TITUS
Zamagirk
Part No. 114
Previous part

Page: 399   Line: 1     ամենայն սրբոց՝ շնորհեսցէ մեզ մարդասէր
Line: 2     աստուած կեալ առաքինութեամբ ի փրկութիւն անձանց
Line: 3     մերոց, ի պատիւ եւ ի փառս կենդանացուցիչ անուան
Line: 4     իւրոյ։ Յոյս հաղորդութեան ընկալցուք ի
Line: 5     յայտնութիւն միածնի որդւոյն աստուծոյ՝
Line: 6     կերպարանակից առնել զմարմին խոնարհութեան մերոյ՝
Line: 7     ըստ նմանութեան մարմնոյ փառաց իւրոց. Վասն զի զայս
Line: 8     խոստացաւ սիրելեաց իւրոց ճշմարիտն աստուած յիսուս
Line: 9     քրիստոս տէր մեր, կեցո եւ ողորմեա։ Տէր ողորմեա։

Line: 10        Ժամս եւ զառաջիկայ օրս խաղաղութեամբ անցուցանել՝
Line: 11     հաւատով ի տեառնէ խնդրեսցուք։ Շնորհեա տէր։

Line: 12        Զհրեշտակ խաղաղութեան պահապան անձանց մերոց՝ ի
Line: 13     տեառնէ խնդրեսցուք։ Շնորհեա տէր։

Line: 14        Զքաւութիւն եւ զթողութիւն յանցանաց մերոց ի
Line: 15     տեառնէ խնդրեսցուք։ Շնորհեա տէր։

Line: 16        Զսրբոյ խաչին մեծ եւ կարող զօրութիւնն յօգնութիւն
Line: 17     անձանց մերոց ի տեառնէ խնդրեսցուք։ Շնորհեա տէր։

Line: 18        Եւ եւս միաբան վասն ճշմարիտ եւ սուրբ հաւատոյս
Line: 19     մերոյ զտէր աղաչեսցուք։ Տէր ողորմեա։

Line: 20        Զանձինս մեր եւ զմիմեանս տեառն աստուծոյ
Line: 21     ամենակալին յանձն արասցուք։ Քեզ տեառնդ յանձն
Line: 22     եղիցուք։

Line: 23        Ողորմեաց մեզ, տէր աստուած մեր, ըստ մեծի
Line: 24     ողորմութեան քում. ասասցուք ամենեքեան
Line: 25     միաբանութեամբ։

Line: 26        Տէր ողորմեա. Տէր ողորմեա. Տէր ողորմեա։

Line: 27        (ԱՂՕԹՔ)
Line: 28        Զգեցո մեզ, տէր աստուած մեր, զէն արդարութեան,
Line: 29     զօրաւոր եւ յաղթող լինիլ ընդդէմ սատանայական
Line: 30     պատերազմաց. եւ զամենայն հրեղէն նետս նորա
Line: 31     շիջուցանելով՝ անկասկած լիցուք յիրաց խաւարային
Line: 32     գնացից՝ ի գայթակղութենէ դիւին ի հասարակ աւուր։ Եւ
Line: 33     զգաստացեալք վայելչական տուընջեամբս
Line: 34     առաքինութեամբ կացցուք ի փրկութիւն անձանց մերոց.
Line: 35     ի պատիւ եւ ի փառս սրբոյ երրորդութեանդ, այժմ եւ
Line: 36     միշտ եւ յաւիտեանս յաւիտենից. ամէն։

Line: 37        Խաղաղութիւն ամենեցուն։ Աստուծոյ
Line: 38     երկիրպագեսցուք։

Line: 39        Երկնաւոր խաղաղութեամբ քով պարսպեալ պահեա
Line: 40     զանձինս մեր. տէր զօրութեանց։ Վասն զի դու ես
Line: 41     աստուած խաղաղութեան, եւ բաց ի քէն զայլ ոք ոչ
Line: 42     գիտեմք. եւ զանուն
Next part


This text is part of the TITUS edition of Zamagirk.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.