TITUS
Zamagirk
Part No. 127
Previous part

Page: 417   Line: 1     ամենայն սրտիւք մերովք եւ խնդրեմք զգթութիւն
Line: 2     ի քէն. որպէս խոստացար ծառայից քոց եւ ասացեր,
Line: 3     զամենայն զոր ինչ խնդրիցէք հաւատով յանուան
Line: 4     որդւոյ ի հօրէ՝ տացի ձեզ։ Շնորհեա եւ այժմ
Line: 5     հաւատացելոցս ի քեզ՝ եւ կատարեա ի բարիս
Line: 6     զխնդրուածս մեր՝ զի ի քեզ եմք ապաւինեալ։ Եւ քո առատ
Line: 7     ողորմութեամբդ մխիթարեա զմեզ ի կեանս յայսոսիկ, եւ
Line: 8     առաջնորդեալ հասո յանճառ երկնից արքայութեանդ. ի
Line: 9     փառաբանութիւն եւ ի պատիւ ամենասուրբ
Line: 10     երրորդութեանդ. այժմ եւ միշտ եւ յաւիտեանս
Line: 11     յաւիտենից. ամէն։



Chapter: 113 
Line: 12  

Ի* ՍԱՐԿԱՒԱԳ* ՎԱՐԴԱՊԵՏԷՆ* ԱՍԱՑԵԱԼ*


Line: 13        Յիշեա, տէր, զպաշտօնեայս քո, զծնողսն մեր,
Line: 14     զվարդապետս, զեղբայրս, զընկերս, զկերակրողս,
Line: 15     զուխտաւորս, զճանապարհորդս, զհանգուցիչս,
Line: 16     զվաստակաւորս, զխոստովանողս, զապաշխարողս, զգերիս,
Line: 17     զհիւանդս, զնեղեալս, զիշխանս, զչարարարս,
Line: 18     զբարերարս, զթշնամիս, զատելիս եւ որք պատուիրեցին
Line: 19     մեզ հաւատով։ Յիշեա տէր եւ ողորմեա։

Line: 20        Բարերար եւ բազումողորմ աստուած, քո անմոռաց
Line: 21     գիտութեամբդ եւ անբաւ մարդասիրութեամբդ յիշեա
Line: 22     զամենայն հաւատացեալս ի քեզ, եւ ողորմեա
Line: 23     ամենեցուն։ Օգնեա եւ փրկեա յիւրաքանչիւր վտանգից
Line: 24     եւ ի փորձութեանց։ Արժանաւորեա գոհութեամբ
Line: 25     փառաւորել զհայր եւ զորդի եւ զսուրբ հոգիդ, այժմ եւ
Line: 26     միշտ եւ յաւիտեանս յաւիտենից. ամէն։


Next part


This text is part of the TITUS edition of Zamagirk.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.