TITUS
Gregorius Nazianzenus, Vita Basili Magni
Part No. 12
Previous part

Paragraph: 12  
Line of edition: 13       12. რომელი ჰასაკსა მას შინა სიჩჩოჲსასა რაჲ იყო, დიდისა
Line of edition: 14    მის მამისა მისისა მიერ განისწავლებოდა, რომელი-იგი მაშინ მასწავ\ლელად
Line of edition: 15    სათნოებისა აქუნდა პონტოსა და ისწავლიდა მისგან სწავ\ლასა
Line of edition: 16    მას კეთილსა, რომელსა ნათლისად უწოდს დიდი დავით და
Line of edition: 17    ბნელისა წინააღმდგომად. და მის მიერ ისწავლა საქმჱ და სიტყუაჲ
Line of edition: 18    უზეშთაესად და კეთილად ნეტარმან მან, რომელი-იგი არა ჴორცი\ელსა
Line of edition: 19    რასმე ისწავლიდა, ანუ ნადირობისა საქმეთა, ანუ ჴელოვნე\ბასა
Line of edition: 20    ბრძოლათასა ანუ მწყსასა ცხენთასა, რაჲთამცა იგივე ცხენი
Line of edition: 21    იყო მასწავლელ მისდა, ანუ რაჲთამცა ტჳნითა ირემთა და ლომთაჲ\თა
Line of edition: 22    იზარდებოდა, ვითარცა ზღაპარი იგი წარმართთაჲ იტყჳს.

Line of edition: 23       არამედ ისწავლიდა ესე სიბრძნესა ჭეშმარიტსა და ღმრთისმსა\ხურებასა,
Line of edition: 24    და, რაჲთა მოკლედ ვთქუა, სისრულისა მის მიმართ, რო\მელსა
Line of edition: 25    ეგულებოდა მიწდომად, მისა მიმართ მივიდოდა პირველით\განითა
Line of edition: 26    მით სწავლითა, რამეთუ, რომელსა ერთი ოდენ წარემართოს,
Line of edition: 27    გინათუ გულისჴმის-ყოფაჲ, გინათუ საქმე მოღუაწებათაჲ და მეო\რისაგან
Line of edition: 28    ნაკლულევან იყოს, მე ვჰგონებ თუ, არარაჲთა განყოფილ
Line of edition: 29    არს ცალთუალთაგან, რომელთა დიდ არს დაჭირვებაჲ იგი ნათლი\საჲ
Line of edition: 30    მის ერთისა თუალისაჲ. და უმეტეს არს უშუერებაჲცა მათი.
Line of edition: 31    ხოლო, რომელი ორკერძოვე შემკულ იყოს გულისჴმის-ყოფითაცა
Line of edition: 32    და საქმით მოღუაწებითა იგი არს ჭეშმარიტად სრულ და მიმავალ
Line of edition: 33    საუკუნოჲსა მის ნეტარებისა მიმართ, ვითარ-იგი ესეცა იქმნა რამე\თუ
Page of edition: 26   Line of edition: 1    აქუნდა მას სახედ კეთილისა მამაჲ იგი თჳსი, რომლისა მიმართ
Line of edition: 2    ხედვიდა და მეყსეულად რჩეულ იქმნა, რომელი აქცეოდა მამისა
Line of edition: 3    თანა თჳსისა, სიჩჩოჲთა და სათნოებითა არა ნაკლულევან იყო მის\გან
Line of edition: 4    და მოასწავებდა სახითა მით საზომსა მას სათნოებისასა, რომე\ლსა
Line of edition: 5    უკუანაჲსკნელ მიიწია.

Next part


This text is part of the TITUS edition of Gregorius Nazianzenus, Vita Basili Magni.

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.