TITUS
Svan Prose Texts IV (Lashkh)
Part No. 173
Previous part

Text: 173 
Page of edition: 205 
Line of edition: 4 
CLXXIII. ლა̄შხურ


Line of edition: 5       ალე ძღჷ̄დ ლიც ლი, ანღრი ლა̄შხლექვა ი ამღა მჷრე̄ს ესჟახა̄ნ
Line of edition: 6    ლა̄შხურ, ოდო ცაგერჷნლექვა "ცხენის წყალს" ხატუ̄ლიხ, ლა̄შხურს
Line of edition: 7    დე̄მამ. ამხე̄ შვანგარ ხატუ̄ლი ლა̄შხური ჟახას; ჲერხი ლექვა̄ვიშარ
Line of edition: 8    ცხენისწყალი მჷქაფ ცენისწყალს ხატუ̄ლიხ, ეჯღა ერე
Line of edition: 9    ლა̄შხური ლათხუმ სოფელ ცე̄ნ ხაბჟახ ი მა̄დე ლაფური მიდამ ი ეჩე̄
Line of edition: 10    უხვა̄ნარე დე̄რე̄ლ ი ვოლარ ივალადღიშ. ცე̄ნხენ ნაჴედ ლიცს ნა̄რგილდ
Line of edition: 11    ცენშურს ხატუ̄ლიხ ი ლაფურხენ ნაჴედ ლიცს -- ჴიდრულაჲს.
Line of edition: 12    ჴიდრულაჲ ი ცენშურ ინჩჷდიხ ლა̄შხე თხუმისა ი ალჲარე ლანზო̄რას
Line of edition: 13    ეშხუდ ლაჲეშხვს ხატუ̄ლიხ ი ეჩჷნლექვა ხა̄ჲშხა ლა̄შხურ. ლა̄შხურ
Line of edition: 14    მე̄ვარ მეშხე ლიც ლი ი ნარღოდ ჩიგარ, ალე ეჩა ტარ ლი, ერე
Line of edition: 15    ფიშყორი ღელო̄ლარ ხენჩჷდიხ მეშხე ფერიშე̄ლარ ი ლა̄შხურსი̄ ალ
Line of edition: 16    ფიშყორი̄ლარ ანარღოდეხ ი ამშხეხ, ოდო ლათხუმისა, ლაფურს, ეშ
Line of edition: 17    წყჷლჲან ი მჷკამკა̄მი ფერიშ ლი ი მა̄დე ნარღოდ; ლეჟა̄ვნაღალდ
Line of edition: 18    ლეთრადი̄ ხოჩა ლი. მე̄ვარ მელუ̄ხვა̄ლ ლიც ლი ი ბოგარს ძვირდგარ
Line of edition: 19    ე̄მე აგვა̄ვი ქა უჲად. ეშხვ არაკს ა̄მბვიხ, ერე ვოდი̄შთე ლოქ ემჴედხ
Line of edition: 20    თათრალ ი ულუ̄ხვაჟი ლა̄შხური პილჟი ლოქ ოთბჷრგახ ჩა̄ჟარ ი ეჯ
Line of edition: 21    ლე̄თ ლოქ ალლუ̄ხვე̄ლი ლა̄შხურ ი ქა ლოქ ოთჲა ი ჩოთშგუდა
Line of edition: 22    ჩა̄ჟარ ი ეჩანღო ლოქ ასჟახე̄ნა "ცხენის წყალი" ლა̄შხურს.



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.