TITUS
Gregorius Nazianzenus, Vita Basili Magni
Part No. 17
Previous part

Paragraph: 17  
Line of edition: 6       17. ესე იქმნა დაწყებაჲ ჩუენისა მეგობრებისაჲ და ნაბერწყა\ლი
Line of edition: 7    სიყუარულისაჲ მერმე იქმნა ესევითარიცა საქმჱ, რამეთუ ვი\თარცა
Line of edition: 8    არს ნათესავი იგი სომეხთაჲ არა წრფელი, არამედ მზაკუვა\რი
Line of edition: 9    და გულარძნილი და ბოროტი, მიმსგავსებული კლდეთა მათ, რო\მელნი
Line of edition: 10    დაფარულ არიან ზღუასა შინა, და ვერ იხილვენ მათ მენა\ვენი,
Line of edition: 11    ვიდრე არა სცენ ნავი და განტეხონ. ესრეთ სხუასა იტყჳან იგი\ნი
Line of edition: 12    და სხუაჲ უც გულსა მარადის. და სიწრფოებაჲ მათ თანა არა
Line of edition: 13    არს და რაჲ საკჳრველ არს. უკუეთუ კაცსა ეცრუვნენ, ვინაჲთგან
Line of edition: 14    თავადისა ღმრთისა მიმართ ცრუ არიან და მზაკუვარ და ბოროტად
Line of edition: 15    აღმსაარებელ. მაშინ უკუე მოვიდეს მისა სომეხნი ვიეთნიმე, რომელ\ნი
Line of edition: 16    იყვნეს მუნ მოსწავლე და მეცნიერ იყვნეს მისდა და მამისა მი\სისა,
Line of edition: 17    იწყეს მისდა სიტყუად სახითა მეგობრებისაჲთა, ხოლო არა
Line of edition: 18    სიყუარული იყო გულსა მათსა, არამედ შური და ეტყოდეს მას
Line of edition: 19    ცილობით სიტყუათა, რაჲთა უდარეს მათსა გამოაჩინეს იგი, რამე\თუ
Line of edition: 20    იცოდეს პირველითგანი იგი გონებისა მისასა სიმახჳლე და პა\ტივსა
Line of edition: 21    მას არა თავს-იდებდეს, რომელ ყოველთა მიერ პატივ-იცემე\ბოდა,
Line of edition: 22    რამეთუ შურდა, რომელი-იგი მათ შეემოსა სამოსლები ათი\ნელთა
Line of edition: 23    ფილოსოფოსთაჲ და მრავალთა ჟამთა ესწავლა, რაჲთამცა
Line of edition: 24    არაჲ უმეტესი აქუნდა უცხოჲსა მის და ახლადმოსრულისა.

Line of edition: 25       ხოლო მე, ათინისმოყუარემან ამან და ამაომან ვერ გულისჴმა\ვყავ
Line of edition: 26    შური იგი მათი და ვჰგონებდი, ვითარამედ სიყუარულით ეუბ\ნებიან
Line of edition: 27    და ვიხილენ რაჲ იგინი ძლეულნი მის მიერ და დანთქმულნი
Line of edition: 28    მოქცევათა მათ შინა სიტყუათა მისთაჲსა, და შემშურდა ესოდენი იგი
Line of edition: 29    სიქადული ათინელთა სიბრძნისაჲ და სახელოვნებაჲ იგი მის ქალა\ქისაჲ,
Line of edition: 30    რომელი სიბრძნესა ზედა განთქმულ იყო ყოველსა ქუეყანასა,
Line of edition: 31    რაჲთამცა ესრეთ ერთისა კაცისა მიერ ძლეულად და შეურაცხად გა\მოჩნდა.
Line of edition: 32    და ვიწყე დაცემულთა მათ და ძლეულთა 'სიტყჳსაჲ ჩემითა
Line of edition: 33    შეწევნად და აღდგინებად, რამეთუ მცირედიცა ძალი სიტყჳსაჲ ფრი\ად
Line of edition: 34    განაძლიერებს ესევითართა მათ. დაცემულნი იგი აღვადგინენ და
Line of edition: 35    შევასწორე სიტყუაჲ მათი მის თანა ძალითა, ხოლო ვითარცა ვცან
Page of edition: 30   Line of edition: 1    მზაკუვარებაჲ იგი მათი, რომელსა გამოაცხადებდეს, მეყსეულად მო\ვიქეც,
Line of edition: 2    და აფრაჲ სიტყუათა ჩემთაჲ მოვაქციე მისდა და ძლევაჲ მი\სი
Line of edition: 3    განვაძლიერე. რამეთუ რაჟამს მე დაუტევენ იგინი, ცნა ნეტარმან
Line of edition: 4    მან, რამეთუ მახჳლი იყო გონებითა და მსწრაფლი უფროჲს ელვისა
Line of edition: 5    და იწყო დართვად სიტყუათა უბადრუკთა მათ ზედა და ორკეცობი\თა
Line of edition: 6    მით სიტყუათაჲთა შეჰმუსრვიდა და არა დაუტევნა, ვიდრე არა
Line of edition: 7    სრულიად მოაკუდინნა და უსიტყუელ-ყვნა. ესე იქმნა ჩუენი მეორე
Line of edition: 8    სიყუარულისა არღარა ნაბერწყალი, არამედ ალი.

Next part


This text is part of the TITUS edition of Gregorius Nazianzenus, Vita Basili Magni.

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.