TITUS
Wolfenbuettel Postilla
Part No. 212
Previous part

Page: 106r  

Line: 1      nari ir gal mus gielbeti a welinụ iſchgalleti. 4 Jdant
Line: 2      mes weru preſch ghị gintumbimes, pagal anụ
Line: 3      ſʒadʒiụ ſ: Pätra* Praſsitiwikite iam* weru, wera
Line: 4      neſanga ira iſchgalleijmas ſweta kaip ſ: Janas
Line: 5      kalba, 1 Jon: 5 tardams, tai* ira galeijmas kur=
Line: 6      ſai gali ſwetụ wera iuſụ. 5 Jdant iau teip per*
Line: 7      Cħun Jeſ: budami iſchgielbeti nog wiſsakia ſmarku=
Line: 8      mu welina paſʒintumbim a ſupraſtumbim Cħụ
Line: 9      Jeſụ wiſsada but prig ſawens pagal amụ ſʒadʒ=
Line: 10      un praraka. 1 Reg: 17 kạ kalba Jdant ſʒinnatụ
Line: 11      wiſsa ſʒeme, kaipagi ira Dewas ing Jſrael ∻ baſʒni=
Line: 12      cʒai ſawa, Jr kaip kalba* pats ſunus Diewa
Line: 13      Math: 28 ſchiſkat eſch eſmi ſu iumis wiſsamis
Line: 14      dienamis net ik pagineghimi ſweta. Jr teip pa=
Line: 15      tam turrime garbinti ſchlawinti panụ Dewụ
Line: 16      ir iam dekawati, uſʒ ia iſchgelbeghimụ* ϕ Cʒia
Line: 17      m: k: ir k: eſte girdeijn ape welinụ kas ghis ira
Line: 18      kan dara, kadel teip kerſchija baſʒnicʒei. Jr wel
Line: 19      *tai iam kadel perleidʒia panas Diewas. Nu tada
Line: 20      m: apentʒ* ape karaliu Jeſ: Cħun klauſikima kas
Line: 21      ghis* ira.* kạ dara.* a kadel dara.* Kas ira Cħus?
Line: 22      Jra Diewa ſunus nog tewa pirma wiſsụ amſʒiụ
Line: 23      gimens, amſʒinas Dewas ſu amſʒinu tewu ir
Line: 24      Dwaſiu ſ: kaip ir iſchtikeghimoſa weras iſchpaſinſta=
Line: 25      me* Nuſʒengie iſch dangaus del muſụ iſchganima*,
Line: 26      prijeme ſʒmagiſʒkụ* naturụ ∻ prigimimụ, Jdant*
Line: 27      ſawa ſmertim iſchgielbetụ wiſsus ing ſawe tikin=
Line: 28      cʒioſus nog amſʒinas ſmertes. Kan dara? tai
Line: 29      mumis iſchrada Egła ſchas dienas. 1 kaipagi at=
Line: 30      wera tam kurcʒiam auſis, Patam iſchmeta iſch
Line: 31      ia welinụ, iſchriſcha leſʒuwị, Jdant* galletụ kal=
Line: 32      beti, Jr teipageg akis atwera Jdant galletụ re=
Line: 33      geti, Tai ghiſsai wiſsada kiek ſʒednas* dienas
Line: 34      duchawnai baſʒnicʒai ſawa dara. Atweria
Line: 35      mumis auſis Jdant galletumbim girdeti ſʒadị

Next part


This text is part of the TITUS edition of Wolfenbuettel Postilla.

Copyright TITUS Project, Frankfurt a/M, 20.3.2012. No parts of this document may be republished in any form without prior permission by the copyright holder.