TITUS
Svan Prose Texts IV (Lashkh)
Part No. 29
Previous part

Text: 29 
Page of edition: 38 
Line of edition: 21 
XXIX. ლიშხბჲელა̄ლი ი ლიჴჷლტარი


Line of edition: 22       შიშხბჲელა̄ლი ი ლიჴგლტარი ღვაჟარს დე ეჩქად ხახლე̄ნახ
Line of edition: 23    ი დე ათხე ხოხალხ. მჷშხბჲელა̄ლი ი მჷჴჷლტარი ეჩქად ი ათხე
Line of edition: 24    ზურალე̄ლ ლიხ, მარა მაგ მა̄დე, ჲერხი გარ ი ეჩა̄შთე ოსღვანდახ მინე
Line of edition: 25    სამწჷხ ლეშხბჲელა̄ლი ი ლეჴჷლტარი ჩი̄ს სოფლი ხალხს. უბრალ
Line of edition: 26    ლეშხბის (არშულ-ფატანს, ბობშარე ლერექვს, უბრალ კაბს ი
Line of edition: 27    ამკალიბ აში ლეშხბის) ხოფშირა̄მინ ქორს აშხბიხ იშგნა̄გთე უჲად,
Line of edition: 28    ხოჩა ლერექვ მა̄ჲ ი̄რი (ჲედ ვოსარ, ჲედ საგულ, ჲედ ჟიბე-ჩუბეტანარ
Line of edition: 29    ზურა̄ლაშ ი ჲედ ხოჩა ზეთჴარა̄ლ მიჩა ლჷსამუხლდ), ალჲარ
Line of edition: 30    მაგ ხოჩა მჷშხბჲელა̄ლი ზურალე̄ლთე ოსღვახ ი ეჯჲარს ხაშხბუნეხ
Line of edition: 31    ხოშა ნაღალდ ლამა̄რ ლერქვალს.

Line of edition: 32       მჷშხბჲელა̄ლი ზურალე̄ლს ეჩთა̄ნ წყჷზემ გვირიშტი ლიჭმინე
Line of edition: 33    ხოხალხ, ერე ნამარშინაჲს ხასრე. ბჷგი ხეფსი ე ჯნოვშ ლჷშხებს. --

Page of edition: 39 
Line of edition: 1       დუბრა̄ჲ ლიჭმინე შალო̄რა̄ ლერქვალს გარ ხაწჷხ, იდო აშ ლერქვალს
Line of edition: 2    მა̄დე.

Line of edition: 3       ლაშხბჲელ მარშინე̄ლ, მაჲ საკვრელ ლი, ერე ეჩქადა დროჲჟი
Line of edition: 4    და̄ს ხაღვე̄ნახ, მარა ათხე̄ დროჲჟი ჲადურდ ხვაჲს ხუღვახ. ხოჩა
Line of edition: 5    ზურა̄ლა ჟახე ეჯკალიბ ზურა̄ლს ხე̄ქვო̄ლ ი ქა მეკვჲე ი̄რო̄ლ ჩი̄თე,
Line of edition: 6    ხედი̄ ხოჩა მჷშხბჲელა̄ლი ი̄რო̄ლ ჩი ნუკვი ლერქვალეშ, ეჩჷნქა ხოჩა
Line of edition: 7    მჷჴჷლტარი ი მჷჯშა̄ლი ი̄რო̄ლ. ამკალიბ ხოჩა შიარე პატრონ
Line of edition: 8    ზურალე̄ლ ქა მეკვჲე ლასხ ჩი̄თე ი ჩი̄ს ეჯკალიბ ზურალე̄ლთე
Line of edition: 9    ოსღვა̄ნდახ ი ალ ხოჩა მჷშხბჲელა̄ლი ზურალე̄ლი̄ დე̄მ ხამდუნახ თხუმს
Line of edition: 10    ი ხოშხბჷდახ ი ხოჯშჷდახ ჩი̄ს, მარა მაგ ხოჩა ნუკვს ხაჴმარდა ი
Line of edition: 11    უჲშამს დე̄მ ცურახ მინე მჷშხბჲელა̄ლის ი მე̄ჯშა̄ლისი̄.

Line of edition: 12       ლაჯშა̄რ ავჯო̄რა: დგამარ, ლაცხნი̄რალ ი იშგენ მიჩა მოწყობილობ,
Line of edition: 13    მაგ ლჷმა̄რად ხუღვა̄ნდახ მჷჯში ზურალე̄ლს.

Line of edition: 14       წინდა̄რალსი̄ ხოჩა̄მ აქჷრგავიხ ზურალე̄ლ, მარა ღვაჟარ
Line of edition: 15    წინდა̄რალს ლამა̄რდ გარ იჴმარიხ ი ლამე̄ვარდ ჩაფლარცახან წინდა̄რალს
Line of edition: 16    დემ იჴმარიხ.


ნათელა გაბიანი. შგედი. მ. ქალდანი. 15. IX. 1971



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.