TITUS
Movses Xorenaci, Patmowtiwn Hayoc
Part No. 27
Previous part

Chapter: 26  
Ի՜Զ
Line: 13 
Sentence: 1   Թէ որպէս ի խիթի լինելով Աժդահակայ՝ զառաջիկայ իւր դիպուածն տեսանէ
Line: 14 
սքանչելի երազով։


Line: 15    Sentence: 2   Էր, ասէ յաւուրն յանոսիկ ոչ սակաւ ինչ վտանգ՝ որ ի Մարացն
Line: 16    Աժտահակայ, ի միաբանութենէն Կիւրոսի եւ Տիգրանայ։ Sentence: 3   Վասն որոյ եւ
Line: 17    ի սաստկութենէ ծփանաց խորհրդոցն լինէր նմա ի տեսլեան երազոցն
Page: 75   Line: 1    երեւութանալ ի քուն գիշերոյ, զոր ոչ երբէք յարթնութեան ետես աչօք,
Line: 2    եւ ոչ ի լուր ականջաց լուաւ։ Sentence: 4   Ուստի եւ ընդոստ ի քնոյն լինելով՝ ոչ
Line: 3    յամէ ըստ սովորութեան կարգին ի ժամ խորհրդականութեանն. Sentence: 5   այլ այն
Line: 4    ինչ գիշերոյն ժամս ունելով ոչ սակաւս՝ ձայնէ զխորհրդակիցսն. Sentence: 6   եւ
Line: 5    տրտում երեսօք յերկիր հայելով ի խորոց սրտին մռնչէ յոգւոցհանութեամբ։

Line: 6    Sentence: 7   Եւ ի զվասն էրն ի խորհրդակցացն հարցանիլ՝ յերկարէ ժամս ինչ
Line: 7    զպատասխանիսն, եւ ուր ուրեմն հեծութեամբ սկիզբն արարեալ յայտնէ
Line: 8    զամենայն, որ ի ծածուկս սրտին խորհուրդ եւ կասկած, ընդ նմին եւ
Line: 9    զիրս ահագին տեսլեանն։

Line: 10    Sentence: 8   "Էր ինձ, ասէ, ով սիրելիք, լինել այսօր յերկրի անծանօթում,
Line: 11    մերձ ի լեառն մի երկար յերկրէ բարձրութեամբ, որոյ գագաթնն
Line: 12    սաստկութեամբ սառնամանեաց թուէր պատեալ. Sentence: 9   եւ ասէին գոգցես յերկրին
Line: 13    Հայկազանց զայս լինել։ Sentence: 10   Եւ ի նայել իմ յերկարագոյնս ի լեառնն կին
Line: 14    ոմն ծիրանազգեստ, երկնագոյն ունելով զիւրեաւ տեռ, նստեալ երեւեցաւ
Line: 15    ի ծայրի այնպիսւոյ բարձրութեան, աչեղ, բարձրահասակ եւ կարմրայտ,
Line: 16    երկանց ըմբռնեալ ցաւովք։ Sentence: 11   Եւ ի յերկարագոյնս նայել իմ յայնպիսի
Page: 76   Line: 1    երեւումն եւ ի հիացման լինել՝ ծնաւ յանկարծ կինն երիս կատարեալս
Line: 2    ի դիւցազանց հասակաւ եւ բնութեամբ։ Sentence: 12   Առաջինն զերանսն ածեալ ի
Line: 3    վերայ առիւծու ՝ սլանար յարեւմուտս, եւ երկրիրդն ի վերայ ընծու՝ ի հիւսիսի
Line: 4    հայելով. Sentence: 13   իսկ երրորդն զվիշապ անարի սանձեալ՝ ի մերոյս
Line: 5    վերայ շահատակեալ յարձակէր տէրութեանս։

Line: 6    Sentence: 14   "Եւ ի մէջ խառնից այսպիսեաց երազոց, թուէր ինձ կալ ի վերայ
Line: 7    տանեաց իմոց արքունեացս, եւ զնոյն ինքն վերին երեսս յարկացս
Line: 8    տեսանել գեղեցկօք եւ բազմագունիւք զարդարեալ շատրուանօք, եւ
Line: 9    զպսակողսն մեր զդիսն հրաշատեսիկ տեսլեամբ ի վերայ կացեալս եւ
Line: 10    զիս ձեօք հանդերձ պատուել զնոսա զոհիւք եւ խնկովք։ Sentence: 15   Եւ յանկարծ ի
Line: 11    վեր նայեցեալ, զայն որ ի վերայ վիշապին հեծեալ էր այր, արծուոյ իմն
Line: 12    արդարեւ սլացեալ թեւովք տեսի յարձակել. Sentence: 16   որ մօտ հասեալ խորհէր կործանել
Line: 13    զդիսն։ Sentence: 17   Իսկ ես Աժդահակ խտրոց ընդ մէջ անկեալ՝ յիս զայնպիսի
Line: 14    ընկալայ զյարձակումն, մարտ ընդ սքանչելւոյն առնելով դիւցազինն։

Line: 15    Sentence: 18   Եւ նախ ի տէգ նիզակաց զմարմինս երկաքաչիւրոցս յօշելով, վտակս
Line: 16    արեան ի վայր հոսեցուցաք, եւ զարեգակնատես երեսս ապարանիցս
Line: 17    արեան հոսեալ ցուցաք ծով։ Sentence: 19   Այսպէս եւ զկնի այլովք զինուք ժամս ոչ
Line: 18    սակաւս։

Page: 77   Line: 1    "Բայց զինչ օգուտ ինձ եւ խօսիցս երկարութիւն. Sentence: 20   զի վախճան
Line: 2    գործոյն՝ իմն էր կործանումն. Sentence: 21   ուստի եւ ի քրտան սաստկութեան յայսպիսւոյ
Line: 3    եղեալ տագնապէ փախեաւ յինէն քունն, եւ այսուհետեւ ոչ թուիմ
Line: 4    կենդանի։ Sentence: 22   Զի ոչ այլ ինչ նշանակէ երեւութիցս շարժումն, եթէ ոչ որ
Line: 5    ի Հայկազնեանն Տիգրանայ հասանելոց է մեզ բռնութեան յարձակումն։

Line: 6    Sentence: 23   Բայց ով արդեօք, յետ աստուածոցն օգնականութեան, բանիւ եւ գործով
Line: 7    մեզ օգուտ խորհելով, ոչ զինքն կարծիցէ թագաւորակից մեր լինել"։

Line: 8    Sentence: 24   Եւ բազում ինչ ի խորհրդակցացն լուեալ օգտութեան մտածութիւն՝
Line: 9    շնորհակալութեամբ պատուէ զնոսա։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.