TITUS
Gregorius Nazianzenus, Vita Basili Magni
Part No. 14
Previous part

Paragraph: 14  
Line of edition: 4       14. მერმე კესარიით მივიდა ბიზანტიად, ქალაქსა მას დასავა\ლით
Line of edition: 5    
კერძოთა ყოველთა მთავარსა, რომელსა შინა იყვნეს ბრძენნი
Line of edition: 6    
და ფილოსოფოსნი ჴელოვანნი, რომელთა ჴელოვნებაჲ მცირედსა
Line of edition: 7    
ჟამსა დაისწავლა ყოველივე სიმახჳლითა მით გონეთისაჲთა და ეს\რეთ
Line of edition: 8    
მუნით მოიწია ათინად რომელი-იგი დედაი არს ფილოსოფო\სობისაჲ
Line of edition: 9    
და მოივლინა ღმრთისა მიერ და კეთილითა მით სიბრძნი\სა
Line of edition: 10    
უძღებლობითა ათინას, რომელი-იგი მე ჭეშმარიტად ოქროჲსა
Line of edition: 11    
ქალაქად მექმნა და კეთილისა მომატყუებელად უფროჲს ყოველთა\სა,
Line of edition: 12    
რამეთუ მათ შემამეცნიერეს მე მისდა სრულიად, რომელი პირ\ველცა
Line of edition: 13    
არა უცნაურ იყო და სიტყუათა რაჲ ვეძიებდი, ნეტარებაჲ
Line of edition: 14    
ვპოვე და ამით სახითა მსგავს ვიქმენ საულისა, რომელი კარაულ\თა
Line of edition: 15    
მამისათა ეძიებდა და მეფობაჲ პოვა, და საქმისა მის გარეწარი
Line of edition: 16    
იგი უზეშთაეს იქმნა.

Line of edition: 17       
აქამომდე უკუე წრფელ იყო გზაჲ ესე სიტყჳსა ჩუენისაჲ და
Line of edition: 18    
სამეუფო შესხმისა მისისა, ხოლო ამიერითგან არა უწყი, ვითარ ვიჴ\მარო
Line of edition: 19    
სიტყუაჲ ჩემი, ანუ რომელსა ზედა გზასა ვლო, რამეთუ აღ\მართიცა
Line of edition: 20    
რაჲმე გუეპოა სიტყუასა ამას შინა. რამეთუ სურვიელ ვარ,
Line of edition: 21    
რაჲთა ამას ადგილსა ჩემიცა რაჲმე შევსძინო და ვთქუა, თუ ვინაჲ,
Line of edition: 22    
ანუ ვითარ იქმნა დასაბამი ჩუენისა მეგობრებისაჲ და ერთ სულ\ყოფისაჲ,
Line of edition: 23    
რაჲთა უმახლობელესად ვთქუა, რამეთუ თუალსაცა არა
Line of edition: 24    
ჰნებავნ განშორებაჲ შუენიერთა ხილვათაგან, დაღაცათუ ვინ აიძუ\ლებდეს
Line of edition: 25    
განშორებად, არცა სიტყუასა ჰნებავს ტკბილთა თხრობა\თაგან
Line of edition: 26    
განშორებაჲ, არამედ ჴელ-ვყო თქუმად მცირედ რაჲმე დაღა\ცათუ
Line of edition: 27    
ვიიძულებოდით სურვილისა მიერ, შენდობაჲ იყავნ ამის ვნე\ბისაჲ,
Line of edition: 28    
რომელი ფრიად კეთილ არს და რომლისა არა ვნებაჲ ვნება
Line of edition: 29    
არს და დაჭირვება, უკუეთუ ვის აქუნდეს გულისჴმის-ყოფაჲ.

Next part



This text is part of the TITUS edition of Gregorius Nazianzenus, Vita Basili Magni.

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.