TITUS
Movses Xorenaci, Patmowtiwn Hayoc
Part No. 100
Previous part

Chapter: 64  
Կ՜Ե
Page: 199  
Line: 2 
Յաղագս թագաւորելոյն Վաղարշայ, եւ շինելոյ զաւանն Բասենոյ, եւ
Line: 3 
պատել պարսպաւ զՆոր քաղաք, եւ պատերազմ ընդ Խազրաց եւ մահ
Line: 4 
նորին։


Line: 5    Sentence: 1   Յետ մահուանն Տիգրանայ թագաւորէ Վաղարշ որդին նորին յերեսներորդի
Line: 6    եւ երկրորդի ամի հոմանուան իւրոյ Վաղարշայ Պարսից
Line: 7    արքային։ Sentence: 2   Սա շինէ աւան մեծ զտեղի ծննդեան իւրոյ ի վերայ ճանապարհին.

Line: 8    Sentence: 3   ուր ի գնալ մօր իւրոյ ի ձմերոց յԱյրարատ, յանկարծակի
Line: 9    պատահեալ երկանց ի գնացսն ծնաւ ի ծերայ ճանապարհին, ի գաւառի
Line: 10    Բասենոյ, ի տեղւոջն, ուր խառնին Մուրց եւ Երասխ. Sentence: 4   զոր շինեաց յիւր
Line: 11    անուն եւ կոչեաց Վաղարշաւան։ Sentence: 5   Սա պատեաց պարսպաւ եւ զհզօր
Line: 12    աւանն Վարդգէսի, որ ի վերայ Քասախ գետոյ. Sentence: 6   զորմէ յառասպելսն
Line: 13    ասեն. Sentence: 7   "Հատուած գնացեալ Վարդգէս մանուկն ի Տուհաց գաւառէն,
Line: 14    զՔասաղ գետով, եկեալ նստաւ զՇրէշ բլրով, զԱրտիմէդ քաղաքաւ,
Line: 15    զՔասաղ գետով, կռել կոփել զդուռնն Երուանդայ արքայի"։ Sentence: 8   Այս Երուանդ՝
Line: 16    առաջինն է,սակաւակեացն, որ ի Հայկազանց, զորոյ զքոյրն կին
Line: 17    առեալ Վարդգէսի՝ շինեաց զաւանս զայս. Sentence: 9   յորում եւ Տիգրան միջին
Line: 18    յԱրշակունեաց նստոյց զհասարակ առաջնոյ գերութեանն Հրէից. Sentence: 10   որ
Page: 200   Line: 1    եղեւ քաղաքագիւղ վաճառօք։ Sentence: 11   Այժմ այս Վաղարշ պատեաց պարսպաւ եւ
Line: 2    հզօր պատուարաւ, եւ անուանեաց Վաղարշապատ, որ եւ Նոր քաղաք։

Line: 3    Sentence: 12   Սա թագաւորեալ ամս քսան, մեռաւ, յաղագս բարի անուանն քան
Line: 4    զթուլագոյնս ի թագաւորացն։ Sentence: 13   Վասն զի ի սորա աւուրս միաբանեալ
Line: 5    ամբոխութիւն հիւսիսականաց, զԽաղրաց ասեմ եւ զԲասլաց, արտաքս
Line: 6    քան զդուռն Ճորայ ելանեն, առաջնորդ եւ թագաւոր ունելով ինքեանց
Line: 7    զՎնասեպ ոմն Սուրհապ. Sentence: 14   որք անցեալ վտարին այսր զԿուր գետով։

Line: 8    Sentence: 15   Որոց պատահեալ Վաղարշ ամբոխիւ մեծաւ արամբք մարտկօք՝ ցիր
Line: 9    դիաթաւալ կացուցանէ զամբոխն ընդ երեսս դաշտին, եւ ձիգ զհետ
Line: 10    եղեալ՝ անցանէ ընդ կապանն Ճորայ։ Sentence: 16   Ուր Միւսանգամ միաբանեալ
Line: 11    թշնամեացն յօրինեցին ճակատ. Sentence: 17   զորս թէպէտ եւ վանեալ քաջացն
Line: 12    Հայոց՝ փախստականս առնէին, սակայն Վաղարշ մեռանի ի ձեռաց
Line: 13    կորովեաց աղեղնաւորաց։

Line: 14    Sentence: 18   ԵՒ առնու զթագաւորութիւնն Խոսրով որդին նորին յերրորդ ամի
Line: 15    Արտաւանայ Պարսից արքայի։ Sentence: 19   Եւ նոյն հետայն միաբանեալ զզօրս
Line: 16    Հայոց, անցանէ ընդ լեառնն մեծ, վրէժս պահանջելով զմահուան հօրն.

Line: 17    Sentence: 20   եւ վանեալ սրով եւ գեղարդեամբ զհզօր ազգսն զայնոսիկ, մի ի հարիւրոց
Line: 18    յամենեցունց պիտանեացն առնու պատանդս. Sentence: 21   եւ զիւրոյ տէրութեանն
Line: 19    նշանակ՝ արձան հաստատէ Հելլենացի գրով, որպէս զի յայտ լիցի ընդ
Line: 20    հնազանդութեամբ լինել Հռոմայեցւոց։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.