TITUS
Movses Xorenaci, Patmowtiwn Hayoc
Part No. 102
Previous part

Chapter: 66  
Կ՜Է
Line: 7 
Sentence: 1   Եթէ որպէս Ագաթանգեղոս պատմեաց համառօտ։


Line: 8    Sentence: 2   Որպէս ասացաք ի Վաղարշայ առնու զթագաւորութիւնն Խոսրով
Line: 9    որդին նորին, հայր սրբոյ մեծին Տրդատայ։ Sentence: 3   Յաղագս սորա եւ համատոհմիցն
Line: 10    կարճ ի կարճոյ իմն անցանելով աջող քարտուղարն Տրդատայ
Line: 11    Ագաթանգեղոս, փոքր իմ շատէ պատմէ զմահն Արտաւանայ Պարսից
Line: 12    թագաւորին, եւ զբառնալ տէրութեանն Պարթեւաց յԱրտաշրէ որդւոյ
Line: 13    Սասանայ, եւ զնուաճելն Պարսից ընդ ձեռամբ նորա, եւ զքինախնդիր
Line: 14    լինել Խոսրովայ Հօր Տրդատայ, եւ ասպատակաւ հինից աւերել զաշխարհն
Line: 15    Պարսից եւ Ասորեստանեայց։ Sentence: 4   Յետ որոյ ասէ, թէ յղեաց Խոսրով
Line: 16    յիւր բնիկ աշխարհն, ի կողմանս Քուշանաց, զի իւր տոհմայինքն ի թիկունս
Line: 17    հասցեն, եւ Արտաշրի ընդդէմ կացցեն։ Sentence: 5   Այլ Նոքա, ասէ չլինէին
Line: 18    ունկնդիր, զի հաւանեալք եւ միամտեալք էին ընդ տէրութիւնն Արտաշրի
Line: 19    քան ընդ տէրութիւն ազգատոհմին իւրեանց եւ եղբայրութեանն,
Page: 203   Line: 1    եւ եթէ Խոսրով առանց նոցա վրէժս պահանջէ. Sentence: 6   եւ զնովիմբ ածեալ
Line: 2    ասէ, թէ ամս տասն ստէպ զայս օրինակ աւար առեալ զամենայն
Line: 3    երկիրն յապականութիւն դարձուցանէր։ Sentence: 7   Ասէ ապա եւ զգալն Անակայ
Line: 4    նենգութեամբ, հրապուրեալ ի խոստմունս Արտաշրի, որ ասացն,
Line: 5    եթէ "զբուն պատուական զձեր սեպհական Պահլաւն, զայն անդրէն
Line: 6    ի ձեզ դարձուցից, եւ զքեզ թագաւ փառաւորեցից"։ Sentence: 8   Վասն որոյ յանձն
Line: 7    առեալ Անակայ՝ սպանանէ զԽոսրով։

Line: 8    Sentence: 9   Արդ՝ թէպէտ եւ Ագաթանգեղոս այսպէս համառօտ էանց ընդ այս,
Line: 9    բայց ես հաւանեալ եմ ձիգ եւ յերկար առնել զպատմութիւն ժամանակիս
Line: 10    այսորիկ, ճառելով ի սկզբանէն, եւ ճշմարիտ ասացուածովք հոծ
Line: 11    եւ խիտ։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.