვნე
Line of edition: 3    მჷსი̄სხე მირინოსი მაჯო̄ნ მატყ. ეჯის ხა̄ჲშხა ქულა, ხედიხენქა̄ჲ
Line of edition: 4    ასყიხ ხოჩა ლუშვნუ ფაყვარს. ჯვინელდ მატყხენქა ლჷმჯიშინხ კოსტუ

Line of edition: 5       მარია̄ქ შალს. ალე შალხენქა ლჷმშხებინხ შალვარალს ი ზჷთჴარა̄ლს.
Line of edition: 6    ჲეს-ჲესინ ღვაჟმა̄რე̄ლეშვდ წინდა̄რს ლჷმსყეინხ ი ზურალე̄ლეშვდ --
Line of edition: 7    ხელთითმანა̄რს ი წინდა̄რალს. ღოლჲა̄ქარ იშგენ რაიონალისა

Line of edition: 8       ჯოგობვშვ ხაყახ. ეჯჲარს ი̄შგიხ ი თაშს ჲედ ლჷჯეს კოპერაციე̄ლს
Line of edition: 9    ხაბრიესხ. მა̄რე ერ ედდაგრი, ლიშრავი̄ნა̄ლე ლე̄თ ღოლჲა̄ქს აძჲენიხ.


მთვარისა გულბანი. სასაში. მ. ქალდანი. 24. IX. 1971



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.