TITUS
Old Georgian Hagiographical Texts, vol. I
Part No. 19
Previous part

Chapter: XIX  
Line of ed.: 15        19. და მაშინ-ღა მსწრაფლ მოიღო სანატრელმან მან ეპისკოპოსმან
Line of ed.: 16     იოვანე შესაგრაგნელად სუდარი წმიდაჲ წმიდათა მათ და პატიოსანთა ნაწილთა
Line of ed.: 17     მისთაჲ, და ეგრეთ სხუათა მათ აღვიღეთ გუამი იგი ფრიად დამაშურალი
Line of ed.: 18     და დაჭმული მატლთა, და განვბანეთ იგი მატლისა მისგან მიწოვანისა
Line of ed.: 19     და თხრამლისაგან, და შევჰმოსეთ მჩურითა მით. და მაშინ-ღა ეპისკოპოსთა
Line of ed.: 20     მათ ორთა-ვე, იოანე და აფოც, ვითარცა ჴართა მჴნეთა დაუღლევილთა
Line of ed.: 21     ზესკნელისა მის ფასისათა, ყოვლით კრებულითურთ ფსალმუნითა
Line of ed.: 22     სულიერითა და კეროვნითა აღნთებულითა და საკუმეველითა სულნელითა
Line of ed.: 23     აღვიხუენით პატიოსანნი ძუალნი და გამოვიხუენით წმიდასა მას ეკლესიასა.
Line of ed.: 24     და დავჰკრძალენით წმიდანი იგი და დიდებულნი და პატივ-ცემულნი
Line of ed.: 25     ნაწილნი წმიდისა შუშანიკისნი განმზადებულსა მას ადგილსა, და მას ღამესა
Line of ed.: 26     ანგელოზთა სახედ ღამჱ იგი განვათიეთ და დავითის ქნარითა მით
Line of ed.: 27     ყოვლად ძლიერსა ღმერთსა და ძესა მისსა უფალსა ჩუენსა იესუ ქრისტესა
Line of ed.: 28     ვადიდებდით, რომელი ყოვლითა ყოველთა მიმართ შემძლებელ არს***
Line of ed.: 29     და განამჴნნის მამანი-ცა და დედანი-ცა და თჳსთა მათ თჳსი იგი ძლიერებისა
Line of ed.: 30     ძლევაჲ მიჰმადლის ყოველთა, რომელნი ეძიებენ მას ერთითა გულითა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.