TITUS
Wolfenbuettel Postilla
Part No. 103
Previous part

Page: 51v  

Line: 1      neſanga gwaltu a ſu ſilu apſedis bua karaliſten ſʒidụ,
Line: 2      a didei daug pikta ſʒidams daſʒnai dare, Nie=
Line: 3      kad tada ghis nebua pakagingas ſʒirdes, Jr dri=
Line: 4      ſus nog ſʒidụ, wenat bijadamas ta, Jdant ghe
Line: 5      kakiu budu atpentʒ ſawenſp karaliſtes nepriwerſ=
Line: 6      tụ, A ia nog ſawens kaip tai teip pikciauſia ſmar=
Line: 7      kinga neiſchtremtụ, a ipatei kad iſchgirda kara=
Line: 8      lu iſch gimines ſʒidụ nauiei uſʒgimuſị, kadel
Line: 9      ghiſsai ganna driſus* galleija buti, kadangi
Line: 10      Cħus Jeſus nedel ſcha ſwetiſʒka panawaghima ira
Line: 11      atteijs, liſchei del wiſsụ iſchganima, kaip ir baſʒ=
Line: 12      nicʒe krikſʒaniſʒka gieſti ape tai: Nepretelau Hera=
Line: 13      de piktaſis, Cħaus atteiti ka bijeiſi, neatima
Line: 14      ghis ſcha ſwetiſchka kurſai doſt amſʒina.

Line: 15      Wiſsas meſtas Jeruſalem ſmutijaſsi tadel, kaipa=
Line: 16      gi ghe 30 metụ paiutin bua ir kenteghia* ant
Line: 17      ſawens didị ſmarkumụ, teip nog Rimianụ
Line: 18      kaip ir nog Heroda, Tai ghe tada atmindami,
Line: 19      a ſcha girdedami, kitụ nauiu karelụ uſʒgimuſị,
Line: 20      bijaiaſsi Jau wel nepakaiaus ſaw, kaip ir pirma,
Line: 21      Bet *taſsai iun bijaghimaſs* iſchrada iun didi netike=
Line: 22      ghimụ, a uſʒkietawiuſi ir uſʒkepuſị ſʒirdin iun.
Line: 23      Neſanga kad ghe ipacʒiamis ſʒmanemis ſtaieſsi buti,
Line: 24      netur ghe bijateſsi angu ſmutiteſsi, bet didʒiaus
Line: 25      dʒauktes, a linkſmintes del uſʒgiminna Cħaus
Line: 26      Jeſaus karelaus ſawa, Bet kaip ſche girdi=
Line: 27      me, atmetị ghe wiſsan nuſsitikeghimụ ſawạ
Line: 28      ing nuſʒadeijmus pana diewa, ape ſawā iſchwa=
Line: 29      dawimụ, atpirkimụ a iſchganimụ, welija
Line: 30      ſu piktoiu karelum Herodu buti pa newaliu,
Line: 31      a nekaip anna iụ karelụ, kurſai amſʒinụ iſchga=
Line: 32      nimụ atneſche, prijmti ϕ. Takia taſkat ira
Line: 33      ſʒmagiſʒka pagadinta natura ∻ prigimimas,
Line: 34      kaipagi ſʒmagus gierraus ſaw ſtata ir laika, Jeib
Line: 35      kakingi pakaiụ kuna, nekaip ſu kakio nepaka=
Line: 36      ium a iſchſkadu Cħun Jeſụ iſchgielbetaghị nog wiſ=
Line: 37      ſụ nepakaiụ ir iſchſkadụ, prijmti. Kalba

Line: R      <Egłe>

Next part


This text is part of the TITUS edition of Wolfenbuettel Postilla.

Copyright TITUS Project, Frankfurt a/M, 20.3.2012. No parts of this document may be republished in any form without prior permission by the copyright holder.