TITUS
Svan Prose Texts IV (Lashkh)
Part No. 179
Previous part

Text: 179 
Page of edition: 207 
Line of edition: 1 
CLXIX. ჴელედურაჲ


Line of edition: 2       ჴელედურაჲ თელდ ძღჷდ ლიც ლი, ლა̄შხური ხჷნსგე ღო̄თ ლი
Line of edition: 3    ი ლა̄შხურს ხენჩჷდი ლენტხას, ლა̄რაში მუ̄რყვამმჷყ; ძღჷდ მელუ̄ხვა̄ლ
Line of edition: 4    ლიც ლი ი ხვაჲ დაბ-ლა̄რას ხოღე̄შ ჴელედი სოფელს, ბოგარსი̄
Line of edition: 5    ხვაჲდინ აჲეს. ჴელედურაჲ ძღჷდ ჯო̄დჲახენ ანღრი ი ჟახე,
Line of edition: 6    ჴელედ სოფელ ე̄რ ლი, ამხენქა მჷრე̄ს ესჟახა̄ნ ჴელედურაჲ. ჴელდურა̄ჲ
Line of edition: 7    ჴევლეჟა ხვაჲ სოფლარ იზგეხ, ალ ჴევისა ხვაჲ ცხეკ არი, ხოჩა
Line of edition: 8    ლეღმუ̄რა ი ხვაჲ ხან ლი, ერე ამშა ჴევისა ლი ლიმგემი. თელდ მანკვი
Line of edition: 9    ლიმგემი ჴელედურა̄ჲ ჴევისა ენბინა̄ნ, ხვაჲ ხოჩა ლეღმუ̄რა̄
Line of edition: 10    ცხეკარ ხა̄გხ ალ ჴევისა, მანანოური ღელისა ი იშგნა̄გ, ი ხვაჲ მეგემ
Line of edition: 11    ლჷჲე̄ლი ამხენისა. ჴელედურაჲ ხოჩა̄მდ ხემწირ მეგემს ი ამღა
Line of edition: 12    ოსღვა̄ნხ ამხენისა ხვაჲ მეგემ, იტალჲა̄ნ გრაფ სბროჲავაკა მილჲონერ
Line of edition: 13    ლას ი ეჯი ამშაჲდა ალ ჴევისა ი დამბაი̄ ჟანსყეხ ამშა ლათხუმისა
Line of edition: 14    ი ლადი̄ ჩვარი ეჯ დამბა ი ათხე გუშგვე თავრობ იჴმარი მეგმარე
Line of edition: 15    ლაჲესდ იტალჲა̄ნარე მჷქაფ. ალ ჴელედურა̄ჲ პილჟი სოფელ ჴელედ
Line of edition: 16    იზგე, მარა ლა̄ჲრაკდ შვანე გიმჟი ალ ჴელედი სოფელ ა̄რდა, ეჯიმაგ
Line of edition: 17    ყუყვა̄რუ ა̄რდახ ალ ჴელედი სოფელისა, მარა ათხე̄ დროჲჟი მე̄ვარ
Line of edition: 18    ენკვიდ ყუყვა̄რობდ ალ სოფელისა ი ათხე̄ მახე ალმე̄ზიარ თელდ
Line of edition: 19    მაჩე̄ნე თვალაშ ი ტანაშ ლიხ. ათხე̄ დროჲჟი ძვირდგარ ხეჩდახ ჴელდარს
Line of edition: 20    ყუყვა̄რუ ი და̄ვუ̄ლარ.


ა. ონიანი. 31. VIII. 1958



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.