TITUS
Wolfenbuettel Postilla
Part No. 117
Previous part

Page: 58v  

Line: 1      Diewā pamacies ∻ pagalbas a padeijma tur melſti
Line: 2      preſch takius didʒius iſchkadimus, ko welinas du=
Line: 3      maija iſchkaditi indiwnai, ipatei iauniſtei augu
Line: 4      berniſtei. Tulas kartas daſʒnai girdime daug
Line: 5      ſkundʒiaſsi ant waikụ ſawa, ir rugaija ant iun,
Line: 6      bet ta neſsidabaija*, kaipagi ira tai karaghimas
Line: 7      Diewa ant iun, tadel kaipagi ghe tikiſsi wai=
Line: 8      kus ſawa ing gerrus iſcheijancʒius be ſʒegnaghima
Line: 9      pana Diewa, kuria nekad angu retai melde. dic.
Line: 10      Trecʒia tur ſaw dumati gimditaiei, kaip tai kaſchtau=
Line: 11      nas brangus a graſʒius daikts ira, waikelis kurị
Line: 12      pats panas Diewas, ſʒiwate matinas ſutwere, da=
Line: 13      wanaig kunụ ir duſʒụ, ſatinaija per tan cʒeſan,
Line: 14      ir patam ant ſchas ſaules angu ſchweſibes, tai eſt
Line: 15      ant ſcha ſweta iſchleidʒia, Jdant tụ panụ Diewụ
Line: 16      ſutwertaghị ant ſawens, kaip kada ant tabli=
Line: 17      cʒias raditụ,

Line: 18      Ketwirta tur ſʒinat gimditaiei, kaipagi tai angu ape
Line: 19      tai* eiliu tur rupinteſsi, Pirmiauſei* ape rupingai
Line: 20      priweiſdentị aukleghimụ a prideghimu iụ, ape
Line: 21      penukſʒlụ ∻ ape papeneghimụ, a pridengimụ iụ,
Line: 22      Pregtam ir ape rikſchte iemus, ape applakima
Line: 23      kartais iun, Jdant ing kakiụ ſawawalniſtẹ, dika=
Line: 24      wimụ a paikawimụ* neapſileiſtụ, (dic.) kaip ios
Line: 25      graſʒniai uſʒlaikitun, Duſchei iun tur rupinties,
Line: 26      ape pamakinimụ, A tu dweijaku, Duchawniſʒkas
Line: 27      gieru pakagingu a linkſmu ſanſʒinu prig pana Diewa,
Line: 28      uſʒlaika, ſchis ſwetiſʒkas gierụ *ſʒlawen nog ſʒmanụ
Line: 29      gauna, Ape todu daiktu kiekwenas ſcheme ſwe=
Line: 30      te, angu ſʒiwate tur rupinties, tai eſt, kaip ir prig
Line: 31      pana Diewa gierra pakaghinga a linkſma ſanſʒina mu=
Line: 32      ſu butụ, ir preg ſʒmanụ gieras wardas, Tai S
Line: 33      Paw: abeija uſʒweria ſʒadʒioſa ſawa kur kalba: Gim=
Line: 34      ditaiei auklekite waikus iuſụ makinimi karo=
Line: 35      gimi wieſʒpaties, Tai mumis ſtiprinaſsi ir Tobi=

Line: R      <aſchaus < < Tobi=ai>>

Next part


This text is part of the TITUS edition of Wolfenbuettel Postilla.

Copyright TITUS Project, Frankfurt a/M, 20.3.2012. No parts of this document may be republished in any form without prior permission by the copyright holder.