TITUS
Rg-Veda: Rg-Veda-Samhita
Part No. 396
Previous part

Hymn: 42_(396) 
Verse: 1 
Halfverse: a    प्र शंत॑मा॒ वरु॑णं॒ दीधि॑ती॒ गीर्मि॒त्रम्भग॒मदि॑तिं नू॒नम॑श्याः ।
   प्र शंत॑मा॒ वरु॑णं॒ दीधि॑ती॒ गीर्
   प्र शंत॑मा वरु॑णम् दीधि॑ती गीः
   प्र शंत॑मा वरु॑णं दीधि॑ती गीर्

Halfverse: b    मि॒त्रम्भग॒मदि॑तिं नू॒नम॑श्याः ।
   मि॒त्रम् भग॑म् अदि॑तिम् नू॒नम् अश्याः ।
   मि॒त्रम् भग॑म् अदि॑तिं नू॒नम् अश्याः ।

Halfverse: c    पृष॑द्योनिः॒ पञ्च॑होता शृणो॒त्वतू॑र्तपन्था॒ असु॑रो मयो॒भुः ।।
   पृष॑द्योनिः॒ पञ्च॑होता शृणोत्व्
   पृष॑द्योनिः पञ्च॑होता शृणोतु
   पृष॑द्योनिः पञ्च॑होता शृणोतु

Halfverse: d    अतू॑र्तपन्था॒ असु॑रो मयो॒भुः ।।
   अतू॑र्तपन्थाः असु॑रः मयो॒भुः ।।
   अतू॑र्तपन्था असु॑रो मयो॒भुः ।।


Verse: 2 
Halfverse: a    प्रति॑ मे॒ स्तोम॒मदि॑तिर्जगृभ्यात्सू॒नुं न मा॒ता हृद्यं॑ सु॒शेव॑म् ।
   प्रति॑ मे॒ स्तोम॒मदि॑तिर्जगृभ्यात्
   प्रति मे स्तोम॑म् अदि॑तिः जगृभ्यात्
   प्रति मे स्तोम॑म् अदि॑तिर् जगृभ्यात्

Halfverse: b    सू॒नुं न मा॒ता हृद्यं॑ सु॒शेव॑म् ।
   सू॒नुम् न मा॒ता हृद्य॑म् सु॒शेव॑म् ।
   सू॒नुं न मा॒ता हृदि॑यं सु॒शेव॑म् ।

Halfverse: c    ब्रह्म॑ प्रि॒यं दे॒वहि॑तं॒ यदस्त्य॒हम्मि॒त्रे वरु॑णे॒ यन्म॑यो॒भु ।।
   ब्रह्म॑ प्रि॒यं दे॒वहि॑तं॒ यदस्त्य्
   ब्रह्म प्रि॒यम् दे॒वहि॑तम् यत् अस्ति
   ब्रह्म प्रि॒यं दे॒वहि॑तं यद् अस्ति

Halfverse: d    अ॒हम्मि॒त्रे वरु॑णे॒ यन्म॑यो॒भु ।।
   अ॒हम् मि॒त्रे वरु॑णे यत् मयो॒भु ।।
   अ॒हम् मि॒त्रे वरु॑णे यन् मयो॒भु ।।


Verse: 3 
Halfverse: a    उदी॑रय क॒वित॑मं कवी॒नामु॒नत्तै॑नम॒भि मध्वा॑ घृ॒तेन॑ ।
   उदी॑रय क॒वित॑मं कवी॒नाम्
   उत् ईरय क॒वित॑मम् कवी॒नाम्
   उद् ईरय क॒वित॑मं कवी॒नाम्

Halfverse: b    उ॒नत्तै॑नम॒भि मध्वा॑ घृ॒तेन॑ ।
   उ॒नत्त एनम् अ॒भि मध्वा घृ॒तेन ।
   उ॒नत्तै॑नम् अ॒भि मध्वा घृ॒तेन ।

Halfverse: c    स नो॒ वसू॑नि॒ प्रय॑ता हि॒तानि॑ च॒न्द्राणि॑ दे॒वः स॑वि॒ता सु॑वाति ।।
   स नो॒ वसू॑नि॒ प्रय॑ता हि॒तानि
   स नः वसू॑नि प्रय॑ता हि॒तानि
   स नो वसू॑नि प्रय॑ता हि॒तानि

Halfverse: d    च॒न्द्राणि॑ दे॒वः स॑वि॒ता सु॑वाति ।।
   च॒न्द्राणि दे॒वः स॑वि॒ता सु॑वाति ।।
   च॒न्द्राणि दे॒वः स॑वि॒ता सु॑वाति ।।


Verse: 4 
Halfverse: a    समि॑न्द्र णो॒ मन॑सा नेषि॒ गोभिः॒ सं सू॒रिभि॑र्हरिवः॒ सं स्व॒स्ति ।
   समि॑न्द्र णो॒ मन॑सा नेषि॒ गोभिः
   सम् इन्द्र नः मन॑सा नेषि गोभिः
   सम् इन्द्र णो मन॑सा नेषि गोभिः

Halfverse: b    सं सू॒रिभि॑र्हरिवः॒ सं ।!। स्व॒स्ति ।
   सम् सू॒रिभिः हरिवः सम् स्व॒स्ति ।
   सं सू॒रिभि॑र् हरिवः सं सुअ॒स्ति ।

Halfverse: c    सम्ब्रह्म॑णा दे॒वहि॑तं॒ यदस्ति॒ सं दे॒वानां॑ सुम॒त्या य॒ज्ञिया॑नाम् ।।
   सम्ब्रह्म॑णा दे॒वहि॑तं॒ यदस्ति
   सम् ब्रह्म॑णा दे॒वहि॑तम् यत् अस्ति
   सम् ब्रह्म॑णा दे॒वहि॑तं यद् अस्ति

Halfverse: d    सं दे॒वानां॑ सुम॒त्या य॒ज्ञिया॑नाम् ।।
   सम् दे॒वाना॑म् सुम॒त्या य॒ज्ञिया॑नाम् ।।
   सं दे॒वानां सुम॒ती % य॒ज्ञिया॑नाम् ।।


Verse: 5 
Halfverse: a    दे॒वो भगः॑ सवि॒ता रा॒यो अँश॒ इन्द्रो॑ वृ॒त्रस्य॑ सं॒जितो॒ धना॑नाम् ।
   दे॒वो भगः॑ सवि॒ता रा॒यो अँश
   दे॒वः भगः सवि॒ता रा॒यः अंशः
   दे॒वो भगः सवि॒ता रा॒यो अंश

Halfverse: b    इन्द्रो॑ वृ॒त्रस्य॑ सं॒जितो॒ धना॑नाम् ।
   इन्द्रः वृ॒त्रस्य सं॒जितः धना॑नाम् ।
   इन्द्रो वृ॒त्रस्य सं॒जितो धना॑नाम् ।

Halfverse: c    ऋ॑भु॒क्षा वाज॑ उ॒त वा॒ पुरं॑धि॒रव॑न्तु नो अ॒मृता॑सस्तु॒रासः॑ ।।
   ऋ॑भु॒क्षा वाज॑ उ॒त वा॒ पुरं॑धिर्
   ऋभु॒क्षाः वाजः उ॒त वा पुरं॑धिः
   ऋभु॒क्षा वाज उ॒त वा पुरं॑धिर्

Halfverse: d    अव॑न्तु नो अ॒मृता॑सस्तु॒रासः॑ ।।
   अव॑न्तु नः अ॒मृता॑सः तु॒रासः ।।
   अव॑न्तु नो अ॒मृता॑सस् तु॒रासः ।।


Verse: 6 
Halfverse: a    म॒रुत्व॑तो॒ अप्र॑तीतस्य जि॒ष्णोरजू॑र्यतः॒ प्र ब्र॑वामा कृ॒तानि॑ ।
   म॒रुत्व॑तो॒ अप्र॑तीतस्य जि॒ष्णोर्
   म॒रुत्व॑तः अप्र॑तीतस्य जि॒ष्णोः
   म॒रुत्व॑तो अप्र॑तीतस्य जि॒ष्णोर्

Halfverse: b    अजू॑र्यतः॒ प्र ब्र॑वामा कृ॒तानि॑ ।
   अजू॑र्यतः प्र ब्र॑वाम+ कृ॒तानि ।
   अजू॑र्यतः प्र ब्र॑वामा कृ॒तानि ।

Halfverse: c    न ते॒ पूर्वे॑ मघव॒न्नाप॑रासो॒ न वी॒र्यं॒ नूत॑नः॒ कश्च॒नाप॑ ।।
   न ते॒ पूर्वे॑ मघव॒न्नाप॑रासो
   न ते पूर्वे मघवन् न अप॑रासः
   न ते पूर्वे मघवन् नाप॑रासो

Halfverse: d    न वी॒र्यं॒ नूत॑नः॒ कश्च॒नाप॑ ।।
   न वी॒र्य॑म् नूत॑नः कः च॒न आ॑प ।।
   न वी॒रियं नूत॑नः कश् च॒नाप ।।


Verse: 7 
Halfverse: a    उप॑ स्तुहि प्रथ॒मं र॑त्न॒धेय॒म्बृह॒स्पतिं॑ सनि॒तारं॒ धना॑नाम् ।
   उप॑ स्तुहि प्रथ॒मं र॑त्न॒धेय॑म्
   उप स्तुहि प्रथ॒मम् रत्न॒धेय॑म्
   उप स्तुहि प्रथ॒मं र॑त्न॒धेय॑म्

Halfverse: b    बृह॒स्पतिं॑ सनि॒तारं॒ धना॑नाम् ।
   बृह॒स्पति॑म् सनि॒तार॑म् धना॑नाम् ।
   बृह॒स्पतिं सनि॒तारं धना॑नाम् ।

Halfverse: c    यः शँस॑ते स्तुव॒ते शम्भ॑विष्ठः पुरू॒वसु॑रा॒गम॒ज्जोहु॑वानम् ।।
   यः शँस॑ते स्तुव॒ते शम्भ॑विष्ठः
   यः शंस॑ते स्तुव॒ते शम्भ॑विष्ठः
   यः शंस॑ते स्तुव॒ते शम्भ॑विष्ठः

Halfverse: d    पुरू॒वसु॑रा॒गम॒ज्जोहु॑वानम् ।।
   पु॑रू॒वसुः आ॒गम॑त् जोहु॑वानम् ।।
   पु॑रू॒वसु॑र् आ॒गम॑ज् जोहु॑वानम् ।।


Verse: 8 
Halfverse: a    तवो॒तिभिः॒ सच॑माना॒ अरि॑ष्टा॒ बृह॑स्पते म॒घवा॑नः सु॒वीराः॑ ।
   तवो॒तिभिः॒ सच॑माना॒ अरि॑ष्टा
   तव ऊ॒तिभिः सच॑मानाः अरि॑ष्टाः
   तवो॒तिभिः सच॑माना अरि॑ष्टा

Halfverse: b    बृह॑स्पते म॒घवा॑नः सु॒वीराः॑ ।
   बृह॑स्पते म॒घवा॑नः सु॒वीराः ।
   बृह॑स्पते म॒घवा॑नः सु॒वीराः ।

Halfverse: c    ये अ॑श्व॒दा उ॒त वा॒ सन्ति॑ गो॒दा ये व॑स्त्र॒दाः सु॒भगा॒स्तेषु॒ रायः॑ ।।
   ये अ॑श्व॒दा उ॒त वा॒ सन्ति॑ गो॒दा
   ये अ॑श्व॒दाः उ॒त वा सन्ति गो॒दाः
   ये अ॑श्व॒दा उ॒त वा सन्ति गो॒दा

Halfverse: d    ये व॑स्त्र॒दाः सु॒भगा॒स्तेषु॒ रायः॑ ।।
   ये व॑स्त्र॒दाः सु॒भगाः तेषु रायः ।।
   ये व॑स्त्र॒दाः सु॒भगा॑स् तेषु रायः ।।


Verse: 9 
Halfverse: a    वि॑स॒र्माणं॑ कृणुहि वि॒त्तमे॑षां॒ ये भु॒ञ्जते॒ अपृ॑णन्तो न उ॒क्थैः ।
   वि॑स॒र्माणं॑ कृणुहि वि॒त्तमे॑षां
   विस॒र्माण॑म् कृणुहि वि॒त्तम् एषाम्
   विस॒र्माणं कृणुहि वि॒त्तम् एषां

Halfverse: b    ये भु॒ञ्जते॒ अपृ॑णन्तो न उ॒क्थैः ।
   ये भु॒ञ्जते अपृ॑णन्तः नः उ॒क्थैः ।
   ये भु॒ञ्जते अपृ॑णन्तो न उ॒क्थैः ।

Halfverse: c    अप॑व्रतान्प्रस॒वे वा॑वृधा॒नान्ब्र॑ह्म॒द्विषः॒ सूर्या॑द्यावयस्व ।।
   अप॑व्रतान्प्रस॒वे वा॑वृधा॒नान्
   अप॑व्रतान् प्रस॒वे वा॑वृधा॒नान्
   अप॑व्रतान् प्रस॒वे वा॑वृधा॒नान्

Halfverse: d    ब्रह्म॒द्विषः॒ सूर्या॑द्यावयस्व ।।
   ब्र॑ह्म॒द्विषः सूर्या॑त् यावयस्व ।।
   ब्र॑ह्म॒द्विषः सूरि॑याद् यावयस्व ।।


Verse: 10 
Halfverse: a    य ओह॑ते र॒क्षसो॑ दे॒ववी॑तावच॒क्रेभि॒स्तम्म॑रुतो॒ नि या॑त ।
   य ओह॑ते र॒क्षसो॑ दे॒ववी॑ताव्
   यः ओह॑ते र॒क्षसः दे॒ववी॑तौ
   य ओह॑ते र॒क्षसो दे॒ववी॑ताव्

Halfverse: b    अच॒क्रेभि॒स्तम्म॑रुतो॒ नि या॑त ।
   अ॑च॒क्रेभिः तम् मरुतः नि या॑त ।
   अ॑च॒क्रेभि॑स् तम् मरुतो नि या॑त ।

Halfverse: c    यो वः॒ शमीं॑ शशमा॒नस्य॒ निन्दा॑त्तु॒छ्यान्कामा॑न्करते सिष्विदा॒नः ।।
   यो वः॒ शमीं॑ शशमा॒नस्य॒ निन्दा॑त्
   यः वः शमी॑म् शशमा॒नस्य निन्दा॑त्
   यो वः शमीं शशमा॒नस्य निन्दा॑त्

Halfverse: d    तु॒छ्यान्कामा॑न्करते सिष्विदा॒नः ।।
   तु॒छ्यान् कामा॑न् करते सिष्विदा॒नः ।।
   तु॒छ्यान् कामा॑न् करते सिष्विदा॒नः ।।


Verse: 11 
Halfverse: a    तमु॑ ष्टुहि॒ यः स्वि॒षुः सु॒धन्वा॒ यो विश्व॑स्य॒ क्षय॑ति भेष॒जस्य॑ ।
   तमु॑ ष्टुहि॒ यः स्वि॒षुः सु॒धन्वा
   तम् उ स्तुहि यः स्वि॒षुः सु॒धन्वा
   तम् उ ष्टुहि यः सुइ॒षुः सु॒धन्वा

Halfverse: b    यो विश्व॑स्य॒ क्षय॑ति भेष॒जस्य॑ ।
   यः विश्व॑स्य क्षय॑ति भेष॒जस्य ।
   यो विश्व॑स्य क्षय॑ति भेष॒जस्य ।

Halfverse: c    यक्ष्वा॑ म॒हे सौ॑मन॒साय॑ रु॒द्रं नमो॑भिर्दे॒वमसु॑रं दुवस्य ।।
   यक्ष्वा॑ म॒हे सौ॑मन॒साय॑ रु॒द्रं
   यक्ष्व+ म॒हे सौ॑मन॒साय रु॒द्रम्
   यक्ष्वा म॒हे सौ॑मन॒साय रु॒द्रं

Halfverse: d    नमो॑भिर्दे॒वमसु॑रं दुवस्य ।।
   नमो॑भिः दे॒वम् असु॑रम् दुवस्य ।।
   नमो॑भिर् दे॒वम् असु॑रं दुवस्य ।।


Verse: 12 
Halfverse: a    दमू॑नसो अ॒पसो॒ ये सु॒हस्ता॒ वृष्णः॒ पत्नी॑र्न॒द्यो॑ विभ्वत॒ष्टाः ।
   दमू॑नसो अ॒पसो॒ ये सु॒हस्ता
   दमू॑नसः अ॒पसः ये सु॒हस्ताः
   दमू॑नसो अ॒पसो ये सु॒हस्ता

Halfverse: b    वृष्णः॒ पत्नी॑र्न॒द्यो॑ विभ्वत॒ष्टाः ।
   वृष्णः पत्नीः न॒द्यः विभ्वत॒ष्टाः ।
   वृष्णः पत्नी॑र् न॒दियो विभ्वत॒ष्टाः ।

Halfverse: c    सर॑स्वती बृहद्दि॒वोत रा॒का द॑श॒स्यन्ती॑र्वरिवस्यन्तु शु॒भ्राः ।।
   सर॑स्वती बृहद्दि॒वोत रा॒का
   सर॑स्वती बृहद्दि॒वा उ॒त रा॒का
   सर॑स्वती बृहद्दि॒वोत रा॒का

Halfverse: d    द॑श॒स्यन्ती॑र्वरिवस्यन्तु शु॒भ्राः ।।
   द॑श॒स्यन्तीः वरिवस्यन्तु शु॒भ्राः ।।
   द॑श॒स्यन्ती॑र् वरिवस्यन्तु शु॒भ्राः ।।


Verse: 13 
Halfverse: a    प्र सू म॒हे सु॑शर॒णाय॑ मे॒धां गिर॑म्भरे॒ नव्य॑सीं॒ जाय॑मानाम् ।
   प्र सू म॒हे सु॑शर॒णाय॑ मे॒धां
   प्र सु+ म॒हे सु॑शर॒णाय मे॒धाम्
   प्र सू म॒हे सु॑शर॒णाय मे॒धां

Halfverse: b    गिर॑म्भरे॒ नव्य॑सीं॒ जाय॑मानाम् ।
   गिर॑म् भरे नव्य॑सीम् जाय॑मानाम् ।
   गिर॑म् भरे नव्य॑सीं जाय॑मानाम् ।

Halfverse: c    य आ॑ह॒ना दु॑हि॒तुर्व॒क्षणा॑सु रू॒पा मि॑ना॒नो अकृ॑णोदि॒दं नः॑ ।।
   य आ॑ह॒ना दु॑हि॒तुर्व॒क्षणा॑सु
   यः आ॑ह॒नाः दु॑हि॒तुः व॒क्षणा॑सु
   य आ॑ह॒ना दु॑हि॒तुर् व॒क्षणा॑सु

Halfverse: d    रू॒पा मि॑ना॒नो अकृ॑णोदि॒दं नः॑ ।।
   रू॒पा मि॑ना॒नः अकृ॑णोत् इ॒दम् नः ।।
   रू॒पा मि॑ना॒नो अकृ॑णोद् इ॒दं नः ।।


Verse: 14 
Halfverse: a    प्र सु॑ष्टु॒ति स्त॒नय॑न्तं रु॒वन्त॑मि॒ळस्पतिं॑ जरितर्नू॒नम॑श्याः ।
   प्र सु॑ष्टु॒ति स्त॒नय॑न्तं रु॒वन्त॑म्
   प्र सु॑ष्टु॒तिः स्त॒नय॑न्तम् रु॒वन्त॑म्
   प्र सु॑ष्टु॒ति स्त॒नय॑न्तं रु॒वन्त॑म्

Halfverse: b    इ॒ळस्पतिं॑ जरितर्नू॒नम॑श्याः ।
   इ॒ळः पति॑म् जरितर् नू॒नम् अश्याः ।
   इ॒ळस् पतिं जरितर् नू॒नम् अश्याः ।

Halfverse: c    यो अ॑ब्दि॒माँ उ॑दनि॒माँ इय॑र्ति॒ प्र वि॒द्युता॒ रोद॑सी उ॒क्षमा॑णः ।।
   यो अ॑ब्दि॒माँ उ॑दनि॒माँ इय॑र्ति
   यः अ॑ब्दि॒मान् उदनि॒मान् इय॑र्ति
   यो अ॑ब्दि॒माँ उ॑दनि॒माँ इय॑र्ति

Halfverse: d    प्र वि॒द्युता॒ रोद॑सी उ॒क्षमा॑णः ।।
   प्र वि॒द्युता रोद॑सी उ॒क्षमा॑णः ।।
   प्र वि॒द्युता रोद॑सी उ॒क्षमा॑णः ।।


Verse: 15 
Halfverse: a    ए॒ष स्तोमो॒ मारु॑तं॒ शर्धो॒ अछा॑ रु॒द्रस्य॑ सू॒नूँर्यु॑व॒न्यूँरुद॑श्याः ।
   ए॒ष स्तोमो॒ मारु॑तं॒ शर्धो॒ अछा
   ए॒ष स्तोमः मारु॑तम् शर्धः अछ+
   ए॒ष स्तोमो मारु॑तं शर्धो अछा

Halfverse: b    रु॒द्रस्य॑ सू॒नूँर्यु॑व॒न्यूँरुद॑श्याः ।
   रु॒द्रस्य सू॒नून् युव॒न्यून् उत् अश्याः ।
   रु॒द्रस्य सू॒नूँर् युव॒न्यूँर् उद् अश्याः ।

Halfverse: c    कामो॑ रा॒ये ह॑वते मा स्व॒स्त्युप॑ स्तुहि॒ पृष॑दश्वाँ अ॒यासः॑ ।।
   कामो॑ रा॒ये ह॑वते मा स्वस्त्य्
   कामः रा॒ये ह॑वते मा स्व॒स्ति
   कामो रा॒ये ह॑वते मा सुअ॒स्ति

Halfverse: d    उप॑ स्तुहि॒ पृष॑दश्वाँ अ॒यासः॑ ।।
   उप स्तुहि पृष॑दश्वान् अ॒यासः ।।
   उप स्तुहि पृष॑दश्वाँ अ॒यासः ।।


Verse: 16 
Halfverse: a    प्रैष स्तोमः॑ पृथि॒वीम॒न्तरि॑क्षं॒ वन॒स्पतीँ॒रोष॑धी रा॒ये अ॑श्याः ।
   प्रैष स्तोमः॑ पृथि॒वीम॒न्तरि॑क्षं
   प्र ए॒ष स्तोमः पृथि॒वीम् अ॒न्तरि॑क्षम्
   प्रैष स्तोमः पृथि॒वीम् अ॒न्तरि॑क्षं

Halfverse: b    वन॒स्पतीँ॒रोष॑धी रा॒ये अ॑श्याः ।
   वन॒स्पती॑न् ओष॑धीः रा॒ये अ॑श्याः ।
   वन॒स्पतीँ॑र् ओष॑धी रा॒ये अ॑श्याः ।

Halfverse: c    दे॒वोदे॑वः सु॒हवो॑ भूतु॒ मह्य॒म्मा नो॑ मा॒ता पृ॑थि॒वी दु॑र्म॒तौ धा॑त् ।।
   दे॒वोदे॑वः सु॒हवो॑ भूतु॒ मह्य॑म्
   दे॒वोदे॑वः सु॒हवः भूतु मह्य॑म्
   दे॒वोदे॑वः सु॒हवो भूतु मह्य॑म्

Halfverse: d    मा नो॑ मा॒ता पृ॑थि॒वी दु॑र्म॒तौ धा॑त् ।।
   मा नः मा॒ता पृ॑थि॒वी दु॑र्म॒तौ धा॑त् ।।
   मा नो मा॒ता पृ॑थि॒वी दु॑र्म॒तौ धा॑त् ।।


Verse: 17 
Halfverse: a    उ॒रौ दे॑वा अनिबा॒धे स्या॑म ।
   उ॒रौ दे॑वा अनिबा॒धे स्या॑म ।
   उ॒रौ दे॑वाः अनिबा॒धे स्या॑म ।।
   उ॒रौ दे॑वा अनिबा॒धे सि॑याम ।।


Verse: 18 
Halfverse: a    सम॒श्विनो॒रव॑सा॒ नूत॑नेन मयो॒भुवा॑ सु॒प्रणी॑ती गमेम ।
   सम॒श्विनो॒रव॑सा॒ नूत॑नेन
   सम् अ॒श्विनोः अव॑सा नूत॑नेन
   सम् अ॒श्विनो॑र् अव॑सा नूत॑नेन

Halfverse: b    मयो॒भुवा॑ सु॒प्रणी॑ती गमेम ।
   म॑यो॒भुवा सु॒प्रणी॑ती गमेम ।
   म॑यो॒भुवा सु॒प्रणी॑ती गमेम ।

Halfverse: c    आ नो॑ र॒यिं व॑हत॒मोत वी॒राना विश्वा॑न्यमृता॒ सौभ॑गानि ।।
   आ नो॑ र॒यिं व॑हत॒मोत वी॒रान्
   आ नः र॒यिम् वहतम् आ उ॒त वी॒रान्
   आ नो र॒यिं व॑हतम् ओत वी॒रान्

Halfverse: d    आ विश्वा॑न्यमृता॒ सौभ॑गानि ।।
   आ विश्वा॑नि अमृता सौभ॑गानि ।।
   आ विश्वा॑नि अमृता सौभ॑गानि ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.