TITUS
Koriwn, Vark Mastoci
Part No. 9
Previous part

Chapter: 9 
Page: 50 
Line: 10  [Թ]


Line: 11       Ապա յետ այնորիկ առնոյր թուղթս յեպիսկոպոսէ քաղաքին եւ
Line: 12    հրաժարեալ ի նոցանէ հանդերձ ամենայն իւրովքն, բերէր առ եպիսկո\պոսն
Line: 13    Ասորոց։ Որ յորոց նախընկալն եղեւ, առաջի արկեալ նոցա զնշա\նագիրս
Line: 14    աստուածատուրս. վասն որոյ բազում իսկ գովութիւնք յեպիս\կոպոսաց
Line: 15    սրբոց եւ յամենայն եկեղեցեաց բարձրանային ի փառս Աս\տուծոյ,
Line: 16    եւ ի մխիթարութիւն աշակերտելոցն ոչ սակաւք։ Յորոց հրա\ժարեալք
Line: 17    այնուհետեւ եւ առեալ թուղթս աւետագիրս, հանդերձ շնորհա\տուր
Line: 18    պարգեւաւքն եւ ամենայն իւրայիւքն, ի շնորհացն Աստուծոյ ճա\նապարհորդ
Line: 19    լինէր. զաւթեւանաւք անցեալ աջողութեամբ եւ հոգելից ուրա\խութեամբ
Line: 20    եկեալ հասանէր ի Հայաստան աշխարհն, ի կողմանս Այրա\րատեան
Line: 21    գաւառին, առ սահմանաւք Նոր Քաղաքին, ի վեցերորդ ամի
Line: 22    Վռամշապհոյ արքային Հայոց Մեծաց։

Page: 52 
Line: 1       Եւ ոչ այնպէս մեծն Մովսէս զուարճանայր յէջս Սինէական լե\րինն.
Line: 2    չասեմք թէ առաւելաւքն՝ պակասագոյն։ Քանզի յԱստուծոյ առեալ
Line: 3    եւ աստուածագիր հրաման ի բազուկս՝ այրն աստուածատես ի լեռ\նէն
Line: 4    իջանէր. այլ վասն վրէժագործ ժողովրդեանն, որոց թիկունք ի
Line: 5    տէրունիսն եւ կործան յերկիր, տիրադրուժք յիւրեանց կուռս ձուլա\ծուին
Line: 6    երկիր պագանէին, եւ զնորին հրամանաբերն սրտառուչ սրտաբեկ
Line: 7    լացուցին. քանզի ի տախտակացն խորտակելոց յայտնի եղեալ տեսանէր
Line: 8    բերելւոյն թախծութիւնն։ Իսկ այսր երանելւոյ՝ վասն որոյ ճառեալքս
Line: 9    յարդարին, ոչ ըստ այնմ աւրինակի, որ անդն գործեցան, այլ ինքն
Line: 10    իւրով լցեալ հոգեւոր մխիթարութեամբ՝ կարծեալ զընդունելեացն յաւ\ժարութիւնն
Line: 11    եւ ընդունելեացն յուսով ուրախութեան՝ դասաւորութիւն
Line: 12    ճանապարհացն աւետաբեր։

Line: 13       Բայց մի' ոք յանդգնագոյն վասն ասացելոցն զմեզ համարեսցի,
Line: 14    թէ զիարդ զայր մի խոնարհագոյն ընդ մեծին Մովսէսի, ընդ աստուա\ծախաւսին,
Line: 15    սքանչելագործին նմանեցուցեալ հաւասարեաց. որով թերեւս
Line: 16    ստգտանիցեմք։ Եւ կարեմք այլ աւելի հաւատովք. քանզի եւ չկայ ինչ
Line: 17    ի վերայ յայտնեաւք եւ ծածկականաւք զաստուածականն խոտել, քանզի
Line: 18    միոյն Աստուծոյ ամենազաւրի շնորհք առ ամենայն ազգս երկրածնաց
Line: 19    մատակարարին։

Page: 54 
Line: 1       Եւ արդ եկեալ յիշելին մերձ ի թագաւորական քաղաքն, ազդ
Line: 2    լինէր թագաւորին եւ սրբոյ եպիսկոպոսին։ Որոց առեալ զամենայն նա\խարարագունդ
Line: 3    աւագանւոյն ամբոխ, ի քաղաքէն ելեալ՝ պատահէին
Line: 4    երանելւոյն զափամբ Ռահ գետոյն։ Եւ զցանկալի ողջոյնն միմեանց
Line: 5    տուեալ, ուստի եւ բարբառաւք ցնծութեան եւ երգաւք հոգեւորաւք եւ բարձ\րագոյն
Line: 6    աւրհնութեամբք ի քաղաքն դառնային, եւ զաւուրս տաւնական
Line: 7    ուրախութեամբ անցուցանէին։


Next part


This text is part of the TITUS edition of Koriwn, Vark Mastoci.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.