TITUS
Biblia Bacarii
Part No. 22
Previous part

Book: Or.Man.  

Chapter: 1  
Line: 1  თავი, ა.



Line: 2  ლოცვა მანასე მეფისა იუდასა, ოდეს ტყუჱდ
Line: 3  შეიპყრეს ბაბილოვნსა


Line: 4    უფალო, ყოვლისა მპყრობელო, ღმერთო მამათა ჩუენთაო, აბრა\ჰამისო
Line: 5    და ისაკისო და იაკობისო და ნათესავი\სა
Line: 6    მათისა მართლისაო, რომელმან შეჰქმნენ ცანი და ქუეყანა
Line: 7    ყოვლითურთ სამკაულით მათით, რომელმან შეჰკარ ზღვა სი\ტყჳთა
Line: 8    ბრძანებისა შენისათა, რომელმან პყრობილ ჰყვენ
Line: 9    უფსკრულნი და დაჰბეჭდენ საშინელითა მით დიდებულ\ითა
Line: 10    სახელითა შენითა, რომლისაგან ყოველივე იშიშვის და
Line: 11    ძრწის პირისაგან ძლიერებისა შენისა, რამეთუ თვალთ\შეუდგამ
Line: 12    არს დიდად შუჱნიერება დიდებისა შენისა და
Line: 13    მოუთმენელ არს ცოდვილთა ზედა რისხვა საშინელებისა
Line: 14    შენისა და აღურაცხელ და გამოუკვლეველ არს მართალ\თა
Line: 15    ზედა წყალობა სიტკბოებისა შენისა, რამეთი შენ, უფალო ღმერთო,
Line: 16    მართალ ხარ, სახიერ, სულგრძელ და მრავალმოწ\ყალე,
Line: 17    რომელმან შეინანი ბოროტის ყოფა კაცთა ზედა, რამეთუ შენ,
Line: 18    უფალო, სიმრავლითა წყალობისა შენისათა აღუთქუ
Line: 19    სინანულით შენდობა შეცოდებათა, სიმდიდრითა სა\ხიერებისა
Line: 20    შენისათა განაწესე სინანული ცოდვილ\თა
Line: 21    ცხოვრებად, რამეთუ შენ, უფალო ღმერთო ძალთაო, არა დასდ\ევ
Line: 22    სინანული მართალთათჳს, აბრაჰამ, ისაკ და იაკო\ბისთჳს,
Line: 23    რაჲთა არა შეგცოდეს შენ, არამედ დასდევ სი\ნანული
Line: 24    ჩემ ცოდვილსა ზედა, რომელმან ვცოდე უფროს რი\სხჳსა
Line: 25    ზღჳსა ქჳშისა, განმრავლდეს უსჯულოებანი
Line: 26    ჩემნი, უფალო, განმრავლდეს და არა ღირს ვარ მე აღ\ხილვად
Line: 27    და განცდად სიმაღლესა ცისასა სიმრავლ\ისაგან
Line: 28    ბოროტთა ჩემთასა დაღონებული, ვითარცა მძიმი\თა
Line: 29    საკრველითა რკინისათა ვერ აღებად თავისა.
Line: 30    არა არს ლხინება ჩემი, რამეთუ განვარისხე გულის წყრ\ომა
Line: 31    შენი და ბოროტი შენ წინაშე ვყავ, არა ვქმენ
Line: 32    ნება შენი, არცა დავიცვენ მცნებანი შენნი და აწ
Line: 33    მოვიდრეკ მუჴლთა გულისა ჩემისათა და ვითხოვ
Line: 34    შენ მიერსა წყალობასა, შეგცოდე, უფალო, შეგცოდე და
Line: 35    უსჯულოებანი ჩემნი მე უწყნი, არამედ ვითხოვ შენგან
Line: 36    ვედრებით, მილხინე მე, უფალო, მილხინე მე და ნუ
Line: 37    თანაწარმწყმედ მე უსჯულოებათა შინა ჩემთა, ნუუკუჱ
Line: 38    რისხჳთ იჴსენებ ბოროტთა საქმეთა ჩემთა, ნუცა
Line: 39    დამსჯი მე ქუჱსკნელითა ქუეყანისათა, რამეთუ შენ ხარ ღმერთი
Line: 40    მონანულთა და აწ ჩემ ზედა აჩუჱნე ყოველი სახიერება
Line: 41    შენი, რაჲთა უღირსი ესე მაცხოვნო მე მრავლითა
Line: 42    მოწყალებითა შენითა და გაქებდე შენ მარადის ყოველთა
Line: 43    დღეთა ცხოვრებისა ჩემისათა, რამეთუ შენ გიგალობენ ყოველნი
Line: 44    ძალნი ცათანი და შენი არს დიდება უკუნითი უკუნისამდე, ამინ!

Verse: expl.  

Line: 45  დაესრულა წიგნი მეორე ნეშტთა და აქუს
Line: 46  თავსა შორის თჳსსა, თავი, ლ̂ვ.



Next part


This text is part of the TITUS edition of Biblia Bacarii.

Copyright TITUS Project, Frankfurt a/M, 20.11.2023. No parts of this document may be republished in any form without prior permission by the copyright holder.